يطلع هوا من تانكي البنزين مع فتح الغطا ، نوعية البنزين

[patrol-fa]

السلام عليكم ..

كيف حالكم يالمكاشيت :f<تدفوا

عندي مشكلة بتانكي البنزين ..

إذا كان البنزين ربع وحوله يعني تحته ولا فوقه .. إذا فتحت غطا التانكي يطلع هواا قوي شوي ..

وإذا كنت معبي نص تقريبا .. وفتحت الغطا < طبعا بعد مشواار او اكثر من يوم

يطلع هواء عادي حليووه .. وش يكون منه يالربع وهل إذا خليته كذا يضر ..

وواحدن قال حط كيس بغطى التانكي واقفل عليه < وش رايكم ..

الباترووول 88 كربريتر ..

والشيء الثاني .. وش رايكم بالبنزين وش احسن للكربريتر .. 91 ولا 95

ويقول السبب . لأني عجزت ابي اعرف

ابي من ناحية الحفاظ ع الكربريتر والليات .. لأني من كم يوم غيرت لي لقيته يابس إذا حركته تكسر اعوذ بالله واحدن قال من سبب البنزين 91 ؟

ويا أهل الخبرة عطوونا العلم الوكاااااد ..

[sgl2002]

بالنسبة للهواء من التانكي هذا طبيعي
ولو تلاحظ بعض اغطية التوانك يكتب عليه بالانجليزي تحذير من فتح الغطا بسرعه لوجود ضغط هوا بالتانكي ويطلب منك فتحه ببطء

اما بالنسبة للهواء اللي يطلع فهذا طبيعي اجل تبيه ينفجر من الضغط اللي داخله ولو حطيت كيس فانت حبست مكان االتبخير اللي يطلع معه وممكن يرجع على الليات جوا ويفجرها

وترى بالصيف بتشوف اذا وقفت وجيت تعبي تحصله اذا عبأ البنزين بعض الاحيان يطلع البنزين برا
ولو تلاحظ موجودة بكثير من السيارات اذا وقفت بعد مشوار طويل



اما بالنسبة لليات الكلبريتر اشتر لك لفة ب٥ ريال وغيرها عند واحد فاهم عشان مايحوسها
خله يفكها وحدة وحدة ويقص على نفس الطول ويركبها
ثم يفك اللي الثاني ويركب الجديد بداله وهكذا عشان مايلخبطها

اما البنزين ماله دخل هذا بس بسبب الحرارة والاستخدام وقدم مديله

[patrol-fa]

اخوي الله يعطيك العافية ويجزاك خير ..

اقصد بالكيس لأن إذا كنت بالنفود ومسايف ..يطلع بنزين من عند الغطا .. فاحط الغطا بكيس واقفل عليه علشان ما يكب ..

اما البنزين .. مو قصدي افضل لليات .. اقصد افضل للكربريتر .. يعني بنزين للكربريتر احمر ولا اخضر ..؟

والله يعطيك العافية ..

[بشير حسن]

طيب أخوي التهريب من وين بالضبط؟؟ اذا كان من الغطاء فيلزمك تغييره بواحد جديد أصلي تراه من الاشياء الضرورية اذا صار في ربلته (جلدة) الغطاء شق أو شطب تغيره بواحد أصلي واذا كان من مصدر آخر نفس الحكاية لازم تصلح مكان التهريب هذا بنزين قابل للاشتعال , وبالنسبة للبنزين الأفضل بنزين 95 فهو أفضل للكربريتر وأفضل لسيارتك كونها موديل 88 لأانه انا سمعت وقرأت انه كلما قدم المحرك كلما كان الافضل استخدام بنزين ذو اوكتان اعلى , وبالتوفيق ان شاء الله

[sgl2002]

البنزين ٩١ او ٩٥ على حسب سيارتك

بعض السيارات يجي مكتوب عليها ٨٧ يعني لازم يكون من ٨٧ وانت طالع
فلو حطيت ٩١ او ٩٥ كلها نفس الشي

وبعض السيارات مايقبل الا من٩٥ وفوق فلو حطيت ٩١ مابيصير احتراق

[patrol-fa]

طيب أخوي التهريب من وين بالضبط؟؟
الله يعطيك العافية ... ويجزاك الجنة.. بس انا ما عندي تهريب .. لكن يطلع بنزين من عند الغطا .. اشوفه

والغطا سليم ونظيف .. والشيء الثاني الهوااا إذا فتحت الغطا طلع هواا قوي ..

وبالنسبة للبنزين ابحول لـ 95 بإذن الله .. لكن الصرفية شلونها معه ..؟ !!

