قارمن+ تلفيزيون Garmin 1490TV

[عليان11]

السلام عليكم ورحمة الله ......


يالله تحي الجميع .. يالربع من خلال لفي ودوراني على اجهزة قارمن شفت موديل يشغل وسيتقل قنوات تلفيزيونة الصراحة حلوه يعني وان بطريق الملك فهد والا الدائري يونس ،
الجهاز Garmin 1490TV
http://www.youtube.com/watch?v=sBrmiIJXods
http://www.youtube.com/watch?v=QPQxO6LxTwU

واذا ازعجوك الورعان تشغلهم :good2::good2: , ... ,والا قاعد بالخيمه وطفشان تشغل الراديو ...:D:D


فيه احد جربه لأنه الصراحة فكرة جدا جميلة وفيه مدخل usb.

وياليت اذا احد يعرف عنه شيء يخبرنا ..

يعني هل بالامكان تحميل بالذاكره افلام كرتون وتشغيله فيه . هل يشغل لو اشبك عليه فلاش مموري او هارد دسك ... هل يشغل الملفات ام بي 3 وطقتها

وهل عندنا ارسال القنوات جيدة بالرياض ...

[3zyiz]

انت تقصد جهاز قارمن بلحالة او شاشة تركب بالسيارة مكان المسجل يركب لها جارمن ؟؟

انا بتكلم عن الي افهم فيه :
طبعا شاشات صينية قيمتها 1600 وأفضل نوع مر علي من واقع تجربة هي شاشة من نوع ( رود ماستر ) والأن نزل منها الأحدث بشكل رائع

موقع الشاشات :
http://www.roadmaster.com.sa/

http://www.roadmaster.com.sa/ProductImages/30_9999.jpg
الشاشة تحتوي على :

بلوتوث
ذاكرة
مدخل USB
مدخل سماعة
فتحة الريسيت ( الفورمات ) او التهيئة ( فتحة صغيرة جدا )

الاظافات :

ممكن تظيف لها كاميرا خلفية وتشبكها مع الريوس او تشبكها مع أيقونة AUX عشان تشغلها بالخط وانت مسافر وتشوف الي خلفك ( وناسة :D )
يمكن إظافة أريل وتشغيل التلفزيون ( الأريل يجي معها )

العيوب :
التلفزيون لا يستفاد منه لأنه يشتغل اذا وقفت .. اما اذا تحركت السيارة يشغلك يقصعد يوشوش ويكرهك في اليوم الي شغلت التلفزيون فيه :D


نجي للخرائط :
الذاكرة حجمها 1 جيجا اعتقد الي تجي مع الشاشة وتقدر تغيرها الى 4 او 8 جيجا ذاكرة جوال وتنزل فيها عدد من الخرائط زي ما تحب .. تعبيها يعني
وبنفس الوقت تنزل فيها ملفات MP3 اذا تبي تشغلها ولكن تحتاج برنامج تحمله في الذاكرة او ملف اسمه ( اكسبورر ) وهو متصفح يخلي لك الشاشة الظاهرية مثل الويندوز فيه قائمة ابدأ وعن طريقة تدخل للملفات ومن هالكلام بس بتحوس نفسك .. لا تفكر فيها حاليا لين تشتري وتخبص فيها
( اهم شي الذاكرة الرئيسية الي تجي مع الشاشة لا تضيعها لأن الخرائط الي فيها مفكوك تشفيرها وجاهزه )

الـ USB :
جربت انا شخصيا اشغل الافلام الكرتونية بعدة صيغ ( اسبوع وانا احول من صيغة لصيغة ) ومع ذلك لما شبكت الهاردسك ما زبط معي ولا قرا الملفات
لكن اكيد لها استعمالات اخرى

الذاكرة ما تقدر تحفظ فيها افلام فيديو او ملفات صوتية الا بالطريقة الي قلت لك عليها سابق

عندك باقي الاعدادات والملفات كلها سهلة التعامل معها مثل الصوت وتحويلها خلف وامام وجنب

وش تبي بعد اشرح لك :D ان شالله شرحي واضح ومفهوم
والي تبي حاضرين اخو قلبي :good2: بالي اعرفه ابشر به

