دندنة في موتري والدندنه ماتفيد ,,,,,,,,,,الحل الاذان بأذن المولود ,,,,,,,,حله التميمي

[الخامسي1]

السلام عليكم ورحمة الله وبركاته وبعد




دندنة في موتري والدندنه ماتفيد***ودورة لغز(ن) يفيد وقلت لازم
يتم
سنه لها حكمة(ن) ماقيل فيها قصيد***والشرح لاجاك صادق حط فوقه ختم
اول طريقك بها تبداء وتبقى رصيد***وفي اوسطه ماتجوز الا بعدها متم
وفي آخره عكسها نرجع لعلم(ن)أكيد***متمها دونها واللغز جاكم
وتم

[ال-رايق]

صح لسانك ,,,,,,,,,,,,,,,,وتعظيم سلام من شانك
والرمعة لها ان شاء الله رجعة.

[الخامسي1]

صح لسانك ,,,,,,,,,,,,,,,,وتعظيم سلام من شانك
والرمعة لها ان شاء الله رجعة.

ضربة لك تحيه تهز الكوره الارضيه
ردي لتعظيم السلام واقف واعطيك احترام
جبها وحله عاجل بالضربه القاضيه
حتى اقول برافو حلك تمام التمام؟

[ال-رايق]

ودي لو ان الرمعه سماوية:
واعذرنا بدون ابيات:
نانسي عجرم
واستر ما واجهت

[torrjom]

السلام عليكم ورحمة الله وبركاته وبعد





دندنة في موتري والدندنه ماتفيد
ودورة لغز(ن) يفيد وقلت لازم يتم
سنه لها حكمة(ن) ماقيل فيها قصيد
والشرح لاجاك صادق حط فوقه ختم
اول طريقك بها تبداء وتبقى رصيد
وفي اوسطه ماتجوز الا بعدها متم
وفي آخره عكسها نرجع لعلم(ن)أكيد
متمها دونها واللغز جاكم وتم






صح السانك



اخوي الخماسي





تسجيل حضور





وجاري التفكير





كل الوووووووووووود

[الخامسي1]

ودي لو ان الرمعه سماوية:
واعذرنا بدون ابيات:
نانسي عجرم
واستر ما واجهت

ليت عجرم اعرفه واروح صوبه***واتوسط لك واطلب يد بنته؟



مالك فريق

[الأديب]

وعليكم السلام ورحمة الله وبركاته
صح لسانك واعتلا شانك
والدندنه تفيد لاصارت مثل هذي
عَنْ أَبِي هُرَيْرَةَ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لِرَجُلٍ: "مَا تَقُولُ فِي الصَّلَاةِ؟" قَالَ: أَتَشَهَّدُ ثُمَّ أَسْأَلُ اللَّهَ الْجَنَّةَ وَأَعُوذُ بِهِ مِنْ النَّارِ أَمَا وَاللَّهِ مَا أُحْسِنُ دَنْدَنَتَكَ وَلَا دَنْدَنَةَ مُعَاذٍ، فَقَالَ: "حَوْلَهَا نُدَنْدِنُ" أخرجه أبو داود
والرمعه يمكن (صلاة الضحى )
دمت برعاية الله

[ال-رايق]

ليت عجرم اعرفه واروح صوبه***واتوسط لك واطلب يد بنته؟



مالك فريق


سؤال هل هي سنة ولاسنّة؟؟؟؟؟؟؟؟؟؟؟؟؟؟؟؟؟؟؟؟؟؟
فضلا لا امرا

[الخامسي1]

صح السانك


اخوي الخماسي



تسجيل حضور



وجاري التفكير



كل الوووووووووووود

[/CENTER]




حضورك شرف وانا الخامسي تخالطت الحروف عندك معذور .،،،،،،

[الخامسي1]

سؤال هل هي سنة ولاسنّة؟؟؟؟؟؟؟؟؟؟؟؟؟؟؟؟؟؟؟؟؟؟
فضلا لا امرا

سنه.
وليست سنه بمعنى عام

[الخامسي1]

