كورنيش جلمودة ليلة الجمعة 29-12-2011 ( تجربة صيد ساحلي في البرد ) !

[White_Shark]

السلام عليكم ورحمة الله وبركاته


توجهنا لكورنيش جلمودة في الجبيل الصناعية يوم أمس الخميس الساعة الرابعة عصراً لتجربة الحداق الساحلي أنا وأحد الزملاء .. رغم أن معظم حداقنا بالدخول داخل البحر ببدلات خاصة .. ولكن نظراً لأن معظم الشباب " مزكمين " بعد انسحاب ثلاثة اشخاص لظروفهم الصحية .. جهزنا العدة والحداقات لشخصين وتوكلنا على الله في طلعة خفيفة استمرت 3 ساعات ونصف رغم البرد القارس .

الموقع : كورنيش جلمودة ( جنوب بوابة ابو علي )
عدة الصيد : سنارتين و بكرات " حداقات "
الطعم : ربيان فقط .
مقاس الخيط : 50
الميدار : 12
المدة : 3.5 ساعة
حصيلة الصيد : 16 كيلو تقريباً ( يعني مَنْ ):) .. من الشعوم والبطـّان الكبير والقرقفان .

نترككم مع الصور واعتذر لقلتها :



زميلي اثناء الصيد مطلع عيونه بس :).
http://www.mekshat.com/pix/upload05/images237/mk141183_2011-12-29%2018.15.35.jpg







جلستي الليلية بعد عودتي من السيارة لإحضار الفروة :D
http://www.mekshat.com/pix/upload05/images237/mk141183_2011-12-29%2018.16.45.jpg







حصيلة الصيد في الثلاجة
http://www.mekshat.com/pix/upload05/images237/mk141183_2011-12-29%2019.51.44.jpg





بعد كب الثلاجة
http://www.mekshat.com/pix/upload05/images237/mk141183_5.jpg





بعد الفرز
http://www.mekshat.com/pix/upload05/images237/mk141183_3.jpg








شعم متوسط الحجم مع البطان الكبير
http://www.mekshat.com/pix/upload05/images237/mk141183_4.jpg





والله يمقن عندق ويمقن مو عندق :D
http://www.mekshat.com/pix/upload05/images237/mk141183_6.jpg




وأخيراً كل هذا التعب والمعاناة مع البرد القارس عشان الشوي , وبصراحة البطان مشوي الذ من الشعم .

http://www.mekshat.com/pix/upload05/images237/mk141183_img-20111230-wa0009.jpg




طبعاً تم استدعاء الشباب اللي اعتذروا لحضور حفلة الشواء .. وأكلنا جميعاً مالذ وطاب من البطـّان والشعم والقرقفان المشوي حتى انتفخت بطوننا وتبطحنا وعمّ الفرح جميع أرجاء المدينة , والسلام عليكم ورحمة الله وبركاته :D .

تقبلوا تحياتي .



أخـــــــــوكم

White بن Shark

[ABO ZAIN 29]

هلا والله بشارك بن وايت
تقرير جميل
موفق ي جميل

[aglanco]

السلام عليكم : وايت بن شارك العظيــــــــــــــــــــــم
اشوف تقريرك حلو وبسيط ومليان خير الله يرزقك
وبانتظار مجازر السبيطـــــــــــــي والهواممير لو امكن
موفق وتقبل تحياتي

[كنعد]

ماشالله بارك الله

ياوايت شارك خليتني اتحسف اني ما صورت كان خليتك تنقهر مني :) لا امزح معاك

بس كان صيدنا في تحلية الخبر قوي شعوم احجامها كبيرة تبررد القلب

الله يوفقنا وياك تقبل مروري وايت شارك

[د.فادي بوعادل]

بسم الله ماشاء الله عليكم بالعافيه وبالهنا والشفاء والكبير كبير والنص نص والصغير ما نعرفوش

[accentkool]

ماشاء الله تبااارك الرحمن
ابدع بالصيد الله يعطيك العافية\
الصيد جدا وووووفير الله يديمة عليكم

[الفنطاس]

صحة وعافية

[BIN FARHAN]

ما شاء الله تبارك الرحمن
بصراحه في كل طلعه تفاجئنا بصيدك الحلو يا white shark
الله يبارك لك فيه ويوفقك في كل صيدك
الله يزيدك من فضله
تقبل مروري

[alsadiq]

دائــما ابدااع دام الوايت شارك حاظــر وبالتوفيق نوخذاي

[O M A A R]

