مشكلة بالهدد2011 تعليق بنص البنزين

[مقناص الشمال]

السلام عليكم

عندي مشكلة في جيب هدد 2011 ( عداد الضغط يرتفع بين الغيار الثاني والثالث )

يعني اذا غيرت من الثاني للثالث ( ماينزل عداد الضغط بسرعه ياخذ ثواني وينزل )

يصير كن فيه حنه شوي .... بقية الغيارات مالاحظت شي

كلمت الشركة اللي شرته منهم قالولي شوف ( ابو جميل وفحصه عندهم )
فحصته عند ابو جميل قالي الفني الفلبيني مافيه شي ( حشرته شوي ) قال شوف سيارة سيم سيم مديل - اتوقع ابو جميل مامر عليه هدد - يفحصون التماتيك:D

ومدري يمكن عيب مصنعي ويمكن لا

ياليت احد يفيدني اذا مرت عليه نفس هالمشكلة والسيارة وكالة مالها كم يوم :f

[(هزاع)]

كل الجيب الجديد به علة بانزين اهم شي حط فاصل لايعلق

[sgl2002]

والله شي يخوف

ان شرينا جديد مشكلة
وان شرينا مستعمل مشكلة

[kbobe]

طيب جرب هدد من الجدد وشف هو نفسه ولا لا
يمكن عشان الدعسه كهرب يقعد شوي وينزل

[مقناص الشمال]

مشكورين على تعليقاتكم

بالنسبه للفاصل اخوي هزاع كيف طريقته

اللي يعرف احد عنده هدد 2011 يسأله أذا فيه نفس المشكلة

[عشق البر]

دخله السوق بس

ودورلك بقيمته انظف باترول 2010
ولا باجيرو جديد
أو يوكون

تويوتا راح زمانه خلاص

هههههههههههه وراه طيب الرجال توه شاريه شوي شوي عليه

اخوي مقناص الشمال الله يعطيك خيره ويكفيك شره نصيحتي رح للبازعي لا تروح ****** عبداللطيف

وترا الشباب فاهمينك غلط يحاسبونك تقصد ان الدعسه تعلق (نفس اللي صار بامريكا)
كم ياصل الامبير اذا عشقت من الثاني للثالث واذا عشقت والامبير مانزل تحسه يفز شوي ولا عادي؟

[القناص 2008]

يالغالي انا معي اخو موترك وقير عادي هدد GX
طبيعيه لان الدعسه كهرب والدليل على كلامي لو تحاول تفحطبه بالنمره ما راح يقبل معك تجي فزه قويه
لان الدعسه كهرب وتطمن والله يطعمك من خيره ويكفيك شره اذا حسيت ان الامر مهوب كذا وانا اخوك
شيك على ضغط المكينه يمكن زايد ضغط الهوا حق المكينه تحياتي

[مقناص الشمال]

هههههههههههه وراه طيب الرجال توه شاريه شوي شوي عليه

اخوي مقناص الشمال الله يعطيك خيره ويكفيك شره نصيحتي رح للبازعي لا تروح ****** عبداللطيف

وترا الشباب فاهمينك غلط يحاسبونك تقصد ان الدعسه تعلق (نفس اللي صار بامريكا)
كم ياصل الامبير اذا عشقت من الثاني للثالث واذا عشقت والامبير مانزل تحسه يفز شوي ولا عادي؟

الله يجزاك الف خير ويبارك بعمرك يارب

عبداللطيف جميل المفروض يصير مورد سياكل ويخب عليه ههههههه
البازعي مايوفر هدد قير عادي - بس قطر (البريمي )
واللي يورد الهدد قير عادي معروف بالسعودية ماني ذاكر اسمه على شان مانشوه سمعته

عموماً المشكلة مثل ماقلتلكم ( بعد الغيار الثاني للثالث ) والأمبير على رقم اثنين - يضل ثابت - لين اعطيه الغيار الثلاثه

المفروض ينزل الضغط فترة التبديل من الثاني للثالث

والغيار الثالث للرابع الاحظ نفس المشكلة بس اقل شوي

يعني بالنهاية الامبير مش مضبوط .....

