راعي العجراء
03/01/2012, 12:15 PM
السلام عليكم ورحمه الله وبركاته
اليكم هذه السالفه بعنوان
راعي العجراء والتكسي
قبل كم سنه مدري يعني كم بالضبط بس من كثرهن يالله تشيلهن بزبيل ويمكن تقطع عراويه
واول ماطلع معارض الشفاء بالرياض وكان بعيد عن المدينه
قرر راعي العجراء وهو يقواه العقليه ان يتحول الى شريطي يبيع ويشتري بالسيارات
فقرر ت الذهاب الى المعارض وايداع مبلغ من المال في معرض زميل له معرض وشجعني بالبيع والشراء ووضح لي الطرق بالبيع والحيل وزبرقة الموتر والتلميع
وجلب المكاسب با سرع الطرق وهذه الامور ماتعودت عليها
المهم وضعت المبلغ وشريت سياراه بمساعدتهم والحاحهم وبعتها في مكسب 300 ريال هذا اول مكسب بيع في هذه السرعه
وبعد يوم دخلت الحراج بالاعتماد على نفسي واشتري سياره تكسي ماركتوا واشتريها غاليه ملعوب علي فيها الى دليم وانا اطلعها من المعرض وانقلها لمعرض زميلي عاد من اول اشتر السياره واطلع فيها لا مرور ولا فحص ولاغيره اهم شي ورقة المبايعه تكون معك ويوم جبتها للمعرض والا السياره غاليه ببلاش مصدمة مع كل محل رفارف السياره داخل الكبوت كلها معجون ومعدله واللي مسمكرها ماهو بيديه مسمكرها برجليه
المهم اني جلست بالمعارض ويوم تمت الساعه 10 وانا اخذ هالتكسي معي رايح للبيت
يوم مشيت عليه وشاف الخط يوم صار ممشاه تقول على عكزات ولاه يرقرقل مع كل محل
حشى جالس ماهو بسياره جالس في وسط غسالة البابطين مقاس 90 لتر ينفض نفض
حنوكي بدت تتصافق وانا احس بالقهر المهم مشيت والطريق مظلم وحالتي حاله
واشوف على الطريق رجال يأشر فرح انه لقى تكسي وانا اوقف عنده ابغى اوصله
داخل البلد والا وجهي ماهو وجه مكده السلام علييكم وعليكم السلام اتوصلني معك قدام قلت ابشر بس انت وسع صدري بالطريق يوم ركب معي شاف اللي انا شفت صار بالغساله ثوبين ماعا د به واحد اللي يشوفنا يقول بخضاضه لبن الحين يطلع الزبد
وانا امشي فيه الا ومسمار اوتيله ذراع الدركسون طاحت من الرجه مدري من الاساس مافيه تيله
الله العالم الذرع انه ملزق بعلك ابو طابع وهو يترك الخط ولايدخل الا في محطه بانزين على سرعته 80 كيلو ومتجه للطرمبات وانا ادق فرامل وهو يصفق بالصبه ورفيقي
يصفق بالقزازه براسه وهو يكسرها بس ماجاه شي ماغير يحكحك براسه وهو يحول ويخليني والضربه عفجت الصدام وشوي من الرفرف ويكمل الناقص ويوم نزلت من السياره الا الذراع بالارض
وانا ادور مسمار وارفع الذراع واحط المسمار تيله يوم ضبط وارجع للمعارض وانا اوقفه
وارجع بسيارتي وترك البيع والمشترى وانا اهج واترك المعارض لهله الى هذه الساعه
المهم الربع صاروا يسالون عني وين راح ويوم دريت ولاهم بايعين السياره بمكسب 600 ريال بعد الصدمه والقزازه
يمكن لو مافيها صدمه بعتها بمكسب 1000
وهذه قصتي مع التكسي والمعارض ارجوا ان اكون وفقت في سردها لكم
وقبل الختام سبحانك اللهم وبحمدك لا اله الانت استغفرك واتوب اليك
