تخفيضات محل مكشاتي 50٪ .....!

[بدر العبدالعزيز]

الان محل مكشاتي يقدم تخفيضات 50٪ على انواع معدد من اغراض ومستلزمات للبر

و افضل العروض تخفيض 50٪ على حافضات اجلو الامريكية
http://i.imgur.com/ED7gv.jpg


وانا شريت ثلاجة اجلو مقاس 70 لتر كانت ب سعر 463

http://i.imgur.com/t6GqF.jpg


و اخذت جيك ماء 2 كانت ب سعر 140


http://i.imgur.com/2rJEG.jpg



انصحكم استغلال الفرصة والي عنده نصيحة بالثلاجات يعطينيها

[albraki]

بالبركة ان شاءالله

وفرصة ممتازة

[كحيلان 2006]

وين الموقع الله يحفظك

[ابو سمر]

يعطيك العافية وفرصة لمن هم قريبون من المحل ليستفيدوا من هذا العرض ..

ألف شكر لك ..

[بدر العبدالعزيز]

الموقع
بريدة شمال القصور الملكية
وانت متجة الى المعارض تجي اشارة القصور تعداه يجي ع اليمين


على فكرة ترا الاسعار الي فوق نصهن
يعني الحافظة صارت ب ٢٣٢ ريال
والترمس ب ٧٠ ريال

يعطيكم العافية يالاخوان

[مهندس مكشات]

فرصه والعرض
على موقع مكشاتي الاكتروني

[بدر العبدالعزيز]

ماقلتوو رايكم عن الحافظة هي زينه ؟؟ ولا تعتبر عادية
لان سعره مغري الصراحة

[الصمان 2]

تستطيع الشراء من موقع مكشاتي على الأنترنت :



مكشاتي (http://mikshati.com/)





والله يعطيك العافية على الخبر .






.

[عبدالرحمن305]

الله يجزاك خير
على خدمة الاعضاء
وحبك للخير دليل على ذالك
وتعتبر هذه فرصه حقيقيه للشراء
وماقصر اخونا ابو منصور
على الاسعار المغريه

[بدر العبدالعزيز]

وش دعوى ماسوينا شي ابد

بالعكس نبي الي يفيد الاعضاء لاننا والله نستفيد من المنتدى و خاصة هل القسم الروعة

ياهلابكم

[جرة قلم]

ممكن تشوف لي اسعار الخيام
وايضا موقد النمر

[بدر العبدالعزيز]

تستطيع الشراء من موقع مكشاتي على الأنترنت :



مكشاتي (http://mikshati.com/)





والله يعطيك العافية على الخبر .






.


هذا موقع مكشاتي يـ جرة قلم ادخل وشف

[ابوعبدالرحمن.]

الله يعطيك العافية.

[قناص بني عبس]

اللـه يعطيــك العافيــــــــه اخــوي

عندي استفسار لاهنت يبيعــون اسلحــه ولا لا.؟

[بدر العبدالعزيز]

هلابك ابو عبدالرحمن


بنى عبس لا مالظاهر يبيعون سلاح

[الد ر ع]

الله يجزااك خير

[حزوبر]

http://smiles.al-wed.com/smiles/60/Is_049.gif

[AL8AI9ER]

غالي حتى مع التخفيض غالي وللأمانه في بعض السلع فقط

[س.س.التميمي]

الله يجزاك خير فرصه والله تكمل بعض النواقص

[غريب أطباع]

والله انا جيتهم قبل التخفيض اسعارهم مبالغ فيها جدا جدا وحتى مع التخفيض 50% كمان برضو غاليين

[بدر العبدالعزيز]

الله يعافيكم

بس محد قالي عن الحافظة و الترمس هي تصبر ولا؟

[SAUD BIN SAAD]

ما شاء الله
الموقع عيا يفتح الظاهر عليه ضغط

مافتح الا بالعافيه

[منتعش]

عافاك الله أخوي الغالي
على هذا الخبر
والذي يدل على حبك للأعضاء
وفقك الله وحفظك ورعاك .

