المساعد الشخصي الرقمي

مشاهدة النسخة كاملة : ارجو الرد سريعاً


دحوم الغامدي
30/12/2011, 08:23 PM
السلام عليكم ورحمة الله وبركاته وبعد0000
اخواني عندي باث فايندر 2005 فجأة طلع صوت طقطقه فالمكينة مع العلم ان السيارة مافيها شي وعمرها ماصخنت والزيت يوم شيكت عليه لقيته ناقص علبه
فياليت احد يفيدني وش منه الصوت ووين الورشه المتخصصه اللي اقدر احصل عنده سبب المشكله
بشير حسن
30/12/2011, 10:13 PM
طيب ماعندك تهاريب تكون ظاهرة وتقدر تشوفها بالعين مثلا تهاريب من صوفة المكينة أو من جهة الثلاجة أو صوفة البكره اذا مافي أي تهريب ظاهري ولا أي دخنه من الشكمان اتوقع صوت الطقطقه من ربل (جلد) البلوف وكذلك لازم تشيك على جودة ولزوجة الزيت يمكن أنت ماشي عليه كثير وكذلك يعتمد على نوع ودرجة لزوجة الزيت اللي تستخدمه
دحوم الغامدي
30/12/2011, 10:17 PM
لا مافيه اي تهريب
والزيت لزوجة جيده
اما صوت الطقطقه قوي شوي
sgl2002
30/12/2011, 10:23 PM
شكلها مسامير الثلاجة طاحت جوا

شف الموضوع اللي مثبت في الخيمة
escape_man
30/12/2011, 10:36 PM
طقطقة مع تفتفة بسيطة احتمال كبير مسامير الثلاجة

اما طقطقة باول التشغيل ثم تروح فاحتمال انه نقص بالزيت ..

اذا هو الاحتمال الاول :

لا تحاول تشغل السيارة واشحنها للوكالة او لورشة ابو ابراهيم في صناعية الدايري كانك من اهل الرياض

لانك لو شغلتها احتمال المسمار يخرج البستم ثم تضطر تغير المكينة
دحوم الغامدي
31/12/2011, 08:07 PM
الف الف الف شكر لكم الله يجزاكم خير
فعلا وديت السيارة للثنيان وطلعت مسامير الثلاجه
وخلاها شغاله وطلع المسمار من الشكمان
وضبط الموتر.
بشير حسن
31/12/2011, 08:10 PM
تمام والحمدلله بالتوفيق أخوي وان شاء الله عالطول ضابط معاك الموتر
أصيل حجآ زي
31/12/2011, 08:15 PM
الحمدُ لله على السلامة


حلوة :
ما ود كندآستك { الشكمآن } يطلع ذهب بدل مسآمير .


غريبة كيف طلعت من الكندآسة ولا نشبت بدبة التلوّث أو دبة الصوت ؟؟؟؟؟؟؟



أنت مــُتــأكد أنه طلعت من الكندآسة


وألا كندس تحتها وأعطآك مسمآر من جيبُه أو من الأرض
وقآل هذي طلعت من الكندآسة .


ترى بعضهــُم يسوي زي السحرة الفجرة .
يسوي حركآت على السوآقين .


بعض المحلات :
عندهــُم أما أطفآل أو عــُمآل
أذا جائهــُم رجآل عآقل ورزين
وشآفوه أنهُ ما يدقق بالمرة
طلبو يحط السيآرة على حــُفرة .
وأشغلو السآئق بالسوآلف .
ويطلع الفني النصآب بعد أن رش زيت محروق على القير
أو على المُحرك /// أو الدفرنش ويطلع زآعمآ أن فيه تهريب خطير
ولازم توضيب ولازم وجيه ولازم هههههههههههههههههة
ونصب وأحتيآل .
فمفروض الشخص يكون نبيه ولا تنطلي عليه الحيل .


خلك على روسهــُم وفسخ العُمآمة وأدخُل معه الحــُفرة
وأن طلبو قطع ‘ ليلهوك أو يشغلوك أو يبعدوك عن السيآرة
روح بنفس سيآرتك جب القطع ولا تخليها عندهــُم
ولا تخليهــُم يشترون لك القعط أشترها بنفسك {DIY}
والقصص في هذي الحيل كثيرة .




الكندآسة التي بها دبة تلوث مثل اللي تحت
{ كاتلكت كونفرتر catalytic converter }
يادوب تطلع دُخآن العآدم وذرآت الرطوبة والزيت


أنا أخشى أنه بآقي بآلعته المكينة .
يمكن بقعر المُحرك { الكرتير}
مفروم مثل مفروم الحسيل { العجل}
الكندآسة يا دوب تخرّج الغآزآت وتحول
غآز مـُضر بالبيئة لغآز صآلح للبيئة :
http://www.clickcarparts.co.uk/site_images/16042010022700.jpg



http://www.cateran.com.au/cateran/images/CutawayDiagram2.jpg


http://www.importcatalytic.com/images/catalytic_coverter_1.jpg



http://www.mgf.ultimatemg.com/group2/exhaust/exhaust_pix/Generic_Cat.jpg



http://i01.i.aliimg.com/img/pb/060/640/360/360640060_358.jpg



http://www.cateran.com.au/cateran/images/technical.jpg