وعليكم السلام ورحمة الله وبركاته
صح لسانك واعتلا شانك
والدندنه تفيد لاصارت مثل هذي
عَنْ أَبِي هُرَيْرَةَ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لِرَجُلٍ: "مَا تَقُولُ فِي الصَّلَاةِ؟" قَالَ: أَتَشَهَّدُ ثُمَّ أَسْأَلُ اللَّهَ الْجَنَّةَ وَأَعُوذُ بِهِ مِنْ النَّارِ أَمَا وَاللَّهِ مَا أُحْسِنُ دَنْدَنَتَكَ وَلَا دَنْدَنَةَ مُعَاذٍ، فَقَالَ: "حَوْلَهَا نُدَنْدِنُ" أخرجه أبو داود
والرمعه يمكن (صلاة الضحى )

دمت برعاية الله




كتب لك الله الأجر والفايده ولاكن ليست المقصود صلاة الضحى

[ال-رايق]

لااله الا الله

[ابو ماجد 2]

صح لسانك ملايين يابو نايف
محاوله
ممكن سنة الصاموله
تبد
افيها بايلاج الصاموله بالمسمار والوسط مايتم الا بعد تجاوز اوله وعند آخرها ترد بعكس الدوران
رمعه من شان افتك منها وافكر بغيرها

[الخامسي1]

لااله الا الله



للإله الا الله كلمة حق عليها نحياء وعليها نموت انشاء الله

ولاكن ما هي المقصوده في اللغز !!!!!

[الخامسي1]

صح لسانك ملايين يابو نايف
محاوله
ممكن سنة الصاموله
تبد
افيها بايلاج الصاموله بالمسمار والوسط مايتم الا بعد تجاوز اوله وعند آخرها ترد بعكس الدوران
رمعه من شان افتك منها وافكر بغيرها


فكر بغيرها يا ابوماجد تكفى قبل ابومهند نسيب عجرم؟؟؟؟

[الأديب]

يمكن

العقيقه

[ال-رايق]

التميمة ((السماوة))
على العموم شغل مرتب لاهنت.

[مسيرs]

يسعد مساك ياابو نايف
تحريك ثلث لطعامك وثلث لشرابك وثلث لنفسك الحديث

[الخامسي1]

يمكن

العقيقه



اشكرك ولاكن ركز وحاول مره اخرى

[الخامسي1]

التميمة ((السماوة))
على العموم شغل مرتب لاهنت.

اولاً اشكرك على تواجدك وحاول تركز شؤي

[الخامسي1]

يسعد مساك ياابو نايف
تحريك ثلث لطعامك وثلث لشرابك وثلث لنفسك الحديث


يسعد مساءك بعيد وسعيد انشاءالله

[ال-رايق]

فكر بغيرها يا ابوماجد تكفى قبل ابومهند نسيب عجرم؟؟؟؟

استر ما واجهت هاه؟:mad:

[الخامسي1]

استر ما واجهت هاه؟:mad:


ما وجهة الا الزين !!!!!!

[مسيرs]

مرة أخرى ...تيمم؟؟

[نبقو]

يمكن

التيمم

[الخامسي1]

مرة أخرى ...تيمم؟؟


بعيد عنه

اثنين مرتبطين للابد

الا في حاله وحده فقط حسب علمي ان وفقت من الله وان اخطائت من نفسي والشيطان
الحاله يحدث جزاء منها في الاول بدون الثاني والعكس في نهاية الحاله الثاني بدون الاول

عدنا !!

[ال-رايق]

خطبة-------زواج -----------طلاق
طب وتخير

[الأديب]

شرايك

بدعاء السفر والعودة منه

[الخامسي1]

خطبة-------زواج -----------طلاق
طب وتخير



الأوله فالك
والثانيه فالك
والثالثه بعيده عن الكل انشاء الله

حاول مره اخرى صباحي مافيه مدرسه بكره؟؟

[الخامسي1]

شرايك

بدعاء السفر والعودة منه


اعتذر غير صحيح !!!!

