يالربع الطير رفع ظغطي ساعدوني

[majeed 11]

يالربع تكفون ساعدوني الطير رفع ظغطي

الطير حر قرناس ثالث فيه صيحه وطبوعه خربت من تالي لأكن اللي رفع ظغطي إني لاهديته على شي يحودب على العلف ولايخليك تاخذ منه شي وينسدح عليه ومستحيل تاخذ منه شي قسم ارتفع ظغطي

والملواح بس يمسح ثلاث مسحات


تكفوون ساعدوني خاصتن على العلف

ووش الحل مع الطبوع ذي

وهو راكد على التكايه


مع إني قناص مبتدى

[البرنس الليبي]

يسندح ..يسندح ..هذا الطير ملكّع لكن نصيحه إذا الطير صايد وصيده مثبوت حاول تغير من طبعه وتتحمله أما إذا هو مجهول فانصحك تتخلص منه عموما انتبه لايكون الطير مقصور عليه يعني يمكنّك مجوّعه زياده

[سارق الكحل]

الطير شكله منقطع كثير

حاول ترفع عدته شوي

واذا بغى يعلف خله يعلف كم يوم وانت قدام وجهه لاتحرك علفه بس اربط سبوقه

بعدها بيامن الطير

واذا بغيت تعزله حاول تدفن العلف او تغطيه بقماش وبالدس نسير جاهز تنقز الطير عليه

[جـرح الشمـال]

مرحبا اخوي الغالي
باالنسبه للعلف كثير من الطيور تسوي مثل طير تكوش على العلف
والسبب سحب العلف من الطير قبل يكتفي من علفه
الحل بنسبه لي خل الطير مره او مرتين ياكل حتى يطيب خاطره ويشعر بالامان
حتى يتغير طبعه بس ا ربط سبقه ليصاد الصيده حتى ماينقل او بعد ماينتهى علف يطير ويخليك هههه
وتاكد لايكون الطير ضعيف في وزنه اوزنه في ميزان خاص بالطيور
وشف كم وزنه بس عطنى المقاس الطول في العرض حتى تثبت على وزن معين
وانتظر الاخوان يفدونك اكثر
تقبل مروري
اخوك جرح الشمال

[majeed 11]

وزنه ١٠٧٥ وهو ينسدح على العلف والطير كايف بس مشكلته العلف رفع ظغطي

[majeed 11]

وزنه 1075 وهو ينسدح على العلف والطير كايف بس مشكلته العلف رفع ظغطي

[ســـبــار ربــعـــه]

ارفع عدته حنا في المربعانيه كان مقاسه فوق ال17 ترا في المربعانيه افضل وزن 1120 على حسب ما صادفت. اما فرد الجناحين على العلف ما عاد لها حل خلاص تطبع بها. واربط سبقه الموالي منك وهو على علفته واعزله بالعليقه ولا ادفنها مثل ماقالو الربع وانتبه من عزله بالقوه. ان شاء الله تذوق من صيده.

[majeed 11]

16 ونص في 17 والوزن 1075

[جـرح الشمـال]

وزن طيرك مناسب بس لاتسحب العلف منه بطريقه غلط
تابع ماسبق من الردود من الزملاء
وشكرا

[زياد الهوياء]

اذا هو للبيع انا اشريه وهذا رقمي بعد اذن الاداره 0566955665

[سنجااار]

عش الطير كم مره على صيدته من غيرم ماتسحب علفه منه واركد عليه

والطير بقياسه ذا صنيع 1000 افضل او 980 احسن ولايطق عللى الملواح ألا مرتين او ثلاث الا هو غني

وموفق خير

[aBu_aBdAlSlaM]

طيرك ساسه قرناس وحش ؟

[هاوي هدد 11]

مالك الا حل واحد ومجربه100%100
خل معك علفة ثانية على الدس
واذا جيت طيرك على صيدته نقزه على يدك
كذا ترتاح من تكويشة الطير وينسى هذا الطبع مع الوقت
خذ العلم من صقارمجرب
لك تحياتي

[majeed 11]

بيض الله وجيهكم كلكم لأكن مافيه الا اطبق طريقة هاوي هدد


وبالنسبه للطير اذا ابعدت عنه يوخر التكويشه ولاياكل بس عناد لي

[اقدم صقار]

السلام عليكم
الله يهديك لا تصقر على مزاجك وتخرب الطيور اللي تجيك وتتعود على كذا
اخوي لا تستعجل على الطير ولا تسحب العلف منه
تقبل مروري

[omar911]

السلام عليكم
بنسبه حق الشلوح اقصر عليه اطعمه وقت امعشاه ولاتزود من شان يطربك..
بنسبه الحوقله ع المعلاف اتوقع انها طبع بالطير ولايغيره غير انك تداريه
وتوسع صدرك ولاتسحب باقي العلف منه ياغط عليه بالمدس او غطه بقمآش
والدفن لاتقربه ابد طريقه قديمه وهي سبب الامراض
لاصاد صيده اقبل عليه بركاد عقب ما ينتف خفيف ويرقبك انزل عليه هون ونتف معه
من دون مدس ومسكها له وعوده ع صوت ترفعه عليه وقت العلف من شان الشلواح يدري انه فيه اكل
ولاحوقل وهو ياكل اجمع جنحانه بدف خفيف حيل ثم ارفعه وخل الطير يعتاد ع العلف فوق يدك من شان يوالفك
اتمنى اكون فدتك..

[majeed 11]

آلطير لآشآفني قعد يصيح ولآ شآف غيري عآدي

وآحيآن وده يطير علي ويوم هديته آمس ترك آلحمآمه وبغى يصدمني بس دنقت عنه

[هزاع01]

افادك أخونا جرح الشمال_ سحب العلف من الطير غلط وهو سبب هذي الطباع والصيحة
فرع برقع الطير واعلفه على يدك اكرمه ارفع عدته خل الطير على يدك اكثر وقت
خل أي صقار حولك يعلمك كيف تعزل الطير
خلك صبور الطير يبغيله صبر وان ما راحت الصيحة اتصل في اعلمك 0546742565

[سيف العلا]

يسندح ..يسندح ..هذا الطير ملكّع لكن نصيحه إذا الطير صايد وصيده مثبوت حاول تغير من طبعه وتتحمله أما إذا هو مجهول فانصحك تتخلص منه عموما انتبه لايكون الطير مقصور عليه يعني يمكنّك مجوّعه زياده


ههههههههههههههههههههههه ملكع حلووووهههههههه والله انك قطعتني من الظحك الله يسعدك