المساعد الشخصي الرقمي

مشاهدة النسخة كاملة : يا شباب اعطوني رائيكم بسرعه


usammah
30/12/2011, 06:39 AM
بسم الله الرحمن الرحيم

معي سياره جلوبر 96 وعرضتها امس بالمعرض وشريطي يقول انه يشتريها 10 الف وانه يبغاها ل اولاده

فـ هل 10 الف حق السياره ام انها قليله احترت ويش رائيكم في السعر وهذه صورة السياره


http://im15.gulfup.com/2011-12-13/1323837249161.jpg


ادري انه هذا مو مكان الموضوع لكن اكثر قسم ممكن احصل منه على اجابه سريعه
usammah
30/12/2011, 08:12 AM
وين الشباب ابغى اليوم العصر يا بعت او سحبت السياره
أصيل حجآ زي
30/12/2011, 11:35 AM
نصيحتي :


بع ولا تتردد .


أنا لو تعطينيها
وتعطيني فوقها 10,000 ما أخذتها .


اللي بيأخــُذها بيتبهذل فيها الا أذا عندهُ ورشة .



ما تسوى
تعقيدآت المرور والفحص وتجديد الأستمآرة
واللوحآت والتخـلــُص منها بالتشليح وروحة وجية .


هو خرآط /// عندُه أحد الفقراء الأجآنب قد وصآه
بسيآرة رخيصة / وما عليك يعطيها أولادُه أو مرتــُه .
هذي هي أسآليبهــُم .



سيآرة بتبهذلك من الآن ورآيح .


بتبدء تشفط جيبك شفط وتلهف درآهمك لهف .


مفروض السيآرة أذا بدئت تطـلــُب أصلاحآت وقطع كثيرة :
الشخص يتخلص منها بأي شكل قبل ما تبقى علة مـُستظلة بحلــقـــُه .


لا تنسى أن الشخص أذا يبي يتخلص منها .
يطلــُبهُ المرور تنزيل اللوحآت ويجيب أورآق من التشليح .
وبتدفع لــهـــُم يمكن مبلغ ما هو بسيط .


حسبها كيف ؟؟؟؟؟؟؟ :
أذا بتجدد الأستمآرة واللوحآت !
1- ضروري تعمل فحص دوري .
2- الفحص ما ينجح الا أذا صلح أكثر ما في السيآرة 97% .
3 - بعد ما تنهل وتنخل ويفضى جيبك
يمكن ما تعدى الفحص لكثرة العلل اللي بيطلعون لك بها .
4 - وأذا عدت الفحص { نجحت } وأنت متأخر عن التجديد .
غرموك 100 عن كــُل سنة حتى لو تعديت بيوم وآحد فقط .
لك أسبوعين فقط لا غــــــــــــــــــــــــــــــيــــــــــــــــــ ـــــر .
وأذا أيآم أعيآد أو عـــُطــل رآحــــــــــــــت عليه وتدفع 100 .
5 - قيمة الأستمآرة وأذا اللوحآت تحتآج تجديد قيمة اللوحآت .


وهكذا دوآليك .
أُحـســـب حسآبآتك زين ولا ترقـــُد وتتحسف بعدين !!!

فبع وقــُل لهُ الله يبآرك لك .
وأعطــُه معها كرتون علب منآديل الورود .
بس لا تنسى تغير لهُ الزيوت وتعبيها بنزين 95 .
وتشحمهــــــــــــــــــــــــــــــــــــــــــــ ــــااااااااااااااا .
على شآن يــذكــُرك بالخير .
ويبقى يرآقبك كــُل ما أشتريت سيآرة
يقول لك يبغآها لأولادُه .
يمكن المرة الجآية يقول
يبغآها لجآرُه .



هههههههههههههههههههههههههة



:f
usammah
30/12/2011, 10:51 PM
هههههههههه ضحكتني لا اسكت الله لك حسا

فعلا مريت بكل كلمه قلتها في سياره كانت للوالد وكنت اريد ابيعها تشليح ولزمني لازم اجدد الاستماره وطبعا يعني لازم فحص وفحص يعني ارجع السياره في احسن احوالها والسياره على بعضها ماتسوى 500
يا اخي المفروض اي سياره بتنباع تشليح يكون لها وضح غير ...
المهم انا رحت المعرض وقالو انه الرجال اللي يبغاها ماجا اليوم وطبعا لاحظت انه البنزين اصبح في نصف
وانا يوم وقفتها كنت معبيها فل وموية اللديتر ناقصه كثير فـ سحبتها من المعرض شكيت انهم يستخدموها
لكن اذا لقيت فيها بيعه ماراح اتردد


ومشكور اخي اصيل حجازي
الكلاسك
30/12/2011, 11:39 PM
اجلدها عسى ما يهون الشريطي ههههههههه
انا اشوف كثيره عليها 10.000 خخخخخخخ
الله يرزق الشاري والبايع
يكفيني نظرة
31/12/2011, 01:06 AM
والله رأيي بيعتها ب 10 ازين من خسارة 10 رياال بنزين عشان تحرقها لكن توكل على الله وبع..
usammah
31/12/2011, 01:51 AM
ههههههههه الكلاسك وتكفيني ويش فيكم متحاملين عليها كذا :)

والله رغم ان الكل مايحبها لكن لها سنه معي ما غير صوفه غيرتها لها وبسبب الصوفه المهندسين خربو علي عداد السرعه والان فيها اشياء بسيطه لكن المشكله انه مافي مهندسين اكفاء :)