وعليكم السلام ورحمة الله وبركاتة

حي الله حبيبنا وايت بن شارك

ما شاء الله عليك ، أشك إنك مزكم مع الشباب ، بس شوفة البحر زي الفقس تعلاجك طبيعي :D

تشكيلة حلوهـ الله يعطيك العافية ، ما يشوفون شر الشباب

العندق يمقن أسمها نجارة ويمقن لأ :D

عوافي عليك يا غالي هالشوي القميييل ، ومطرح ما يسري يمري ، تحياتي لك

[ذئب الدهناء]

مشكور وماقصرت

[X P]

ماشاء الله تبارك الله صيد طيب وفي وقت قياسي

انا لي اسبوع كل يوم اقول الي بعده بدخل البحر ووقت اصحى الصباح والبرد يكسر العظام اطنشششش ^_^

[shaheen70]

وعليكم السلام ورحمة الله وبركاته
رحلة موفقة وصيد رائع يامال العافية ماقصرتوا والبرد يخلي الواحد يدور
الصده بارك الله فيكم وبالعافية عليكم هالشوي

[ع العمرو]

http://smile.pc4up.com/smile_albums/islamic/11874625617982.gif (http://smile.pc4up.com/)

[حوات جده]

ما شاء الله تبارك الله كمية طيبة يا كبتن

يعطيك الف عافية على التوثيق

تحياتي

[SYR]

مشالله تبارك الله صيد وفير و مختلف الاصناف عليكم بالعافيه يا كابتن

[1بوخالد]

ما شاء الله عليك يا وايت شارك على هالصيد الحلو واهم شي الوناسه وحصيله طيبه في وقت قصير ولله الحمد وعليكم بالعافيه.

[العمدة 66]

أستاذ حداق أخويا White_Shark

مركب شط ما فيه مشكلة عندك - دائما أستاذ

ما شاء الله على الشوي بالهنا والشفا

ربنا يزيدك "قمان وقمان"

[ذوالجناح7]

والله حنا طلعنا طراد يوم الجمعة العصرمن الجبيل ذبحنا الموج والبرد


وطلعنا بعد ساعتين والصيد كان تعبان صيدكم أحسن


عليكم بــ1000 عافية :good2::good2:

[White_Shark]

هلا والله بشارك بن وايت

تقرير جميل

موفق ي جميل


اهلين وسهلين شو هالزين يبو زين بخزي العين :D
الله يوفقك .. شرفني مرورك الجميل .
تحياتي.

[White_Shark]

السلام عليكم : وايت بن شارك العظيــــــــــــــــــــــم
اشوف تقريرك حلو وبسيط ومليان خير الله يرزقك
وبانتظار مجازر السبيطـــــــــــــي والهواممير لو امكن
موفق وتقبل تحياتي

الحمد لله على الصيد بصراحة رغم صغر الأحجام بس في شوية آكشن في السحب .. الله يسمع منك ويرزقنا ويرزقك مجزرة حلوة :D.. لاهنت على المرور يالغالي.
تحياتي .

[White_Shark]

ماشالله بارك الله

ياوايت شارك خليتني اتحسف اني ما صورت كان خليتك تنقهر مني :) لا امزح معاك

بس كان صيدنا في تحلية الخبر قوي شعوم احجامها كبيرة تبررد القلب

الله يوفقنا وياك تقبل مروري وايت شارك

الله يوفقك اخوي كنعد .. خسارة ماصورت لنا صيدك .. خلينا نكحل عيوننا :) .
شكراً لك على التعقيب .. ولاهنت على المرور يالغالي.

[White_Shark]

بسم الله ماشاء الله عليكم بالعافيه وبالهنا والشفاء والكبير كبير والنص نص والصغير ما نعرفوش

:)

الله يعافيك ويهنيك .. شاكر لك على الاطراء .. والكبير الله .
تقبل تحياتي .

[White_Shark]

ماشاء الله تبااارك الرحمن

ابدع بالصيد الله يعطيك العافية\

الصيد جدا وووووفير الله يديمة عليكم


الله يعافيك ويرزقك بصيد سنع ويديم عليكم النعمة .
لاهنت على المرور يالغالي.

[White_Shark]

صحة وعافية

الله يعافيك ويرحم والديك .. ولاهنت على المرور .

[White_Shark]

ما شاء الله تبارك الرحمن

بصراحه في كل طلعه تفاجئنا بصيدك الحلو يا white shark
الله يبارك لك فيه ويوفقك في كل صيدك
الله يزيدك من فضله

تقبل مروري



الأحلى هو وجودك في هذه الصفحه .. الله يبارك فيك ويعافيك ويرزقك بأضعاف هذا الصيد ومن فصيلة طيبة :D .. لاهنت على المرور .

