أفضل أجهزة تتبع الطيور وريشها وبطارياتها

[طيرحوران]

السلام عليكم ورحمة الله وبركاته حيا الله كل بإسمه

أحببت أني أطرح الموضوع لكي تعم الفائده للجميع والمثل يقول اسأل مجرب ولا تسأل طبيب

أجهزة تتبع الطيور وريشها وبطارياتها

أيهما أفضل من حيث الدقة والمسافة والقيمة والحجم

بالنسبة لي أنا جربت جهاز مارشال على ماأعتقد اسمه كذا عموما قيمته على ماأعتقد حوالي 3000 والريشة 1250 بالإضافة إلى شنطة سوداء وسلك للسماعة الأذن وتحديد المسافة من 100م وأقل وكذلك تحديد المسافة من 100م وأكثر ويستوعب 3 ريش والخ من الميزات وإذا كشفت عنه وفل جنحانه وخر عنه لا يخطف عيونك أو عيون خويك وكل المميزات والمحاضرة عنه

الزبده أن الجهاز بالنسبة لي أنا

فااااااااااااااشل

وضاعت طيوري مع ريشها بسببه الله يخلصنا منه

وتراه للبيع

وهذه صوره للنوعية الجهازالذي لا يشرفني


http://wildlifematerials.com/images/products/trx3_(fld3-ele).gif

أرجو من الأخوة المشاركة وإفادتنا عن الأجهزة المجربة والدقيقة وأسعارها معقولة

وشكرا للجميع

[المري]

مرحبا ابو سعد وحياك الله يالغالي..

الجهاز الزين والدارج مع الناس هو المارشال اللي على شكل مسدس لاني جهازك هذا ليس مارشال هذا من شركة ويلد لايف.. وهي شركة


أمريكية ممتازه... بس ماادري كيف عاكس معك الجهاز.. يمكن فيه خلل فنى...

قيمة الجهاز المارشال ابو خمسة طير 3300 ريال.. واصل الى بابك يابو سعد..

وقيمة الجهاز ابو عشرة طير 3800 ريال واصل عندك .. عادك تبغى شي غير كذا..

وفيه الأسباني الصغير وهي ممتاز جدا

وسلامتك

أخوك / المري

[الصقار10]

الاخ / طير حوران الكريم

السلام عليكم
يوجد عند شركة شمالات اجهزه فرنسية جديد و مستعمل وأظن أن المستعمل بيناسبك والعهده على الراوي ( صديق - صقار ) عندهم اجهزه فرنسيه مستعمله تتراوج الاسعار بين 2000 - 3000 + عدد 2 ريشه مع الجهاز ، مر عليهم وأسئل ويمكن اللي جاب الخبر غلطان !

مكان الشركة المرسلات
ت : 4540999

[المري]

نصيحة اخويه

حط رجلك من الفرنسي تراه كثير الخراب وغثيث.. جدا..

عليك بالمارشال وبس

اخوك / المري

[ابو عايد]

السلام عليكم ورحمة الله وبركاته



تسلم على هذا الموضوع ابو سعد والحمد الله على السلامة



الفكرة طيبه وكان بيني وبين الفيتو نقاش عن الجهاز واخر من يوصل



ارجو من اخواننا اعطائنا احسن جهاز واحسن ريشه وكم مسافته



وانا حاليا استخدم الجهاز المارشال ابو خمسة طير وشاريه 4500 ريال وكان عليه تخفيض ومعي ممتاز

http://www.mekshat.com/pix/upload/images/MARSHEL.jpg



لكن سمعت من بعض الصقارين من دول الخليج قنصو هالسنه معنا ...



