هل الصدمات ضمن فحص البودي؟؟؟؟؟؟

[al__2008]

يا اخوان انا شريت سياره وفحصتها عند كارتك وقال البودي سليم وشريت الموتر مع ان سعره غالي شوي المهم اكتشفت ان الصدام الخلفي مرشوش وكلمت كارتك قالي الصدام مو من ضمن الفحص هل يحق لي المطالبه بالتعويض وهل كلامه صحيح

[راعي طويلات]

الفيابر والصدامات ماتدخل من ضمن فحص البدي هو يفحص لك الهيكل (الحديد) إذا فيه رش أو سمكره يخبرك والصدام أمره هين لاتشيل همه لأنه مايضر السيارة ولاينقص من قيمتها إذا بديها سليم

[ابوريان القحطاني]

لا اخر مره فحصة في كارتك قبل اسبوعين قالو لا بس تقدر تاكسر في السعر واذا شافوك صامل عطوك اللي تبي


اخوي اطلق موتر لو صدامه مرشوش مايطيح من قيمته ريال وواحد من جدك انت الصدمات عادي حتى عند الشريطيه

[abu-turki2009]

الله يبارك لك بالموتر ويعطيك من خيره ويكفيك شره
والصدامات موضوعهم بسيط

[r7al sder]

لا عادي لاتشيل هم الصدامات ميب تبع البدي

الصدامات + المرايات الفيبر .. الفيابر بشكل عام ترشها والا ماترشها عادي ماتنقص من قيمة الموتر ريال

[ابو شدون]

ياهلا وغلا لاتشيل هم الصدام ماهو من ضمن الفحص ولاتشيل هم الموتر حتى وقت البيع ماينقص من سعره شي ابد
الصدام امره هين وكلام الفني صحيح الفيابر ماتدخل من ضمن الفحص وارقد وامن موترك يعتبر وكاله
الله يوفقك

[al__2008]

مشكورين كل من ردو والله يجزاكم خير بس المفروض انهم يقولون الصدامات خارج الفحص اقلها اجتهد فيها انا لاني وثقت فيهم ولا ميزت السياره زين