حرارة الباترول ترتفع اذا مشيت ابي الحل

[عاطل وداشر]

السلام عليكم
مشكلتي
عندي باترول سوبر 96 وانا واقف الحراره على الخط الثاني بعز البرد
اما اذا دعست للمكينه سواء واقف او ماشي ترتفع فوق الخط الثاني بفرق واضح
وانا الي خابره ان الموتر اذا وقفت ترتفع الحراره اما اذا مشت الموتر تقل الحراره
غريييييييبه مع العلم ان الاديتر اشيك على الماء ماينقص :eek:
وين الي يبي يطلع لي الحل :good2:
النقطه الثانيه حرارة الباترول الطبيعيه على اي خط
تكفون يالربع ابي الحل :)

[خط الجبيل]

الموتر اذا تمشي علية يسخن هذا الرديتر والله اعلم

صارت معي

شوف الرديتر يمكن فيه تلحيم او مواصير مقفله

برضه شيك على كلتش المروحه

[أحمد محمد1429]

سيخ الأديتر
والحراره الطبيعيه بين الخطين

[عبسي4800]

موترك يبيله تسسيخ اديتر واذا ماطلع منه الله يعينك علا مسح الراس

[sgl2002]

اول شي شيك على تماتيك المروحة واحتمال كبير انه هو

هل تسمع صوت المروحة وانت تدوس هل تسمع حنتها

[محب الشافعي]

اخي الكريم : الاديتر له خزانين , علوي وسفلي واحيانا يكون على يمين الاديتر و على اليسار , المطلوب منك بعد ان ترتفع حرارة المحرك ان تقوم بلمس هذين الخزانين في الاديتر ولكن بحذر فاذا وجدت اختلاف في الحرارة اختلاف واضح ما بين الخزانين فهذا معناه ان الاديتر فيه انسداد فلا يدور الماء بشكل طبيعي , اي ياتي الماء الحار الى اعلى الاديتر ثم يمر عبر الانابيب وتبرده المروحة ثم يخرج من الاسفل ابرد من السابق , وضعف المروحة يؤدي كذلك الى ارتفاع حرارة المحرك , ولا ننسى ان تآكل ريش الواتربمب يؤدي الى ضعف في تحريك الماء وبالتالي يؤدي الى ارتفاع حرارة المحرك .

[عاطل وداشر]

ياجماعه سيخت الاديتر وغسل المكينه من الداخل والى الان المشكله لم تتغير ابدا
كلفتتني 120 ريال
تكفون الي لهم خبره لابخلون علينا

[ابوسند9]

المشكله اتوقع من تماتيك المروحه حرك المروحه بيدك وشوف اذا كان خفيف مره فمعناه التماتيك خربان واللى اذا احتمى اطفى السياره وامسك المروحه بيدك وخلى احد يشغل السياره واذا شفت المروحه راح تفلت من يدك فمعناه التماتيك سليم والعكس صحيح
واللى شوف اي حد معه نفس سيارتك وفك المروحه مع التماتيك وجرب قبل تخسر

[محب الشافعي]

اخي الكريم : المشكلة انك سيخت الاديتر قبل ان تفحصها وقد وضحت لك طريقة معرفة انسداد الاديتر من عدمه انت يا اخي بارك الله فيك مستعجل شوي , اخي الحبيب : لمعرفة سبب اي عطل يجب ان نتدرج في الفحص من الاسهل الى الاصعب حتى لا نصرف المال على الفاضي , على كل حال الخطوة التالية هي فحص قوة المروحة وقد وضحها الاخ ابو سند 9 , واذا استمرت الحماوة اذهب الى الخطوة التالية : افتح غطاء الاديتر ولاحظ هل سرعة الماء بطيئة < انتبه جيدا حين فتح الغطاء كي لا تتاذى > اذا كانت سرعة الماء بطيئة فمعناه ان ريش الواتر بمب < طرمبة الماء > متآكلة فلا تدفع الماء بقوة وفي هذه الحالة عليك باستبدال طرمبة الماء .والسلام عليكم ورحمة الله وبركاته .

[عاطل وداشر]

طيب ابجرب الخطوه التاليه
وابلغكم بالتطورات

[faisal7]

تأكد من خرطوش الماء السفلي احيانا مع الدوس يكمش ولايسمح بمرور الماء بشكل كافي.

