ضيفكم يسأل ياأعضاء منتدى مكشات

[الخليج]

السلام عليكم أعضاء منتدى مكشات
لقد حللت ضيفا عليكم وآمل أن أكون ضيفا خفيفا
لقد أستفدت من هذا المنتدى بفضل من الله ثم منكم جزاك الله خيرا
ولي سؤال بسيط عن ابو قميص(منطقة بين السعودية وقطر)
س1:هل تصلح للصيد بالمسدس سنوركل ام لا ؟
س2:هل فيها صخور ؟
س3:هل يتواجد فيها الصبيطي والهامور ؟
س4:اوقات الصيد فيها ؟
أرجو من الأعضاء الأجابة بالتفصيل عن هذه المنطقة من ناحية الصيد فيها
وجزاكم الله خيرا[color=red][size=18]

[بو راشـد]

وعليكم السلام ورحمة الله وبركاته
حياك الله ياضيفنة وأنشاء الله الربع مابقصرون.

[الخليج]

فيك وفي الشباب البركة بوراشد للعلم انا رايحلها بعد 15يوم تقريبا إن شاء الله لكن حبيت اخذ احساب المنطقة قبل لا أروح لها

[سلاح]

يا هلا ومرحبا فيك أخوي الخليج
نورت المنتدى بوجودك
وحياك الله بين أخوانك
بالنسبة لأسئلتك
س1:هل تصلح للصيد بالمسدس سنوركل ام لا ؟
أنا الله حق ما قد رحت لهذا المكان مع العلم أني أسكن قريبا من راس أبوقميص
ولكن في ناس من عمالقة هذا المنتدى ذهبوا الى المكان وكان صيدهم غوص يعني مسدس
وماشاء الله عليهم كانوا موفقين في الصيد.
س2:هل فيها صخور ؟
أتمنى واحد من الأعضاء الي زار المنطقة يفيدك.
س3:هل يتواجد فيها الصبيطي والهامور ؟
الهامور متواجد بكثرة ولكن السبيطي الله أعلم أتمنى أنهم يفيدونك.
ومتواجد أيضا الجد والشعري.

ملاحظة هامة:

الي أنا اعرفة لازم تطلع تصريح من سلاح الحدود
ونصحني الأخ بوخالد أنه لازم تروح مع واحد خبير بالمنطقة ولا تروح لوحدك.

أتمنى أكون وضحت لك معظم تساؤلاتك والباقي على الشباب الي زارو المنطقة

أخوك أبو عبدالرحمن

[الخليج]

جزاك الله خير بوعبدالرحمن ردك وافي وعندي خبر بسوالف التصاريح وانا لازلت أكتسب المعلومات عنها من اعضاء المنتدى ولما اقول بروح لها أي معاي ربعي وشكرا بوعبدالرحمن على هذه الخاطرة الطيبة وهذه معلومة لك خاصة إن أحب أسمائنا إلى الله عزوجل عبدالله وعبدالرحمن كما ورد في حديث رسول الله صلى الله عليه وسلم

[سلاح]

وجزاك الله خير أخوي أخوي الخليج
والله يوفكم بالصيد إلي يحبة قلبك
وترجع سالم وغانم بإذنه تعالى

وبالفعل أخي العزيز هذا الحديث هو إلي خلاني
أسمي نفسي أبو عبدالرحمن

وإن شاء ناوي أغير إسمي إلى هذا الأسم بس خل الأعضاء يتأقلمون علينا شوي (:

وتذكرة جميلة منك
وإن شاء ما تقطعنا
وتوافينا بأخبارك أول بأول


أخوك..................
أبو عبدالرحمن

[gulfhunter]

السلام عليكم ورحمة الله وبركاته

حياك الله أخوي الخليج في منتديات مكشات وبالأخص ا لخيمه البحريه وان شاء الله تلاقي اللي يسرك ويرضيك

اخوي بالنسبه إلى الأسئله

س1:هل تصلح للصيد بالمسدس سنوركل ام لا ؟

نعم المنطقه تصلح للصيد بالمسدس

س2:هل فيها صخور ؟


نعم فيها صخور لكن يفضل انك تذهب مع احد الشباب اللي زارها من قبل

س3:هل يتواجد فيها الصبيطي والهامور ؟

بالنسبه إلى الهامور موجود لكن السبيطي اخوي يمكن تصادفه لأنك خابر السبيطي مرار

س4:اوقات الصيد فيها ؟

ياريت لو توضح وش تبي بالضبط

تحياتي لك وللجميع

[كبير النواخذه]

اخي الخليج ..حفظك الله
انا من قطر ولا اعلم عن هذه المنطقه..لكن عندي تعليق

س3:هل يتواجد فيها الصبيطي والهامور ؟
ج3: الهامور من الاسماك الصخريه..يعني تتواجد في الفشوت والشعب المرجانيه
اما السبيطي فهو سمكه رمليه ..يعني يتواجد اكثر في المناطق الرمليه
وبالطبع يمكن ان تجد كلا السمكتين في عكس الاماكن ولكن هذا قليل
لذلك يصعب ان تجد الهامور والسبيطي في مكان واحد ..والله اعلم
وكل ذلك حسب خبرتي المتواضعه..الشباب يمكن ايفيدونك

[كبير النواخذه]

اخوي بوعبدالله ..صبحك الله بالخير..لو ادري انك بترد على الرجال كان انا مارديت..
خلاص اخوي الخليج..بوعبدالله موجود ..خذ منه العلوم

[واافى]

السلام عليكم اخوانى النوخذا بنسبه حق بوقميص وبختصار الصيد هناك ولاااااااااااااااااحلا منه تروح وبئذن الله ما ترجع خاااااااااااااااااااااالى

[gulfhunter]

السلام عليكم ورحمة الله وبركاته



حياك الله أخوي كبير النواخذه





تسلم اخوي على التعليق الجميل لكن هذا مايمنع ان مانستغنى عنك وعن خبرتك



او نسيت وتبيني اذكرك انك كبير النواخذه



تحياتي لك وللجميع

[كبير النواخذه]

مشكور يابوعبدالله على الكلام الجميل

بالنسبه للاخ الخليج
مع اني مارحت المنطقه المذكوره...الا اني انصحه ان يروح لها ...وهذا من كلام الشباب ...الى درجه ان انا الحين ودي اروح هذي المنطقه
بس الله ايعين الهوامير علينا هالاسبوع

[الخليج]

مشكورgulfhunter على الأجابة على أسئلتي وأقصد بالاوقات يعني في اي شهر يكون الحداق فيها جيد واي شهر ماتصلح للحداق
كذلك شكر كبير لكبير النواخذه
ولواافي الذي ادلى بدلوه
وباذن الله سوف نوافيكم باخبارها في الايام القادمة
وشكرا للجميع مرة اخرى