اهداء لأصغر مكشاتي !!!!,,,,,,,,,,,,الحل الخدمه ,,,,,,,,,,,,,,,,,,حله ابو الفهد

[الخامسي1]

اهداء لأصغر مكشاتي !!!!

السلام عليكم ورحمة الله وبركاته وبعد

باسمي وباسم صقر السديرات نقول وبالله التوفيق:-

ياللي صغيرن بالعمر والعقل زاد
وبداء بذكر الله وهو عالم الغيب
انشدك عن خدمة شرف دون نقاد
وهن ثلاث وغيرهن ينقلب عيب
في الشرع والسنه لهن شان ومراد
صحيح هن خدمه ولا فيه تكذيب

[الخامسي1]

في اللغز السابق وبعد مداخله من اخونا اصغر مكشاتي
سعدنا بتواجده ومزحنا معه واعتذرنا منه وذلك بابيات مني
ومن أستاذي صقر السديرات وقبل الاعتذار ووعدته بتوجيه
اللغز القادم وها أنا أفي بوعديي له
واللغز مطروح للجميع وهن ثلاث خدمات يقوم بها شخص
واحد ولا تعيبه مجتمعه ومذكوره وموثقه !!!

[الخامسي1]

اقتباس:
المشاركة الأصلية كتبت بواسطة الخامسي1
ماني بعيارن ولا ني بمقات *** رتبه على قده والله يعينه

رد اصغر مكشاتي
يا اللي ضحكتو من صغيرن بمكشات .......العقل وافي والمواهب تزينه

[الخامسي1]

يا اللي ضحكتو من صغيرن بمكشات .......العقل وافي والمواهب تزينه



العذر منك وكلها جات مزحات ***يجعل تبطئ بالسعادة سنينه
وبشر بحقن لك طلين ولد شات*** تقلط عليه وتونا ذابحينه
وابشر بلغز اوجه لك وبالذات*** باسمك وتوقيعي على اعلا جبينه

[الخامسي1]

هذا اعتذار صقر.




يوم اضحك صدي وناسة وعيارات
قالها الخامسي للي مواهبه تزينه
والا ادري فيك رزين بمكشات
العقل وافي وكلماتك تقطع وتينه
العذر منك واقبلها يوم جات
يااللي خصال الحلم دايم تزينه

[بحر الاحلآم]

متلهف للحل والحل محتال *****عجزت الاقي لة وصوف دقيقة!

تقبل مروري واشكر ابداعكم

[الخامسي1]

متلهف للحل والحل محتال *****عجزت الاقي لة وصوف دقيقة!

تقبل مروري واشكر ابداعكم



اجمع من الأفكار ثم مر الأمثال *** لعل تلقى في طرفها الحقيقة

[ابو ماجد 2]

صح لسانك يابو نايف
وانت مفخره ومكسب للمنتدى بعطائك الجزل والغزير
واصغر مكشاتي يستاهل يستاهل يستاهل
محاوله
فيه معنى حديث
الضيافة ثلاث ليال فما زاد فصدقه

[الخامسي1]

صح لسانك يابو نايف
وانت مفخره ومكسب للمنتدى بعطائك الجزل والغزير
واصغر مكشاتي يستاهل يستاهل يستاهل
محاوله
فيه معنى حديث
الضيافة ثلاث ليال فما زاد فصدقه


اشكرك وانا أخوكم الصغير واتشرف بتواجدي معكم ومدحك لي وسام وماعليكم زود


والرمعه مالك لواا

أنا طالب خدمه وليسة وحدة بل ثلاث 1+1+1 =3 مختلفه للفائدة والعلم بالشئي

[صقر السديرات]

بيض الله وجهك يا ابو نايف
وصح لسانك على هالجزل وافي وماقصرت
والتفكير جاري
دمت بحفظ الله

[أصغر مكشاتي]

أشكرك على هالطيب وماقصرت ووجهك أبيض

[الأديب]

وعليكم السلام ورحمة الله وبركاته
صح لسانك
يمكن تقصد
1- خدمة المرأة لزوجها
2- خدمة الولد لوالديه
3- خدمة الرجل لضيفه
دمت برعاية الله

[الخامسي1]

وعليكم السلام ورحمة الله وبركاته
صح لسانك
يمكن تقصد
1- خدمة المرأة لزوجها
2- خدمة الولد لوالديه
3- خدمة الرجل لضيفه
دمت برعاية الله



من الثلاث صابة وحده ومحتاج ثنتين بعد
دور اول اللي صابة عندك ولحق عليها خواتها


اشكرك اخي الفاضل وتشرفت بمرورك

[ابوالفهد33]

