انشد عن بنتٍ خوية نشاما....جديد ,,,,,,,,, الحل السالفه ,,,,,,,,,, حله االشيخ مسكين

[مقرنس الشيهان]

السلام عليكم ورحمة الله وبركاته
الله يمسي الجميع بالخير
استلمو جديد

انشدك عن بنت(ن) خوية نشاما===اول بوقت(ن) فات غالي ثمنها
واليو رخصة مابقى له مقاما=== الاقليل من العرب ذاد عنها
واللي بقى منها ضعيف وهلاما===عطني اسمها وقلي وش اللي وهنها
مع تحيات
ابومحمد
الـعــــــــــــــــــــابر

[ابوالفهد33]

صح لسانك يامقرنس


وش رايك بالعصابة

أو العقال القديم ( يمكن له اسم مؤنث)مثل عقال الملك فيصل رحمه الله

[مقرنس الشيهان]

صح لسانك يامقرنس


وش رايك بالعصابة

أو العقال القديم ( يمكن له اسم مؤنث)مثل عقال الملك فيصل رحمه الله


صح بدنك ابو فهد والرمعه ماصادت الحل
خيرها بغيرها

[الأديب]

وعليكم السلام ورحمة الله وبركاته
صح لسانك
محاوله اولى // الجنبيه
او

البوصله

دمت برعاية الله

[مقرنس الشيهان]

وعليكم السلام ورحمة الله وبركاته
صح لسانك
محاوله اولى // الجنبيه
او

البوصله

دمت برعاية الله
صح بدنك اخوي الاديب
والرمعه مالك لواااااااا

[بواردي99]

السلام عليكم ورحمه الله
بنحاول ونقول
(البشت او المشلح )
اخوووك

[مقرنس الشيهان]

السلام عليكم ورحمه الله
بنحاول ونقول
(البشت او المشلح )
اخوووك


هلابك اخوي البواردي صح بدنك
والرمعه مالك لوااا خيرها في غيرها

[صقر السديرات]

ابو محمد الله يمسيك بالخير
وصح لسانك على هالمزيون
ارررررررررررررررررمع
القربة
ماعاد تشوفه الا بالمتاحف
نحيفه متسفطه تقل جبهت عود
دمت بخير

[مقرنس الشيهان]

ابو محمد الله يمسيك بالخير
وصح لسانك على هالمزيون
ارررررررررررررررررمع
القربة
ماعاد تشوفه الا بالمتاحف
نحيفه متسفطه تقل جبهت عود
دمت بخير

الله يمسيك بالرضى والنعيم
وصح بدنك
والرمعه ابعد من ضلع الشيخ
ولاتغلط على الشيبان اخص يالولد
الضـــــــــــــــــــــــــــــــــــــــــــــــ ـلع

[اول]

صح لسانك
ساعة المخبى

[مقرنس الشيهان]

صح لسانك
ساعة المخبى


هلابك اخوي صح بدنك
والرمعه ماصابت الهدف
خيرها بغيرها

[torrjom]

صح السانك

اخوي ابومحمد

احجز لي مع الربع

مكان بالضلع

الدله

كل الوووووووووود

[ابوالفهد33]

وش رايك (النخوة أو الكلمة)

[ال-رايق]

صح لسانك’’’’
ابداع مبدع ------- يساوي======لغز ممتع
وش رايك بالحشمة ,,,,,,,,,,,,,,والغيرة
وتسلم ومن يقرأأأ

[ناصر العلي]

سلمت يالغالي
وصح لسانك
ويش قولك بـ
الطفيلية
المطارة
الصّحفة

[مقرنس الشيهان]

صح السانك

اخوي ابومحمد

احجز لي مع الربع

مكان بالضلع

الدله

كل الوووووووووود

صح بدنك ابو عبد العزيز
الرمعه يفتح الله والضلع يالغالي مالك مكان فيه نعاني من زحمه شديده بسبب الغازك
ولكن خيرها بغيرها

[مقرنس الشيهان]

وش رايك (النخوة أو الكلمة)

ابو فهد يشهد الله اني افرح لاشفت معرفك واخاف بنفس الوقت
لان رمعاتك قاتله في اكثر الاحيان
انتظر القاتله

[مقرنس الشيهان]

صح لسانك’’’’
ابداع مبدع ------- يساوي======لغز ممتع
وش رايك بالحشمة ,,,,,,,,,,,,,,والغيرة
وتسلم ومن يقرأأأ

صح بدنك ابو مهند
تبغاني اغششك
الرمعه مالك لواااا
ليش مخلي صقر لحاله رح له الله لايهينك وكثرو الحطب
ترى هب عليهم عقبك برد

[ابوالفهد33]

