اخواني احتاج مساعدتكم في الجمس

[PHANTOOM]

اخواني السلام عليكم ورحمة الله وبركاته

احتاج الى مشورتكم في مشكلتي وهي كالتالي :

سيارتي هي جمس سييرا 1500 2002 دبل وقير عادي

المشكلة هي ان السيارة ما تمشي نهائياً تشتغل وتعشق لكن ما تمشي المشكلة بدأت معي وانا ماسك خط وطالع تقريباً 70 كيلو عن تبوك فجأة كذا وانا امشي 160 ادعس لكن ما فيه امل .
قمت اجرب واشبك الدبل الخفيف ما تمشي الثقيل وبرضوا ما تمشي احط الدبل على الـ N تنتع وبعدين تفصل .
سحبت السيارة وعلى طول الى اقرب ميكانيكي وقالي ان المشكلة في الدبل لان دبل الجمس هو اللي يحركك الدفرنس الخلفي .
دخلت السيارة الوكالة وقالولي ان الموتر يحتاج توظيب قير ودبل وشغل يدهم 7500 ريال والقطع تبين بعد تنزيل الدبل والقير . انا متأكد ان القير ما فيه مشكلة
احتاج تشخيصكم لهالمشكلة .

طبعاً ما فيه امل اني اوضب في الجميح لانهم غاليين لكن المشكلة اني انا مالي سنتين في تبوك واللي اعرفه ان ما فيه ميكانيكين فنانين .
اخواني انا محتاج مشورتكم ولا تبخلون علي بأي رأي لاني حاير .
اوضب ولا اجيب دبل من التشليح .


واذا فيه ورش كويسة بالرياض ولا القصيم لاني سمعت ان اهل القصيم لهم خبرتهم بالجمس ترا عادي اشحنة


وشاكر ومقدر

[جمس_454_97]

والله غريبه الي اعرفه ان القير اذا خرب يخربط بالنمر مو مايمشي
لاكن اتذكر ان فيه خيار بالدبل يصير على ان فاضي تعشق مايمشي وهذا بالياباني اما الامريكي ماجربته شيك يمكن حساس او التماس بالدبل ترى هذولا مصاصين دماء يمكن يغيرون لك الدبل وبالاخير مايضبط
او يغيرون لك الدبل مع الحساس ويقولون ادفع حاول تمر اكثر من ورشه دور على كهربائي فنان لعل وعسى يطيح بالعله واذا كلهم اصرو على انه الدبل مالك الا التشليح الامريكي افضل وانظف

[ابوجهاد1234]

اخوي الدبل كهرباء ولا عادي
اذا اكن كهرباء عليك بفحصها بكمبيوتر
ام اذا كان عادي افحص وصلة التعشيق
لا تاخد كلام الجميح محمل جد يبغوا يمصو دمك باي طريقة
لما تعطي غيار "تعشق " السيارة ثقيلة لما تبغى اتقوم بس ما تقوم
ولا تعشق وتدعس بنزين كانك مو معشق
اتنظر ردك



تقبل مروري
تحياتي

[PHANTOOM]

والله غريبه الي اعرفه ان القير اذا خرب يخربط بالنمر مو مايمشي
لاكن اتذكر ان فيه خيار بالدبل يصير على ان فاضي تعشق مايمشي وهذا بالياباني اما الامريكي ماجربته شيك يمكن حساس او التماس بالدبل ترى هذولا مصاصين دماء يمكن يغيرون لك الدبل وبالاخير مايضبط
او يغيرون لك الدبل مع الحساس ويقولون ادفع حاول تمر اكثر من ورشه دور على كهربائي فنان لعل وعسى يطيح بالعله واذا كلهم اصرو على انه الدبل مالك الا التشليح الامريكي افضل وانظف

وهذا صحيح اخوي حتى بالجمس فيه بالدبل N اذا حطيته ما تمشي السيارة حتى لو تعشق بس الحين السيارة ما تمشي نهائياً بكل الوضعيات الا اذا حطيت الدبل بالـ N وهو الوضع المحايد واعشق بواحد وتنتع السيارة وعقب يفصل وطبعاً اذا مشت السيارة يكون مشبوك الدبل الثقيل مع العلم اني ما اخترت الدبل الثقيل .


