سالفة:احسن الله عزاكم ومبروك عليكم.قوافي

[قوافي ( أم نهار )]

حياكم ربي اخواني واخواتي


لايخلو اي انسان من المواقف منها المضحك والمحرج و....الخ


كانت عمة الوالده حريصه على الجيران ودائماً تسأل وتزور


وبنفس الوقت حريصه على انها تعود الصغار على احترام الجار مهما كانت جيرته والحمد لله فمعظم من جاورت ناس مثلها بالطيب..


بيو م قالت نبي نروح لبيت الفلان والفلان والاسمان واحد بس الناس مختلفين.


وقالت:بنروح اول نبارك بعرس بنتهم وبعدين لبيت الفلان نعزي!!!!!!!طيب وشلون نعرف بيت العزا من بيت اللي بنبارك لهم ؟؟؟قالت:اول نبارك والبيت الثاني نعزي..


اتكلنا على الله ورحنا معها وكنا انا وبنات العائله بعمر 11 سنه..دخلنا اول بيت ومثل ما قالت وسوينا مثل ما حفظتنا بالطريق ووش نقول


سلمت اول ومدري وش تمتمت همن صاحت قلنا ايه فرحة عرس بنت الجيران !!تفاعل يعني


سلمنا وقلنا الف مبروك وعقبال الباقي تفرحون بهم وقعدنا شوي وطلعنا من غير ما نلاحظ شي..


رحنا للبيت الثاني :وسلمت عميمتنا ومدري وش تمتمت بعد ثم قعدت..


وحنا كذالك على نفس البرمجه ماتغير شي قلنا:


احسن الله عزاكم وقعدنا وشوي إلا البيت ولا اللي شايفين مهرج ماتو من الضحك اثرعميمتنا غيرت رايه وهي تمشي وبدت العزا بعدين التبيرك بالعرس ولا علمتنا سحبتنا وبس


ياحبيله عميمتنا تقل:يالذيذ يارايق فمتو عشان هي تحب الفيمتو..


وراحت السالفه ضحك علينا بكل مكان وكلن يسولف ويضحك طبعاً إلا حنا لـــــــيــــــه ....


تحياتي


اختكم


..قوافي..

[الكايف 1]

السلام عليكم ورحمة الله وبركاته
صباح الخير والبركة
الله يعطيكِ العافية اختي
الحمد لله انه بذاك الوقت القلوب صافيه صارت ضحك وسالفه
لوكانت هاليومين كان علوم وزعل وشينة نفس
بارك الله فيك ورحم الله والديك

والسلام عليكم

[ابو صفوق]

صبحك الله بالخير
والله يعطيك العافيه
سالفه ممتازه وموقف لا تحسدون عليه
وجميل انه بوقت عنوان الناس به الطيب وعدم تصيد الزلات على الجيران
والنعم بالعميمه الين صارت هذي هي مانستغرب طيب .قوافي.
اشكرك على ابداعك وخفت سوالفك وفهمها لجميع من يقرئها
ابو صفوق الثنيان

[FORD1969]

عوافي ياقوافي على القصة وعفويـــــــه ذيك الأيام وبراءة الطفولـــــــه
وأحسن الله عزائكم ياقوافي في جيران اليوم الواحد مايعرف منهو جاره ولامن يصلي جمبه في مسجد الحارة الملاصق لمنزله ..........

منول أخبرنا نعرف كل اللي في الحاره واقرب البيوت كانت بمثابه بيوت أقارب لنا ومتعديه كلمه الجيره

شكرا لـــــــــــك

[قوافي ( أم نهار )]

السلام عليكم ورحمة الله وبركاته

صباح الخير والبركة
الله يعطيكِ العافية اختي
الحمد لله انه بذاك الوقت القلوب صافيه صارت ضحك وسالفه
لوكانت هاليومين كان علوم وزعل وشينة نفس
بارك الله فيك ورحم الله والديك



والسلام عليكم



عليكم السلام ورحمة الله وبركاته
صبحك الله بالنور والسرور
الله يعافيك أخوي
كلام صحيح ما خلا لغلطتنا روح وذكريات جميله إلا الزمان والمكان والناس الطيبين بذاك الوقت..
بارك الله بالجميع
اشكرك لحضورك ومرورك الكريم
تحياتي.اختك
..قوافي..

