اهل الخبره

[المقبل 911]

السلام عليكم ورحمه الله وبركاته

ياربع عندي كم سؤال الله لايهينكم

1- كيف افرق بين الطير الاصيل والطير التفريخ

2- عندي طير طوله 17 ونص وعرض 18 كم اخلي وزنه بالهدد
وللمعلوميه الطير من النووع يبي قصر بالحيل يعني ثندوه ترفعه
كم اخلي وزنه تقريبا

3- اذا كان الطير مفرع على الوكر وجيت ابرقعه يكفخ شلون اخليه يترك العاده

4 - واحد من الربع عنده طير ومعه الاتهاب بالجيوب الانفيه يطلع صوت والمرض تقريبا له اسبوع صاير بالطير وابي افضل علاج


يالربع توي متعلم الصقاره وتراني غشيم بالطيور والله يعينكم على كثر الاسئله

والله يوفقنا ويوفقكم

[ربع نت]

اول حياك الله السؤال الاول والله صعب عليك لان الخبره والممارسه لها دور في معرفة الاصيل والتفريخ
السؤال الثاني صد نفسية الطير واعرف وقتها كم وزنه وثبته عليها يعني هده مثلا على حمامه قويه واذا طردها طرد قوي وصادها ثبت عشاه بشرط انه مايرتفع ولا ينقص وزنه
السؤؤال الثالث خل في يدك رجل حمامه عشان اذا جيت بتبرقعه يشوف النسر وينقز على يدك بس لا توكله كثير
السؤال الرابع جرب بخاخ اوتريفين بالصيدليه البشريه لمدة 3 ايام مرتين باليوم كل 12 ساعه بخه في كل منخر واذا مانفع اتصل على 0541645671

[المقبل 911]

مشكور وماقصرت اخوي ربع نت والله يجعلها بموازين حسناتك
ويشرفني مرورك

[قرناس شماالي]

اول حياك الله السؤال الاول والله صعب عليك لان الخبره والممارسه لها دور في معرفة الاصيل والتفريخ
السؤال الثاني صد نفسية الطير واعرف وقتها كم وزنه وثبته عليها يعني هده مثلا على حمامه قويه واذا طردها طرد قوي وصادها ثبت عشاه بشرط انه مايرتفع ولا ينقص وزنه
السؤؤال الثالث خل في يدك رجل حمامه عشان اذا جيت بتبرقعه يشوف النسر وينقز على يدك بس لا توكله كثير
السؤال الرابع جرب بخاخ اوتريفين بالصيدليه البشريه لمدة 3 ايام مرتين باليوم كل 12 ساعه بخه في كل منخر واذا مانفع اتصل على 0541645671

:good2::good2::good2::good2::good2:

[اقدم صقار]

السلام عليكم
التفريخ والاصيل اوضح من عين الشمس لاكن يبي لها خبره
اما الوزن على حسب ما قال اخوي على حسب اللحوق
اما الجيوب الانفيه فهاذا رداد ماله علاج
تقبل مروري