وش رايك
الصداقة

[مقرنس الشيهان]

وش رايك
الصداقة


اخوي مالك لوا وخيرها بغيرها

[ابوالفهد33]

طيب (النصيحة)

[مقرنس الشيهان]

طيب (النصيحة)


مالك لوااااا
الله يطولي عمرك كل الود

[مقرنس الشيهان]

ياجماعة الخير النبهانيوينه
فاقدينه

[ال-رايق]

ان جاد ظني::::::::::::::::::::
القصيدة____________
وصح لسااااااااااااااااانك

[مقرنس الشيهان]

ان جاد ظني::::::::::::::::::::
القصيدة____________
وصح لسااااااااااااااااانك

مالك سريه وصح بدنك

[صقر السديرات]

ابو محمد
جاي من الضلع ويسلمون عليك الشباب كلهم ومشتاقين لك حيل
يقولون قل لابو محمد
الكلمة الطيبة
الشيمة
الحمية
الغيرة
جيتا اعلمك عاد وابشرك فتحو ساهر لين اقبلت على الضلع فليشرات
تحذيرية من الشباب:good2::D:good2::D
هاه متى نشوفك

[احمدالدمام]

صح السانك وش رايك انه ( الدله)

[مقرنس الشيهان]

ابو محمد
جاي من الضلع ويسلمون عليك الشباب كلهم ومشتاقين لك حيل
يقولون قل لابو محمد
الكلمة الطيبة
الشيمة
الحمية
الغيرة
جيتا اعلمك عاد وابشرك فتحو ساهر لين اقبلت على الضلع فليشرات
تحذيرية من الشباب:good2::D:good2::D
هاه متى نشوفك

الله يسلمك وياهم من كل شر
وقلهم مالكم لوااا
وترانا ابشرك قدمنا لكم على حافز
يبي ياصلكم لحد الضلع

[مقرنس الشيهان]

صح السانك وش رايك انه ( الدله)


هلابك اخوي احمد
صح بدنك والرمعه ماصابت
خيرها بغيرها

[هبــ حريملاااء ـبوب]

السلام عليكم

عافاك الله اخوي ابو محمد وصح لسانك

والله الخوي مساير او منقول وهقوتي انها المقمع

وسلمت ومن يقرا

[ابو ركاد]

مقرنس السمقان
صباح الخير
صح لسانك
وش رايك
بالنصيحه

[مقرنس الشيهان]

السلام عليكم

عافاك الله اخوي ابو محمد وصح لسانك

والله الخوي مساير او منقول وهقوتي انها المقمع

وسلمت ومن يقرا

صح بدنك
وعافاك ربي
الرمعه مالك لواااا

[مقرنس الشيهان]

مقرنس السمقان
صباح الخير
صح لسانك
وش رايك
بالنصيحه


صح بدنك
صباح النور
الرمعه مالك لوااااا

[torrjom]

مساك الله بالخير ياابومحمد

رمعه مع الرامعين

المتجهيين للضلع

المقمع

كل الوووووووووووود

[هبــ حريملاااء ـبوب]

طيب يا ابو محمد وش رايك في بيوت الطين عافاك الله

[مقرنس الشيهان]

الله يمسيك بالرضى والعافيه
يابو عبد العزيز
الرمعه ساريه عند هبوب حريملاء
وخيرها بغيرها
واذا بتتجه خذ المرشد السياحي صقر

[مقرنس الشيهان]

طيب يا ابو محمد وش رايك في بيوت الطين عافاك الله


هلابك اخوي
وخيرها بغيرها

[هبــ حريملاااء ـبوب]

عوده .. وش تقول باللحيه .. قل من يطلقها مدري وش وهنها

سلمت

[مقرنس الشيهان]

عوده .. وش تقول باللحيه .. قل من يطلقها مدري وش وهنها

سلمت

هلابك اخوي
الرمعه ماصابت وخيرها في غيرها
واهل اللحا ابشرك واجد وفي تزايد الله يثبتهم

[اول]

ولاهي الزبيريه تكرمون

[مقرنس الشيهان]

ولاهي الزبيريه تكرمون


هلابك اخوي
ماهي الزبيريه تكرم
خيرها في غيرها

[ال-رايق]

الله حي العابر
تدري بنسميك((الصياد))بعد لغز طرجم’’’’’’’’’’تستاهل:good2:
وش رايك بالـــ:-

_________المهفّة--عسى الله يسخّر لنا هل العلم اللي صنعوا السبلت_________

وسلامتك ومن يقرأأ

[الخامسي1]

رمعه على الطاير ونرمي السهاما
( المزودة ) والغطو يمكن دفنها
واليوم مع راعي بجنب المساما
يارب ماقلته يفصل كفنها