اخوي الدبل كهرباء ولا عادي
اذا اكن كهرباء عليك بفحصها بكمبيوتر
ام اذا كان عادي افحص وصلة التعشيق
لا تاخد كلام الجميح محمل جد يبغوا يمصو دمك باي طريقة
لما تعطي غيار "تعشق " السيارة ثقيلة لما تبغى اتقوم بس ما تقوم
ولا تعشق وتدعس بنزين كانك مو معشق
اتنظر ردك



تقبل مروري
تحياتي

اخوي ابو جهاد الموتر قير عادي ودبل ارضي مو كهربائي وفعلاً كلامك صحيح تعشق لكن تدعس كانك مو معشق لكن اذا حطيت الدبل بالـ N وعشق تنتع السيارة وتمشي شوي واسمع طقة بالدبل وعقب يفصل .
الله يعين شكلنا الشتوية هذه ما راح نكشت

[PHANTOOM]

للرفع ومزيد من الاراء

[PHANTOOM]

شباب انا قررت اني اوضب في الوكالة لاني كلمت كذا ورشة في الرياض وكلهم قالولي ضمان شهر والوكالة ضمانهم سنه فاستخرت واختارت الوكالة عاد بكرة بيفكون القير والدبل ونشوف ايش القطع المطلوبة .
وراح ارجع افيدكم بتجرتبي ادعولي بالتوفيق .

[أصيل حجآ زي]

الله يعين :
كـــُنت ابي أروح أنآم بس ما رآيح أنآم حتى أسآعدك بشيء .


بأرسل لك رقم وعنوآن ورشة بالريآض بالخآص الآن لا تطلع حتى تقرئــُه .


أرسلت لك رقم وعنوآن ورشة مآروني لــُبنآني
من جمآعة ورشة ترآي أستآر وتشـــــآلنجـر النصآبين
بس هذا يفرق عنهــُم كثير وأنا وضبت عندهــُم سيآرتين
ومن أروع ما يــُـمـكن /// غآلين شوي بس شـــُغـلهــُم رآئع .

ويضمنون القيور الشرقية { كوري / يآبآني } 6 أشــهــُر

والقير الأمريكي عـــــــــــــــــــــآم كــــــــآمل .
مـُدير فرعهــُم بمخرج 17 بالريآض سوري أسمهُ أبو أحمد .
مقرهــُم بجدة ولهــُم فروع في مكة / المدينة / الظهرآن وغيرها .
وفرع بالنـُـزهة بجدة أسم الورشة الورشة السعودية الأمريكية للقيور
دكسول Dexol .


لك رســـــــــآلخ على الخآص بالرقم والعنوآن .

[PHANTOOM]

مشكور اخوي اصيل وجزاك الله الف خير
انا راح اكلم الرجال بكرة وراح انتظر بكرة ترد لي الوكالة وش راح تكون القطع ان شفت ان القطع غاليه وتكاليف التوضيب وغالية علي راح اقولهم يحطون القير والدبل بالحوض واشحن الموتر للرياض .

[أصيل حجآ زي]

وأيآك أخي الحبيب
جزآك الله ألف خير
حــــــآضــريــــن يــــــا عـــــم .

نصيحتي :
أترُك الوكآلة غشآشين ونصآبين .
وأشحن سيآرتك للورشة اللي بالريآض حتى يصلحوها ويختبروها .

هـــُـم يتكفلون بقطع الغيآر وكــُل شيء بس أهم شيء شدد عليهـُم بالاتفآق
أن يركبو قوآبض وأحزمة أصلي وزيوت أصلية .
وفآوض على الضمآن الزين /// ترى كلامهـُم وآحد .
وكلم أبو سآلم يكلم المـُدير بفرعهُم بالريآض يتوصى فيك .

[YUKON_GMC]

انا سبق ورديت عليك امس ولكن ماادري وين راح الرد ..

عموماً مشكلتك من الدبل ..

القير عادي وماله علاقه .. وحتى لو خربانه نمره يمشي بالنمره الاخرى ..