[ال-رايق]

طيب ياطيب
الصلاة---------الجنازة-------------الحرمة وزواجها
سريع سريع
الأولى التميمة او الختان

[الخامسي1]

طيب ياطيب
الصلاة---------الجنازة-------------الحرمة وزواجها
سريع سريع
الأولى التميمة او الختان



والله انك تفحط في حارتها ولاكن ما عرفت بيته ركز شؤي

[تميمي.1]

صح لسانك
وش في السلام سنه ورده واجب
او البسمله في الاكل واذا نسيت تقول بسم الله في اوله واخره

[هبــ حريملاااء ـبوب]

السلام عليكم
سلمت اخوي الخامسي وصح لسانك

وش رايك باحرام الحج

[الخامسي1]

صح لسانك
وش في السلام سنه ورده واجب
او البسمله في الاكل واذا نسيت تقول بسم الله في اوله واخره


الله يسلمك من كل مكروه
وبسم الله عليك

لأكن حاول مرة اخرى

[الأديب]

طيب ياغالي
الآذان والاقامه

[الخامسي1]

السلام عليكم
سلمت اخوي الخامسي وصح لسانك

وش رايك باحرام الحج


والله انك من ديرةً غاليه علي لأكن بعيد !!!

[الخامسي1]

طيب ياغالي
الآذان والاقامه


أنا قلت انك صاحب محاولات جاده وماسك جاده صح لأكن الرمعه مالك لوا

[ال-رايق]

النوم يهدد
لذا
وش رايك بزكاة الفطر ورؤية الهلال ----
غششونا ولا جبنا براشيم:D

[الخامسي1]

النوم يهدد
لذا
وش رايك بزكاة الفطر ورؤية الهلال ----
غششونا ولا جبنا براشيم:D

الله يهديك اغششك وولدي نايف حله قبلكم قولو ماشاء الله
والليله مناب سارين الى ذابحينه من المهد الى اللحد

[الأديب]

ماشاء الله عليك يانايف

الله يرزقك بره يارب
هذا الشبل من ذاك الاسد
الجمع والقصر

[الخامسي1]

فكر بغيرها يا ابوماجد تكفى قبل ابومهند نسيب عجرم؟؟؟؟



ماشاء الله عليك يانايف

الله يرزقك بره يارب
هذا الشبل من ذاك الاسد
الجمع والقصر


مالك لو وشكرً

[الخامسي1]

إذن المذن وما صلينا*** وصلينا بدون ما بذن المذن؟؟؟؟؟

[ال-رايق]

ليه ما تقول اني علمته بالحل وشريت سكاته لا يبلغ عنك
بخصوص الشيخ / عجرم وطلب الأورب منّه والدليل روحتك للسيارة :D:good2:
يا قلبك الخواف

[الخامسي1]

ليه ما تقول اني علمته بالحل وشريت سكاته لا يبلغ عنك
بخصوص الشيخ / عجرم وطلب الأورب منّه والدليل روحتك للسيارة :D:good2:
يا قلبك الخواف


كنك تشوف لا تكون مراقبني:good:

[ال-رايق]

إذن المذن وما صلينا*** وصلينا بدون ما بذن المذن؟؟؟؟؟

حي ذا الراس
تراها صلاة العيد يوم الجمعة

[تميمي.1]

وش رايك في صلاة العيد اذا وافقت يوم جمعه

[الخامسي1]

حي ذا الراس
تراها صلاة العيد يوم الجمعة



الله يرحم موتى المسلمين قل امين

اعد حساباتك

[ال-رايق]

الله يرحم موتى المسلمين قل امين

اعد حساباتك

الصلاة على الميت

[الخامسي1]

وش رايك في صلاة العيد اذا وافقت يوم جمعه


الله يرزقك مولود زي ولدي نايف يعرف الألغاز وتفرح به اول مانشوفه وش تسوي له؟؟؟

[الخامسي1]

الصلاة على الميت


جبت الثاني عطني الاول 50٪ كفو كفو كفو

بسرعة وأجمعها !!!!