يقولون عندنا ريشه توصل الى عشرين كيلوا :confused: :confused: استغربت قلت بسأل اهل مكشات

[المري]

صحيح توجد ريشه توصل الى عشرين كيلو وهي ريشة الأسباني وريشة الألماني.. مداها طويل

اخوكم / المري

[مارشال]

اخوي طير حوران
الجهاز اللي معك (وايلد لايف) يعتبر من افضل الأجهزة في السوق هو على المارشال على أف أل
والكلام العلمي يقول ان مسافة الأشارة تعتمد 80% على الريشة و 20% على الجهاز و هذي مسألة لا تغيب عن بالك ابد
يدلك ان ريش المارشال تعمل على وايلدلايف / أف أل / تراكر الفنلدي بنفس المسافة اما اذا كانت الريشة ردية فلن تعطيك مسافة جيدة على اي جهاز
بالنسبة للأجهزة الفرنسة اللي عند شمالات هي عبارة عن ستوك لم تباع واكثر اللي بيع منها رجع اهلها واستبدل به جهاز امريكي سواء مارشال او غيره

في حد علمي افضل ريشة هي ام قرص الخاصة ب أنتاج السعودية وليست الأمريكية, تعطيك مالا يقل عن 15 كلم
ويفضل استخدام جهاز المارشال 5-10-15-100 طير او وايلد لايف 3-16 طير مع الريشة ام قرص المذكورة

للمعلومية جميع اجهزة الطيور والريش تتوفر لدي بأسعار جيده

[المري]

اخي مارشال ابغي ريشة ام قرص رقم واحد كم سوف تحسبها لي

وسلامتك

[المري]

وش قصدك ام قرص الخاصة بأنتاج السعودية وليس الأمريكية

هل بينها فرق؟؟

[مارشال]

حياك الله يالمري
6 فولت ب 1500 ريال - تعمل على بطاريتين من مقاس Cr1620
3 فولت ب 1200 ريال - تعمل على بطارية واحده من مقاس Cr1632

بدون مبالغة ام قرص التي تخص السعودية اقوي من الأمريكية ب أربعة اضعاف هذا حسب كلام صاحب شركة مارشال و حسب استخدامي
وللمعلومية الأمريكية سعرها اقل من الخاصة بالسعودية

رقم واحد هي اللي تعمل على جهاز 3 طيور يعني اقصد انها مليانة في ارض المقناص.

[المري]

شكرا لك يامارشال بس ليش بينها فرق الامريكية والسعودية ياليت توضح اكثر يعنى اللي تشتغل في أمريكا تشتغل بنفس المسافة في السعودية

[المري]

وكم الجهاز ابو خمس طير ؟ او ابو عشرة طير

[مارشال]

فيه انتاج خاص بأمريكا اسمه ستيج ون وهو اقل شي يعتبر في القوة
انتاج السعودية ستيج ثري يعتبر افضل ستيج من ناحية القوة وهو غير مسموح به في امريكا (ممنوع) ولا يباع الا لأوروبا والخليج

والمسألة الثانية الريشة اللي تجيب في امريكا 10 كيلو تجيب عندنا 10 كيلو بالضبط واللي يقولك انها تجيب في امريكا اكثر من الخليج هو كلام بعض الشركات الرديئة حتى تقوم بتسويق منتجاتها

سعر اجهزة مارشال
5- 3800
10-4200
15-4500
مع الشنطة والشاحن والأرشادات

[المري]

ماأقول الا الله يبيض وجهك ويعطيك العافية وجعلك ذخر لنا ولهل المنتدى..

اخوك / المري

[الفيتو]

بسم الله الرحمن الرحيم
السلام عليكم ورحمة الله وبركاته

مساء الخير يا جماعه
طير حوران مبروك يعرف اللي في خاطري . مشكور يا طير حوران
والشكر موصول للمري اللي طب فالروض العشيب
وحاور الأخ العزيز مارشال وطلع بها النتيجه
الفيتو اللي منول يعجز يصيغ السؤال .
يشكركم ويقول يا كبر معروفكم علي

والسلام
الفيتو
الحجاز
27/2/1427هـ

[مارشال]

حياك الله يالمري

تلميذك طال عمرك

الفيتو حنا في الخدمة

الحقيقه حسيت ان عندي معلومات, وقصرت في حق المنتدى والأعضاء اني ما اطرحها في موضوع خاص
اللي يبي اي شي يتفضل بالسؤال

[الصقار10]

الاخ / مارشال المحترم

السلام عليكم


بالنسبة للأجهزة الفرنسة اللي عند شمالات هي عبارة عن ستوك لم تباع واكثر اللي بيع منها رجع اهلها واستبدل به جهاز امريكي سواء مارشال او غيره


هل انت متأكد أم نوع من المنافسه لان الذي يبدولي أنك تاجر والدليل عرضك والله يرزقك ؟؟؟ !!!