[الدافور 1430]

الله يعطيك العافية
سالفة ممتازة وموقف لا تحسدون عليه

[بدوي الرياض]

قسم بالله صارت لخوي رايحين نعزي واحد توفي ابوه رابع العيد وبدل ما يقول احسن الله عزاكم قال من العايدين :D:D
تقبل مروري

[قوافي ( أم نهار )]

صبحك الله بالخير
والله يعطيك العافيه
سالفه ممتازه وموقف لا تحسدون عليه
وجميل انه بوقت عنوان الناس به الطيب وعدم تصيد الزلات على الجيران
والنعم بالعميمه الين صارت هذي هي مانستغرب طيب .قوافي.
اشكرك على ابداعك وخفت سوالفك وفهمها لجميع من يقرئها
ابو صفوق الثنيان


حيا الله العم ابو صفوق
صبحك الله بالنور والله يعافيك من الشر
احمد الله انه بوقت كانت الناس فيها قلوبهم وسيعه ونفوسهم طيبه ولا كان علوم..
انعم الله بحالك وبيض الله وجهك
الشكر لك لحضورك المتميز وياهلابك
تحياتي
..قوافي..

[Al3rands]

هههههههههههههه اما والله ياهي مناسبه اثنين في واحد بس فارق التوقيت مشكله

[يوسف الخليفة1]

الشكر الجزيل قوافي

[فهد الهلالي]

الله يعطيك العافيه على مجهودك الرائع بهذه الخيمه
دمتي بخير قوافي

[ذراع الذيب]

السلام عليكم ورحمة الله وبركاته ..
مسيت بالخير قوافي ..

لاعرض قدامي هالاسم اتذكر الماضي اللي ماعشناه ..
لاهنت على هالسالفه والله يعطيك العافيه ويبارك فيك ..
تحياتي لك ..

[خوي مخباته]

مشكوووووووووورة الاخـــت " قــــــــــــوافــــــــــــــــــي " بارك الله فيتس ســــــــــــالفه ممتعـــــه
والله يطـــول بعمــــــــــر العمــــــــــه اجل تغيـــــرت البرمجـــــه وقدمت صفحـــــه على صفحـــــــــــــــه
والله ماالومها موقف لاتحســـــــــــــدون عليـــــــــــــــــه !!!
........................... تحيــــــــــــــــــــــــاتـــــــــــــــــــــ ـــي ....................... لتس

[يكفيني نظرة]

ههههه الله يعينكم على تبدل الاطباع والعادات والنفوس بعد ماعشتوا في ذاك الزمن الحلو...

[النبهاني]

الله يحيي اخيتي قوافي
ويامل العافيه على هالسوالف
الله يوسع صدرك دنيا وآخره
اجل العميمه غيرت الخطه بالوقت الضايع
وفي الاخر ضحك الا انتم فعلا ليه 00 ورا ماصرتي مثل
اني ارى رؤوس قد اينعت وحان قطافها
الف الف شكر لك اختي

[نجم000الشمال]

مشكورة اختي قوافي على القصة والموقف الي ما تحسدون عليه
الله على الناس من اول وطيب اقلوبها وطواريها اجل العميمة غيرة البرنامج ولا نبهتكم !
حتى الشيبان من اول وهو يسوق اذا طرت عليه الفة لف بدون سابق انذار :D
دمتي بخير .

[سليمان الربيعان]

هههههههههههه الكبر له دور على الاخبطه والحوسه
والله يطول بعمره على العمل الصالح
تقبلي تحياتي....

[وعيد]

مقرودة ياقوافي ياكثر قصصك ماشاء الله.

[الربذي]

ياهلا بقوفي ماشاء الله لك قصص عجيبه وكثيرة
انا قبل كم يوم يعني بعام1433 سمعت ان احد جيرانا ماتت زوجته ورحت لهم واعزيهم بكلمة ماجورين لاني شاك المهم طلع معي احد الشباب شكلة مستغرب من الجية بعد الظهر ولاقهوه ولاشي وعجل ماكملت خمس دقائق قلت له وش تقربك الي متوفية رحمها الله لاني مااعرفهم زين قال شكلك غلطان العزاء عند جارنا الي بالشارع الثاني
واتفشل واتاسف له وامشي واروح اعزي

[قوافي ( أم نهار )]

عوافي ياقوافي على القصة وعفويـــــــه ذيك الأيام وبراءة الطفولـــــــه
وأحسن الله عزائكم ياقوافي في جيران اليوم الواحد مايعرف منهو جاره ولامن يصلي جمبه في مسجد الحارة الملاصق لمنزله ..........