[مركز حراره]

ممكن موترك طبيعي بس تاكد من طرمبة الماء

[lo8oo8ol]

أفحص خراطيش الماء اذا كانت قديمة ترا مع الحرارة تكمش (تمنع مرور الماء)

مجرد سؤاال / هل يوجد ترمستات حرارة بالموتر ..؟؟
ممكن تكون هي مسببة الحرارة ... مكانها تركب على خرطوش الماء العلوي من جهة المكينة ...


لا تستعجل بدفع الفلووس ... اعرف العلة وبعدها ادفع ... نصيحة ... :)

[عاطل وداشر]

ياجماعه رحت لم المكانيكي اليوم
وقالي شغل السياره واشوفه مسك المروحه بيده شغلت السياره حتى ارتفعت
الحراره الى النصف وبعدين ترك المروحه بدات تشتغل بس بدايتها ضعيفه
وبعد كذا زادت سرعتها وقالي احتمال كبير تماميك المروحه خربان وش رايكم
اصلح التماتيك والا لا
وعندي سوال هل فيه طرق اخرى لفحص المروحه

[مركز حراره]

لأ تبد التماتيك ركب مراوح كهرب احسن واجد السعر متقارب ولاداأفضل وحتى الموتر يخف

[rayes3]

المشكلة هذي مرة على وتم تسييخ الاديتر ولله الحمد الحرارة طبيعيه جدا

[patrol-fa]

السلام عليكم .. اخوي حرارتك ترتفع فوق الربع إلى وين ؟ إذا كانت تحت الثلث تراها طبيعية
بين الربع والثلث او حول الربع بس بشرطة <

وإذا كانت ترتفع بشكل ملحوظ لا يكون ناقص الموية إذا كان تمام شف بلف الحرارة تلقاه بالكوع العلوي باتجاه البطارية .. لا يكون يسد المجرى او شيء

إذا كان تمام شف الكاور < الهواية > البلاستيك لا تكون متكسرة او القطعة السفلية طاايحة > تراها تسوي سوايا وتخفا عن الناااس ..
تأكد منها ..


إذا كان تمام شف طرمبة الموية وطريقة فحصها افتح غطا الإديتر وخل احد يدوس بنزين شف الموية تنزل تتحرك بسرعة إذا كانت كذا فهي تمام إن شاء الله ..

[عاطل وداشر]

اشكركم ياشباب لتفاعلكم
ولكن المشكله لازالت خلوني اعلمكم وش سويت
بعد ماقالي الميكانيكي بدل تماتيك المروحه نقزت لم التشليح جبت تماتيك مروحه ب250 ريال
الله لايخسر بدلت التماتك وانا خشتي تبي تنشق من الفرحه طبعا بدلت التماتيك
طلعت من الورشه خلاص ضامن انا انه زان لكن تفاجات انه نفس المشكله لم تتغير ابدا
ذيك الساعه قلت افجر به والا احرق به والا اصدم جدار والا اولع بنفسي واشق شعري
بعدين يوم صار بالليل وقفت بالبيت وفكيت بلف الحراره وصكيته بالجدار يعني خليت الجيب بدون بلف
رحت جربت الموتر صارت الحراره فوق الخط الاول بشعره واذا دعست للمكينه تصير على الخط الثاني
واذا تمشيت عليه صار بين الخطين
والي يعلمن الحل ابعطيه قروووش >>>> خلاص قفلت معي تكفون وش الحل

[عاطل وداشر]

اشكركم ياشباب لتفاعلكم
ولكن المشكله لازالت خلوني اعلمكم وش سويت
بعد ماقالي الميكانيكي بدل تماتيك المروحه نقزت لم التشليح جبت تماتيك مروحه ب250 ريال
الله لايخسر بدلت التماتك وانا خشتي تبي تنشق من الفرحه طبعا بدلت التماتيك
طلعت من الورشه خلاص ضامن انا انه زان لكن تفاجات انه نفس المشكله لم تتغير ابدا
ذيك الساعه قلت افجر به والا احرق به والا اصدم جدار والا اولع بنفسي واشق شعري:looney:
بعدين يوم صار بالليل وقفت بالبيت وفكيت بلف الحراره وصكيته بالجدار يعني خليت الجيب بدون بلف :f
رحت جربت الموتر صارت الحراره فوق الخط الاول بشعره واذا دعست للمكينه تصير على الخط الثاني
واذا تمشيت عليه صار بين الخطين
والي يعلمن الحل ابعطيه قروووش >>>> خلاص قفلت معي تكفون وش الحل:hot:

[عاطل وداشر]

الكاور ماانتبهت له
لكن انا مسيخ الاديتر
وبالنسبه لطرمبة الما اذاا دست تنزل واذا تركت الدعسه ترتفع مابه مشكله الطرمبه
ماهو الحل
تر الموتر باترول 96 بخاخ

[محب الشافعي]

اخي الكريم : اهدأ وكل مشكلة ولها حل باذن الله . هل انت متأكد ان تماتيك المروحة الذي اشتريته من التشليح مضبوط ؟ تأكد فربما يكون هو الآخر تعبان , اذا تستطيع ان تجد محرار < لقياس درجة حرارة الماء > هذا المحرار خاص لفحص درجة حرارة ماء الاديتر وبذلك تستطيع معرفة درجة حرارة الماء الصحيحة للاديتر ومقارنتها مع درجة المقياس في الطبلون , فربما ان الخلل في قراءة المؤشر في الطبلون ولا يعطي قراءة صحيحة مطابقة لدرجة حرارة ماء الاديتر .

[عاطل وداشر]

وشلون شكله والا صوره للمحرار ووين احصله

[lo8oo8ol]

أخوي عاطل ...
قم بفتح القزوز (الشكماان) من بعد المنفولت ..

ولحظ هل يوجد فرق بالحرارة وهي واقفة ومع الخط ...

الله يعينك على الصوت بيكون مزعج ...

اذا وجدت ان الحرارة اصبحت افضل ... بعد فتح القزوز (الشكمان) فالنتيجة هي ان الدبة القزوز مسكرة (متعطلة)

[محب الشافعي]

وشلون شكله والا صوره للمحرار ووين احصله اخي الكريم : تجد هذا المحرار عند الميكانيكية فهم يفحصون به ولا تخلى ورشهم منه والفحص ما يطول اكثر من دقائق , والله يعينك .

[محب الشافعي]

اخي الحبيب : والله اني احس بمعاناتك ومتعاطف معك , ولكن لا بد لك من الاستمرار بالفحص ولا يصيبك الملل , واقتراح الاخ ا080080ا صحيح , اذا لم تستطيع ان تفعل ما قاله لك , شيك دبة التلوث ودبة العادم عند صاحب ورشة ناصح واسأله اذا كان عنده محرار لفحص درجة حرارة ماء الاديتر وكذلك يشيك وزنية الديلكو والبواجي < الخلوص > والله الموفق .

[patrol-fa]

بما ان البلف يوم شلته تغيرت .. ركب بلف غيره .. وش لك نحاس يمكن اصبر شوي ..

والكااور الهواية تأأأأأكد منها .. وع كلامك

تقول اخذت تماتيك من التشليح وش يضمن لك إنه زين ؟ انا شاري ياباني جديد بحدود المية وعليها ويوم عرفت إن تماتيك حقي تمام رجعته له ولا قال لي شيء .. لأن قلت له ابشوف ..

ولعلمك التسييخ مهب دايم يزبط ارديتر 290 المنيوم .. وانا اتوقع من التماتيك لأنك تقول إذا دعست احتمت .

فيه طريقة حلوة قالها اخونا اصيل حجازي الله يوفقه .. عندك التماتيك تقدر تخليه يصير عادي يجمد يعني مشبوك ما يفصل ابد وهذا افضل حل علشان تعرف هل هو منه صحيح ولالا ..

شف التماتيك ببطنه من جهة الإديتر بالوسط فيه زي السبرقن اقلعه فكه >> جب مفك مسطح وفكه

وطريقة وصوره مسوي اخونا اصيل .. وحلوه احسن من أنك تتخسر وتشتري تماتيك ..

> مختصر الكلااام كله .

مشكلتك يا إن الإديتر متسدد ما عرف يسيخه إلي رحت له . أو التماتيك .. والبلف احتماال يكون ما يفتح غيره ما يتعى الخمسين ..

