تردي خيام الصباح - الكويت

[shil]

السلام عليكم ورحمة الله وبركاته
اخواني اعضاء منتدى مكشات
كانت خيام الصباح من افضل واجود الخيام في الخليج
ولكن اصبحت في السنوات الثلاث الاخيره عاديه من ناحية الخام
فاصبحت اشعة الشمس تصل الى داخل الخيمه
وهي مغلقه وترى ضلال الاطناب وضلال الناس من حول الخيمه
وانهم في السنه الماضيه قد رفعو اسعار الخيام بحدود 100 دينار للخيمه
وانا شخصيآ شريت خيمه من شركة الصباح شراع ثلاث عمدان وجملون ب685 دينار
ولاكن للأسف فان الخيمه خفيفه وفيها عيب من الشركه
واتصلت بهم واتو وشلوها وجاو بخيمه جديده وبنوها وعلا قولت المثل
((كنك يابوزيد ماغزيت )) نفس الحاله مع العلم اني كنت متواصل مع المهندس والمهندس متصل مع صاحب الشركه من الاسره المالكه
هاذا لتنويه للأخوان من خارج الكويت لا انصحهم بشرائها في الوقت الحالي

[بليزر616]

جزاك الله خير وانا اقول قديمك نديمك لو الجديد اغناك

[Mr.GX-R]

جزاك الله خير وكثر الله من امثالك
موضوع للمناقشة :
ليش التغير هذا في الصناعات رغم السمعة الطيبة للمنتج
ودك كل شيء يرجع لزمن اول تأخذ حاجتك وانت مرتاح ولايدخلك شك في الصناعة او الجودة
تقبل مروري وشكراً

[ابوفهيدان]

والله ياخوك انا من الكويت وماعمري شريت منهم
يعني وش الفرق لاشريت خيمة باكستانية ولا من الصباح واذا انتهي الشتاء ماتقدر تفرق بينهم
لونهم متغير ومغبرات وبترميهم بستودع واحد
يعني اشتري خيمة باكستانية ب 120 دينار واختها عند الصباح 415 شف الفرق ؟
والمشكلة قماشهم واحد بس الاختلاف انهم يخيطونها بدقة وبمكائن عكس الباكستانيات تخيط يدويا وعلي السريع
عن قناعتي ورأيي افضل الباكستانيات من النوع الجيد تفي بالغرض

[طلااالي]

عندنا تعدد وصناعات والصباحيه كانت قبل هي الرائدة وحتى لو كانت الجودة كالسابق لكن لاراغب لغلاء الاسعار وارتفاع الدينار الكويتي

اشكرك على التنبيه

[باشا]

اخوي طالما مهندس المصنع متواصل معك ولا قصر بدلك الخيمة فلما لم تستفسر منه عن هذا الخلل والصباحيه مشهوره من قديم الزمن..
دعواتي لك وللجميع بالتوفيق..