منول أخبرنا نعرف كل اللي في الحاره واقرب البيوت كانت بمثابه بيوت أقارب لنا ومتعديه كلمه الجيره

شكرا لـــــــــــك

هلابك وحياك ربي
عفوية ذيك الايام والحلم بعودتها امنيه صعبة التحقق .
عزانا وعزاكم ,صدقت الجيران صارو!!!!!!!!!!
المشكله كل جار يرى ان جاره!!!!!!!
والأجابه اللي عليها الكلام:
ضعف الايمان هو السبب الاول والاخير بضعف الجيره والنبي صلى الله عليه وسلم وصى بسابع جار بس وش اللي ماتغير الحين؟؟؟ حضاره تسير بنا للخلف..
مشكور اخوي لمرورك الكريم وحضورك وردك المميز
تحياتي.اختك
..قوافي..

[قوافي ( أم نهار )]

الله يعطيك العافية
سالفة ممتازة وموقف لا تحسدون عليه

هلابك وحياك ربي
الله يعافيك من الشر ويحفظك ربي
الموقف كان صعب ليه يضحكون وحنا ما فهمنا وشفيه إلا بعدين
والمشكله كانت بسبب القائده ما علمتنا عن التغيير
واستعملنا القذائف بلحظة السلم
مشكور لمرورك وحضورك الكريم
تحياتي.اختك
..قوافي..

[قوافي ( أم نهار )]

قسم بالله صارت لخوي رايحين نعزي واحد توفي ابوه رابع العيد وبدل ما يقول احسن الله عزاكم قال من العايدين :D:D
تقبل مروري


هلابك وحياك ربي
صادق اخوي وإن شاء الله مأجورين على الغلط والنسيان
انا بأول عزا حضرته مدري وش يقولون فكنت احرك افمي وبس
وبموت لو احد يسألني وش تقولين .
مشكور اخوي مداخله جميله ويامرحبابك
تحياتي.اختك
..قوافي..

[قوافي ( أم نهار )]

هههههههههههههه اما والله ياهي مناسبه اثنين في واحد بس فارق التوقيت مشكله



حياك ربي وياهلابك
تصدق كل هالسنين ما جا ببالي ان المنا سبه اثنين بواحد
بس عاد وأي اثنين يالله مأجورين إن شاء الله على الضحك اللي ضحكوه علينا..
مشكور لردك الجميل واسعدني حضورك
دمت بحفظ الله
تحياتي.اختك
..قوافي..

[قوافي ( أم نهار )]

الشكر الجزيل قوافي



حياك ربي اخوي
هلابك مشرفنا الفاضل نورت السالف بحضورك الكريم
دمت بحفظ الله
تحياتي.اختك
..قوافي..

[قوافي ( أم نهار )]

الله يعطيك العافيه على مجهودك الرائع بهذه الخيمه




دمتي بخير قوافي



حياك ربي وياهلابك
يعافيك ربي من الشر ويحفظك
تشرف متصفحي بحضورك الكريم وأنورت السالفه بمرورك
تحياتي.اختك
..قوافي..

[قوافي ( أم نهار )]

السلام عليكم ورحمة الله وبركاته ..

مسيت بالخير قوافي ..


لاعرض قدامي هالاسم اتذكر الماضي اللي ماعشناه ..
لاهنت على هالسالفه والله يعطيك العافيه ويبارك فيك ..

تحياتي لك ..



حياك ربي اخوي
مساك الله بالنور والسرور
اسعدني حضورك انرت متصفحي بردك الجميل
الماضي جميل لكن لكل وقت زمانه ومكانه والله يعين على الدنيا بخير
دمت بحفظ الله
تحياتي.اختك
..قوافي..