[تميمي.1]

هههههههه
الاذان في اذن المولود
والاقامه في الاذن الثانيه
الله يحفظ لك نايف ويخليه لك ويخليك له

[ال-رايق]

الله يرزقك مولود زي ولدي نايف يعرف الألغاز وتفرح به اول مانشوفه وش تسوي له؟؟؟

بعد الاذن:
اسجله في حا..:D

[الخامسي1]

هههههههه
الاذان في اذن المولود
والاقامه في الاذن الثانيه
الله يحفظ لك نايف ويخليه لك ويخليك له



كفوو كقوو 50٪ لك والباقي لابومهند

[ال-رايق]

كفوو كقوو 50٪ لك والباقي لابومهند


يستاهل اخوي تميمي
ومتنازل لأنه راع الاوله
وصح لسانك يابونايف ونايف عساك تشوف احفاده
ومن شارك من الاخوان

[تميمي.1]

ماعليك زود
صح لسانك وصح لسان ابو مهند
وماطاح من الشنب فالحيه
لهم شي اننا ماننام وهو ماذبح
مع العلم ان سنيت السككاكين وعطيتنا اياها

[الخامسي1]

كفو كفو. يالتميمي ومثلها لابومهند

وتصبحون على خير

والسلام ختام

[تميمي.1]

تصبحون على خييييييييييييييييييير

[ال-رايق]

هكذا الألغاز والا
معلومة مفيدة وما جاء على شاكلتها
بيض الله وجهك يابونايف مبدعا

[الخامسي1]

شكرً وللتوضيح :-
سنة الأذان والإقامة في إذن المولود وفي ذلك حكمه ( البدايه)

اثناء الحياة لا يوجد أذان واقامه. بدون صلاة. ( وسطها)

بعد الوفاة صلاة الميت بدون أذان او اقامه. ( النهايه)


الحكمه ان نعلم ان الحياة اقصر مما نتخيل وهي بين (الأذان والإقامة ) حتى الصلاة كي نعتبر نفع الله بكم .،

[أبو رافع الظاعن]

صح لسانك أخي الخامسي

وبيض الله وجهيْ أبي مهند والتميمي ...

ولكن من باب العلم والفائدة :

فإنّ حديث الأذان والإقامة في أذني المولود حديث ضعيف لا تثبتُ بمثله السنّة !

وعليه فلا يشرع الأذان ولا الإقامة في أذني المولود .

وهذا الحديث من الأحاديث التي صححها الألباني ثم تراجع عن تصحيحها وضعفها وهو الصواب وبالله التوفيق .

شكر الله للجميع .

[مسيرs]

بارك الله بالقاتل وماأروع لغزنا المقتول والشكر لابو نايف موصول

[الخامسي1]

صح لسانك أخي الخامسي

وبيض الله وجهيْ أبي مهند والتميمي ...

ولكن من باب العلم والفائدة :

فإنّ حديث الأذان والإقامة في أذني المولود حديث ضعيف لا تثبتُ بمثله السنّة !

وعليه فلا يشرع الأذان ولا الإقامة في أذني المولود .

وهذا الحديث من الأحاديث التي صححها الألباني ثم تراجع عن تصحيحها وضعفها وهو

الصواب وبالله التوفيق .

شكر الله للجميع .


والله ياصوتي يسمعه اللي في الثمامه وانا إذن في اذانيهم وعلى النيه ولاكن راجع
وانا سوف أسائل احد مشايخنا الأفاضل والرد بما يقول انشاءالله

شكرً يشهد الله أني طرحت الفائده !!!

[الخامسي1]

بارك الله بالقاتل وماأروع لغزنا المقتول والشكر لابو نايف موصول


اشكرك كذلك جزيل الشكر واتشرف بك وبمرورك

[أبو رافع الظاعن]

والله ياصوتي يسمعه اللي في الثمامه وانا إذن في اذانيهم وعلى النيه ولاكن راجع
وانا سوف أسائل احد مشايخنا الأفاضل والرد بما يقول انشاءالله

شكرً يشهد الله أني طرحت الفائده !!!


أضحك الله سنك يا أبا نايف :D

أجل فجرت آذان الورعين باسم تطبيق السنّة !

لازم تعوضهم عن الروعة والأضرار التي لحقتْ بهم جرّاء هذه الفعلة !