طقطقة بالمكينة

[هايلكس 1994]

انا عندي جمس يوكن 2001 به طقطقة بالمكينة شديدة اذا دعست عليه شوي مثلا عند الاشارة
قعد يطقطق وطبعا مغير المكينة قبل ثلاثة شهور ورحتبه ورشة وقال سبايك وانا ماتوقع انه سبايك
لكن الي مر عليه هالصوت يعطينا تجربته الله لايهينه حسافة اخاف اوضبه ولا يصير من السبايك
وتعرفون الورش .

[MOHMMADal]

اخوي اذا صوت طقطقه خفيفه وانت مشغل السياره وذا دست على البنزين وزاد الصوت لدرجة انه مزعج فهذه سبيكه او احتمال اخر انه يكون من الجنزير داخل المكينه تحياتي

[هايلكس 1994]

اخوي MOHMMADal كلامك صحيح بس ترا الموتر مادخن بس ظغط الزيت منخفض مرة
اخوي MOHMMADal وشلون اقدر اعرف قوة المكينة لو تكرمت

[baaasss]

هذي الممشكلة مرت علي
المشكلة في طرمبة الزيت لحق عليها قبل ما تعدم عليك المكينة
للحل ارجو التواصل على الخاص

[هايلكس 1994]

اخوي ماقدر المشاركات قليلة

[MOHMMADal]

مهو شرط يطلع دخان من شكمان السيارة زيما قلت لك ياسبيكه او جنزير وزيما قلت ضغط الزيت مايرتفع معناته جنزير الطرمبة الزيت

[baaasss]

الحل يا طويل العمر اذا انت في الرياض في ورشة المشعل على مخرج 9 وانت متجه شرق وقطعت طريق الملك عبدالعزيز خلك على الفرعي تجيك محطة الدريس داخلها الورشة الحل عندهم, يصلحون نفس الطرمبة بطريقتهم
انا سويتها عندهم من 4 سنوات والان ما فيها الا العافية
ولو افترضنا انك ركبت طرمبة جديدة راح تخرب مره ثانية لانها عيب مصنعي
هذا حسب علمي واللي صار معي

[sgl2002]

اذا ضغط الزيت منخفض هذا من طرمبة الزيت والحق عليها قبل لاتوقف ثم تعدم المكينة

وتراها بالامريكي دايم تخرب هالطرمبة غيرها وامورك طيبة

[beder]

أخي الفاضل : انا مريت من حوالي شهر واكثر بهذه المشكلة وبعد اللف والدوران والسؤال وتغيير الزيت وفلتر أكثر من اربعة مرات وكل ماروح لورشة قالو سبايك واخر قال بلوف وأخر قال طرمبة زيت و ........... المهم المشكلة يا سيدي من ربلة الطرمبة فقط لاغير الربلة تكون ناشفة من الحرارة فتقوم بتفويت الزيت مرة اخرى إلى الكرتير وبهذا لايصل الزيت بالصورة الكافية للمكينة وهذا ما يسبب الأصوات
لذلك أنصحك بالآتي وهذا ما فعلته ومع خالص شكري وتقدير لأعضاء هذا المنتدى والذي كان لهم الفضل بعد الله سبحانه وتعالى :

1- قم بشراء ربلة طرمبة ( ربلة على شكل دائرة صغيرة ) بـ 25 ريال مع وجيه كرتير بـ 130 ريال
2- شفلك ميكانيكي وقله ركبلي الربلة وترى ما تحتاج غير فك الكرتير فقط وشغل اليد أنا دافع 300 ريال فقط للمكانيكي
3- طبعا هتغير الزيت والفلتر .
هذا فقط ما عملته مع سيارتي التاهو 2005 وترى سيارتك زيها بالضبط . وإن شاء الله تنحل المشكلة وتدعيلي

[هايلكس 1994]

اخواني والله ماقصرتو مادري وشلون ابشكركم لكن ماقول الا جزاكم الله الف خير ويصلحلكم ذريتكم

[هويدي]

نفس ما حصل بسياره اخي تاهو 2008
وصلحتها عند ورشه المشعل مخرج 9

وهذا رابط موضوعي بتفيدك إن شاء الله مداخلات الاخوان

http://www.mekshat.com/vb/showthread.php?t=459511&page=2