[غزال الصمد]

عندي رمعة/ وش رايك بالساعة أم صليب ( ساعة تلبس باليد وكل 12 ساعة تعبأ )

[صاحب الذئب]

صح لساااانك ياطويل العمر والسلامه
ومتجه للضلع

ماهي الجيره من الجوار والجاااار

[مقرنس الشيهان]

الله حي العابر
تدري بنسميك((الصياد))بعد لغز طرجم’’’’’’’’’’تستاهل:good2:
وش رايك بالـــ:-

_________المهفّة--عسى الله يسخّر لنا هل العلم اللي صنعوا السبلت_________

وسلامتك ومن يقرأأ


هلابك ابو مهند العابر ابلغ يعبر كل شي
والرمعه خلك والم يمرك الباص

[مقرنس الشيهان]

رمعه على الطاير ونرمي السهاما
( المزودة ) والغطو يمكن دفنها
واليوم مع راعي بجنب المساما
يارب ماقلته يفصل كفنها


هلابك اخوي الخامسي
والله اني كل ماشوف معرفك اقول جابه
بدون قصور بالاخوان
خيرها بغيرها

[مقرنس الشيهان]

عندي رمعة/ وش رايك بالساعة أم صليب ( ساعة تلبس باليد وكل 12 ساعة تعبأ )

هلا بالغايب الحاضر بقلوبنا
هذيك اول ساعه لبستها بحياتي
الرمعه خيرها بغيرها

[مقرنس الشيهان]

صح لساااانك ياطويل العمر والسلامه
ومتجه للضلع

ماهي الجيره من الجوار والجاااار



صح بدنك ياطويل العمر
ممنوع احد ياخذ سياته
انتظر الباص يمرك بعد صلاة العصر
بقيادة ابو مهند
خبرها بغيرها

[الأديب]

ابو محمد
ماتكون ( السبحه )
دمت برعاية الله

[صقر السديرات]

حبيبنا ابو محمد
يمكن
السامرية
الهجينية
القصيدة النبطية
دحلت دحل في الضلع مثل دحول الارانب الا ياطالع:D:D:D:D

[مقرنس الشيهان]

ابو محمد
ماتكون ( السبحه )
دمت برعاية الله


هلا والله باديبنا
الله يمسيك بالخير
الرمعه مضلعه
خيرها بغيرها

[مقرنس الشيهان]

حبيبنا ابو محمد
يمكن
السامرية
الهجينية
القصيدة النبطية
دحلت دحل في الضلع مثل دحول الارانب الا ياطالع:D:D:D:D

هلابك ابو فيصل
ماعاد هي بالدحول شفلك غار ومقفي عن الشمال

[صاحب الذئب]

حياك الله ياالغالي
ترى وقفت ركوب وكتبت هاالرمعه ابرسلها معه من الطرف الجنوبي من الضلع
------------------
الشعره

[مقرنس الشيهان]

حياك الله ياالغالي
ترى وقفت ركوب وكتبت هاالرمعه ابرسلها معه من الطرف الجنوبي من الضلع
------------------
الشعره

يامال العافيه
الرمعه مضلعه
لاوصلتم شبو النار وجهزو القهوه والعشى
وفضو لي مكان بجيكم من لغز ابو ماجد
الليله كل الربع هناك

[النبهاني]

ياجماعة الخير النبهانيوينه



فاقدينه




موجود وماتفقد غالي يالغلا والخميس والجمعه يصير بعض المرات ختات
وتراي متابع وبقوه لو ما شاركت ويازين مساجلاتكم خاصة مع ابو فيصل وابو مهند الله يديم الود
شفت اني متابع
وليتك حولي كان امطخ الدميجه اللي قالت بلغز طرجم
اللي خلان سرداد مرداد على الضلع
ورميعه
يمكن الصنيه حقت الضيفه الاوله اللي من نحاس صافي

[ال-رايق]

ابو محمد///////////////مساك الله بالخير
وش رايك ( بالخيل) -----------تكسر الخاطر ذيك الفرس اللي في لغز الشيخ والهيل (ماهي اللي راكبها ذيبان --اخونا الهيل) اقصد الأخيرة حقت البيه بوه وارجع للغز الشيخ الله يمسيه بالخير ومن يقرأ وتشوفها .
--------------------------------------------
ورمعة ثانية تحجز(OK) على رحلة 999المتوجهه للضلع:
--------------(قضية فلسطين)

[اول]

ولا هي النباطه
ضلعكم ذا اللي تقولون اندق صار مراغه من الاقباله والاقفايه عليه

[مقرنس الشيهان]

