المساعد الشخصي الرقمي

مشاهدة النسخة كاملة : أخواني الرجاء المساعده بسافر الى عمان لشراء شاص 2012 اول مره اروح ولا اعرف شي


أبو حسين 3837
03/01/2012, 04:06 PM
السلام عليكم ورحمة الله وبركاته

الى اصحاب الخبره بسافر ان شاء الله عمان نهاية الشتاء وبروح وكاله البريمي
وبشتري شاص 2012 وأبي أستخدم شخصي يعلم الله

السؤال

هل أخذ الدراهم معي واسافر فيها وماهي المشكله

وكم سعر الرفرف 2012 بيج بدون ونش وبدون دفلك

وكم سعر الي بدون رفارف وبدون ونش ودفلك

واذا اشتريته من هناك متى يطلع لي وكيف اجيبه واجمركة وكم ادفع للجمرك

وكيف اطلع له لوح سعوديه اسسسف جدا جدا على الاطاله لكن والله محتار جدا


وهل من يستطيع توفير رقم وكاله البريمي بعمان و له دعوة بضهر الغيب
سوسو لايت
03/01/2012, 06:25 PM
بالتوفيق اخوي
برفع لك الموضوع انا بنت مااعرف شي
ص ح ل2009
03/01/2012, 08:48 PM
بالتوفيق اخوي
برفع لك الموضوع انا بنت مااعرف شي


ههههههههههههههههههه
ارض الحجون
03/01/2012, 09:12 PM
يا بو حسين نصيحة اخ لا تتعنا وتتعب نفسك الشاص سعره 165000 ريال زيد عليها 15000 ريال وخذلك BMW 2010 730 لارج ...
الاسعااااار شاااااااااااااااااااااابة ضو
شطااااب
03/01/2012, 09:22 PM
هذا الكلام الصحيح الان غاااليه
alsh0br1me
04/01/2012, 06:31 AM
حبيبي على ما أعتقد ان الاسعار بالنسبه للجديد وحده شف عبداللطيف عنده ونش ودفلك ب(136000) وكلاا اخوي نايف. عقلااي وكانك تبي صندوق عند احسن مركب وعزم جمس سييرا Z71 جديد عند العيسى ب(117000) وعند التوكيلاا ب(113000) بس يبيلها حجز وأنتظار
xozxo
04/01/2012, 12:17 PM
البريمي سعره 159000 ريال سعودي حسب افادة مؤظف هناك
Xterra11
04/01/2012, 01:03 PM
جنون والله جنون ياخي الموتر حقه 80 الف لكن عملة الين الياباني مرتفعه وريالنا طايح لكن الشرهه ع اللي يشريه والله بهالسعر يعني الى 120 الف معقوله لكن ياصل لهالمواصيل فسق وكفر للنعمه
majedasm
04/01/2012, 04:33 PM
اخي الكريم لاتنسى تعقد النيه الطيبه وهي تلبية النداء للواجب الديني والوطني بمقاطعة ( جميل لاجمله الله ) ورب العالمين في معيتك هو نعم الناصر ونعم المعين ... الاخوه اللي يقولون السعودي وكاله ارخص ... قد يكون ارخص ولكن الشراء من غير الوكيل المحلي ( المحتكر ) اعظم اجر ومثوبه عند الله والله تعالى اعلم
ابو دحيم1
04/01/2012, 04:48 PM
الله يعينك يا شيين قدامك مقاصه وكاله تصدير وكيل بطاقه جمركيه وتسفير وجمارك وبنك ورضيه وفك وتركيب لوحات ومكتب تخليص ومواصفات ومقياس وجمرك لاستلام البطاقه الجمركيه الله يعينك
أبو حسين 3837
04/01/2012, 08:59 PM
سوسو لايت / شكرا لك
نواف السواط / الشاص وانا اخوك صح غالي ومبالغ فيه لاكن سعره فيه ويحفض الدراهم ولا يطيح منها الا القليل لمدة كم سنه
شطاب/ الله يعين ان شاء الله
alsh0br1me / احسن مافيه الشاص السعر ثااابت ويمكن تبيع بربح بعد
xozxo / اتصلت على وكاله في ابو ضبي يقول البريمي بدون ونش وبدون دفلك بــ 140 الف انا اجي اخذه من ابو ضبي
Xterra11 / غالي لاكن سعره فيه
majedasm / الحمد لله ما اقرب عبد الطيف الحرامي
ابو دحيم / والله سويت لي أكتئاب كنت متحمس هههههههههه بس تقدر توضح لي اكثر تكفى من جميع النواحي وتراني ماني شريطي استخدام شخصي والله