[طيرحوران]

حي الله الربع جميعا

وشكر خاص لأخوي المري على حرصه على ماهو جديد ومفيد للمنتدى أجمع

تحياتي

أخوي الصقار

شكرا على مرورك والمعلومة المفيدة عن الجهاز الفرنسي

تسلم


أبو عايد

حياك الله والله يسلمك

والموضوع طرح للفائدة والربع والله ماقصرو

أما بالنسبه للأجهزه نسمع لكن إذا طبقنا على الواقع يتغير كل شيء

وكذلك الطيور لاتشتري إلا إذاكنت شايف بعينك من القرانيس أما الفروخ حضك ونصيبك نصيحة أخوية

تسلم


الأخ مارشال

حياك الله ويامرحبا

أنت وين طلعت منه ياولد والله عندك علوم عن هالأجهزه إلي بهذلتنا مادري هو البلا منا ولا منها

على العموم جهازي كبر بعيني وهونت عن البيع

بس نبي شرح مبسط عن طريقة إستعماله يمكن نعرف شيء ماعرفناه بالسابق

والريشة عندي مارشال والبطارية من الكبار قيمتها 18 ريال

وبعدين أفدنا عن الريشة إللي تقول يمكن ناخذ منها

مشكور


الفيتو

حياك الله والقلوب عند بعض ومصايب الطيور والأجهزه حول بعض بس يمكن تفوقت عليك هالسنه

حياك الله

[مارشال]

اخوي الصقار10
حياك الله
نعم انا تاجر اجهزة طيور ,,, لكن هذا النوع من المنافسة اللي تذكره انا ما اعتقد احد يسويه الا شخص كذاب ويحاول انه يغش الناس.
انا لا اعتبره نوع من المنافسة كما ذكرت, هذا اعتبره كذب و غش
والمويه تكذب الغطاس
اقراء رد اخونا المري وش قال ( حط رجلك من الفرنسي تراه كثير الخراب وغثيث.. جدا.. عليك بالمارشال وبس )
ولو الفرنسي جيد مالقيته مليان عند شمالات بكميات كبيره وهي مستخدمه!!!!
وللمعلومية مدير معرض شمالات الرئيسي عرض علي اني اخذ منه الأجهزة الفرنسية سواء شراء او استبدال بأجهزتي الأمريكية
ولو انه جيد ايضا كان جبته وترزقت الله فيه ..... وش يمنع.

مجرد توضيح .....وتراني احترم رأيك

[مارشال]

الأخ طير حوران

اللي تبيه من الأجهزة او الريش ابشر به
اتصل علي ومايكون الا خير

مارشال

[ابو عايد]

تسلم يخوي على هذا الموضوع الرائع

ويعطيك الف عافية على سعة صدرك

1-ويش احسن ريشه على جهاز المارشال

اخي المري ذكر هالريشتين هل يصلح ترددها على هذا الجهاز
ريشة الأسباني وريشة الألماني

2-
نعم انا تاجر اجهزة طيور هل لك محل ياخوي كي يقدونك الاعضاء بطلباتهم

[المري]

أخي ابو عاااايد

ريشة الأسباني فيه منها تردد 430 هذه ماتشغل على المارشال..

وفيه ريش نفس التردد تشتغل على المارشال حسب الطلب..

أما الألماني اعتقد مايشتغل على المارشال..

أخوك المري

[خلوي]

مارشل ممكن اتقول كم سعر ابو ميه ريشه, وكم رقم جوالك الله لايهينك

[مارشال]

هلابك اخوي خلوي
ابو ميه: Stealth G2 100Ch
تردد 216.005 حتى 216.995
المرفقات : شنطه المنيوم- شاحن سيارة - فاحص بطاريات

ب 7800ريال
اذا بغيت تردد آخر ..... اجيبه لك على الطلب

اخوي ابو عايد حياك الله ..... حاليا الأجهزة موجودة عندي في البيت
الموسم الجاي ان شاء الله تجدها في محل عند سوق الطيور والأجهزة شارع سلمان الفارسي

[خلوي]