[بنت الدلع]

قصة مضحكة ومحرجة
مشكورة أختي

[قوافي ( أم نهار )]

مشكوووووووووورة الاخـــت " قــــــــــــوافــــــــــــــــــي " بارك الله فيتس ســــــــــــالفه ممتعـــــه

والله يطـــول بعمــــــــــر العمــــــــــه اجل تغيـــــرت البرمجـــــه وقدمت صفحـــــه على صفحـــــــــــــــه
والله ماالومها موقف لاتحســـــــــــــدون عليـــــــــــــــــه !!!

........................... تحيــــــــــــــــــــــــاتـــــــــــــــــــــ ـــي ....................... لتس



حياك ربي
العفو وبارك الله بالجميع
اللهم آمين الان العمه كبيره بالسن الله يعطيها طول العمر وحريصه على تعليم احفادها لكن بها الوقت لا حياة لمن تنادي
غيرت البرمجه من غير اي اشعار ورحنا مضحكه جميله بذكرها فقط اما بوقتها لا ..
مشكور اخوي لمرورك وحضورك الكريم وردك الجميل
تحياتي.اختك
..قوافي..

[قوافي ( أم نهار )]

ههههه الله يعينكم على تبدل الاطباع والعادات والنفوس بعد ماعشتوا في ذاك الزمن الحلو...


حياك ربي
اللهم آمين يعيننا ويعين المسلمين على طاعته والعمل الصالح
تبدل العادات والاطباع سلمنا امرنا فيه لله ومشينا مع الركب لهجرة العادات العربيه ولا بنصير متخلفين عن الركب رغم انه غير مناسب بس صعب تعيش لحالك بالماضي وما نقول غير الشكوى لله..
شرفتني بحضورك الكريم ومرورك الجميل
تحياتي.اختك
..قوافي..

[قوافي ( أم نهار )]

الله يحيي اخيتي قوافي

ويامل العافيه على هالسوالف
الله يوسع صدرك دنيا وآخره
اجل العميمه غيرت الخطه بالوقت الضايع
وفي الاخر ضحك الا انتم فعلا ليه 00 ورا ماصرتي مثل
اني ارى رؤوس قد اينعت وحان قطافها
الف الف شكر لك اختي





حياك ربي وياهلابك اخوي
الله يعافيك ويجزاك خير على الدعاء
الشكوى لله غيرت الخطه وما اشعرتنا ولا سوت اجتماع باللي بتسويه سحبتنا وراه وخلاص على نفس البرمجه والخطه التنفيذيه
بهاك اليوم حنا اللي روؤسنا اينعت وقد حان قطافها
انا بالبدايه احسبهم انهبلو يوم ضحكو حوسه صارت ..
حياك اخوي اسعدني حضورك الكريم وردك الجميل
تحياتي.اختك
..قوافي..

[قوافي ( أم نهار )]

مشكورة اختي قوافي على القصة والموقف الي ما تحسدون عليه



الله على الناس من اول وطيب اقلوبها وطواريها اجل العميمة غيرة البرنامج ولا نبهتكم !
حتى الشيبان من اول وهو يسوق اذا طرت عليه الفة لف بدون سابق انذار :D


دمتي بخير .



حياك ربي اخوي
العفو اخوي والموقف كان سيد المواقف كلها الله يسمح عميمتنا
اشوا اللي تحملونا وحنا نبارك بالعزا الناس وين وحنا وين وعميمتي قالت بعدين اني وانا امشي قلت الضيق همن الفرج يعني الزعل همن الفرح وهذا السبب الرئيسي لتغيير الخطه التنفيذيه بس غيرت بالنيه دون إشعار المشتركين كنه شركة الكهرباء والموقف لا يمكن نسيانه بس بصراحه انا اعتبره شي جميل وحصل وان شاء الله عميمتي مأجوره على تسحيبنا..
اما سواقة شيبان منول انتحار زين اللي ما فيه ساهر كان افلسو.
مشكور اخوي لمرورك وحضورك الكريم
دمت بحفظ الله
تحياتي.اختك
..قوافي..

[قوافي ( أم نهار )]

هههههههههههه الكبر له دور على الاخبطه والحوسه

والله يطول بعمره على العمل الصالح

تقبلي تحياتي....



