المساعد الشخصي الرقمي

مشاهدة النسخة كاملة : للبيع كاميرا كانون 550d الشهيرهـ .. إستخدام 3 اسابيع فقط


kfoOo
28/12/2011, 09:25 PM
السلام عليكم ورحمة الله وبركاتهـ

كاميرا canon 550d الإحترافيهـ طبعاً .. غنية عن الوصف والشرح .. قد تكون الأشهر من إصدارات كانون في فئتها .. على كل حال

الكاميرا قبل ثلاث اسابيع وصلت .. وأنا اللي أخرجتها بيدي من كرتونها .. جديدهـ ولا فيها خدش حتى غبار مافيها ههههه ..
الكاميرا لأبن عمي .. ب تباع بسبب أنه شراها موضهـ وفشخرهـ ولا عرف لها .. :D
وأنا عندي مثلها ولله الحمد فما أحتاجها

الكاميرا بكرتونها كامل وأكياس العدسهـ موجودهـ بعد + ذاكرة 16 قيقا + فلتر + شنطتها الخاصهـ + ريموت للتصوير عن بعد

أتمنى السسسوم للجادين فقط .. والكاميرا جديدهـ والله علينا رقيب
kfoOo
28/12/2011, 09:31 PM
بالمناسبهـ أنا في محافظة النعيريهـ ( المنطقهـ الشرقيهـ ) اللي قريب لهـ حق الرؤيهـ والفحص .. والسوم للرجال اللي فلوسهـ حاضرهـ ماهوب واحد يسوم لآخر الشهر
شواقه
28/12/2011, 10:45 PM
بالتوفيق
.....................
سعود حائل
28/12/2011, 11:00 PM
1500 ريال

اوكي يناسب السعر
azeez050
28/12/2011, 11:11 PM
غنية عن الوصف والشرح .. قد تكون الأشهر من إصدارات كانون في فئتها ..

من وين جبت هالكلام ؟!!!!!!

طلع بعدها 600D ازين منها .. وعموماً اي فئة تنزل من كانون تكون احسن من اللي قبلها

600D فيها شاشة متحركة ومحمية بغلاف.. وكاميرتك الشهيرة الشاشة ثابته وقابلة للخدش..

ال 600D فيها وايرلس للفلاش كنترول .. وكاميرتك الشهيرة مافيها ..

هذي المواصفات وانتم احكموا وفرقو .:

600D :
18 Megapixel APS-C
3.7 fps /Full HD Video
3.0" LCD with live view
ISO 100-6400
Built-in wireless flash control
============================

500D :
18 Megapixel
Full HD Video
ISO 100-6400
3" Live View LCD

على العموم الله يوفقك بالبيع بس انا كتبت هالشي من باب المناصحة وليس الغش فقط

شكراً
وليد السودي
28/12/2011, 11:16 PM
2000 ريال مبدأيا
kfoOo
28/12/2011, 11:50 PM
من وين جبت هالكلام ؟!!!!!!

طلع بعدها 600D ازين منها .. وعموماً اي فئة تنزل من كانون تكون احسن من اللي قبلها

600D فيها شاشة متحركة ومحمية بغلاف.. وكاميرتك الشهيرة الشاشة ثابته وقابلة للخدش..

ال 600D فيها وايرلس للفلاش كنترول .. وكاميرتك الشهيرة مافيها ..

هذي المواصفات وانتم احكموا وفرقو .:

600D :
18 Megapixel APS-C
3.7 fps /Full HD Video
3.0" LCD with live view
ISO 100-6400
Built-in wireless flash control
============================

500D :
18 Megapixel
Full HD Video
ISO 100-6400
3" Live View LCD

على العموم الله يوفقك بالبيع بس انا كتبت هالشي من باب المناصحة وليس الغش فقط

شكراً


أول شيء أتمنى تستحي على وجهكـ .. ثاني شيء اقرا كلامي زي ماهو مكتوب
ماقلت آخر أصدار هههههههههه .. كاتب قد تكون من أشهر الأصدارات .. ولا حظ كلمة قد تكون .. هذا أمر
الأمر الثاني قلت كلمة أشهر وليست افضل .. وبما اني قلت هالكلام .. أؤكد لك بدون كلمة قد تكون
ان الكانون الدي 550 اشهر بكثير من الدي 600 وإذا أنكرت فانت جاهل للكاميرات لإنها الـ 550 دي أقدم وأكثر إنتشار وأول فئهـ من ثلاث خانات تحمل 18 ميغا بيكسل والله العالم

فئة ثلاث خانات يعني 450 و 500 و 550 فهي اول وحدهـ في هالفئهـ دقتها أكبر من اللي قبل

والكاميرا الدي 600 عندي وهي ونفس مواصفات ال 550 اللهم الشاشه المتحركه ومفيدهـ جداً للتصوير الشخصي ووزنها اثقل بشوي وفيها وايرلس بس ماجربتهـ وفرق 400 ريال فقط ..

