تكفون الله يرحم واليكم دلوني على الحل باترول97

[العياف]

السلام عليكم ورحمة الله
مساكم الله بكل خير وعافية
شريت باترول ربع 97 والله إن السيارة لاباس بها لكن فيها رجة تبدأ من 95 إلى 115 تقريبًا مع العلم انها تخف إلى درجة انك تقول تختفي من 115 و ورا
كل ما رحت لأحد أفتاني من عنده اللي يقول من الأذرعه الخلفية وغيرتها ترصيص أرضي ورصصت عمود الدبل وفكيته وزن وزنت والرجة باقية لا ورجة راسي معها
هل من راعي خبره بهذه الأمور يدلنا عليها الله يدله على أفضل عمل يدخله الجنة
وبعدين ودي استفسر عن الياي الاسترالي هل منه ضرر لأني ركبته عند الرماية وطلع صوت مثل الحنه إذا جليت ( رفعت رجلي) أكرمكم الله عن البنزين وانا مسرع
آآآآآآآآآآآآآآآآآآآآآآآآآآآسف على الاطااااااااااااااااااااالة

[العتيبي 88]

الكفرات وش نوعها ... والجنوط وش نوعها وشي .. وانا اعلمك

[العياف]

الكفرات طال عمرك على الطاعة صينية اضن اسمها hong long قيمة الواحد 450 والجنوط هلل يابانية
البنشري صاحب قديم ولاهو راعي غش ولا ازكيه على الله

[العتيبي 88]

يعني الكفر نفس نقشة الماكسس

[العتيبي 88]

ياغالي اذا الكفر نفس نقشة البالون الرجه اذا اهي بسيطه .. لاتعب عمرك وبعدين الجنوط لها دور ... بس ياغالي اذا اهي خفيفه خلها لانه ترى طبيعت الباترول الرجه بــه من 90 الى 100 تقريبا ذي من بلاده .. لاكن مشكلت الهلل والكفرات الي تشبه البالون ولا البالون ولا الي مهي راسيه بشكل عام صعبه توزنها ..

انا ماخليت ولا محل . رصصت .. بمحل بببريده .. بــ 100 ريال ولا استفدت اي شي رجعت الرجه وركبت مساعد جبريل ونزلته ماستفدت شي ..

[سيف العلا]

يفيدونك اهل النيسان بس اتوقع من الكفرات لان اكثر الناس تكتشف المشكله بالكفرات وبعدين صيني ملقيت غير صيني تشتري لو اشتريت اندنوسي ارحم

[خبايا انسان]

بالنسبه لليايات الاستراليه .. اذا كان موترك ربع وارتفع الموتر من بعد اليايات ,, فلازم تنزل القير تقريبا 2 سانتي عشان عمود الكردان قصير وبيطلع صوت حنه ,, التنزيل في الصنعيه بقيمه 70 ريال

[ابوسند9]

اخوي
شوف اول حاجه حتى لو كانت الكفرات جديده والجنوط كذالك
اوشي شي جرب بدل كفرات قدام وراء
ثاني شي تاكد من مساعد الدركسون لايكون مهرب زيت وعطلان
ثالث شي تاكد من الرمان الامامي لايكون مرتخي وحال
رابعا تاكد من ربلات اعمدة التوازن وربلات الرباطات الاماميه وكذالك عمود الدركسون ممكن فيه فضواه
كل ما ذكرت اعلاه تقدر تتاكد منها بنفسك ولا تحتاج مهندس وابداء من الاسهل

[ابوسند9]

وبالنسبه للحنه
زي ما ذكر اخونا العضو خبايا انسان

[ابوارياف]

الله يصبحك ويمسيك بالخير انت والحاضرين0
البترول سيارة البر لاكن مشاكلها كثيره اولها خراطيش الماء الي في وسط المكينه والي خارج المكينه لاكن هاذي تشوفها وتعرف المشكله0
اناوعوذبالله من الونا خبرتي مع النيسان تقارب العشرون سنه والمشكله التي واجهتك هي حدا امران اما من مساعد الدركسيون اوعمود التوازن الي تحته وحتمال كبير انه عمود التوازن الي تحت مساعد الدركسيون اختبره يمكن فيه فضاوه حصلت عندي المشكه مرتين ورحت للميزان وقالولي من ماهب ودب ورفضت واصريت علي ذالك مو شطاره مني من احد الخبراء وفعلا قالو فيه فضاوه وغيرته وصار هو المشكه احتمال كبير انه عمود التوازن الامامي 90%

[الزامل الاول]

شيك على الذراع

[العياف]

بالنسبه لليايات الاستراليه .. اذا كان موترك ربع وارتفع الموتر من بعد اليايات ,, فلازم تنزل القير تقريبا 2 سانتي عشان عمود الكردان قصير وبيطلع صوت حنه ,, التنزيل في الصنعيه بقيمه 70 ريال
الله يمسيك بالخير وكل من مر على الموضوع لو ان مروره تعاطف إن شاءالله إنه لحق من الدعوة نصيب
كيف أنزل القير ياغالي ( وش اقول للمهندس) خبرك في مكة قليل المهندسين اللي يفهمون

[خبايا انسان]

تنزل القير عن مكانه ب 2سانتي تقريبا عشان يصير عمود الكردان سيده ,, الشغله بسيطة ولا بها وجع راس ( اذا كان موترك ربع )

[هويدي]

ماقصروا الاخوان الله يجزاهم خير وزياده الخير خيرين

بالنسبه للياي كم رفع السياره من سم ؟

الربع حده بالكثير 3 سم عن رفع الوكاله

وطريقه تنزيل القير تركب وردات او مبسط بمقاس 2 سم بين الشاص وكرسي القير
( كانك راعي فكفكه ) شرحتلك الطريقه بالصور وتراها سهله ولا تحتاجها الا اذا كان الارتفاع اكثر من 3 سم

وبالنسبه للرجه شيك على الرمان الامامي
ارفع الكفر بعفريته وهزه من فوق وتحت اذا فيه فضاوه معناه مرتخي وحسب كلامك انها تجي بسرعه معينه فأقرب مالها ترصيص ارضي والعلم عند الله