مارشال ما يجي منه 216 ,217,218,219 في نفس الجهاز؟؟ الله لايهينك

[فواز]

تسلم اخوي مارشال على هالفائدة

[مارشال]

نعم يجي اربع ترددات اللي هي 216/217/218/219
بس تكون طريقته: ياخذ من كل تردد 25 قناة فقط يعني تردد 216 منه 25 قناة و 217 نفس الشي و 218 و 219
هذا النظام يسمى كمفوقريشن عند الشركة / وضع هذا النظام للذي يقوم بتشغيل 100 ريشة في وقت واحد, بدون تداخل في القنوات
للمعلومية هذا النظام في الوقت الحالي غير مطلوب لدي العملاء
وذلك لكثر اللخبطه اللي فيه وعدم تناسب رقم القناة مع رقم الريشة (التردد)

اذا تبي منه ابشر ...... يجيك على الطلب

[الصقار10]

الاخ / مارشال المحترم
السلام عليكم

انت قلت التالي :
وللمعلومية مدير معرض شمالات الرئيسي عرض علي اني اخذ منه الأجهزة الفرنسية سواء شراء او استبدال بأجهزتي الأمريكية
ولو انه جيد ايضا كان جبته وترزقت الله فيه ..... وش يمنع.

1 - اكيد راح يعرضها لانه في معرض يشترى ويبيع فهذا شي طبيعي !
2 - هم وكلاء الجهاز الفرنسي على حد علمي فلا يمكن أنك تجيبها ارخص منهم لانهم يجيبون من المصدر .
3 - بالصدفه أنا قابلت مدير معرض شمالات قبل كم يوم عند ولد عمي ، منهو مدير المعرض ( اسمه ) يمكنك مقابل احد ثاني :confused: ؟

شاكر لك ردك وسعة بالك وترى الدعوى سواليف :d

[مارشال]

حياك الله

الحديث يمكن يطول كثير......وانت تحب السواليف على قولك.......وفي الأخير يمكن مانطلع بنتيجه
وانا افضل انك تسأل احد غيري , يمكن يفيدك اكثر مني

شاكر لك سعة بالك

[ولد حايل]

الاخوان الكرام

السلام عليكم

من خلال تجربة مريرة وطويلة مع الاجهزة

نجح معي جهاز مرشال 16 طير

والريشة التي نجحة نجاح باهر وكبير دون مقارنة معي شخصيا هذا العام

الريشة القرص Hp الذهبية الحديثة حيث دقت معي على فضاء 20 كم

وبارض متعرجة ومهابط وحواجز 12 كم

حجرها قرص 1620
3فلت
تاخذ عدد 2 قرص حجر
تصل بعد القياس الى 6فلت

مدة البطاريات قليلة قد تصل الى ثلاث ايام متواصلة ( ما جربتها فعلا) ولكن تقريبي من خلال التجوال من الصباح للمساء بالمقناص

هناك مشكلة في تحديد الطير من قريب بهذه الريشة

حيث انها تدق بدون اريل على قطر حوالي 500متر حيث يصعب تحديد الطير في الاماكن الوعرة والشجر
واذا كان الطير ينقل علفه تزداد الخطورة

وانصح الصقارين بها

وفقكم الله

اخوكم
ابوعبدالرحمن
ولد حايل

[مارشال]

الأخ ولد حايل
حياك الله

انا استخدم الريش HP Gulf stage الذهبيه التي بداء عرضها في سوق الخليج من نوفمبر 2005.
من ناحية تحديد الريشة يمكنك تحديد الريشه وايجادها حتى ولو كانت مدفونه, حسب عدة تجارب قمت بأجرائها انا.
وذلك بتشغيل المفتاح الأمامي ON اللذي بجانب مشبك سلك الأنتل (في الجهاز) ومن ثم انقاص الصوت تدريجياً
ملاحظة يمكنك تحديد الريشة حتى الى مسافة 1 متر فقط

الريشة HP الذهبية 6 فولت متوفرة لدي بعدة ارقم متفاوته من 1- 100
بسعر 1500 ريال

[طيرحوران]

أنظر إلى اسفل الموضوع الآخر توهقنا بهذا ولا عرفنا نحذفه

[طيرحوران]

