أدور صاحب طراد يطلع للشعم والسبيطي

[مدمن الأسماك]

:f:f السلام عليكم إخوانى الكرام تحياتى لكم جميعا وكل عام وأنتم بخير وصحة
سؤال أان بدور على صاحب طراد بالشرقية يكون سعره مناسب وما يدور الشعري لأننا خلاص زهقنا من هذه السمكة يكون هذا الرجال يدور الشعم والسبيطي لو أحد الإخوان يعرف راعى طراد يا ريت لو يزودنا برقم جواله بعد إذن الإدارة ولا نحرم أبدا من خبراتكم ونصائحكم ؟

[صياد الحساء]

الاخوان انشاء الله مابيغصرون معك بس بشرط تخذني معك هههههههههههه

[مدمن الأسماك]

الاخوان انشاء الله مابيغصرون معك بس بشرط تخذني معك هههههههههههه

نتشرف بك أخى صياد الحساء

[White_Shark]

حياك الله أخوي مدمن الأسماك

يفيدونك الإخوان إن شاء الله اللي أنا منهم :D .




بالنسبة للشعم والسبيطي ماله داعي تروح بطراد , لأن الغزير ماراح تلقى سبيطي إلا ماندر وفي مواقع معينة .. لكن إن لقيت لك طراد يوديك جزيرة صغيرة من جزر الجبيل الصناعية , فراح تلقى فيها خير .. شوف اصحاب الطراريد اللي يطلعون من الجبيل أكيد عندهم علم بهذي الجزر والمواقع .

تقبل تحياتي .

[accentkool]

والله ماني خااابر راعي طراد مختص فيهم بس السبيطي معرووف ملك الاسيااف
ان حبيتة دورة بالاسياااف والعواااري

[الرحموني]

يفيدونك الإخوان إن شاء الله اللي أنا منهم :D
.



ههههههههههههه


لا تعلييييييييق

[eyad sk]

ان شاء الله يفيدونك

[جراح العيسى]

بس ترى الحداق وخاصه حداق السبيطي يبيله طولة بال مو مثل باقي السمك

ونصيحتي لك السبيطي بالبرد ما يبي الغزر احرص على السيفه الهاديه وخلك متواجد على بداية رشة المايه واهم الطعم لا تنساه يكون طازج والله يرزقك ما تتمناه

[nasser a]

الحين السبيطي راح مافي الا مزيزي

والشعم مالي البحر

مالك بالطراد بس الاجواء ماتساعد خلك عا السيف ان كانك في الجبيل عندك مردومه رحح لها من اولهاا يعني من اطرافها

الدمام ماعرف فيها شي

العقير عندك الزبنه

وسلامتك

[مدمن الأسماك]

حياك الله أخوي مدمن الأسماك

يفيدونك الإخوان إن شاء الله اللي أنا منهم :D .




بالنسبة للشعم والسبيطي ماله داعي تروح بطراد , لأن الغزير ماراح تلقى سبيطي إلا ماندر وفي مواقع معينة .. لكن إن لقيت لك طراد يوديك جزيرة صغيرة من جزر الجبيل الصناعية , فراح تلقى فيها خير .. شوف اصحاب الطراريد اللي يطلعون من الجبيل أكيد عندهم علم بهذي الجزر والمواقع .

تقبل تحياتي .

شاكر لك white shark معلوماتك وخبراتك

[مدمن الأسماك]

شاكر للجميع على وقته وخبراته تحياتي لكم إخواني

[xmx202]

داخل البحر مالك غير الشعري

في عز البرد مثل هالايام مكن تطلع لك كم سمچه غير الشعري.. اما فسكره والا ناجله

اما الشعوم والمزيزيات مايبعدون هن السيف

[mr-albreak]

بسم الله الرحمن الرحيم

السلام عليكم ورحمة الله وبركاته

هلا فيك اخوي مدمن اسماك واسفين على تاخرنا باالرد الشافي

طلبك انشاالله موجود

هذا رقم صاحب طراد رجال نوخذه وابن حلال انت كلمه وانشاالله راح يفيدك

0552129467

تحياتي لك ودعواتنا لك باالتوفيق

[مدمن الأسماك]

بسم الله الرحمن الرحيم

السلام عليكم ورحمة الله وبركاته

هلا فيك اخوي مدمن اسماك واسفين على تاخرنا باالرد الشافي

طلبك انشاالله موجود

هذا رقم صاحب طراد رجال نوخذه وابن حلال انت كلمه وانشاالله راح يفيدك

0552129467

تحياتي لك ودعواتنا لك باالتوفيق

شاكر ومقدر لك