صح لسانك

محاولة :

السدانة والسقاية والرفادة

[وسط نجد]

السلام عليكم:
خدمة الوالد ,والمعلم ,والضيف

[الخامسي1]

صح لسانك

محاولة :

السدانة والسقاية والرفادة


رمعه طيبه يابوفهد

ولاكن ما يقصد يقوم به الجميع وفي اي وقت وفي اي مكان طوعً وتشريف وليس تكليف

[مقرنس الشيهان]

صح لسانك يابو نايف
اسمحولي قبل الرمعه
اهدي قبلتين لاصغر مكشاتي
الاولى على الخشم
والثانيه على الراس
والرمعه خدمة الوالدين وخدمة الضيف وخدمة الخوي
وانا متأكد ان اضغر مكشاتي حال اللغز
بس ماوده يستعجل يبي يعطي الاخوان فرصه

[الخامسي1]

صح لسانك يابو نايف
اسمحولي قبل الرمعه
اهدي قبلتين لاصغر مكشاتي
الاولى على الخشم
والثانيه على الراس
والرمعه خدمة الوالدين وخدمة الضيف وخدمة الخوي
وانا متأكد ان اضغر مكشاتي حال اللغز
بس ماوده يستعجل يبي يعطي الاخوان فرصه



جبت في الثلاث وحده

كمل الثنتين وطلع من رمعتك ثنتين

[صاحب الذئب]

على نهج اخونا مقرنس
خدمه
الدين والوالدين والوطن

[الخامسي1]

على نهج اخونا مقرنس
خدمه
الدين والوالدين والوطن


كلها شرف لأكن ليست المقصودة

[مقرنس الشيهان]

وش رايك
بالجار
والخوي
والضيف

[الخامسي1]

وش رايك
بالجار
والخوي
والضيف

ضاربتن وادي؟؟؟

[مقرنس الشيهان]

وش رايك
خدمة الوالدين
والدين
والوطن
قل تم

[ال-رايق]

وش رايك
بالجار
والخوي
والضيف

بعد اذن ابونايف::
يا مقرنس الله يهديك انا وانت وش دخلنا نخدم الجيران ما احد مكلوف باحد :
قل غير والدينك((كبير السن بدءا من الاقرباء))+خويك بالحرب والضيف
وسلامتك.

[الخامسي1]

وش رايك
خدمة الوالدين
والدين
والوطن
قل تم

عذرً على التاخير



ما يتم عليك شر

[الخامسي1]

بعد اذن ابونايف::
يا مقرنس الله يهديك انا وانت وش دخلنا نخدم الجيران ما احد مكلوف باحد :
قل غير والدينك((كبير السن بدءا من الاقرباء))+خويك بالحرب والضيف
وسلامتك.



عذرً تعثر مرور رمعتك !!!


مالك لواا

[حمد؟؟]

صح لسانك اخوي الخماسي
ونقول الرمعه
علمو ابنائكم الرمايه والسباحه وركوب الخيل

[الخامسي1]

صح لسانك اخوي الخماسي
ونقول الرمعه
علمو ابنائكم الرمايه والسباحه وركوب الخيل


أنا الخامسي ياحمد ماني الخماسي
ورمعتك طيبه لاشك مالك لواا

[مقرنس الشيهان]

وش رايك بخدمة المحتاج
او كبير السن
او الخدمه الذاتيه

[ابوالفهد33]

خدمة الضيف

خدمة ابن السبيل -المسافر-

خدمة العاجز

[صقر السديرات]

صح لسانك ملايين ابو نايف وبيض الله وجهك دايم جزل
انا رايح رايح للضلع قلت اعطيك اللي عندي
خدامة
طباخة
مربية
يساوي ولد نعمة
دمت بخير

[قناص بني عبس]

خدمة الوالدين وعابر السبيل واليتيم

[الخامسي1]

صح لسانك ملايين ابو نايف وبيض الله وجهك دايم جزل
انا رايح رايح للضلع قلت اعطيك اللي عندي
خدامة
طباخة
مربية
يساوي ولد نعمة
دمت بخير



كلهن في ذا الزمان اشبه بجاره*** وغاليات اسعار والوضع بحدور
اه ياوقت التقدم والحضاره *** مابقى الا يجيبن البزور
شايلات البيت ومصدر للخساره*** واصبحت موضه ولو يلحقك جور
السكن شقة وفي داخل عماره *** وتوها ورده وفي عمر الزهور
وفي العسل وتجيبها تمسك خفاره*** لأجل ما تقرب على ريح القدور
ضيعت أحلى الليال مع نهاره*** وان زعل قالو سحر وهو محسور



مالك معاذ

[الخامسي1]

خدمة الوالدين وعابر السبيل واليتيم


مالك لوا وشكرً للمحاولة

الهدف توضيح هذه الخدمه لعيال النعمه اللي ذكرهم صقر ولاكن بطريقة صحيحه

وهذه الخدمات الثلاث يقوم بها الجميع وفي اي وقت ومصدرها مؤثق !!