موجود وماتفقد غالي يالغلا والخميس والجمعه يصير بعض المرات ختات
وتراي متابع وبقوه لو ما شاركت ويازين مساجلاتكم خاصة مع ابو فيصل وابو مهند الله يديم الود
شفت اني متابع
وليتك حولي كان امطخ الدميجه اللي قالت بلغز طرجم
اللي خلان سرداد مرداد على الضلع
ورميعه
يمكن الصنيه حقت الضيفه الاوله اللي من نحاس صافي
هلابك اخوي النبهاني
الله يمسيك بالخير
لامانع من ختت المذكور
الله يعطيك العافيه وافي يالغالي
وخلك مع الربع للمحل اللي انت خابر
ولاوصلت هناك امطخ ابو فيصل بالنيابه واعتبرها وصلت
دون اقصور بالباقين

[مقرنس الشيهان]

ابو محمد///////////////مساك الله بالخير
وش رايك ( بالخيل) -----------تكسر الخاطر ذيك الفرس اللي في لغز الشيخ والهيل (ماهي اللي راكبها ذيبان --اخونا الهيل) اقصد الأخيرة حقت البيه بوه وارجع للغز الشيخ الله يمسيه بالخير ومن يقرأ وتشوفها .
--------------------------------------------
ورمعة ثانية تحجز(OK) على رحلة 999المتوجهه للضلع:
--------------(قضية فلسطين)

هلابك ابو مهند الله يمسيك بالخير
والحق الرحله لاتفوتك
ترى مافيه تكاسي توصل هناك

[هبــ حريملاااء ـبوب]

مساك الله بالخير ابو محمد وش رايك بالجحله

[مقرنس الشيهان]

مساك الله بالخير ابو محمد وش رايك بالجحله


هلابك اخوي
الله يمسيك بالخير والرضى والعافيه
الرمعه مالك لواااا

[ابو صفوق]

عليكم السلام والرحمه
مساك الله بالخير
ماتكون اللغه العربيه

[صقر السديرات]

ابو محمد
الربابة
قل هي

[مقرنس الشيهان]

عليكم السلام والرحمه
مساك الله بالخير
ماتكون اللغه العربيه


هلابك اخوي ابو صفوق
مساك الله بالخير والنور والرضى
الرمعه لم تصب خيرها بغيرها

[مقرنس الشيهان]

ابو محمد
الربابة
قل هي


ابو فيصل خلك بالدحل عن البر
والله انها توسع الصدر بالضلع صدى

[تميمي.1]

صح لسانك
وش رايك بريشة الجهاز الاسلكي ( الكنود والايكوم)

[مقرنس الشيهان]

صح لسانك
وش رايك بريشة الجهاز الاسلكي ( الكنود والايكوم)

هلابك اخوي
صح بدنك والرمعه خيرها بغيرها تحياتي لك

[مقرنس الشيهان]

السلام عليكم ورحمة الله وبركاته

[النبهاني]

يالله تمسيه بالخير
نحاول ثانيه ولا تقول الضلع متوجه وادل
وش رايك بالفرس

[مقرنس الشيهان]

هلابك الله يمسيك بالخير
مادام تدل ماعليك لو مشيت بليل
توكل على الله لاتاخر على اخوياك ومر ابو مهند على طريقك

[عليق بري]

ما تكون ... الخيمة ..

[مقرنس الشيهان]

ما تكون ... الخيمة ..



هلابك
مالك لواااااا
قرب اذنك بقول لك شي
محسوسه غير ملموسه
ولاتعلم احد:D

[اول]

اجل الايثار
او الفزعه

[عليق بري]

الشهامة او الشجاعة ..

[مقرنس الشيهان]

اجل الايثار
او الفزعه

هلابك اخوي
الرمعه مالك لوااااااااا خيرها بغيرها

[مقرنس الشيهان]

الشهامة او الشجاعة ..



ساريات المراميع مالك كتيبه

[بدوي]

صح السانك يا بومحمد
انا كلاني الخلاء والظاهر ابروح اتونس مع الربع في الضلع
نرمع في موقف الباص
الوطنيه...الانتماء للقبيله او الوطن..الفزعه..

[النبهاني]

طيب يابو محمد
رميعه وانا بالضلع اجي والا اقعد
يمكن الامانه

[مقرنس الشيهان]

صح السانك يا بومحمد
انا كلاني الخلاء والظاهر ابروح اتونس مع الربع في الضلع
نرمع في موقف الباص
الوطنيه...الانتماء للقبيله او الوطن..الفزعه..



