بنتين على اسم مركب(جديد) ,,,,,,,,,,,, الحل حبة الخال ,,,,,,,,حله الخامسي

[ال-رايق]

السلام عليكم ورحمة الله وبركاته,
أرحب بالجميع واقدم هذا اللغز عسى ان ينال اعجاب ,,اخواني:-

فيكم أهلّي ياجمــــــاعه وارحّب=ترحيبة ترجـــح في كل المـوازين
واهدي لكم لغز ولا ظن يصعب=على هل التفكيـــــر وانتم ذهينين
يا ويش بنتين على اســم مركب=شراكة في الشكـل لا في العناوين
الأولة للحـــــــي تعرف وتنسب=من خلـق أبونا آدم لذلحــــــــــــــين
والثانية نصيحـــــة اللي مجرب=ينصح بها من هو سبقنا على الدين
الأولـــــــه الى ومن حي اقرب =والثانية الى وحــول المواعــــــيـــن
وسلامتكم,,,,
أخوكم/أبو مهنّد
خيمة الألغـــــاز

[صقر السديرات]

صح لسانك يا مبدع
حيي فيك حضورك القوي يا ابو مهند
انت حقا رئع
عالم حواء
الضلع داري

[ال-رايق]

صح لسانك يا مبدع
حيي فيك حضورك القوي يا ابو مهند
انت حقا رئع
عالم حواء
الضلع داري


صح كلك ,,,,,,,,,,,,
ويالبى والله وجودك ’’’’
لكن لا تستعجل خل الباص يكتمل وان ما اكتمل النصاب نلغي الرحلة:D
حاااول ومدري لو مرت وياكثرهاااااااااااا

[الأديب]

وعليكم السلام ورحمة الله وبركاته

صح لسانك
الليله برد والضلع مشكله
الله ييسر الرمعه المناسبه
دمت برعاية الله

[ال-رايق]

وعليكم السلام ورحمة الله وبركاته

صح لسانك
الليله برد والضلع مشكله
الله ييسر الرمعه المناسبه
دمت برعاية الله


صح بدنك ,, كله ’’ من الهامه الى أقدامه
وبانتظارك ثانية
ولا تشيل هم الليله ما فيه الا ابوفيصل ونابم في الباص الأكسبرس مستغل الفضوة ومسدح المراتب
عسى الله يجيب مقرنس يوسع صدره.

[ناصر العلي]

وعليكم السلام ورحمة الله وبركاته
والمهلي مايولي
سلمت يالغالي
وصح لسانك
ويش قولك بـ
الصابونة
صابونة الركبة....صابونة اليدين والمواعين

[ال-رايق]

أسفرت وأنورت بك يابوعلي::::::وحياك ربي
والرمعة مع المدرج (RUNWAY) الصحيح ,,مقلعة.
حاول وفالك طيب’’’’’’’’’’’’’’’’’’’’

[ناصر العلي]

سلمت يالغالي
وربي يحييك ويسعدك
ويش قولك بـ
تفاحة آدم...وتفاحة حواء

[تميمي.1]

صح لسانك
وش رايك في :
عين الادمي وعين القز

[ابو ماجد 2]

وعليكم السلام ورحمة الله وبركاته



والمهلي مايولي
سلمت يالغالي
وصح لسانك
ويش قولك بـ
الصابونة


صابونة الركبة....صابونة اليدين والمواعين


صح لسانك يابو مهند
ابداع الله يزيدك من فضله
ماانتبهت انك تقصد مُركب الا بعد مشاهدة مرماع ابو علي
كنت اقرأها مَركب احد وسائل النقل
وهذي مشكلة الالغاز الكتابيه

[الخامسي1]

السلام عليكم ورحمة الله وبعد

جيتك على الطاير ولاني محسب ***رمعه ولو ماصابته قلت امين
يحفظك ربي تجربه يا مدرب *** والقادمات اجمل ومعها براهين
حبة لخال وحبها قبل تنشب *** والحبه السوداء بطب ودواوين

حبة الخال
حبة البركه

[مقرنس الشيهان]

صح لسانك ابا مهند
ومؤيد لأخونا الخامسي
لأني حسيت اني تقل بصير ذكي واعرف للالغازكم الذكيه
وجت في بالي الرمعه وسبقني الخامسي شكلي بانجح بالترم الاول

[ال-رايق]

اخواني,,,,,,,,,,,,,,,
السلام عليكم ورحمة الله وبركااااااااااااته..وبعد:-
أرجو المعذرة لعدم تجاوبي معكم بالشكل المطلوب ((اسمعكم ولا أسفهكم)) واسمحوا لي باظهار النتيجة النهائية للغز والذي جاب اخبره بطل الرماية -الخامسي -بيّض الله وجهه ووجيهكم.
كفو يا بو نايف ثم كفو

وصح لسانك مليار.. نعم +ونعم
وسلامة الجميع

[ال-رايق]

سلمت يالغالي
وربي يحييك ويسعدك
ويش قولك بـ
تفاحة آدم...وتفاحة حواء

عشت يابو علي
والحل عند اخونا الخامسي

[ال-رايق]

صح لسانك يابو مهند
ابداع الله يزيدك من فضله
ماانتبهت انك تقصد مُركب الا بعد مشاهدة مرماع ابو علي
كنت اقرأها مَركب احد وسائل النقل
وهذي مشكلة الالغاز الكتابيه


تسلم يا بو ماجد والعذر والسموحة فعلا المفروض احط الشدة وانا اهتم للشي هذا والدليل البيت الاول لأنها تترجم حاجات واتمنى الجميع يتقيدون بالشي هذا وانا اولهم.
وصح لسانك والحل جابه اخونا الخامسي .

[ال-رايق]

صح لسانك
وش رايك في :
عين الادمي وعين القز

حي الله اخوي تميمي ,, والاتجاه صحيح
والحل عند اخونا الخامسي.
تسلم وخيرها بغيرها.

[ال-رايق]

السلام عليكم ورحمة الله وبعد

جيتك على الطاير ولاني محسب ***رمعه ولو ماصابته قلت امين
يحفظك ربي تجربه يا مدرب *** والقادمات اجمل ومعها براهين
حبة لخال وحبها قبل تنشب *** والحبه السوداء بطب ودواوين

حبة الخال
حبة البركه


ما شاء الله عسى ربي ما يضرك
والله ما هقيت بسدحته بدري,,,,,,,,,,,,,,,,,,,,,,,,,,,,كفو وصح لسااااااااااااااانك

[ال-رايق]

صح لسانك ابا مهند
ومؤيد لأخونا الخامسي
لأني حسيت اني تقل بصير ذكي واعرف للالغازكم الذكيه
وجت في بالي الرمعه وسبقني الخامسي شكلي بانجح بالترم الاول


ولسانك ,,,,,,,,,,, وكلك ,,,,,,,,,,,,,,لا تنزل من مستواك وان اسمع ترى بفزع لك عليك
وظنك مثلك مايخيب ................ فعلا كلامك صحيح صح الله بدنك.
يابو محمد