[3zyiz]

نسيت اقول لك

بالسبة للشاشة الي تتكلم عنها يدوي وهذا موقعها :
https://buy.garmin.com/shop/shop.do?pID=68763&ra=true

والشاشة مشهورة ( جارمن نوفي ) تلقا معلومات عنه كثير في المنتدى


المعذرة انا شكلي كذا فهمت سؤالك غلط واجبت بإجابة غير المطلوب
لكن هنا رديت عليك وما حبيت اعدل كلامي السابق ليستفيد غيرك منه
:)

تحياتي لك

[SAS2]

اخوي العاس عندي شاشه رود روفر ويندوز ٥ القديمه بس ما اعجبتني وخربت علي مداخل اليو اس بي

وبحكم خبرتك وش افضل شاشه تشوفها مناسبه بالسوق هل هي الرود ماستر وجزاك الله خير يالغالي

[3zyiz]

اخوي العاشق
:D

يا غالي
خذ رود ماستر وانسى غيرها

صحيح فيه GVC وفيه SONY وشاشات فخمة وشركات معروفة واقيامها من 3000 الى 5000 وفيه نوع منها يوصل الى 7000 مدري هو موجود حاليا والا لا !

لكن كل هذي ارتكها على جنب
خذ شاشة رود ماستر اخر اصدار نزل او اخر شكل نزل في السوق وبتلقا اسفل الشاشة رقمها ..
يعني الي كانت عندي القديمة ( 9002 ) ونزل بعدها مدري الى وين وصلت لكن خذ الرقم الأحدث
القيمة تقريبا من 1500 الى 1600
وطق لك كاميرا خلفية اشبكها مع الريوس اذا حبيت . بس أكد عليها انك اذا رجعت ريوس ما ينفصل المسجل او الراديو عشان الشاشة تشتغل ريوس خلها يزبطها لك الي بيركبها
واذا تبيها مثلا يكون التشغيل يدوي من الشاشة خلها يشبكها لك على ايقونة AUX لانك ماراح تستفيد من هالايقومنة وتصير تشغل الشاشة متى ما حبيت
انا كنت احب اشغلها وانا مسافر يصير اشوف السيارات الي من وراي .. الي مكيم والي جاي شطف والي يستهبل بالخط .. وبنفس الوقت لما تشوف الخط وراك بالشاشة تحسها متعة :D
ولو تشيل عفش وراك في سلة وتخليها شغاله تقدر تراقب عفشك لا يطيح زنوبة والا فرشة اسنان والا شنطة :D:D والا يمكن منشفة :D

الكاميرا الخلفية انا شريتها بـ 400 الحين قيمتها ما تتعدى 150 ريال كاميرا صغيره تكون اسفل يد الزجاج الخلفي مثل الجموس

انا حاليا عندي سوبربان LTZ وفيه شاشة امريكية اصلية ونزلت لها خرائط من الانترنت
لكن بيني وبينكم والله ماعجبتني الشاشة الامريكية سواء الي بالطبلون او الي بالسقف

بس عاد لأنها اصلي ما ودي اعبث بالسيارة
يكفي لو الاقي سي دي للخرائط بالعربي وخلاص ما عاد يهمني الباقي .. حتى مافيها بلوتوث مثل الصيني

وموفق اخوي

[SAS2]

جزاك الله خير يالعاشق والله السعر اكثر من ممتاز الي عندي شريتها تقريبا ب ٣٠٠٠ والصوت ابلشني مرات

يرتفع من نفسه حتى الي معي ينقز ما يدري وش السالفه صراحه يالغالي شرحك بيستفيد منه اكثر الاعضاء

وانا منهم واهم نقطه شبك الكاميرا الخلفيه بمدخل ال aux الي ما بعد استفدت منه باقي اخر سؤال من

وين شريت الشاشه والف شكر لك يابعدهم ×

[3zyiz]

الله يسلمك اخو قلبي

الشاشة انا شريتها من الغرابي :D طبعا مافيه شي جديد من هالناحية

العلم الأكيد انهم كلهم دجالين ومسوين فاهمين
لكن بكل صدق هم افهم مني من ناحية التركيب .. اما انا افهم منهم من ناحية البرامج والاستخدام :good2:
يعني لو تجي عند الي يكرب لك الشاشة وتساله كيف تشغيل الخرائط يقول لك ما يعرف