هلابك اخوي صح بدنك
الوحده شينه رح وسع صدرك معهم اقل مافيها
تصلون جماعه وتعاونون

[مقرنس الشيهان]

طيب يابو محمد
رميعه وانا بالضلع اجي والا اقعد
يمكن الامانه

هلابك ارتاح
وشبو النار جاكم ضيف ارسلناه عليكم

[عليق بري]

الفراسة >> يعني التمقل بعناية ..

[مقرنس الشيهان]

مالك لواااااااا
خيرها بغيرها

الفراسة >> يعني التمقل بعناية ..

[عليق بري]

حماية الدخيل ..

[ال-رايق]

فيه احد رمع الجيرة
الان فيه حكومة
وسلامتك’’’’ولا تقول اللي على بالك وبالي

[مقرنس الشيهان]

حماية الدخيل ..


مالك لوااا
خيرها بغيرها

[مقرنس الشيهان]

فيه احد رمع الجيرة

الان فيه حكومة
وسلامتك’’’’ولا تقول اللي على بالك وبالي


لغزنا لايزال طليق خيرها بغيرها

[عليق بري]

قوة الذاكرة ..

او

الدلالة ...

[مقرنس الشيهان]

قوة الذاكرة ..


او


الدلالة ...



لازال طليق
خيرها بغيرها

[اول]

ولاهي الغيره

[مقرنس الشيهان]

ولاهي الغيره

خيرها بغيرها

[عليق بري]

ما عاد ورى ...


الغيرة ... عسى ما تكون سارية ..

[مقرنس الشيهان]

ما عاد ورى ...




الغيرة ... عسى ما تكون سارية ..




احيي فيك روح التحدي والمثابره
اقرى اللغز بتأني وانشاء الله الرمعه القدمه تكون هي الحل

[الMهاجر19]

السلام عليكم أخوي مقرنس الشيهان

هذي أول مشاركه لي معكم وأتمنى تكون الرمعه صح أو حتى قريبه

الدله
واللي وهنها الثلاجات

[صاحب الذئب]

حياك الله
نقول
الساعه اللي بليد
والحين ساعت الجوال
او
الزيارات والحين ناب عنها الاتصال

[مقرنس الشيهان]

السلام عليكم أخوي مقرنس الشيهان

هذي أول مشاركه لي معكم وأتمنى تكون الرمعه صح أو حتى قريبه

الدله
واللي وهنها الثلاجات


هلابك وحياك الله بين اخوانك
نورت الخيمه
الرمعه لم تصب والبنت المطلوبه محسوسه
وليست ملموسه
اسلوبك بتحليلك للغز ممتاز انتظر القاتله

[مقرنس الشيهان]

حياك الله
نقول
الساعه اللي بليد
والحين ساعت الجوال
او
الزيارات والحين ناب عنها الاتصال

هلابك اسلوبك بالتحليل ممتاز جدا
لكن المطلوب محسوس وليس ملموس

[ال-رايق]

وش رايك يامقرنس..
________
الزكاة--ماعاد نشوف الاّخلاقين في شبك مصدّي وسط ميدان___________

وسلامتك يابومحمــــــــــــــــــــــــــــــــــد

[binamerah]

صح لسانك

معي حزمة حطب سمر من اللي تخلي البرد يهاجر وودي نشب النار (الشبة اوالضوء) نتدفأ من البرد ونعمر الدلال ونتقهوا ونكون قضينا على اللغز
والا اشيل حطبي واخلي شبة النار بالضلع

[مقرنس الشيهان]

وش رايك يامقرنس..
________
الزكاة--ماعاد نشوف الاّخلاقين في شبك مصدّي وسط ميدان___________

وسلامتك يابومحمــــــــــــــــــــــــــــــــــد


هلابك حياك ربي يابو مهند
طقو الخيام بجنب الضلع بحراوي مطر

[مقرنس الشيهان]

صح لسانك

معي حزمة حطب سمر من اللي تخلي البرد يهاجر وودي نشب النار (الشبة اوالضوء) نتدفأ من البرد ونعمر الدلال ونتقهوا ونكون قضينا على اللغز
والا اشيل حطبي واخلي شبة النار بالضلع


صح بدنك
على طول على طول لاتوقف
ود الحطب الربع بانتظارك

[االغضنفر]

أبغى أطق بيت شعر مروبع أخوي مقرنس الشيهان عندكم بالضلع فيه مكان

يقولون الشيبان من أول (النصيحة) تشترى بغالي الأثمان بينما زميتان بصرة ملح !!! ونحمد الله أن جاء بالإسلام ليعتق الأخير ويقضي على الرِق .
يمكن هي ويمكن لا ؟!! الله أعلم ،،،

[binamerah]

رايح للضلع رايح الله لا يعوق بشر
بس عندي رميعات ومثلك خابر طريق الضلع كله بطانيج
صعب الروحة والرجعة
ونقول
المرجلة
الفزعة
اكرام الضيف
الشهامة

[الرائعة]

يمكن المشورة او الاستشاره

[بدوي]

محاوله من الضلع ..هل تسمعني
التوقيت الشمسي والحين توقيت زوالي عدا بعض الشيبان الله يخليهم

[عليق بري]

صلة الرحم ...