[صقر السديرات]

كلهن في ذا الزمان اشبه بجاره*** وغاليات اسعار والوضع بحدور



اه ياوقت التقدم والحضاره *** مابقى الا يجيبن البزور
شايلات البيت ومصدر للخساره*** واصبحت موضه ولو يلحقك جور
السكن شقة وفي داخل عماره *** وتوها ورده وفي عمر الزهور
وفي العسل وتجيبها تمسك خفاره*** لأجل ما تقرب على ريح القدور
ضيعت أحلى الليال مع نهاره*** وان زعل قالو سحر وهو محسور



مالك معاذ
هههههههههههههههههههههه
يا صدق عينك يا ابو نايف

اي ولله توها معرسة وتبي شغالة
طبيعي يا بنيتي يجيك امراض وتكرهين زوجك
نظلك الشغالة شافك ليلة بلبس...........انت وزوجك وغارت منك
هي بشر عندها مشاعر ماهي كرتون
شكرا ابو نايف

[مقرنس الشيهان]

وش رايك بخدمت المجتمع
والخمه الاجتماعيه
واختمها بخدمة التوصيل المجاني
من البقالات والمطاعم

[ساري15]

السلام عليكم ورحمة الله

وش رايك :
بخدمة الوالدين
خدمة بيوت الله
خدمة الحاج

[الخامسي1]

وش رايك بخدمت المجتمع
والخمه الاجتماعيه
واختمها بخدمة التوصيل المجاني
من البقالات والمطاعم

حلوه الخمه الاجتماعية وين الدال راحت

ألحقها مالك لوااا

[الخامسي1]

السلام عليكم ورحمة الله

وش رايك :
بخدمة الوالدين
خدمة بيوت الله
خدمة الحاج

يا مراحب وللأسف مالك لواا

[قناص بني عبس]

هل الخدمـه هذي تقوم فيها الحريم ولا بس الرجال ؟؟

[الخامسي1]

هل الخدمـه هذي تقوم فيها الحريم ولا بس الرجال ؟؟


اللغز مبني على ان مافيها عيب للرجال

وبنات الرجال شرؤاكم لو قامو بها ماتعيبهم في حدود الحل اذا تم الوصول اليه

وحسب العرف ونوع الخدوم ؟

[فهد الهلالي]

صح السانك يالخامسي
الكذبه البيضاء للاصلاح بين الناس
والاسطب الكذاب
وكذبة ابريل

[الخامسي1]

صح السانك يالخامسي
الكذبه البيضاء للاصلاح بين الناس
والاسطب الكذاب
وكذبة ابريل



ارحب تراحيب المطر اعداد ماهل وانهمر ولا طال من شئي(ن) قصر!
ومطلوبنا خدمة فقط؟
مالك لوا في رمعتك وما ودي تاصل مسمعك تقدير والمولى معك
والكل ناجح ماسقط؟
الاوله وسط العرين والثانيه لمقربين والثالثة له ركبين
مذكورة(ن) ما جاءت شطط
الاوله في ذمتك والثانيه مهمتك والثالثة قد زمتك
ارجوك لا تفهم غلط
خدمة شرف خدمة شرف ومن هو فعلها اعترف من غير زود(ن) او ترف
سهله ويا كثر النقط

[ابوالفهد33]

خدمة الرجل لأهله


خدمة الضيف


خدمة الام

[الخامسي1]

خدمة الرجل لأهله


خدمة الضيف


خدمة الام



كفوووو يابو فهد النتيجه66٪ يعني ناجح

خدمة الرجل لاهل بيته ok
خدمة الرجل لضيفه ok
خدمة الرجل لفرسه

بيض الله وجهك ودمتم بخير

[ابوالفهد33]

كفوووو يابو فهد النتيجه66٪ يعني ناجح


خدمة الرجل لاهل بيته ok
خدمة الرجل لضيفه ok
خدمة الرجل لفرسه



بيض الله وجهك ودمتم بخير


وبيض الله وجهك يالخامسي

أمتعتنا وأتعبتنا هههههههه

بارك الله بجهودك المميزة