[White_Shark]

دائــما ابدااع دام الوايت شارك حاظــر وبالتوفيق نوخذاي

الله يوفقك ويزيدك من خيره .. أنت المبدع مدام أشوفك في كل مواضيعي :) .. ودام الوايت شارك حاضر .. alsadiq حاضر .
لاهنت على المرور يالغالي .

[White_Shark]

وعليكم السلام ورحمة الله وبركاتة



حي الله حبيبنا وايت بن شارك


ما شاء الله عليك ، أشك إنك مزكم مع الشباب ، بس شوفة البحر زي الفقس تعلاجك طبيعي :D


تشكيلة حلوهـ الله يعطيك العافية ، ما يشوفون شر الشباب


العندق يمقن أسمها نجارة ويمقن لأ :D


عوافي عليك يا غالي هالشوي القميييل ، ومطرح ما يسري يمري ، تحياتي لك



الله يحييك ويبقيك ويسلمك .. بصراحة قبل اسبوعين كنت مزكم والحمد لله راح الزكام والصداع وشافانا الله بعد جرعات من الأبر والثوم والبصل :D .. والشر مايجيك حبيبي .. والعندق هذي اللي في الصورة تعتبر أحد أنواع العندق ( العندق العربي ) .. ما أعرف إذا يسمونها نجارة ولا لأ ( يمقن أيه ويمقن لأ ) :D .
لاهنت على المرور يالغالي .

[White_Shark]

مشكور وماقصرت

الله لايهينك على المرور .. ويجزاك الف خير .

[White_Shark]

ماشاء الله تبارك الله صيد طيب وفي وقت قياسي

انا لي اسبوع كل يوم اقول الي بعده بدخل البحر ووقت اصحى الصباح والبرد يكسر العظام اطنشششش ^_^

الحمد لله على الصيد ( حق مشوي ) والكمية طيبة .. يعني معاناتنا مع البرد ماراحت هدر بفضل الله .. ولازم الواحد يجرب في جميع الأجواء ( برد - حر - مطر - غبار - ضباب - رطوبة ) .. والحمد لله إن ماعندنا أعاصير ولا تسونامي ولا كان جربنا :D .
لاهنت على المرور .

[White_Shark]

وعليكم السلام ورحمة الله وبركاته

رحلة موفقة وصيد رائع يامال العافية ماقصرتوا والبرد يخلي الواحد يدور

الصده بارك الله فيكم وبالعافية عليكم هالشوي


الله يعافيك ويبارك فيك أخوي شاهين .. اتذكر قبل كم سنة طلعنا حداق وكان الجو " صقيع " .. وكانت بس العيون اللي طالعة واللي مامعه نظاره :cool: تدمع عينه من الهوا البارد .. ويوم الخميس الماضي صحيح كان برد بس ترى هذا موبردنا اللي ( يشق الوجه ).. وأهم شيء الواحد يعمل حسابه للبرد ويتوكل على الله .
لاهنت على المرور يالغالي.

[White_Shark]

http://smile.pc4up.com/smile_albums/islamic/11874625617982.gif (http://smile.pc4up.com/)


الله يبارك فيك ويرحم والديك ويجزيهم الجنة .
لاهنت على المرور.

[White_Shark]

ما شاء الله تبارك الله كمية طيبة يا كبتن

يعطيك الف عافية على التوثيق

تحياتي

الله يبارك فيك ويعافيك ويرحم والديك .. والحمد لله على الصيد اللي راح نصه مشوي :).. لاهنت على المرور يالغالي.

[White_Shark]

مشالله تبارك الله صيد وفير و مختلف الاصناف عليكم بالعافيه يا كابتن

الله يبارك فيك ويعافيك ويجزاك الف خير .. لاهنت على التعقيب يالغالي.

[White_Shark]

ما شاء الله عليك يا وايت شارك على هالصيد الحلو واهم شي الوناسه وحصيله طيبه في وقت قصير ولله الحمد وعليكم بالعافيه.

الله يعافيك أخوي بو خالد , والله بصراحه الصيد كان لابأس به .. والحمد لله صدنا ووسعنا صدورنا وشمينا هوى بارد :D مع الشاي والقهوه .. الله لايهينك ويرزقك سبيطي تسحبه بخيط 100 :D .
لاهنت على المرور وتقبل تحياتي .