[الأديب]

صح لسانك
يمكن
تحية الاسلام ( السلام عليكم ورحمة الله وبركاته )

[مقرنس الشيهان]

أبغى أطق بيت شعر مروبع أخوي مقرنس الشيهان عندكم بالضلع فيه مكان

يقولون الشيبان من أول (النصيحة) تشترى بغالي الأثمان بينما زميتان بصرة ملح !!! ونحمد الله أن جاء بالإسلام ليعتق الأخير ويقضي على الرِق .
يمكن هي ويمكن لا ؟!! الله أعلم ،،،


حياك الله
الرمعه تأهلك لبنا الخيمه وانت مرتاح
خيرها بغيرها

[مقرنس الشيهان]

رايح للضلع رايح الله لا يعوق بشر
بس عندي رميعات ومثلك خابر طريق الضلع كله بطانيج
صعب الروحة والرجعة
ونقول
المرجلة
الفزعة
اكرام الضيف
الشهامة


حياك اخوي ماشاء الله صرتو جماعه
اجتمعو وتلقونها صدقوني

[مقرنس الشيهان]

يمكن المشورة او الاستشاره


الرائعه
حياك الله الرمعه لم يحالفها الحظ
خيرها بغيرها

[مقرنس الشيهان]

محاوله من الضلع ..هل تسمعني
التوقيت الشمسي والحين توقيت زوالي عدا بعض الشيبان الله يخليهم


نعم اسمعك
التوقيت الشمسي يوم عزها اكثر من هيك مفيه

[مقرنس الشيهان]

صلة الرحم ...



هلابك
والرمعه لم يحالفها الحظ

[مقرنس الشيهان]

صح لسانك
يمكن
تحية الاسلام ( السلام عليكم ورحمة الله وبركاته )




هلابك اديبنا
خيرها بغيرها

[هبــ حريملاااء ـبوب]

السلام عليكم

ابو محمد وش رايك بالهديه

عافاك الله

[راعي العجراء]

هلابك يامقرنس الشيهان
وصح السانك
الدلوله من اول حريصين عليها
وجاء القارمن واعماها
الثانيه
عصى الاتاوه او الاخاوه عليها وسم الشيخ

[صقر السديرات]

يا شيخ مقرنس
انا وصلت مرحلة الانهيار من ذا اللغز ما فيه شي اخسره خربانه خربانه
والضلع فتحت فيه مكتب تطوير عقاري اي خدمة مستعدين
لذلك وبعد ذا المقدمة خذها
عمامة كانت كبيرة بالحيل
ثم اهملت وتلاشى حجمها حتى تحولت
الى عقال:D:D:D:D:D:D

[إلقناصه]

صح لسانك اخوي
رمعه ماتكون كلمة حياك على القهوه او العشاء الحين مفقوده

[النبهاني]

الله يمسيك بالخير يابو محمد
هاللغز سبب زحمه بالضلع
يمكن القليب - العد - واللي وهنها المطاق والوايتات
الضلع الضلع الموت مع الجماعه رحمه

[مقرنس الشيهان]

يا شيخ مقرنس
انا وصلت مرحلة الانهيار من ذا اللغز ما فيه شي اخسره خربانه خربانه
والضلع فتحت فيه مكتب تطوير عقاري اي خدمة مستعدين
لذلك وبعد ذا المقدمة خذها
عمامة كانت كبيرة بالحيل
ثم اهملت وتلاشى حجمها حتى تحولت
الى عقال:D:D:D:D:D:D

هلا وغلى بعمدة ضلعنا
سلامتك من الانهيار
ومدام المواهب تحولت للتجاره استغل الفرصه
يامال الغنيمه
وتراي اشوفك قمت تبعد ورى الضلع

[مقرنس الشيهان]

السلام عليكم

ابو محمد وش رايك بالهديه

عافاك الله


حياك الله اخوي
الرمعه مالك لوا والهديه انت من اللي يستاهلونها

[مقرنس الشيهان]

هلابك يامقرنس الشيهان
وصح السانك
الدلوله من اول حريصين عليها
وجاء القارمن واعماها
الثانيه
عصى الاتاوه او الاخاوه عليها وسم الشيخ


هلابك اكثر وصح بدنك
مالله هون على هالشنب ينحلق
ترى ابو فيصل يعزمك للقهوه بمكتبه اللي بالضلع
والله انكم لحيتوه ومردغتوه بس باقي تتجهون له صح
كل الود

