فزعتكم تكفون يالربع بخصوص الهوائي

[عبد الله 99]

السلام عليكم
يالربع بلاني الله بساكتون قديم قلت بتليقف و اجربه على انه قديم
و رحت و شريت فشق 4.5 و صارت صغيره تطلع من الماسوره قلت ما عندك مشكله نبدلها ب 5.5 و عشقت و طلقت الا و الرصاصه ناشبه في نص الماسورة
و بلشت به لانه موب مصرح و تخاف يصادر
و ابشروا بصورته اليوم
على انه كان اذا عشقت و طلقت يطلع شي بني لاهو غبار ولا صدى
افيدوني بيض الله وجهكم×

[magnum 350]

السلام عليكم يالغالي يمكن هذى السلاح الي انت رميت به قديم مره وراعيه ساد سبطانته بحاجه للحفاظ عليه لعدم دخول الغبار الي داخل السلاح من السبطانه ويمكن يكون الي في السبطانه قماش مطوي انصحك خذ لك سيم صغير مرره وصالب يعني يامعلاق او اصغر ويكون صالب عشان مايخرب عليك الحلزون الداخلي للسبطانه ويكون دفك من وسط السبطانه بالظبط لأجل الدف ومو تدف من الجهه الي تكسر معها لا دخلها من فوق من فوهة السبطانه وتدف تحت وانت مخلي البندق مكسورة ودف الين يطلع الي في السبطانه كله برى وان امكن نزل مع فتحت السبطانه زيت سلاح بسيط ان كان موجود عندك يالغالي

[عبد الله 99]

والله ما ضنيت انه مسدود
لاني جربت قبل بفشق مقاس ٤.٥ و كان تمام بس صغير يعني تدحدر اذا وجهت السلاح للأرض
بس يوم جبت ٥.٥ جت راكبه بس نشبت في النص و حاولت بالسيم ادفها بس ماش

[هوليووود]

الستته ضعيفه لا تتعب عمرك ودها وغير الستته والسبرنغ وتضبط

[نديم تركيا]

الستته ضعيفه لا تتعب عمرك ودها وغير الستته والسبرنغ وتضبط


السلام عليكم

تماما كما تفضل الأخ هوليووود يجب تغيير السبرنغ والستتة وبخصوص مقاس الرصاص ابحث في اجزاء السبطانة وستجد مكان مكتوب فيه مقاس الرصاص

قد يكون : .177 أي مقاس 4.5
أو يكون : .22 أي مقاس 5.5

وبالتوفيق إن شاء الله

[عبد الله 99]

بيض الله وجهكم
و الله لا يهنكم وين ألقى الي يصلحونه
و كم ياخذون تقريبا
و هل فيه اشكال لو كان موب مصرح
اعذروني بثقل عليكم شويات

[عبد الله 99]

سبحان الله و بحمده سبحان الله العظيم

[الرامي الماهر]

يا اخي الكريم الهوائيات ماحد يشدد عليها امورها سهالات مصرحه والا غير مصرحه

لو شوزن او خرازه ماينفعك حتى لو مصرحه يعني تصريحها مثل قلته بهذله بكلا الحالات الله المستعان

[عبد الله 99]

الله لا يهينك
بس ما ذكرت وين يصلحونها

[صقار الرياض]

إن كانك ب الرياض رح الرميح يصلحها لك

[عبد الله 99]

بيض الله وجهك

[قانوص قديم]

السلام عليكم ههههههههههههه والله ياخوي يا عبدالله اني ضحكت يوم قرات يطلع منها شي بني لاهو صدى ولاغبار اذا صلحتها هل العجوز زوجها فايروخ 80 يمكن ترد شباب ههههههه الله يبارك لك فيها ويرزقك من صيدها اللهم امين الشباب ماقصرو ومانتعداهم :D