وش الحل مع المطبات وعيون القطط ؟؟

[فرفور بريده]

السلام عليكم

بصراحه اعاني منها يوميا هالمشكله

عيون القطط مسببه مشكله لموتري .. ضربتها تهز الديكورات هز واحسها تفككه

والمطبات اذا اكلتها الموتر يناقز تقل كنغر :(

مستحيل مايمر مطب وبعدها اعدل جلستي وانا اسوق

موتري سوبربان 1500

والكفرات ميشلان فرنسي

مالها سنتين

وش الحل ؟؟

[بشير حسن]

تأكد من المساعدات انها اوك ومافيها تهريب زيت (خروج) زيت منها اذا كانت من النوع اللي يعمل على زيت ولا هي فاقعه لأنها هي المسؤولة عن امتصاص الصدمات والاهتزازات

[مركز الثقل]

سيارات الجيمس عضلاتها زبالة مقارنة بالفورد ركب مساعدات استرالية

[بشير حسن]

اذا كانت كفرات سيارتك الحد الأقصى لضغط الهواء الخاص بها 45 فابمكانك تخليها 40 اقل ب5 درجات ومايضر واذا كان الحد الاقصى لضغط هواء الكفرات 35 كذلك بامكانك تخليها 30 يكون اخف في المطب , اكرر انه هالشئ بس تقلل 5 درجات عن الحد الأقصى لضغط الهواء وهذا يعتمد على سيارتك اتوقع سيارتك الحد الأقصى 45

[فرفور بريده]

الهواء على 30 وصعبه اخليها 25

والمساعدات اس ديلكو

طيب فيه ناس قالت ان اليايات الاستراليه قاسيه ؟؟ مابيه يكون قاسي

ابيه قاسي مع المطب وماتحس فيه وكذلك البر مايطامر ,, وبالخط يكون ناعم ومريح

ومشكورين اخواني

[بشير حسن]

اذا 30 اوك يعني زي ماقلت لك

[الباثفندر 3.5]

يبيلك تشييك على جلد المقصات و الجلب الاماميه و الميشلن معروف عنه كفر قاسي

[فرفور بريده]

^

لا قصدي حاليا الكفرات عليها 30 وصعبه انزلها بـ 25 اخاف ينعدم الكفر مع الوقت

اما الحد الاقصى مدري بصراحه .. وشلون ادري ؟

[فرفور بريده]

الباثفندر

يعني يلزم تغييرها ؟

[وادي ملل]

والله يخوك من الخطوط اخطوط مدري كيف انا ماانقهر الي من المطبات مطب ارتفاعه 30سم اكيد بتنقز لو تكون الي تكون وعيون القطط الي مدري ليه مخلينها ليه متضوع تحت ضاغط اذا وطت عليه اسياره ينزل يعني مره صعب

[معشوقي الصمان]

وعليكم السلام ورحمة الله وبركاته/

ياخوان المسألة ماهي متعلقة بسيارة فقط المسألة فهل العيون القطط الدمار لسيارات:
أولاٌ/ طريقة تركيبها فالأرض خطاء مبرزينها عن الارض علشان تتكسر وتغير ع طول وتتكسب الشركة منها ومن المفترض تنزل أكثر علشان ما تأثر ع السيارة .

ثانياٌ/ الأساس هي مخصصة ومصممة للخطوط السريعة لتنبيهك عن تجاوزك المسار .

ثالثاٌ/ الصحيح في شوارع الأحياء تكون رسم ع الأرض مثل مدن العالمية في أوربا و أمريكا .

[الباثفندر 3.5]

الباثفندر

يعني يلزم تغييرها ؟

اكسد يلزم لانه اذا جلد المقصات انتهى او صار تعبان يصير الحديد يضرب ببعضه و تلاقي الطبلون يطق كأنه راح يتفكك مع عيون القطط و مثل ما قتلك الكفرات لها دور كبير و الميشيلن كفر قاسي خاصه بعد سنتين يصير يابس

[كاشت وحداني]

اولا
شف احد عنده كفرات نفس مقاس موترك
وعاد الله يعينكم ترتبون مع بعض وتروح بنشري ولا اذا عندك حوس وفيك حيل ركب كفراته على موترك
وجرب
اذا انحلت المشكله فهي الكفرات قاسيه وغيرها
اذا ما انحلت تاكد من جلد المقصات والركب او ما يسمى بالجوزات .
وايضا اذا دودة الدركسون فيها فضاوه اعمل لها اصلاح او غيرها جديده ول كانت مكلفه
لانها احيان تسوي فضاوه وعندما تاخذ مطب او عيون القطط الدركسون ثابت في يدك والاذرعه والكفرات تلعب بلحالها .

