مشاكل فجائية(طبلون-ساعه-لمبة سقف-ريموت)خبراتكم لا تقصرون

[wolf506]

السلام عليكم ورحمة الله وبركته
يا اخوان إني احبكم في الله:D

المهم بعد المقدمة الطويله والجميله خلني أقول أما بعد

سيارتي خبطت فجأة
السيارة هايلوكس 2010 بريمي دبل
المشاكل الي صارت فيها
1- الساعه طفت
2- لبمة السقف طفت
3- الريموت طفى(لا يفتح ولا يسكر البيبان)
4- الطبلون(أو المصايب)
الطبلون إذا طفيت السياره توقف عداد الضغط وعداد الحراره وعداد البنزين
والنور العالي معد تشتغل لمبته ولمبة الباب تضيء بشكل خافت واذا بغيت العدادات تنزل افتح السويتش وانتزل وافصل المفتاح ولا بتعود ترقى امبيرات البنزين والحراره

===========القصة==========

كل من سئلته قالي فيوز قلت وانا ابوها فحص كامل للفيوز
فحصت الي عند المكينه وفحصت الي تحت الطارة كلهن سليمة
قلت يا شيخ وده لصناعيه وديته قالي شف حسن التركي (شغلته برمجة الطبلون)ووديته لهذا التركي وكان مسنتر في غريفه تقول خزانه شافه وقالي هذي ما اعرف لها يا عمي

إلين فيه واحد يضبط في سيارته وقالي نفس المشكله قلت عجييييب:eek: بس سيارته لاند
قالي وديته للورشه في الصناعيه القديمه وكان فيه ناس سعودين شغالين شفهم وش بيقولون طرت لهم وقالوا ما يمدينا لان الجهاز ما يركب على هايلوكسك:( قلت يمين يسار قال تعال بكره ونشوف (الي هو اليوم )وكان واحط طرى حساس الريوس هو الي سبب المشاكل ذي

انتوا وخبرتكم وش المشكله منه وشلون ازينها ومن الي بيصلح ذي المشكله واحتمال كم تكلف
وشكرا جزيلا

[هويدي]

2010 توه على الضمان وده للوكاله يصلحونه غصب ويعطونك سياره بداله فترة الاصلاح

اذا ماجت بالطيب والعلم الغانم ارفع صوتك سنّـه :) وبتاخذ حقك إن شاء الله
الله يكون بعونك

[PLYAMZ]

جرب فصل البطاريه وبعد حمس دقيق اشبك البطاريه ان شا الله تزبط معاك
تحياتي

[مكشات وبس]

على الضمان وده للوكاله يصلحونه غصب

[ذيب النجيل]

صارت معاي نفس المشكله قبل اسبوعين


والمشكلة كانت من فيوز من الي بالكبوت و رقمه 7.5


وغيرته وصارت 100%

وترا الفيوز صغير ومايبين انه محترق

[ذيب النجيل]

واذا ماحصلته انا مستعد اصور لك الفيوزات الي بالكبوت


واحدد لك مكانه

[ابوراكان تبوك]

تقريباً نفس مشكلتك صارت عندي بجيب gxr الساعة طفت ولمبة السقف طفت الفيوزات سليمة الريموت يضبط ومره يخرب ووديته يمكن 5 كهربائيين ووصفوني كهربائي ورحت له ولقى خط الولاعه محترق ومحرق معاه ظفيرة السقف والسبب من الشاشات المهم الرجال طلب مبلغ ماهو صاحي قالي يبغى لك فك ديكور وطبلون وطلب 1900 ريال:eek:
المهم تركته ورحت كهربائي ثاني وصلحة بـ 300 ريال
انت افحص كمبيوتر اذا طلع لك err وماقرى الكمبيوتر معناه المشكلة بالظفيرة او افصل حساس الريوس من تحت السيارة تلقاه جنب القير او فوق العمود بنفس جرم القير
عموماً هذه الطريقة تقدر تسويها بنفسك على السريع حتى تتأكد
اولا جيب لمبة فحص زي اللي بالصورة ( الصورة مقتبسة من ردود المهندس اصيل الحجازي )
http://www.2carpros.com/images/articles/tools/test_light/test_light.jpg