[أحمد محمد1429]

اخوي أنت لقيت المشكله من البلف أنا معي سفاري 90 وحراته مثل حرارة سيارتك بين الخطين بس البلف راكب
انت غير البلف بس

[عاطل وداشر]

يا اخوان غيرت التماتيك جبت ياباني جديد اما بالنسبه للبلف شلته وانزلت الحراره
لكن المشكله لازالت وهي اني اذا دعست على المكينه ترتفع وانا ارى ان السياره اذا مسكت به خط تنزل
يعني انا غيرت التماتيك وشلت البلف وسيخت الاديتر لكن شكلي ابسيخه مره ثانيه
مع العلم ان الحراره انا واقف بين الخطين واذا مسكت خط ترتفع عن الخط الثاني الى الثلث
والمسافه تقريبا 35 كيلو الي مشيه
*مشكلتي اذا زاد ضغط المكينه زادة الحراره الى الثلث والا الوقوف بين الخطين*

[ابوسند9]

عاطل
اذا انت سيخت الاديتر ليش تسيخه ثانيه؟ ما يحتاج
انت اشتر بلف اصلي وكاله وجرب والبلف مهم جدا لان السياره اذا ما فيها بلف راح تبلش كل يوم جلد بلوف وكربون في خانة البستم
انت جرب وركب بلف جديد
الشي الاخر تاكد من الربله او صاجة المروحه انها راكبه كويس حتى ما تسحب المروحه هو من الخارج
وخبرنا يا الداشر وش يصير معك

[عاطل وداشر]

هههههه
انا عندي سوال
حرارته الجيب بالديره الربع ويرتفع شعره
وبالخط الثلث هل هي مشكله

[lo8oo8ol]

هههههه
انا عندي سوال
حرارته الجيب بالديره الربع ويرتفع شعره
وبالخط الثلث هل هي مشكله


نعم تعتبر مشكلة بالنسبة للبترول لان البترول نادر ما تتحرك حرارته فوق الربع ..

وان لم تكن مشكلة فهي دلالة على بداية لمشكلة ...

وشكرا (جهة نظر )

[مرعب الحمام]

الصور أسفل الموضوع صور تفصيلية شرح كامل لأهمية الغطاء

http://www.albreah.com/vb/images/smilies/eek.gifبسم الله الرحمن الرحيم
السلام عليكم ورحمة الله وبركاته
انا عندي لاندكروزر 97
الحرارة توصل إلى نص وسعات فوق نصف وهذا غير طبيعي في تويوتا القديم حسب ما سمعت :(
ورحت عند راعي ورشة يقول سوى صيخ لراديتر وسوى تنظيف لدورة الماء في المكينة
ورحت عند راعي الرديتراد وصيخ رديتر و سوى تنظيف لدورة الماء ونظف غطار رديتر
وخزان الفائض يلي من الجنب
وحاسبته كلفني 90 تصيخ + تنظيف دوردة ماء 40 + 30 ريال ماء اصلي تويوتا سعودي= 160 ريال
والحرارة ماضبطت رجعتله قالي ان صيخت و نظف دورة الماء ورديترك ما يهرب ونظيف والخراطيش سليمه :confused: :confused:
الشغله من توماتيك بس شيكه عند كهربائي
وشيكه الكهربائي قال دفعه ضعيف قلتله اثبت لي قال طف الموتر وطفيتي اقلي شغل وكان ماسك المروحة
وترك المروحة ولا تحركت قال ها خرابان قلتله خربان قال جب اصلي وكانت كل محلات مسكلة معد
محل ورحت وجبت واحد تجاري ب 150 مايبيع إلا تجاري وعطاني ضمان تشغيل 150 + 30 = 180 ريال
وشتغل وتمام بعد نص ساعة ارتفعت الحرارة :mad:
وروح ورشه قالي غير الطرمبه نشاء الله تضبط
وغيره اصلي ب 220 ريال وشغله 70 220 + 70 = 290 ريال
بعدي ضلت الحرارة مرتفعه:mad:
وفي الطريق مريت على بنشر وقالي بشيل البلف ب 10 قالت له شيل و شاله
وطاحت الحرارة :D ولان بدون بلف حرارة
وبعد فترة ارتفعت:mad: إلى الربع قالي البنشري موترك يا في راس المكينة يا غطاء راديتر
واروح واشتري غطاء نيسان اصلي لاني ماحصلت تويوتا جيت و اغلب المحلات مسكله
ورح عند محل نيسان وشتريته ب 15 ريال
ونحلت المشكلة
قصة طويل عريضه وكلفتني 640 ريال خساره مع غطاء 655
وتكلفه فقط غطاء 15 ريال
انصح الجميع بعدم الاستهانه بغطاء الرديتر غطاء بس يسوي الهوايل