[راع البنلي]

الله يعطيك العافية .. فرصة جيدة
تقبل مروري...

[سكيكو]

السلام عليكم
بسم الله
لقد زرة المحل و التخفيض على عدد محدود جداً من المنتجات عكس الاعلان و للاسف ماعدى الحوافظ و الترامس فقط ، نصيحه لبد من بناء الثقة مع العملاء اول والله يوفقكم الى الخير و النجاح. والله اعلم

[بدر العبدالعزيز]

الله يعافيكم


كلنا اخوان



شكرا

[عاشق وولهان]

مبروك ثلاجه ماعليها كلام

[بيبسي دايت]

الله يعافيكم

بس محد قالي عن الحافظة و الترمس هي تصبر ولا؟


امريكيه ماركتهم تكد كد

[ابوعادل2]

وش رايكم بالسكاكين تطرح الخروف

[FORD1969]

الله يعافيكم




بس محد قالي عن الحافظة و الترمس هي تصبر ولا؟




اقلو اسم كبير في عالم الحافظات ولا عليه كلام

عندي منها اغلب احجامها لها فوق 10 سنوات قويه وتتحمل وتحفظ البرودة بشكل ممتاز لكن ما تصف مع الجووووووووووووووت هذا شي
والشي الثاني شريت من الكشاته اقلو الحمرا وعندي اختها قديمة واشوف فيه فرق في التشطيب الخارجي واضح رغم ان المصدر امريكي تكساس لكن اخاف انها من حقات الامارات لان لهم مصنع هناك ........

وسعرها بعد الخصم ما اتوقع تباع بها حتى في محل خلف المصنع في تكساس وهنا السؤال ؟؟
\بالعربي اخاف انها تقليد

موفقين

[محمدالعريني]

اخوي فيه سلع كثيره ما خفضت
التخفيض موب على كل المنتجات

[بربنجي]

صراحة ماني خبير بالاسعار البضايع المذكوره
لكن اذا فعلا الاسعار مناسبة والصناعة جيده حبيت اشكر محل مكشاتي
واسال الله تعالى ان يبارك لهم في مالهم واولادهم وانفسهم
والله يعافيهم ... آمين

[الصميغي]

جزاك الله خير
وانا اشوف ان الاسعار عااالية ومبالغ فيها
وهذا رأيي

[ثلج ساكن]

عندي اقتراح ليه ماتفتح فرع للك بالرياض مثل السنيدي والرياض ماشالله واسعه واكيد ستجد قبول من كثير من هوات البر والرحلات وتقرب المسافه بين المحلين وتوفر السلع تحياتي

[بدر العبدالعزيز]

شكرا للجميع و خاصة للي وضحوا لي عن الحافظة والترمس


ثلج ساكن مالي دخل بالمحل بس شفته حط تخفيضات و رحت و شريت و حبيت اعلمكم فقط

[عااشق الدهناء]

السلام عليكم .. اخوي بيض الله وجهك على الموضوع

لكن ترى التخفيض ما يوصل 50%

عندك مثلا الخيام مثل
خيمة انستانت 8 من كولمان كانت بأكثر من 900 ريال
والحين صارت 796 ريال

وياليت كان التخفيض 50 % بصراحة عيني على خيمة انستانت

طبعا شريت من عندهم اول ما فتح عنكبوت كوفيا حلو ولو كان سعره غالي بس يظل اصلي وماركة معروفه


وبالنسبة للي يقولون غالي :
ما ابي اذكر اسماء محلات لكن مثل ها المحل يعطيك خيار افضل من محلات الكشتات الباقية حيث ان بضاعته ماركات معروفه حتى وان كانت صناعة صينيه ببعض الاحيان لكن الجودة تعتبر عالية نسبيا يعني بصريح العباره اللي يبي الزين له قيمة واللي يبي الرخيص ما كثر الله الا محلات الرحلات الثانية



تحياتي , ,,

[السِّعر]

يعطيك العافية

[مكشات 999]

يعطيكـ العافيه ......