ويعطيك العافية

[patrol-fa]

لبنزين ٩١ او ٩٥ على حسب سيارتك
^^^

اخوي سيارتي باترول 88 كربريتر .. وش افضل له ..

[بشير حسن]

أنت جرب بنزين 95 وان شاء الله راح تلاحظ الفرق واذا تشوف بنزين يطلع من تحت الغطاء وانت متأكد انه الغطاء مافيه شئ انصحك تشيك على ورشة جيدة ترى شئ مو زين تتركه خاصة انه بنزين ويسبب لك صرفية بسبب التهريب

[patrol-fa]

بشير حسين الله يرفع قدرك ويجزاك الجنة ع المعلومة ..

لكن البنزين ما يطلع إلا إذا كان الموتر مايل يعني مسايف بالنفوود .. واحد قال دخله بكيس واقفله ؟!!

[patrol-fa]

وللمعلومية .. قبل ما احطه بكيس كان الموتر يشفط بنزين .. بعد ما حطيت الغطا بكيس وقفلت عليه .

ومسكت خط ما اخد بنزين واجد بالعكس ولا احلى منه اخذ قليل بالحييييل .. يعني وفر بعكس قبل لا احطه بكيس ؟

[بشير حسن]

طيب ان شاء الله تلقى رد أفضل وذو خبرة وكفاءة أفضل مني في هالشئ واذا مالقيت اعمل زي ماقلت لك روح ورشه متخصصه وعلمه بالمشكله وان شاء الله تلقى الحل باذن الله

[patrol-fa]

الله يعطيك العافية ما قصرت ..

ونشوف البقية ..

[sgl2002]

طيب وشو له الكيس

غير غطاء لان الكيس يحبس التبخير مره وممكن يسبب مشاكل

وبالنسبة للبنزين وفر احسن لك

انا معي باترول وجربت ٩٥ و ٩١ وكلها نفس الشي

وجربتها على شاص ودداسن ولافرق

[ماجد الشمال 1]

الهواء الخارج من تنك البانزين سببة من الفحامة او المبخرة
وفية شرح كامل عنها أو ابحث عنها في دروس مشرفنا /أصيل حجازي
او بحث عنها في قوقل (الفحامة او المبخرة)
بنسبة للبانزين أحمر أفضل احترق واداء

[patrol-fa]

طيب وشو له الكيس

علشان ما يطلع بنزين مع الغطاا ..

مشكور.

ماجد الشمال < .. الفحامة عندي منفكة لياتها .. ولا اعرف وين كانت موووصلة .. وشفت شرح اصيل حجازي الله يجزاه خير .. بس ما لقيت كيف توصل لياتها

الله يعطيك العاافية. .

[patrol-fa]

يا اخووان ما قلتوا وش افضل بنزين للكربريتر ..

91 ولا 95 ؟

[بشير حسن]

الا قلنا لك يالطيب من الفجر انه بنزين 95 أفضل

[patrol-fa]

الا قلنا لك يالطيب من الفجر انه بنزين 95 أفضل

ههه تأكد يمكن العصر مو الفجر خخ مشكوور يا بعدي ..

ما قد جربته على هالسيارة نبي نجرب وعسى ينفع إن شاء الله ..

[patrol-fa]

حبيت اقول لكم جربت الـ 95 بنزين ..

فرق معي بالعزم وااجد بس بالصرفية الظاهر نفسه .. ما فرق معي . .

[ص ب ق]

الله ييسر امورك

[قناص*07]

اخوي الهواء هذا من الخط الراجع من طرمبة البنزين الى التانكي وهذا تصميم في كل السيارات وهو لعملية تدوير البنزين ( Circulation) و السبب الثاني للضغط البنزين ليسمح له بالاندفاع الى الكربريتر ومساعدة الطرمبه (Fuel pump)
بالنسبه للغطاء:
عمله يسمح بدخول الهواء الى الداخل لمنع عملية الفاكيوم داخل التانكي مما قد يتسبب في تغير شكل التانكي (Deform) وتلفه.
ومنع خروج الهواء و بخار البنزين الى الخارج





هذا و اتمنى ان المعلومه وضحت لديك.

[عبد الله 99]

يالغالي حسب ما فهمة انه عندك مشكله في المبخره او الغطاء
و اول شي غير الغطاء بواحد اصلي و شف
اذا كان نفس المشكله في الصرفيه فهو من رداد الهواء وهو لي صغير و البعض يسميه المبخره و يكلفك تقريبا فك التانكي من 300 إلى 200 للفحص على المبخره
بس انت ابد من السهل و غير الغطا بواحد اصلي اصلي و بتشوف الفرق ان شاء الله

[المهاجر انا]

يوجد تنسيم للبنزين في كل سيارة الا الديزل