[مقرنس الشيهان]

صح لسانك اخوي
رمعه ماتكون كلمة حياك على القهوه او العشاء الحين مفقوده


هلابك اختي القناصه
الى الآن مافتحنا فرع نسائي بالضلع
ولكن خيرها بغيرها

[مقرنس الشيهان]

الله يمسيك بالخير يابو محمد
هاللغز سبب زحمه بالضلع
يمكن القليب - العد - واللي وهنها المطاق والوايتات
الضلع الضلع الموت مع الجماعه رحمه



انت بالذات خلك بالضلع لاتجي من غير شر
نقول محسسسسسسسسسسسسسسسسسسسسسسسسوس

[صقر السديرات]

المبخرة
دبسة التمر
القطع الاثرية
دمت صابرا

[مقرنس الشيهان]

المبخرة
دبسة التمر
القطع الاثرية
دمت صابرا


ياجماعة الخير نقول محسوس وغير ملموس

[إلقناصه]

طيب ماتكون السماوه او العزوه وان اخطيت لاتستعجلون على القسم النسائي لين ايروح البرد

[مقرنس الشيهان]

طيب ماتكون السماوه او العزوه وان اخطيت لاتستعجلون على القسم النسائي لين ايروح البرد


تصدقون شككتوني اني اكتب غلط
مححححححححححححححححححسوس
غير
ملممممممممممممممممممممممموس

[صقر السديرات]

الحـــــــــــــــــــــــــــــــر
الــــــبـــــــــــــــــــرد
الــــــــــرعد
الـــــــــــبـــــــــرق
قل بعد ملموس ثم اخطفك للضلع
ههههههههههههاااااايييي

[مقرنس الشيهان]

الحـــــــــــــــــــــــــــــــر
الــــــبـــــــــــــــــــرد
الــــــــــرعد
الـــــــــــبـــــــــرق
قل بعد ملموس ثم اخطفك للضلع
ههههههههههههاااااايييي


والله اني مادري وش السالفه احيانا
للكن البرق حد علمي مذكر
والبرد مذكر
والرعد مذكر
والحر مذكر
والمطلوب مؤنث ههههههه:eek::D:D:D

[تميمي.1]

وش رايك بالتقديحه : الكويه اللي تكون مكان ساعة اليد لتساعد على الركاده فالرمي

[مقرنس الشيهان]

وش رايك بالتقديحه : الكويه اللي تكون مكان ساعة اليد لتساعد على الركاده فالرمي


مالك لواااااااااا
خيرها بغيرها

[صقر السديرات]

والله اني مادري وش السالفه احيانا


للكن البرق حد علمي مذكر
والبرد مذكر
والرعد مذكر
والحر مذكر

والمطلوب مؤنث ههههههه:eek::D:D:D

داري يا اب محمدبس محسوس:r:D:l

[فهد الهلالي]

السلام عليكم ورحمة الله وبركاته


الله يمسي الجميع بالخير
استلمو جديد



واليو رخصة مابقى له مقاما=== الاقليل من العرب ذاد عنها

انشدك عن بنت(ن) خوية نشاما===اول بوقت(ن) فات غالي ثمنها


واللي بقى منها ضعيف وهلاما===عطني اسمها وقلي وش اللي وهنها
مع تحيات
ابومحمد

الـعــــــــــــــــــــابر

ينقل للمتابعه

[مقرنس الشيهان]

محسوس نعم
ودي اقول لكم شي يقربكم من الحل
الحل ورد ذكره باحد الردود
رح عاد دوره يابو فيصل

[هبــ حريملاااء ـبوب]

اخوي ابو محمد وش رايك بالذاكره

سلمت

[مقرنس الشيهان]

مالك لوا
اللغز يتكلم عن بنت كان لها قيمه فالماضي
وفي الوقت الحالي للأسف رخصت

[فهد الهلالي]

لاصرت لاتاحي ولاني موده ,,, عندي دهرها والربيع متساوي

[إلقناصه]

طيب نقول السعفه او المعمه العمامه

[هبــ حريملاااء ـبوب]

ضعنا هو محسوس ولا ملموس هههه

طيب ماهي الشطفه

[مقرنس الشيهان]

لاصرت لاتاحي ولاني موده ,,, عندي دهرها والربيع متساوي


هلا وغلا بابو محمد يالله ان تحييه
زارتنا البركه
رمعتك حيرتني بين وبين

[ابو صفوق]

ما تكون الخيزرانه

[مقرنس الشيهان]

طيب نقول السعفه او المعمه العمامه


مالك لواااا
قبل لاينقل اللغز لقسم المحلول بقربكم كثير
الحل اورته لكم بالاسم باحد الردود