حياك ربي
من جهة كبر الله يعطيها طول العمر والصحه والعافيه كبيره
اللهم امين ويطول عمر كل غالي ومسلم يارب العالمين
اسعدني حضورك وردك الكريم
تحياتي.أختك
..قوافي..

[قوافي ( أم نهار )]

مقرودة ياقوافي ياكثر قصصك ماشاء الله.


حياك الله
الحمد لله على كل حال
قصصي كثيره يمكن عشان الايام كثيره وكل يوم قصه وعليك الحساب
مشكور لمرورك الكريم
تحياتي.اختك
..قوافي..

[مقرنس الشيهان]

اختي قوافي صح لسانك تسلمين على هالقصه
الاكثر من رائعه ياحليلكم
اثر فيه كيمرا خفيه بذاك الوقت سوتها العمه
يعطيك العافيه صراحه تخيلت الموقف رهيب جدا
ضحكت بقوه وخوفي لاضحك لارحت المسجد
يعطيك الف عافيه تحياتي

[قوافي ( أم نهار )]

ياهلا بقوفي ماشاء الله لك قصص عجيبه وكثيرة
انا قبل كم يوم يعني بعام1433 سمعت ان احد جيرانا ماتت زوجته ورحت لهم واعزيهم بكلمة ماجورين لاني شاك المهم طلع معي احد الشباب شكلة مستغرب من الجية بعد الظهر ولاقهوه ولاشي وعجل ماكملت خمس دقائق قلت له وش تقربك الي متوفية رحمها الله لاني مااعرفهم زين قال شكلك غلطان العزاء عند جارنا الي بالشارع الثاني
واتفشل واتاسف له وامشي واروح اعزي


حياك الله اخوي
الحمد لله قصصي الكثيره تخليني دايم مع نفسي اعيش بذكريات جميله وافتقدها..
موقفك لا يقل عن موقفنا مع اختلاف الزمن ورحم الله امواتنا واموات المسلمين وزين انه علمك على طول وإن شاء الله انك على أجر ..
اسعدني حضورك الكريم وردك الجميل
دمت بحفظ الله
تحياتي.اختك
..قوافي..

[قوافي ( أم نهار )]

قصة مضحكة ومحرجة
مشكورة أختي


حياك ربي يالغاليه
هلابك من الصمان للدهناء
كلامك صحيح تضحك وتحرج بنفس الوقت بس الحين اعتبرها ذكرى جميله وعزيزه.
العفو ياغاليه اسعدني حضورك ووجودك وردك الكريم
تحياتي.اختك
..قوافي..

[قوافي ( أم نهار )]

اختي قوافي صح لسانك تسلمين على هالقصه


الاكثر من رائعه ياحليلكم
اثر فيه كيمرا خفيه بذاك الوقت سوتها العمه
يعطيك العافيه صراحه تخيلت الموقف رهيب جدا
ضحكت بقوه وخوفي لاضحك لارحت المسجد

يعطيك الف عافيه تحياتي



حياك الله اخوي
صح كلك وتسلم من الشر
عميمتنا غطت على الكميرا الخفيه عندها تستقيل وتضف قشه كل الكميرات من يعرف عميمتي وش تفكر فيه اتحدى كل اللي يعرفه مشاء الله عليه والين الحين على نفس المنوال ولا أهنا فرامل .
الموقف الين الحين لين صار شي مشابه اذكر عميمتي بالخير
تقرر بلا انذار سابق وعلى المتضرر اللجوء إلى السكوت ومتابعة الحدث القهري دون اعتراض والالتزام بالتجديد ..
الله يجزاك خير لاتضحك همن آخذ ذنبك..
الله يحييك اسعدني مرورك ووقوفك بصفحتي المتواضعه ومشكور على ردك الكريم
دمت بحفظ الله
تحياتي.اختك
..قوافي..

[أخت البنات]

قصه محرجه بالفعل

http://www.ahl-alsonah.com/up/upfiles/IX555917.gif

[قوافي ( أم نهار )]

قصه محرجه بالفعل




http://www.ahl-alsonah.com/up/upfiles/IX555917.gif




حياك ربي اختي الغاليه
اسفرت السالفه بحضورك الكريم
محرجه بوقتها وجميله الان بذكرها
مشكوره لمرورك وحضورك
تحياتي.اختك
..قوافي..