[@ بحار مجيرمة @]

هلا والله بالغالي

الله يعطيك العافية

ماشاء الله عليك

(3منسحبين وفي الاخير معزومين)

هذي الناس اللي تقدر الصحبة

صحة وعافية عليكم

تحياتي لك

[عمر الثقفي]

بقلك هي بالنجليزي :good

[White_Shark]

أستاذ حداق أخويا White_Shark



مركب شط ما فيه مشكلة عندك - دائما أستاذ


ما شاء الله على الشوي بالهنا والشفا



ربنا يزيدك "قمان وقمان"


مرحب بيك يجناب العمدة .. ده انت الأستاز واحنا طلابك :) .
الله يعافيك ويزيدك من نعمته يارب .
وشــا(ق)ــــــر لك على المرور يالغالي.

[White_Shark]

والله حنا طلعنا طراد يوم الجمعة العصرمن الجبيل ذبحنا الموج والبرد



وطلعنا بعد ساعتين والصيد كان تعبان صيدكم أحسن



عليكم بــ1000 عافية :good2::good2:


الله يعافيك أخوي ذو الجناح .. وادعوا الله أن يرزقكم ويرزقنا .. ويمكن عدم صيدكم كان خيره من الله .. ولكن إن شاء الله يرزقكم 1000 كيلو :) في المرة الجاية .
تقبل تحياتي .

[White_Shark]

هلا والله بالغالي



الله يعطيك العافية


ماشاء الله عليك


(3منسحبين وفي الاخير معزومين)


هذي الناس اللي تقدر الصحبة


صحة وعافية عليكم



تحياتي لك



الله يعافيك أخوي ويبارك فيك ويرحم والديك .. لازم الواحد يقدر الصحبة ويراعي ظروف اصحابه .. وأهم شيء أنهم يعطونا خبر بالإنسحاب قبل الطلعة بكم ساعة عشان الترتيب .
لاهنت على المرور .

[White_Shark]

بقلك هي بالنجليزي :good

والله يمقن انجليزي ويمقن عربي :D
لاهنت على المرور .. ويعطيك العافية.

[أبوحافظ]

مرحبا ومسهلا بسفاح السبيطي :)

حبيبنا وايت بن شارك

يعطيك الف عافيه على التقرير المميز :good2::good2::good2:

ولا اقول الا بسم الله ما شاء الله تبارك الله :good:

الله لا يضرك

وياحلااه الصيد بالفرووه مع البرد ناقصك شبه النار :f

والصيد المشوي ولا احلى بالف عافيه عليكم :good:

يعطيك ىالعافيه على التقرير المميز ويستاهل اعلى تقييم :)

تقبل تحياتي وتقديري ومروري

[عاشق الزهر]

الله يعطيك العافيه على هذه المشاركة ..... وبالتوفيق على الصيد.
تحياتــــــــــــــــــــــــــــــــــــــــــي

[White_Shark]

مرحبا ومسهلا بسفاح السبيطي :)



حبيبنا وايت بن شارك


يعطيك الف عافيه على التقرير المميز :good2::good2::good2:


ولا اقول الا بسم الله ما شاء الله تبارك الله :good:


الله لا يضرك


وياحلااه الصيد بالفرووه مع البرد ناقصك شبه النار :f


والصيد المشوي ولا احلى بالف عافيه عليكم :good:


يعطيك ىالعافيه على التقرير المميز ويستاهل اعلى تقييم :)



تقبل تحياتي وتقديري ومروري



الله يعافيك أخوي أبو حافظ , وشاكر لك يالمبدع على المرور , وبصراحة الصيد بالفروة يحسسك أنك قاعد تحدق ( بالأسكيمو ) :D .. الله يحفظك ويخليك وإن شاء الله نشوف ابداعاتك عما قريب .. ومسألة تجربة الخيط الحرير لسه في بالي بس ماعندي وقت اروح ساكو .. إن شاء الله في الخطة القادمة .. لاهنت عزيزي ..

و

تقبل تحياتي .

[White_Shark]

الله يعطيك العافيه على هذه المشاركة ..... وبالتوفيق على الصيد.