الميزة الوحيدة انه يركب لك الشاشة مع توصيل اسلاك الصوت مثل الي بالوكالة ( فيها تعديل بالاسلاك غالبا ) لكن فاهمين شغل التركيب
ايضا التحكم في الكاميرا سواء يدوي او مع الريوس

الشغله الي لازم تنتبه لها هي كالتالي :

كان عندي فورد اكسبديشن لما ركبتها صارت اللمبات تولع بلحالها واذا ولعت الكبوس الي بالصدام يطلع لي لمبة النور العالي في الطبلون مع انه الواطي
هذي انتبه لها لانها عبارة عن تغيير مكان السلك فقط
لو كان عندك فورد او جمس ركز في هالنقطة من التركيب ولا تروح لين يعدلها لك
وهذي أخطاء مستمرة بسبب الاهمال او عدم التركيز الصحيح في كل مرة يكرب فيها شاشة ولنه يوقف كل من يمر بجنبه عشان يبي يكسب من الرايح والجاي
والا لو يركز في سيارة وحده كان انتهت المشكلة لكن يبي يخلص بسرعة عشان يشتغل لغيرك

ادخل شارع الغرابي المعروض الي كلها زينة وشاشات .. فيه واحد بزاوية التقاطع الأول على اليمين بجنب البقالة .. اشتغلت عنده
وفيه بعد التقاطع الأول والثاني محل شاشات على درج مرتفع الي ماسك المحل واحد كبير بالسن شوي يهمكن بالستينات .. عنده شاشات حلوة وسعره مناسب .. اذا الي يركبها يضمن لك التركيب .. ركبها وتوكل على الله
اصلا حتى الضمان من مجرد تشتغل يوم خلاص انسى الموضوع لمدة خمس سنين قدام
موفق اخوي واي سؤال انا حاضر

[SAS2]

مشكور يا اغلاهم وفي ميزان حسناتك انشالله

[فتى ملهم.]

والله انه جهازن واافي

[عليان11]

هلا بانشمي يملا العافيه .............. كفيت ووفيت يالغالي .

طيب يالغالي ماودك تشري الجهاز هذا Garmin 1490TV لأنه جهاز بالاصل GPS ، وفيه ميزة انه يستقبل القنوات
والراديو .......:D:D وتعلمنا عنه دامك خبير بالبرامج ولك تجارب بتحويل صيغ الملفات ;):p;)

ماقصرت يالطيب كثر الله من امثالك يانشمي .... ياليت اذا لك حيل تطرح موضوع من واقع تجربتك مع شاشات وافضل النتايج الى توصلت لها ... وتعطينا من خبرتك يالطيب ، ترى نص اهل الرياض معانات لان اقل مشوار نص ساعة طبعا الجمهور الي ورا يملون وتخرب الاخلاق تبداء انواع هواش مع العيال بالمشاوير :D:D ازعاج وبعض الاحيان تنقلب مصارعة بيناتهم ( الله يصلحهم ) هذا كله يهون وانا اخوك عند ابداعات الصغير يعطيك الحان وموالات يحبها قلبك :good2::good2: مواااا وااااا .... ولا نفسه تقفل بالسيارة على طول.... يعني خمس دقايق ويطفش ثم يبدا يطامر بين المراتب واذا مسكته بداء بالموال لييييييييييين تحطه عند الدريشه يقزقز خلق الله التي هي متعت ثلاثة ارباع الشعب :D:D:D يعني السواق هو المشغول وكللللللل الي بسيارة شغالين قز خصوصا عند الاشارة يعني مافيه امل تشوف سعودي مايلتفت اذا صار عند اشارة مع العلم ان الاشارة قدامه بس لازم اخذ لفه على :p:p:p:pعلى جميع الاتجاهات .

ياليت تفيدنا يالطيب


ا

[عليان11]

up
up
up

[عوج]

رااائع جدا انتقااء مميز جهد ارووع ...

لك مني اجمل التحااايااا ..
بارك الله بك ...