ناوي اشتري سياره مشورتكم

[استشاري]

السلام عليكم
احتاج رأي الاخوه و ما خاب من استخار و لا ندم من استشار
حصلت جيب كوري-الماني اسم الشركه المصنعه سانق يونق ssyang young و الجيب اسمه اكتيون (Actyon) هل فيه من الاخوان يعرف عنه شئ, المكينه و القير الماني اصلي
و ايها افضل جيب كيا سبورتاج
او جيب كيا سورينتو
او جيب هونداي توسان
او جيب هونداي سنتانافي

للمعلوميه الجيب الكوري-الالماني هو الوحيد اللي يجي دفع خلفي اساسي
المفاضله توفر الصيانه خارج الوكاله و اسعار و استهلاك قطع الغيار و تحمل الكرف

و دمتم بخير و صحه و عافيه

[يكفيني نظرة]

انا رأيي انك تاخذ مستعمل نظيف لو قديم احسن من تاخذ شي محدودمثل السيارات اللي ذكرتها..
واقصد بمحدود ان هالسيارات قطعها لها وحدها وغير متوفره بكثره ووكيلها غالبا محتكرها فتكون غاليه..

[Magellan]

اعتقد ان السيارة كان عليها عرض قبل سنتين بسعر 40 الف
الحق يقال لا اعرفها ولكن قد شفتها اكثر من مره
لكن قد قريت واحد تعذب منها بعدم وجود قطع لها واخيرا ركنها عند الزاهد
يعني اعتقد وكيلها الزاهد،،،
فأنت اسأل وابحث في النت قبل ماتشتري
مع اني افضل لك اختيار سيارات هونداي
طبعا الوكيل الآن هو وليد خالد الدبوس من الكويت ومقرهم طريق خريص بالقرب من مطعم الشرفة
http://www.snl-manager.com/newsletters/kuwait/l_1107/1.jpg

[السنع كله]

موديل مشهور خير من اصيل مغمور
عند البيع وعند تبديل الغيار وعند

[البرحه]

لا أعرف السياره طبعاً ..

لكن أعرف شي واحد .. لا تشتري سياره غير دارجه ومنتشره ..

قطع الغيار .. التصليح .. سعر البيع .. عدم الرغبه عند البيع .. وأشياء غيرها تنفرك من هالنوع من السيارات

[عاشق وولهان]

لا اعرف السيارات التي ذكرتها...ولكن لن اظيف شي جديد الاخوان ماقصروا عطوك المفيد
ولكن اخي العزيز ...خذ سياره معروفه ومنشره بكره ومجربه ومتناوله في البيع والشراء وقطع غيارها متوفر ورخيص
اما السيارات التي ذكرتها ...فصعب انك تلقى قطع غيار بسهوله لابد من طلب وانتضار... والخ
ولو احتجت وصرت بتبيع ماتلقى عليها طلب او نظر...وسلامتك واتمنى لك التوفيق

[التعـ King ـديل]

انا اشور عليك تاخذ جيب معروف حتى لو قديم موديله افضل من هالسيارات من ناحيه الصيانه والصبر وقطع الغيار والبيع بعدين ماتطيح بتسبدك

[أبوغمارة]

الله لايحدنا عليها ، ماتصلح لوبريال

[أمير العجمان]

الرجال ما حط هالمواتر الا وهو عارف ميزانيته
وانتم قاعدين تحطمونه
لو الواحد بياخذ اللي براسه , كان كل الشوارع فكسارات و باترولات


اخوي انا شوري عليك لا تتعدى الهونداي
تراها صبوره

بالتوفيق

[مشلخ الذيب]

أقترح عليكـ هذا :

http://www.automotivewall.com/wp-content/uploads/2011/07/2012-hyundai-santa-fe-side-view.jpg

جيب هونداي وقطع الغيار متوفرهـ

[استشاري]

الى الاخوان جميعا
الله يعطيكم العافيه
وماقصرتوا
و اراء نعتز بها
و شكلي ناوي على الهونداي, سياره اصبحت دارجه و تنافس تويوتا بالشعبيه
و من ناحية قطع الغيار حتي التايوتا قطع غيار غاليه
و مصنعه بالصين و لا بتايلند
المشكله انك ما تحصل جيب ياباني اقل من 120-140 الف ريال و منتف مافيه من المواصفات شئ
اشكركم و دمتم بخير

[عاشق هدد 6]

[]


كلامك اخوي سليم ,امير العجمان من ناحيت ميزانية الرجال ,, .. لاكن اشوف انك تبحث عن سياره بديله على قد فلوسك لان السيارات الي زي ذي راح تتعب معها

في حالت خراب قطعه او مشكله

والله يرزقك

[ابونبيل]

انا اشور عليك تاخذ جيب معروف حتى لو قديم موديله افضل من هالسيارات من ناحيه الصيانه والصبر وقطع الغيار والبيع بعدين ماتطيح بتسبدك


ما ازيد على كلامه :good2:

[لاندكروزر11]

مشكلتها بقطع الغيار تعطل شهر عشان قطعه