بشرا ساره لراعين الباثفندر الي يعانون من المقصات

[ابو علي 99]

بدون مقدمات لاني ماعرف

مساء الخير جميعا
المقصات للباثفندر غاليه قيمتها تقريبا حول الالف ريال
والمشكله انه مايخرب الا الجلد ولا تجي لحالها حسبي الله عليهم لا كن بعد تجربه و بحث وفك وربط تم حل المشكله وهي تغيير الجلد التالفه بجلد اخري
اكلف ماعليك انك تروحح لميكانيكي عنده مكبس جلد هيدروليكي وتخليه يفكلك الجلد الاماميه في المقص لانها هي الي تخرب
ويركبلك جلد مقص جيب ربع تايوتا اما الخلفيه لا تغيرها لانها ماتخرب ماعليها ضغط
انا سويتها عند السيف الي في بريده الشارع التجاري عند موسي والي في بريده يروحله يضبطها له ولا تنسونا من الدعا كل الشغله ماتكلف اقل من نص قيمه قطع الغيار

[أصيل حجآ زي]

http://im.gulfup.com/2011-02-10/12973306271.jpg


الله يجزآك خير يا أبو عـــــــــــــــــــــــــــــــــلــي
على النصيحة وتبآدُل التجربة .

ويا ليتك صورتها ونزلت الصوّر كآن أفضل .

ما عليش المرة الثآنية / التآلية .

الى الأمـآم لكسر الأحتكآر والنصب والأحتيآل .


موفق
وتلقى خير بأذن الله

[ابوراكان تبوك]

بعد اذن صاحب الموضوع

الله يعطيك العافية اخوي اصيل ممكن تشيك ع الخاص حاولت ارسل لك رسالة لكن صندوق الوارد عندك مايقبل بسبب كثرة الرسائل

[أصيل حجآ زي]

بعد اذن صاحب الموضوع

الله يعطيك العافية اخوي اصيل ممكن تشيك ع الخاص حاولت ارسل لك رسالة لكن صندوق الوارد عندك مايقبل بسبب كثرة الرسائل




أخي الكريم / أبو رآكآن

حـــفــظـك الله ووآلديك وذريتك ومن يعز عليك .

المعذرة :
ما أقدر أفتح الخآص الا للضرورة النآدرة .


تعبت من كثرة الأسألة على الخآص
التي هي مفروض يطرحها الشخص
على العآم .


ما عندي خوآص .


أذا أحد عندهُ مــُشكلة عن السيآرآت
أو أي شيء تقني مفروض يطرحه


يسدحهُ موضوع على العآم بالخيمة .


وأنا أخدم الجميع بقلبي و بعيوني .
:f



موفق
وتلقى خير
بأذن الله يالطيب .

[sami272]

عزيزي الله يعطيك العافية لكن ياريت توصف لنا السيف لأنه فيه اكثر من محل بالشارع التجاري و سالت عن المقصات صارن على 750 ريال تقريبا يعني 1500 ريال للثنيتن
فشرايك ياعم يقدر يضبطهن ؟

[جبل ادقس]

اخوي بارك الله فيك على النصيحه ورحم الله والديك

عندي سؤال . وش موديل الجيب الربع اللى نأخذ الجلود حقته ؟؟

يعني اروح لمحل قطع الغيار واقوله عطني جلود مقصات جيب ربع ؟؟ ولا له موديل معين ..

انتظر اجابتك ويعلم الله اني اعاني من هالجلود لفتره تزيد عن شهرين وخلها على ربك ..

[قرم العيال]

نعم نفس اساله الشباب ..

شكلك عجل يوم تكتب الموضوع

نبي تفاصيل اكثر .,.

الربع اي موديل !! وبكم قيمتها

[السليطين]

ياليت تقولنا كم موديل الباث وكم موديل الربع ...

[sami272]

أمر عليه بكرة إن شاء الله و استفسر منه (اللي هو السيف طبعا) .

[sami272]

السلام عليكم و رحمه الله و بركاته
رحت اليوم لباكستاني بجانب دوار البلدية و قال هذا الصوت صوت جلب المقصات قلت له فيه معلوم لكن وش الحل المقصات ما تجي الا كاملة و غالية قل و انا عمك:D ادبرهن لك دون تغيير قلت شلون قال قرب موترك بس و جر معه لصتك كفر ودخل تحت الددسن قصدي الباثفندر :p و فك المقصات و دبلهن بقطع من اللستك وقال رح جرب و الحمد لله و ماشاء الله اختفت الاصوات قلت له كم تبي قال 20 ريال قلت لا ياشيخ واضرب بالريال و اعطيه 30 ريااااااال تعرفون كريم ,
بعدها مريت محل الاشقر لقطع الغيار و سالته عن صاجة الماكينة وقال ب 55 ريال و تجي بعد اسبوع إن شاء الله والاصلية بـ 420 ريال :eek: و سالته عن المقصات قال عندي صيني ببلاش قلت بكم قال بـ 100 ريال كاملة قلت ليتي داري .
صارت قصة صح ;).
هذا اللي صار و السلام عليكم

[أصيل حجآ زي]

قلت له كم تبي قال 20 ريال قلت لا ياشيخ واضرب بالريال و اعطيه 30 ريااااااال تعرفون كريم ,







http://im.gulfup.com/2011-02-10/12973306271.jpg


بصرآحة أنك كريم :
أعطيتــُه 50% زيآدة عن طلبــه .

وغريب بآكي ما يطلــُب الا عشرين .
:good2:

طيب لو قآل 100 كم بتعطية ؟؟؟
أكيد 150 حتى تسير فعلآ كريم !!!
:f

[sami272]

لا و الله يا خوي الكرم له حدود .... تدري عاد اني جالس افكر ارجع له و اخذ عشرتي ههههههه تهقى يوافق ؟
شاكر مرورك

[أصيل حجآ زي]

لا و الله يا خوي الكرم له حدود .... تدري عاد اني جالس افكر ارجع له و اخذ عشرتي ههههههه تهقى يوافق ؟
شاكر مرورك



ضحتني
:D

ما ودي أقول الله يرجـّك بس بأقول الله يرُج شيطآنك .

أخآف المرة تطلع وتشوفني أضحك تفتكرني جآلس أدردش مع !!!!!!!
:good2:

صدقني بيرجعها .
لأن فعلآ فيهــُم بعض الطيبين .
ومن كــُل الجنسيآت نآس طيبين وأُمناء ومـُخلصين .
طبعآ :
أصآبعك ما هي زي بعض ولو أن الشر والنصب والغش أصبح شآيع .
:f

[السليطين]

مارديت علينا ياراعي الموضوع ......

وش نوع السيارات

[السليطين]

للرفع ........................