تحياتي للجميع
اليكم هذه السالفه بعنوان
راعي العجراء والتكسي
قبل كم سنه مدري يعني كم بالضبط بس من كثرهن يالله تشيلهن بزبيل ويمكن تقطع عراويه
واول ماطلع معارض الشفاء بالرياض وكان بعيد عن المدينه
قرر راعي العجراء وهو يقواه العقليه ان يتحول الى شريطي يبيع ويشتري بالسيارات
فقرر ت الذهاب الى المعارض وايداع مبلغ من المال في معرض زميل له معرض وشجعني بالبيع والشراء ووضح لي الطرق بالبيع والحيل وزبرقة الموتر والتلميع
وجلب المكاسب با سرع الطرق وهذه الامور ماتعودت عليها
المهم وضعت المبلغ وشريت سياراه بمساعدتهم والحاحهم وبعتها في مكسب 300 ريال هذا اول مكسب بيع في هذه السرعه
وبعد يوم دخلت الحراج بالاعتماد على نفسي واشتري سياره تكسي ماركتوا واشتريها غاليه ملعوب علي فيها الى دليم وانا اطلعها من المعرض وانقلها لمعرض زميلي عاد من اول اشتر السياره واطلع فيها لا مرور ولا فحص ولاغيره اهم شي ورقة المبايعه تكون معك ويوم جبتها للمعرض والا السياره غاليه ببلاش مصدمة مع كل محل رفارف السياره داخل الكبوت كلها معجون ومعدله واللي مسمكرها ماهو بيديه مسمكرها برجليه
المهم اني جلست بالمعارض ويوم تمت الساعه 10 وانا اخذ هالتكسي معي رايح للبيت
يوم مشيت عليه وشاف الخط يوم صار ممشاه تقول على عكزات ولاه يرقرقل مع كل محل
حشى جالس ماهو بسياره جالس في وسط غسالة البابطين مقاس 90 لتر ينفض نفض
حنوكي بدت تتصافق وانا احس بالقهر المهم مشيت والطريق مظلم وحالتي حاله
واشوف على الطريق رجال يأشر فرح انه لقى تكسي وانا اوقف عنده ابغى اوصله
داخل البلد والا وجهي ماهو وجه مكده السلام علييكم وعليكم السلام اتوصلني معك قدام قلت ابشر بس انت وسع صدري بالطريق يوم ركب معي شاف اللي انا شفت صار بالغساله ثوبين ماعا د به واحد اللي يشوفنا يقول بخضاضه لبن الحين يطلع الزبد
وانا امشي فيه الا ومسمار اوتيله ذراع الدركسون طاحت من الرجه مدري من الاساس مافيه تيله
الله العالم الذرع انه ملزق بعلك ابو طابع وهو يترك الخط ولايدخل الا في محطه بانزين على سرعته 80 كيلو ومتجه للطرمبات وانا ادق فرامل وهو يصفق بالصبه ورفيقي
يصفق بالقزازه براسه وهو يكسرها بس ماجاه شي ماغير يحكحك براسه وهو يحول ويخليني والضربه عفجت الصدام وشوي من الرفرف ويكمل الناقص ويوم نزلت من السياره الا الذراع بالارض
وانا ادور مسمار وارفع الذراع واحط المسمار تيله يوم ضبط وارجع للمعارض وانا اوقفه
وارجع بسيارتي وترك البيع والمشترى وانا اهج واترك المعارض لهله الى هذه الساعه
المهم الربع صاروا يسالون عني وين راح ويوم دريت ولاهم بايعين السياره بمكسب 600 ريال بعد الصدمه والقزازه
يمكن لو مافيها صدمه بعتها بمكسب 1000
وهذه قصتي مع التكسي والمعارض ارجوا ان اكون وفقت في سردها لكم
وقبل الختام سبحانك اللهم وبحمدك لا اله الانت استغفرك واتوب اليك
تحياتي للجميع