[مقرنس الشيهان]

مالك لواا
قلنا شي محسوس يلمس بالعقل فقط
ما تكون الخيزرانه

[مقرنس الشيهان]

ضعنا هو محسوس ولا ملموس هههه

طيب ماهي الشطفه


يااخي بارك الله بك
انت والاخوان قلنا محسوس لايرى بالعين ويرى بالعقل فقط

[torrjom]

مساء الخير

كلمة الرجال

اول الرجال يربط من لسانه

والحين يادفع لبلا

الا من رحم ربي

واسف اذا كانت الرمعه ساريه

[فهد الهلالي]

الله يعطيك العافيه يابومحمد
صح السانك مرات عديده
واشكرك على هذا الترحيب لاعدمتك
محاوله
خوة النشاما اللي مثلك وشرواك او الموده المحبه

[مقرنس الشيهان]

مساء الخير

كلمة الرجال

اول الرجال يربط من لسانه

والحين يادفع لبلا

الا من رحم ربي

واسف اذا كانت الرمعه ساريه

هلابك حياك الله
يابو عبد العزيز
الرمعه مضلعه وهي بالاتجاه الصحيح ودي تحلونه

[مقرنس الشيهان]

الله يعطيك العافيه يابومحمد
صح السانك مرات عديده
واشكرك على هذا الترحيب لاعدمتك
محاوله
خوة النشاما اللي مثلك وشرواك او الموده المحبه


صح بدنك يابو محمد ولاشكر على واجب والبنت خويت الربع
اللي انت ذكرتهم وانت والاخوان منهم
هالبنت توسع صدورهم لاجتمعو

[فهد الهلالي]

السالفه بين الربع

[هبــ حريملاااء ـبوب]

والله حست الردود واقرب ما لقيت الموهبه

[فهد الهلالي]

اللغز اخذ اكثر من المشاركات المسموح بها
حسب النظام المتبع لهذه الخيمه
وسوف يتم رفعه
لذلك اقدم اعتذاري

[مقرنس الشيهان]

السالفه بين الربع


صــــــــــــــح لسانك مليون
يابو محمد نعم هي مثل ماتفضلت
(الســـــــــــــــالفه)
كان بالماضي الكل يحرص عليها ويصغي لها
وللاسف في هالوقت تدخل المجلس وتطلع ماذمرت شي
الا القليل
صح لسانك وبيض الله وجهك

[إلقناصه]

الف الف مبروووك لشيخنا الهلالي
تقديري

[ابوذيبان]

صح الله السانك يامبدعنا الغالي ’’ مقرنس

لغز كايف ’’ واشادة مستحقة

كلمة سبحان الله في الصلاة ’’ عند الخطآ

والان بعد التطور والمايكرفون وضح الصوت وقل تداولها

نسمع منك غالينا

[هبــ حريملاااء ـبوب]

ما شاء الله كفو ابو محمد وصح لسانك
سبحان الله بعض المرات ادور المفتاح وهو بيدي وانقله من يد ليد وادور بالمخابي وهو بين ايديني هههه

الله يعطيك العاافيه اخوي مقرنس لا تعبت

[مقرنس الشيهان]

اللغز اخذ اكثر من المشاركات المسموح بها
حسب النظام المتبع لهذه الخيمه
وسوف يتم رفعه
لذلك اقدم اعتذاري


اللغز كان بانتظارك بارك الله فيك
ليتك عجلت بجيتك كان منتهي اللغز بوقت اقصر
شكرا على سعت صدوركم علينا واشكر الجميع كل باسمه
اشكر كل من شارك تقبلو خالص تحياتي للجميع

[فهد الهلالي]

يامال العافيه يامقرنس الشيهان
لغز طيب من طيب

[مقرنس الشيهان]

صح الله السانك يامبدعنا الغالي ’’ مقرنس

لغز كايف ’’ واشادة مستحقة

كلمة سبحان الله في الصلاة ’’ عند الخطآ

والان بعد التطور والمايكرفون وضح الصوت وقل تداولها

نسمع منك غالينا


ما شاء الله كفو ابو محمد وصح لسانك
سبحان الله بعض المرات ادور المفتاح وهو بيدي وانقله من يد ليد وادور بالمخابي وهو بين ايديني هههه

الله يعطيك العاافيه اخوي مقرنس لا تعبت


باسمي وباسم مشرفنا الغالي نشكر الجميع على المثابره والمشاركات
الذي امتعتنا جميعا
واعتذر من الجميع خصوصا اللي تمشورو للضلع
واشكرهم من الاعماق تقبلو خالص تحياتي للجميع