والمقارنهـ اللي جايبها ترى مافيها فرق تقريبا الا بالسطر الاضافي اللي كاتبه اللي هو
Built-in wireless flash control
يعني كل الكاميرتين فل اتش دي وشاشة ال سي دي كريستال .. والايزو نفس بعض .. والبيكسل نفسهـ 18 ميغا .. ههههههههههههههه .. يعني تعبت نفسكـ بالمقارنهـ العجيبهـ ذي :D

شكلكـ مافهمت قصدي :D شوف


600D :
18 Megapixel APS-C
3.7 fps /Full HD Video
3.0" LCD with live view
ISO 100-6400
Built-in wireless flash control


550D :
18 Megapixel
Full HD Video
ISO 100-6400
3" Live View LCD

اللي بالأزرق يعني بكل الكاميرتين موجود :D

الموضوع فالنهايهـ ماهو عن مقارنات .. لكن أبي اعلمكـ ان المقارنهـ اللي جايبها أنت تختلف بسطر واحد لو حطيتهـ لحالهـ يكفي خخخخ .. غير الشاشهـ المتحركهـ طبعاً اللي ماكانت ضمن السطور الأنقليزيهـ وأنتبهـ انها 550 مو 500 مثل ماأنت كاتب

وأفهمكـ أيضاً أن كلامي واضح ولا يحتاج تأويل او لف يمين أو يسار .. وكلمة غش جعلها في ذمتكـ ليوم الدين .. فإذا ورد فالموضوع غش مني بكلمة او بطريقهـ ما او بمعنى اقسم بالله العظيم وأشهد الرجال اللي يمرون الموضوع ان الكاميرا هديهـ مني لكـ وتجيكـ بالفيدكس .. واسمي ذيب بن جزاء العتيبي واحلق شارب رجالن مايحمي كلمتهـ وإذا ماتبيها أنت .. أنا أهديها لأول سومهـ .. وانتهى
kfoOo
28/12/2011, 11:54 PM
بالنسبهـ للسوامهـ لاهنتم يالربع .. يجيب الله خير وتونا على البيعهـ
قطرآت آلمطر
29/12/2011, 03:08 AM
اخوي الغالي كم حدك بالكاميرا < ارسله لي خاص

وانا من الشرقيه وجاد
آنفاسك عطري
29/12/2011, 04:41 AM
باتوفيق يَ غلا ,
tiger.anas
29/12/2011, 04:51 AM
اخوي انا جاد بالشراء بـ 2350 ريال , بشرط تكون الفاتورة موجودة وسعرها جديد بـ 3000 عند الحارثي وبعض المواقع بـ 2700
نديم الجدي
29/12/2011, 06:38 AM
من وين مشتراها

من الوكيل والا من برا
Ra3e aljeep
30/12/2011, 02:05 AM
يا ذيب أنا بوصيك لا تأكل الذيب *** كم ليلة عشاك عقب المجاعة

كفو يا ابو جزاء تقول وتفعل
عاشق وولهان
30/12/2011, 02:37 AM
اخي العزيز صاحب الموضوع كلامك صحيح مئه بالمئه ...بالنسبه للكام 600 طبعاً الفرق فقط الشاشه متحركه وهذا شي غير مرغوب فيه لانها غير عمليه افظل مانزل الكام 500 و550
وسلامتك...الله يرزقك بالبيعه الي تسرك
omar salman
30/12/2011, 03:28 AM
وعليكم السلام ورحمة الله وبركاته
ليه كل هالتجني على الــ 600 :) هدو الوضع "
كل إنسان وله قناعاته أنا مرة كنت بنادي الهلال
وكان فيه تزاحم على الأمير عبدالله بن مساعد
ووقتها كان معي 600 دي وما استطعت أصور
إلا لما رفعت الكام فوق وحركت الشاشة للأسفل
هذا موقف " وموقف آخر كنت بصور
منظر طبيعي وكان معي كام بشاشة ثابتة المهم
المنظر كان ارضي وتعبت مرة في محاولة التصوير
بلا ميلان حتى مع وجود خط مستوى الأفق بالكام
ولما جت الـ 600 دي انتهت المشكلة
وحتى الي بيصور نفسه وهو مقابل للكام راح
يستفيد من الشاشة المتحركة حتى لو استطاع
التصوير بدونها .
ومن جهة الفروقات بين الكاميراتين
550 دي و 600 دي ففيه موضوع سبق
طرحته هنا بمكشات بعنوان :
الفرق بين كاميراتي كانون 550 دي و 600 دي
مشاركة لي في أحد المواضيع حبيت أعمل لها
موضوع مستقل لكي نستفيد من بعض والكلام عن
الفوارق بين كاميرتين من العملاقة كانون
وبالتحديد كاميرا 550 دي وكاميرا 600 دي
وياليت كل شخص يجد فارق يجي يطرحه هنا
من الفوارق التي تتميز بها الــ 600 دي :
1 - دليل تعريفي بالعربي لكل القوائم والإعدادات يظهر عند اختيار كل وضع .
2 - تصميم جسم الكام العصري الحديث ذو الزوايا المحدبة الناعمة غير الحادة .
3 - شاشة متحركة مهمة جداً لتصوير الطبيعة خاصة والمناظر الأرضية .
4 - سرعة التقاط وعرض فريمات الفيديو تصل إلى 50 فريم في الثانية .
5 - مضاعفة الزوم لأي عدسة عند تصوير الفيديو ميزة قوية ( اختياري ) .
6 - التحكم في التقريب والتبعيد بتصوير الفيديو بواسطة أزرار إضافة
إلى تقريب وتبعيد العدسة المتعارف عليه .
7 - فلاتر وفلاشات إبداعية لعمل تأثير وتعديل على الصور من نفس الكام .
8 - ميزة الويرلس بالكام للعمل مع فلاشات إضافية لا سلكياً .
هذا ما يحضرني وأعتذر لو أطلت
وفي انتظار الإخوة والأخوات .
azeez050
30/12/2011, 04:16 PM
مميزات 600 دي وكل هالامكانيات مو موجوده بـ 550 دي