ثانياً : اغلق جميع الابواب وجميع الانوار والسيارة طافية
ثالثاً : افصل سلك الكهرباء اللي راكب في اصبع البطارية
رابعاً : اشبك طرف مفتاح الاختبار اللي مثل الزرادية في في سلك الكهرباء وضع رأس المفتاح على اصبع البطارية الموجب
اذا ولعت لمبة الاختبار على خفيف معناه السيارة مافيها اي التماس مشكلتك ياكتاوت او فيوز
واذا ولعت اللمبة قويه معناه 100% عندك ماس او سلك محروق والله يعينك عليه

موووووووووووووفق

[wolf506]

2010 توه على الضمان وده للوكاله يصلحونه غصب ويعطونك سياره بداله فترة الاصلاح

اذا ماجت بالطيب والعلم الغانم ارفع صوتك سنّـه :) وبتاخذ حقك إن شاء الله
الله يكون بعونك
المشكله ان ما عليه ضمان حسبي الله على اللي باعني الموتر ولا علمني ان ما عليه ضمان

جرب فصل البطاريه وبعد حمس دقيق اشبك البطاريه ان شا الله تزبط معاك
تحياتي
انا فصلت البطاريه وشبكتها على طول ما تغير فيه شئ بس افصلها واشبكه مره ثانيه لعل الله ينفع بالسبب


على الضمان وده للوكاله يصلحونه غصب

ما عليه ضمان للأسف


صارت معاي نفس المشكله قبل اسبوعين


والمشكلة كانت من فيوز من الي بالكبوت و رقمه 7.5


وغيرته وصارت 100%

وترا الفيوز صغير ومايبين انه محترق

ايه كلها صغيره ابشيك عليه الحين بس المشكله اذا فحصته المفروض تطفي اللمبه


واذا ماحصلته انا مستعد اصور لك الفيوزات الي بالكبوت

واحدد لك مكانه

الحين افكك فيهن واحد واحد إلين القاه إبن الكلتش:p


تقريباً نفس مشكلتك صارت عندي بجيب gxr الساعة طفت ولمبة السقف طفت الفيوزات سليمة الريموت يضبط ومره يخرب ووديته يمكن 5 كهربائيين ووصفوني كهربائي ورحت له ولقى خط الولاعه محترق ومحرق معاه ظفيرة السقف والسبب من الشاشات المهم الرجال طلب مبلغ ماهو صاحي قالي يبغى لك فك ديكور وطبلون وطلب 1900 ريال:eek:
المهم تركته ورحت كهربائي ثاني وصلحة بـ 300 ريال
انت افحص كمبيوتر اذا طلع لك err وماقرى الكمبيوتر معناه المشكلة بالظفيرة او افصل حساس الريوس من تحت السيارة تلقاه جنب القير او فوق العمود بنفس جرم القير
عموماً هذه الطريقة تقدر تسويها بنفسك على السريع حتى تتأكد
اولا جيب لمبة فحص زي اللي بالصورة ( الصورة مقتبسة من ردود المهندس اصيل الحجازي )
http://www.2carpros.com/images/articles/tools/test_light/test_light.jpg

ثانياً : اغلق جميع الابواب وجميع الانوار والسيارة طافية
ثالثاً : افصل سلك الكهرباء اللي راكب في اصبع البطارية
رابعاً : اشبك طرف مفتاح الاختبار اللي مثل الزرادية في في سلك الكهرباء وضع رأس المفتاح على اصبع البطارية الموجب
اذا ولعت لمبة الاختبار على خفيف معناه السيارة مافيها اي التماس مشكلتك ياكتاوت او فيوز
واذا ولعت اللمبة قويه معناه 100% عندك ماس او سلك محروق والله يعينك عليه

موووووووووووووفق

في نفس الليوم الي صارت علي فيه المشاكل كان إنا طالعين نتمشى ورحنا لسد نعام والحريق تمشيه وكان واحد فاضي جواله نوع جلكسي 2 قال يا ابو زيد ابشحنه كلت هات وشحنته وكان جواله فاضي يوم وصلنا قال يا ابو زيد ما شاء الله شاحنك ممتاز:eek:
قرصني قلبي(قلبي فيه حساسات خاصه مسبقه للمصايب وتحلل كل شئ:p)
عاد انا من ذيك الحين إلى اليوم وهو خربان عقبها
ابشيك على ضفيره الولاعه وابشيك على الفيوزات الحين وابرد لكم خبر
(اعجبني تفاعلكم مع الموضوع:l)