السلام عليكم ورحمة الله وبركاته

وأشكر الجميع على ماقامو به من إيصال المعلومه

ولكن بنفس الوقت لم نحصل على الزبده

يعني ماقلتو هذا الجهاز ممتاز وكذلك الريشة الفلانيه هي الأفضل بعد التجربه وكذلك البطاريات لم تتطرقوا إليها إطلاقا

الرجاء من الأخوه تحديد جهازه المفضل وريشته المفضله من واقع تجربته الشخصيه بدون كلمة يقولون أو سمعت

وبالمناسبه وصيت واحد وشرالي ريشة جهاز مارشال رقم 6 والرقم الطويل 166055 وهذه لاتعمل على جهازي وتراها للبيع

وشكرا للجميع

[مزراق]

السلام عليكم ورحمت الله وبركاته...
اخواني انا لقيت جهاز مارشال او مارسال وانا ماافهم بالاجهزه
بس يقول الجهاز امريكي والريشه مارسال او مارشال امريكيه والجهاز 16ريشه (طير)
ويروح 10 كيلو كم يسوى الجهاز بالريشه يعني حدود كم وهل الجهاز طيب افيدوني جزاكم الله خير.

[راعي الجير]

حصلت عند محل الصقر والصقار جهاز امريكي معاه 3ريش ولا نوع مثله 16 ريشه ابو 3 ريش 2300 بدون ريشه والثاني3300 وش رايكم ياهل الخبره الريشه لوحدها سعرها 1300

[راعي الجير]

الاخ مارشال السلام عيكم ورحمة الله

بغيت اسال عن جهاز وايلد وايف ابو 3 ريش كم سعره واي احسن هو ولا جهاز 16 ريشه

اخوك مبتدا و اول مره استخدم الجهاز ولا عندي الا طير واحد وبالكثير طيرين

اي واحد عنده معلومه لايبخل علينا خصوصا المري

[المري]

مرحبا ياراعي الجير وحياك الله يالغالي.. بالنسبة لبو 3 و16 ريشه هذا من شركة وحدها اسمها وايلد لايف وهو جهاز مايعلى عليه

من حيث القوه والدقه والتحديد وهو جهاز كداد جدا..

اما اسعارها فقد ذكرتها انت فوق يعنى مايحتاج . اما اسعارها مستعمله فهي مناسبة جدا ..

وسلامتكم..

اخوك / المري

[مارشال]

الأخ طير حوران
ابشر بالمساعدة والظاهر اني عرفت وين المشكلة عندك
اول شي:
1- اعتقد عندك خطاء هنا في كتابة تردد الريشة 166.055 ؟
والصحيح المفروض انها 216.055 اي مايعادل رقم 6
2- يبقى الآن عليك توضيح التردد الذي يقوم الجهاز بتشغيله
وسوف تجده قدام عند خشم الجهاز بجانب مشبك الأريل
واعتقد انك ستجده
A 216.000-216.010
B 216.040-216.050
C 216.080-216.090

اذا كان كلامي صحيح سوف استمر معك في توضيح طريقة تشغيل الريشة
انتظر ردك

وبخصوص البطاريات ابشر بشي لايعلو عيه من ناحية الجوده وسعره أنسب سعر في الماركت

[فارس 74]

اخوي مارشال عزالله ماقصرت بس اترك لنا رقم حتي نتصل بك

وجزاك الله كل خير

[طيرحوران]

الأخ مارشال (أبو فيصل )حياك الله

السالفة ومافيها أنا كان مع الجهاز ريشة مطابقة للأرقام إللي بخشم الجهاز على قولتك

لكن شرينا فرخ شاهين وهديناها على زاجل وأخفينا الجميع وبعد ماستعملنا الجهاز بداء يحدد لنا إتجاه الشيهانه لكن لم نرها لأنها كانت تطير من مكان إلى مكان وحتى في الليل المهم جلسنا على هالحال إللين طالت بنا المسافات إلى حدود الداهنه وأوشيقر والهدد كان في الغاط حتى أنقطعت الأشارة كليا والمشكلة الكبرى فرخ الشيهان أمرح بالخلى ليلة واستاحش