تحياتــــــــــــــــــــــــــــــــــــــــــي



الله يعافيك أخوي عاشق الزهر ويرحم والديك .. وشاكر لك على المرور .
تقبل تحياتي

[الرحموني]

مجرمين انتم مع شدة البرد تنزلون بحر في الليل هههههه

يعطيك العافية اخوي شارك بن وايت

تقرير جميل وطيب من عضو اطيب

والصيد اطيب واطيب

ماشاء الله كمية جداً ممتازة من جلب شخصين فقط

التقرير على خفته وقصرة الا انه جداً ممتاز


تحياتي وتقديري

[White_Shark]

مجرمين انتم مع شدة البرد تنزلون بحر في الليل هههههه


يعطيك العافية اخوي شارك بن وايت


تقرير جميل وطيب من عضو اطيب


والصيد اطيب واطيب


ماشاء الله كمية جداً ممتازة من جلب شخصين فقط


التقرير على خفته وقصرة الا انه جداً ممتاز




تحياتي وتقديري


والله يمقن مجرمين ويمقن مهووسين :D
الأجمل هو وجود أبو يوسف في هذا الموضوع .. وشاكر لك على التقييم والكلام الحلو .
مايهمني في كتابة أي موضوع هو ذكر كافة التفاصيل المتعلقة بالصيد وإن قلـّت عدد الصور ومراحلها فهذا يعطي انطباع شبه كامل للقاريء عن التجربة .. والحمد لله توفقنا بصيد لابأس به نفعنا للشوي :) .. لاهنت على المرور عزيزي .

تقبل تحياتي .

[سي السيد]

يعطيك العافيه

[دابوي]

ما شاء الله صيد طيب ناقصه محمر ورويد وعليكم بالف عافية صراحة المكان الي حدقتوه فيه خير واحب احدق هناك تقريباً من 12 سنة الله يوفقكم دوم

[White_Shark]

يعطيك العافيه

الله يعافيك ويجزاك الف خير , لاهنت على المرور .







دابوي
ما شاء الله صيد طيب ناقصه محمر ورويد وعليكم بالف عافية صراحة المكان الي حدقتوه فيه خير واحب احدق هناك تقريباً من 12 سنة الله يوفقكم دوم


الله يعافيك أخوي ويجزاك الف خير .. كورنيش جلمودة يستهويني اكثر من أي كورنيش في الجبيل الصناعية وذلك لقلة مرتادية وتوفر الأسماك فيه في فترة الشتاء بالذات .. ويعتبر مكان شرح وهاديء و (تقدر تشم ريحة جزيرة ابو علي ) :D.
لاهنت على المرور.

[xmx202]

بالعافيه يابن شارك

انا رحت جلمودة مرتين مكان واحد وهو اللي وانت مخلي البحر يمينك

يجيك شارع تدخل يمين للبحر او يسار يطلعك على حي جلموده... وسيدا يوديك جزيرة بوعلي بس الشارع مقفل

انا اخذت يمين واخر شي نزلت عن الدردور العود اللي هنا

يوم الخميس بطلع مع الشباب....

وش تنصحني باي موقع هناك واي وقت زين؟؟؟ بداية السقيه كويسه ؟؟؟

الله لا يهينك واعذرنا عالازعاج

[White_Shark]

بالعافيه يابن شارك

انا رحت جلمودة مرتين مكان واحد وهو اللي وانت مخلي البحر يمينك

يجيك شارع تدخل يمين للبحر او يسار يطلعك على حي جلموده... وسيدا يوديك جزيرة بوعلي بس الشارع مقفل

انا اخذت يمين واخر شي نزلت عن الدردور العود اللي هنا

يوم الخميس بطلع مع الشباب....

وش تنصحني باي موقع هناك واي وقت زين؟؟؟ بداية السقيه كويسه ؟؟؟

الله لا يهينك واعذرنا عالازعاج

الله يعافيك ويجزاك الف خير .

اعتذر على التأخير أخوي xmx202 ,

كورنيش جلمودة هو كورنيش صغير نسبياً وهاديء وصيده متفاوت , من هامور وسبيطي وشعم كبير كما كان قبل عدة سنوات .. وأما في السنوات الأخيرة بدأ السمك يصغر فيه وهو أمر ملاحظ .. بسبب التعديلات الجارية هناك في السنتين الأخيرتين .. ولكن لازال يوجد فيه الأسماك العربية التي تصلح للشوي :) .. لايوجد فرق في أول الكورنيش عن آخره من ناحية الصيد .. وكلما انعزلت كان افضل .. ولكن يجب عليك أن تقف في مكان لايوجد فيه تشيير " تصخير " .. والرمي يكون بعد الغزير مباشرة .. وبالنسبة لي استخدم ( ميدار نرويجي معكوف - ثقاله 2 - خيط 50 ) وطعم ربيان ( مقشّر ) .. وافضل وقت للصيد هو العصر الى بُعيد المغرب .. بغض النظر عن حالة البحر مد أو جزر .

[سامي الحسين]

ما شاء الله ..
وأنا كنت أعتقد أن ما في صيد أيام البرد ..
لكن فعلاً ما يجيبها إلا المحترفين ..
موفق إن شاء الله ..