1 - دليل تعريفي بالعربي لكل القوائم والإعدادات يظهر عند اختيار كل وضع .
2 - تصميم جسم الكام العصري الحديث ذو الزوايا المحدبة الناعمة غير الحادة .
3 - شاشة متحركة مهمة جداً لتصوير الطبيعة خاصة والمناظر الأرضية .
4 - سرعة التقاط وعرض فريمات الفيديو تصل إلى 50 فريم في الثانية .
5 - مضاعفة الزوم لأي عدسة عند تصوير الفيديو ميزة قوية ( اختياري ) .
6 - التحكم في التقريب والتبعيد بتصوير الفيديو بواسطة أزرار إضافة
إلى تقريب وتبعيد العدسة المتعارف عليه .
7 - فلاتر وفلاشات إبداعية لعمل تأثير وتعديل على الصور من نفس الكام .
8 - ميزة الويرلس بالكام للعمل مع فلاشات إضافية لا سلكياً .
هذا ما يحضرني وأعتذر لو أطلت


لا تعبت ابو سليمان وماقصرت انت تعمقت بالكاميرا وهذه هي الحقيقة فيه ناس تحب القديم اللي راح وقته..

وبالنسبة للشنب .. خل شنبك لك ولاتحلق شي ، المستفيد الوحيد من كل هالكلام ( الحلاق ) ..

والله يرزقك وتبيعها بـ 5000 ريال
زعماويه
30/12/2011, 04:58 PM
اخوي 2500 وجااده
واذا عاجبك السعر راسلني ع الخاص وشكراا
والله يكتب الخير للجميع !
أبومحمد.
30/12/2011, 05:15 PM
اخوي عطني حدك من النهائيه ..
وأنا جاد هذا رقمي 0542589967
kfoOo
31/12/2011, 05:56 AM
الله لا يهينكم يالربع .. الكاميرا بيعت ب المقسوم خارج المنتدى ..

راعي الجيب .. ماعليكـ زود فديت خشمكـ .

عاشق وولهان .. كلكـ نظر لبى عينكـ .

عمر سلمان .. أستاذي محد قارن ولا تهكم ولا ظلم .. أنا قريباً أفكر بإقتناها .. المقارنهـ اتت من شخص لا يعرف م يهرف .. الموضوع في شعيب وهو في شعيب .

عزوز .. مازلت تتحدث عن المقارانات .. رح أفتح موضوع وكلم نفسكـ واكتشف قدراتكـ فالمقارنهـ .. على الأقل أخونا ابو سلمان جاب مقارنهـ ومميزات .. أنت جبت شاشهـ متحركهـ بس وقلت بالله شوفوا الفرق وأحكموا ههههههههه.. يعني لا أنت اللي انصفتها فعلياً ولا انت اللي قرطت على شحم

بعتها باقل من مشتراها بكثير .. ولا عرضتها وانا خابر في بيعها مكسب يالحبيب .. فمان الكريم جميعاً
ابو فشق
06/01/2012, 08:58 PM
لو سمحتم ياشباب ابي قيمت الكمرات الجديدهd500. و. . D550. و D600

ووين القاها في الرياض.

جزاكم الله الف الف خـــــــيــــــــــر
أبومحمد.
06/01/2012, 09:09 PM
لو سمحتم ياشباب ابي قيمت الكمرات الجديدهd500. و. . D550. و D600

ووين القاها في الرياض.

جزاكم الله الف الف خـــــــيــــــــــر

آخوي ال D550 ب 2750 ريال عند أحمد عبد الواحد بالقصيم ...