وش معني الكلمه هذي

[ابو صقر.]

السلام عليكم اخواني ابي اعرف ايش معنى الكلمه هذي
في بعذ الاخوان يردون على الموضوع ويقولن لكاتب الموضوع يعطيك العافيه( (يالقرم )) ايش معنى يا القرم ممكن توضيح الله يوفقكم

[alturki1386]

القرم هي للمدح
فهي صفة للشجاعة والشهامة والكرم .. والله اعلم

[رعد المطر]

المدح وفادك اخوي

[محرين باالخير]

حياك اخي ابو صقر
باالنسبه لمعني كلمة .. قرم !!
باالفصحي = هي الرجل الشهم الكريم .
وباالعاميه = هي للرجل سريع الحركه ويقوم علي خدمة الأخرين بلا كسل اومنه.
تقبل تحياتي .

[(هزاع)]

oO لسان العرب والفاظ النداويه Oo

[COLOR=royalblue]

[FONT=century gothic]

مرحبا جميعا ..

كان ياماكان ! .. اول يوم اذكر دخلت فيه منتدى النداوي وكنت اتصفح القصائد

والمواضيع .. طاحت عيني على كلمه قالها شاعر لشاعر آخر

قال له : لاهنت يا ( القرم ) ولا اخفي عليكم قلت يمكن يمزح معاه ويقصد يا القزم

لكن نسى النقطه على الزاي !!

لكن بعدين قلت لا كيف يقوله يا القزم ويمزح معاه كذا وبصراحه ماجعلني افكر

انه يعني ( قزم ) لان اللفظه وردت مابين كلام ضحك ومزاح عشان كذا

قلت يمكن يقصد فيها ( قزم) ..

وبعدين شفت انه لفظه تقريبا ماتطيح من لسان اي نداوي وتكررت كثير في اوقات جد واوقات ( مزاح)

وانا لم يسبق لي اني قريتها من قبل مع العلم اني اقرأ كثير !!

وطبعا بعد تكرارها في المنتدى اضطريت كماهي العاده افتح ( لسان العرب )

وابحث في لفظة القرم وماهي اصول استخدام الكلمه ..

* القرْم بتسكين الراء ..الفحل ( خيل -- ابل ) الذي يترك من الركوب والعمل ويودع للفحله

والجمع منها ( قُرومٌ )

وأقْرمه: جعله قرْماً وأكرمه عن المهنه فهو مُقْرمٌ , ومنه قيل للسيد .. قرمٌ مُقْرمٌ .. اي شريف ونزيه

ورفيع المنزله << وهذا المعنى اعتقد هو مايطابق استخدام النداويه .. والله اعلم


* والقـُرم . شجر ينبت في جوف ماء البحر ..

* والقَرَمُ : بفتح القاف والراء : الجداء الصغار والقَرَمُ ايضا : صغار الابل

اما ( القزم ) بالزاي .. فهي تعني : صغار الغنم !!


-- اتمنى اني قدرت افيد البعض وما اكون انا بس من استفاد ..لاني اول مره اعرف

ان القزم تعني صغار الغنم !! ومنها طبعا اطلقت على صغار الخلقه من بني البشر


-- من كان عنده ايضا تفسيرا آخر شعبيا للفظة ( القرم ) فياليت يزودنا بها .. ومنكم نستفيد ..

منقوله

تقبلوا تحياتي ..

[راعي حمرور]

قرم يعني حار

[الوابصي 44]

كلمة قرم بالعامية تاتي بمعنى صاحب همة ونشاط
وتاتي بمعنى شجاع