موفق خير وننتظر منك حل المسكله اذا توصلت لها .

[فرفور بريده]

اكسد يلزم لانه اذا جلد المقصات انتهى او صار تعبان يصير الحديد يضرب ببعضه و تلاقي الطبلون يطق كأنه راح يتفكك مع عيون القطط و مثل ما قتلك الكفرات لها دور كبير و الميشيلن كفر قاسي خاصه بعد سنتين يصير يابس

طيب وش الحل اذا الكفر صار يابس ؟؟ قهر اغيرهن جدد وكلفن حوالي 4000 الاف

للمعلوميه اخوي الكفرات الاماميه .. لاحظت ان خطوط الكفر متقطعه وحوايف الكفر متشقق ومتجعد

اما الخلفيه سليمه وخطها سليم وحوايفها ممتازه وزوايا الكفر حاده وزينه


اولا
شف احد عنده كفرات نفس مقاس موترك
وعاد الله يعينكم ترتبون مع بعض وتروح بنشري ولا اذا عندك حوس وفيك حيل ركب كفراته على موترك
وجرب
اذا انحلت المشكله فهي الكفرات قاسيه وغيرها
اذا ما انحلت تاكد من جلد المقصات والركب او ما يسمى بالجوزات .
وايضا اذا دودة الدركسون فيها فضاوه اعمل لها اصلاح او غيرها جديده ول كانت مكلفه
لانها احيان تسوي فضاوه وعندما تاخذ مطب او عيون القطط الدركسون ثابت في يدك والاذرعه والكفرات تلعب بلحالها .

موفق خير وننتظر منك حل المسكله اذا توصلت لها .


بتآكد من جلد المقصات واذا منتهيه غيرتها .. وبغير المساعدات ان شاء الله

واذا اليايات الاستراليه رخيصه غيرتها بعد ,, بس وش رايكم فيه احد جربها على الجمس

وكم سعرها ؟؟ وانتظرونا اخر الشهر < مطفرين :(

اما الفضاوه .. فيه بس خفيفه حيل

وراح اقولكم ان شاء الله .. وكم كلفت معي بعد وايش ركبت مساعدات

[FORD1969]

مشكلتك من المساعدات اي سي ديلكو أفشل مساعد عرفناه وعرفته السيارات الأمريكيه


عندكم ف يعنيزه نوع بليستيان يبيعونه في محلات الترهيم جبار مثل الرانشو وهو خاص بالمرسدس ركبناه على برادو طلع الموتر أكثر ثبات في البطانيج


او ركب استرالي كويس


وشيك الأذرعه وجلد المقصات على دربك

[ذيب النجيل]

غير الكفرات وركب نوع الين شوي

[فرفور بريده]

مشكلتك من المساعدات اي سي ديلكو أفشل مساعد عرفناه وعرفته السيارات الأمريكيه


عندكم ف يعنيزه نوع بليستيان يبيعونه في محلات الترهيم جبار مثل الرانشو وهو خاص بالمرسدس ركبناه على برادو طلع الموتر أكثر ثبات في البطانيج


او ركب استرالي كويس


وشيك الأذرعه وجلد المقصات على دربك



اخوي المساعدات اللي ذكرتها غاليه شوي ,, ونصحوني ناس بمساعدات جبريال ابيض ابو 3 طقات

وش رايك ؟؟ فرق السعر بينهم بصراحه

وانا ماني راعي مطامر بالنفد .. اهم شي عندي المطب بالديره

وايضا بعض المطبات اللي تواجهك وانت داخل لمخيمات عسيلان :D





غير الكفرات وركب نوع الين شوي

ممممم

هالاحتمال بخليه اخر احتمال .. يمقن بعد تغير المساعدات والتشييك ع الاذرعه وجلد المققصات

لاطلع كويس واعجبني الوضع مايحتاج اغير الكفرات ان شاء الله

[الذواديm]

عندنا سوبربان 1500 موديل 99 خفيف على المطبات ومريح في الخطوط

ابوي مغير مساعداته ما اذكر اسم الشركه


بس مشكله السوبربان 99 حيوان مهب موتر مشاكله طرمبه بنزين+الكمبريسر كل شهر اشتر لك واحد جديد+مشاكل كهربائيه كثيره