سالفة الريشة الثانية واللي جابت لي الصمرقع

أني وصيت أخوي يجيب لي ريشة من السويبع رقم 6 ولعلنا غفلنا عن التردد وصاحب المحل الله يهديه ماسأ لنا عن التردد والتردد إللي أنا ذكرته أنا خانتني الذاكرة في كتابته حيث أني كتبت 116 والصحيح ماذكرته انت ماشأالله عليك



ولكن تدري ماهي المشكلة بهذه الريشة حيث أنها من الخطر أنها توهق الواحد توهيقة محترمة مثل ماتوهقت أنا بس الحمدلله سلمت

تردد الريشة الصحيح هو ماثل ماذكرت 216055 وهذا التردد لايعمل على جهازي وهذا ماجعلني أسب الجهاز والمشكلة أنك إذا ركبت البطاريات وشغلت الجهاز عطك نغمة ممتازه على أنها شغالة

لكن لو تبعد شوي ماعطك إشارة

والحقيقة أنا ماشي على هالمنوال حتى تفاجأت قبل أسبوعين فكيت الجير على كراوين وأخفيته بالقرب مني لكن المكان مشاجر وشغلت الجهاز وماعطاني أي إشارة فقلت معقولة البطارية انتهت وبداء تساورني بعض الشكوك في الجهاز بعد مادعينا الطير طار من مكان حوالي 300 م فقط والله يوم تغيرت نيتي على الجهاز وقلت أشوف له حل

لأني صراحة من سنتين وأنا بأطلع طلعة خاصة للجهاز أختبره قوته وتحيد الوجه ودقته وكل يوم ياحمد باكر لين غدالي حوالي 3 طيور

وبالصدفة وحنا طالعين قبل اسبوع للكراوين ولا معنا واحد يبخص الأجهزة بخص ماشأالله ويطلع طيور الربع إللي تضيع كلها ماشأالله عليه

وقلتله تكفى يافلان شف هالجهاز والله أنه جاب لي الهم

يوم شاف الجهاز قال لك عليه الجهاز ويوم ركبنا البطارية ودق الجهاز وسمع الدقة على طول قال الريشة ماتشتغل على الجهاز وجاب جهازه وكذلك لم يجد التردد حق الريشة أنا طارت بوهتي قلت ياعني راح السنين فك الريشة ركب الريشة صلحه قال هذا الواقع

وبعدها ماركبت الريشة وغدا لي طير والحمدلله على كل حال

الزبده

أنا به الفايت أنا واحد من اربع يقاله ابو شعلان طبعا تعرفه إللي غدا له طير بالأحرى مسروق ومعه جهاز من الأجهوة إللي عندك الصغير والغريب يمدحه ويقول أفضل من الجهاز إللي معي حيث أنه حدد موقع الريشة وهي مدفونه بالأرض

عموما أخي مارشال شف الجهاز إللي عندي كان زين بأنا قضبته وشريت لي ريش صح ولا إذا كنت تشوف أني ابيعة والريشة بعد وناخذ لنا جهاز يخليك إذا فكيت الطير تفكه وانت مرتاح البال فهذا ابرك

عموما انا قلت قصت حياتي مع الأجهزه وطولت عليك وعلى القراء

الزبده الريشة الزينه وكذلك البطارية الزينة في نظرك وبعد التجربة وش هي

ألف شكر للجميع

[لهاب]

مشكورين على المعلومات النادره

[مارشال]

حياك الله
افضل شي اشوفه من الريش
Hp مارشال ام قرص 6 فولت وبطاريتها رقم 1620 عدد بطاريتين - ريناتا سويسري
Pm مارشال ام قرص 3 فولت وبطاريتها رقم 1632 وافضل انك تشتري ريناتا سويسري
Rt مارشال المطورة 3 فولت وبطاريتها 2l76 انرجايزر

الجهاز وايلدلايف ماتيريلز 3 طيور او 16 طير

هذا انسب شي في علمي والله اعلم

[راعي الجير]

السلام عليكم ورحمة الله وبركاته


مطلوب جهاز وايلد لايف ابو 16 ريشه نظيف ومشروط مع اوبدون ريش

[مارشال]

متوفر جديد فقط
2900 ريال