[mooma]

أخوي شيك على فيوز الولاعة

(صارت لنا على اكستيرا 2008 حق ولد خالي )

[wolf506]

فيوز حق الولاعه وينه فيه هو تحت الطاره ولا عند الكبوت

[wolf506]

الححححححححححححححححححححححمد لله


ابشششششششششششششركم وبيض الله وجيهم وجزاكم الله خير

وبيض الله وجهك يا ذيب والله يسكنك فسيح جناته ويزوجك ويدعوك الله على راس الخلايق ليزوجك من الحور ما تشاء قل آمين

كان راس البلاء كله من فيوز بني رقمه 7.5 مع فيوزات الي في الكبوت يعني مكانه تقريبا في الصفه الثانيه في الأخير
كان حارق وغيرته وحطيت لتجربه فيوز رقم 10 لانه اقرب شئ وابغيره بعد شوي
الحمد لله الحمد لله الحمد لله

[wolf506]

نصيحه لوجه الله إذا كان عندكم محل ولاعه فاضي مثل الهايلوكس ركب فيه ولاعه ثانيه واسحب سلك من البطاريه وحط فيوزين على كل سلك 7.5 امبير بالتوالي (يعني لا تشبكهن مثل ما تشبك للمبه)وريح راسك من مشاكل الولاعه وهذا الي بسويه
ترى اكثر المشاكل تصير من الولاعه مثل الحرايق اذكر انا واخوي يوم انا صغار نجيب التتانه ونشبكها في الولاعه ونرص عليها إلين طلع دخان وفيه كامري واقفه قدام الشقه يوم جاء الفجر لقاها شابه وأضن السبب كله من الولاعه

[ذيب النجيل]

جزاك الله خير واتمنى انك تكتب الحمد لله بدلا من الحمد لللله لانه اسم الله عزوجل ولاينبغي مده وتكرار حروفه لتعطي معنى آخر

[wolf506]

جزاك الله خير واتمنى انك تكتب الحمد لله بدلا من الحمد لللله لانه اسم الله عزوجل ولاينبغي مده وتكرار حروفه لتعطي معنى آخر
جزاك الله خير
ولا تأخذني من الفرحه خبطت فيوزاتي :D
لان فيه ناس روعوني ريوس وسلك وألف ريال وشبة موتر وأمور اخطر

[هويدي]

الحمدلله على سلامه الموتر

والله يجزا كل من سعى بالموضوع خير

ليتك تصور الفيوز وتنزل صورته لتعم الفائده

[ابوراكان تبوك]

الحمد لله انتهت المشكلة بجهود الاخوان الله يعطيهم الف عافية

[asdyk2010]

السلام عليكم
الله يحفظكم
هام ,,,
عندما تعمل اشتراك لعطل البطاريه تاكد من الاقطاب 100% السلب سلب والموجب موجب
المشكل واشك ان الساثق عكس الاقطاب ولم ننتبه ولم يقول واصلح الخطاء
اشتغلة السياره بعد الاشترك الصح مع البطاريه الاخرى ولم تعمل الشاشه وصوت الاشارات ؟!
وفى الوكاله تم تغير البطاريه لاكن الشاشه لم تعمل اجابو اترك عندهم السياره 24 ساعه ولم احبذ ذالك
وقترحت عليهم فحص الفيوزات اول لاكن الرد من المستقبل لايوجد فيوزات ؟!
وشتكيت اللاداره والجواب بعدها جب السيار غدا ,,,
والحمد لله مشاء الله تبرك الله كان العطل فى الفيوزات لم يستغرق العمل من مهنسهم 10 دقائق فقط
بد ون التشيك اوفحص لظفيراو اواجهزه اخر ؟!
الفيوز من مهماته فى اى سياره لتصدى الاخطاء الكهربائيه لاقدر الله
الله يوفقكم
الله معكم
اخولكم
يدعو الله الوحد الاحد الخير لكم ولجميع المسلمين امين