يعني نشتكي على المورد وإلا ايش العمل :f

[مقناص الشمال]

ياقلبي يالقناص الله يطمن قلبك

تحاول تفحطبه بالنمره ما راح يقبل معك
اما افحطبه قويه شويييييييييييييييييي

ياليت جوالك يالقناص ابي اتواصل معاك

[ماجد9222]

انا اشوف والله اعلم

ان الجيوب الجديده من 2008 وطالع كلها نفس المشكله نسمهــا عالي في التبديل النمر.

ودمتم سالمين

[Magellan]

هو والله مشكلة وكان الله بعونك
لكن تبي رايي لاتزيد تعبية البنزين عن 10 اريل
ولو قنصت فحط بالشنطة جركل بنزين كل ماخلص بنزين السيارة تعبيه شوي
لأنه مايصلح تمشي فيه وافرض قدّر الله وعلقت الدعسه مثل مانسمع من تالي
راح تكون في موقف مش ولابد
ستر الله علينا وعليكم من اخطار السيارات

[مقناص الشمال]

طيب وش السواه وش تنصحوني ( تساوت معي وطابت نفسي من الجيب )
ياقلبي ياجيبي الاول gx93 والله اني حزنت عليه
قالو مفخره إلا مقبره الجيوب الجديده

[مقناص الشمال]

لكن تبي رايي لاتزيد تعبية البنزين عن 10 اريل

اما اعبيه عشر تريل هههههههههههههههههه

مثل ماقلت التعليق شكلها تبي تجي بهالجيب والله يستر من تاليها .... مع اني اول ماشريته قلت اللهم نسألك خيره وخير ماصنع له ونعوذبك من شره وشر ماصنع له
يمكن ربك يبي يصرفني عنه بهالعله


ستر الله علينا وعليكم من اخطار السيارات

آمين الله يجزاك خير

خلاص قررت بيعته والله لا يعوق بشر والله يعين بس

[Cyber]

اخوي موترك مافيه الا العافيه لاتوسوس ولايضحكون عليك الناس

جرب تمشي عليه بدعسه خفيفه يعني تتسارع بهدوء وبتلاحظ ان الموتر يغير صح

[عشق البر]

لا تخاف من تعليقة البنزين دام الموتر قير عادي تفضيه وخل المكينه تنفجر ان بغت

وعلى العموم زي ماقالك cyper لاتوسوس وجرب مره وشد عليه بالثاني خله يوصل الضغط 4 وعشق اذا علق على 4 او حولها فعندك مشكله واذا نزل على طول امورك طيبه
قديمك نديمك صح بس كلن له زمانه والقديم راح وقته

[volcano]

ياريت مقطع فيديو للمشكلة .. عشان نشوف لك حل ;)

[- النشمي -]

يارجال تويوتا تالي ماتسوى ريال


سلملي على اللاندكروزر من 2006 الى 2002 صدق لاقالولك ملوك وطيور بر


مهوب الكمخه الجديد اللي كنه بقرة هنود

[راعي الفزعه.]

يالله سترك خليتوأ الرجال يعاف سيارته


( الله يعطيك خيرها ويكفيك شرها ) ... اللهم أمين

[ALBDRANE]

انت شكلك متردد وغير مقنع فيه .... أذن ليش تجبر نفسك عليه والبدائل متوفرة والحمدلله

[.أبوعبدالرحمن]

ينقل للقسم المناسب

[sgl2002]

يارجال ان كان مازان لك رح بعه الحين بيجيب لك قيمه طيبه وخذلك نيسان فتك رفارف سود ترى بيطربك واجد وكل اللي فيه مثل الجيوب الاوله

تويوتا الجديد صار موتر ديره

[معشوقي الصمان]

الصراحة الاندكروزر الجديد يخوف من كثر ما نسمع هالقصص الغادرة بصاحبها
الله يحمينا وياكم ..