الدبل في الامريكي اذا خرب يفصل الحركه نهائي كأن الموتر بالفاضي وقد صارت معي غير شلته بصطحة والغيت الدبل

[PHANTOOM]

اخوي اصيل
عز الله انك ما قصرت ويعلم الله انك راعي وقفة لكن المشكلة وانا اخوك اني اعطيت الـ ok للوكالة امس الصباح
وكنت حريص اني اخذ مجموعه من ارااء الشباب شرواك لكن المشكلة اني كنت مستعجل وغلطت ونزلت الموضوع الاربعاء لان العالم كلها كاشته .
لكن شورك وهداية الله الحين هم فكو الدبل واعتقد القير ابي انتظر ردهم وعقبها بعطيهم حق انزال الدبل والقير اشحن الموتر للرياض .


اخوي YUKON_GMC (http://www.mekshat.com/vb/member.php?u=177274)

الله يطمنك مثل ما طمنتني لاني متخوف من القير سؤالي لاصحاب الخبرة مثلك ومثل الاخ اصيل
ايش هي القطع اللي داخل الدبل وكم اسعارها هل هي مجرد تروس لاني سألت عن التروس لقيتها رخيصة .

[YUKON_GMC]

^^

اللي داخل الدبل تروس واعمده تربط التروس في بعض وجنزير يربط التروس بالعامود وكلتشات

كثر مايخرب فيه اما الجنزير فارط او كسر قواعد احد الاعمده بالجرم ..

جديد غالي ومدري كم صراحه لكن اعتقد فوق 10 آلالف لكن توضيب بحدود يغير لك القطعه الخربانه فقط ويمكن يكلف من ألفين الا ثلاثه

او تأخذ مستعمل مع الرجيع بحدود ثلاث الاف ريال وبالصناعيه القديمه بالرياض شارع كامل كلها محلات قيور ودبلات وعندهم مستعمل وكن ماانصحك تشتري منهم .. لأن كل اللي يشتغلون فيها سورن نصاااابين وتوضيب اي كلام وخلال شهر يخرب

لكن عليك بتشليح الحاير

[PHANTOOM]

شكرا اخوي يوكن
اذا على تروس ولا جنزير مقدور عليه لكن الخوف من القطع الكبيره

اخوي اصيل
راجعت حميع دروسك واللي تشكر عليها لكن للأسف ما حصلت درس يشرح اجزاء ووظيفة الدبل

ولكم الشكر جميعا


اللوحي Samsung تم الإرسال من جهاز

[* ابو باسل *]

قير عادي شفت الكلتش انا اخبر اذا خرب الكلتش في العايدي تدعس بنزين كأن النمره بالفاضي ماكنك معشق وقد صارت معي على سيارات قير عادي .

[PHANTOOM]

تحديث

ردوا علي الوكالة اليوم وقالولي ان الخلل في الدبل ويبين اذا القير فيه شي او لا بعد تركيب الدبل .
الدبل معدوم كلياً بسبب المشي عليه بدون زيت الظاهر كان يهرب ولا دريت له .
القطع تكلف 12000 والمشكلة مو متوفرة ويتم طلبها من امريكا وتجلس من شهر الى شهرين .
قررت اني اخذها من قاصرها واروح التشليح والله وفقني ولقيت واحد بـ3500 وراح يوصل بالشحن يوم السبت لانه في الرياض .

شكراً لكل اللي ردوا على الموضوع وحاولوا يساعدوني وجزاهم الله الف خير
وشكراً لكل اللي مر على الموضوع .

[PHANTOOM]

عذراً تكررت المشاركة بالغلط

[ابوماجد-1]

اخوي قبل تسوي اي شي بالسياره حاول تفك عمود الدبل وجرب وضع السياره ؟

بعد كذا قرر يمكن مشكلتك من الدبل نفسه وممكن تكون كههرب فقط

واذا وصل ردي متأخر العذر منك لان هذي الحركه صارت معنا في يوكن دبل

وتجيم السياره بعد تعشيق الدبل وبعد عدة محاولات يفصل الدبل وتضبط الامور

بالنهايه الله يوفقك