فكر في الارخص إلى الاغلاء
تشيك على الرديتر والخراطيش بعدين تشيك على المروح بعدين تبدل غطاء بعدين تبدل البلف إلخ.........
الان نحلت المشكلة :D

:o

الآن اليك الصور مع بعض الشرح لتعلم أهمية هذا الغطاء
اذا تعطلت الربلة او اذا فيها تنسيم او ضعف مع الزمن
تصير تفوت ماء او تكسب الرديتر هواء
وهذا يضر بالرديتر ويكسب المحرك حرارة زائدة
فالغطاء مبادل حراري وواسطة للقربة حقت الماء الزائد تابع الصور
http://www.mekshat.com/pix/upload05/images236/mk183653_2355.gif




قدي كون الغطاء يحتوي فقط على ربلة او قد يحتوي على صوفة وربلة شيك على الغطاء من الناحيتين انظر الصورة أدناه
http://www.mekshat.com/pix/upload05/images236/mk183653_2356.gif



كذلك افحص عموم الغطاء والزنبرك لايكون لين او لايضغط بإحكام
او يكون به صدأ قد اخل به انظر الصورة أدناه
http://www.mekshat.com/pix/upload05/images236/mk183653_2357.jpg




رسم توضيحي لعملية شفط وأرجاع الماء من الرديتر للقربة

عند حرارة المكينة فلابد لابد ان تكون الربلات سليمة لتظمن حركة سليمة متوازنة لمرور الماء وتبريده

انظر الرسم التوضيحي
http://www.mekshat.com/pix/upload05/images236/mk183653_2358.gif
http://www.mekshat.com/pix/upload05/images236/mk183653_2359.gif

منقول للفائده

[عاطل وداشر]

ههههه قصتك تضحك وبنفس الوقت قهر
لكن ابجرب غطاء احد الشباب
مع العلم اني غيرت تماتيك مروحه و سيخت مرتين مع غسل السلندرات
والبلف مبدله
وراح اوافيكم بالجديد انشاء الله يكون من الغطاء يارب

[abu albraa]

اخي الحبيب احل الاكيد بإذن الله انك تغير الاديتر
وهذي نصيحة مني لاني مريت بنفس المشكلة
في الباثفندر صيخته وغيرت الغطا وغيرت تماتيك المروحة من الوكالة ب٩٥٠
وغيرت اللي اللي من المكينة الى الرديتر ونفس المشكلة
وغيرت الرديتر بنوع اردني ب٥٠٠ريال وزبطت والحمدلله الحرارف ع الربع لا تطلع ولا تنزل
ابد في النيسان حتى في الطلوع ما ترتفع الا شي بسيط
ولاتنس البلف مهم جدا اصلي لانه ينضم دخول الماء وخروجه من والى المكينة

[نحال مكشاتي]

ارتفاع الحرارة مع زيادة السرعة سببه غالباً تنسيم في الديتر أو الخراطيش ولو دققت جيداً لوجدت اثر لتسرب الماء

ولو على شكل بخار !

[عاطل وداشر]

غيرت غطاء الرديتر ولكن نفس المشكله
باقي البواجي اغيرهن وباقي وزن بلوف وش رايكم يمكن تكون المشكله منهن

:f

[عاطل وداشر]

لقيت المشكله:D:eek:
وحليت الحراره
طلع من حساس الحراره
خربان ويعطين قرائه
خاطئه
غيرته ونزل عداد الحراره
بس قهر غيرت البلف وغيرت
التماتيك وسيخت مرتين
وغيرت الدبه
خسرت اكثر من 500
ريال على الفاضي
لكن الحمد لله