الفزعه يا أهل الجموس

[Mr.3zAy]

السلام عليكم و رحمة الله و بركاته
يا أخوان أنا معي سييرا 2009 ووجه الموتر لاعبن بحسبتي لعب يطآمر و يهابد بالخلا و بالديره مابه خلآف مع العلم إن المساعدات بلآده و جدد و أبي شوركم يا هل الجموس هل أدبل له مسآعدات هل فيه أمكانيه إني أدبل له ولا وش الرأي .؟!

[فرفور بريده]

غير المساعدات لمساعدات اقسى

وعاد وش الزين .. بصراحه علمي علمك ولا جربت شي

بس يمدحون للسييرا البلاستين والرانشو .. بس غاليات شوي

يفيدونك ان شاء الله

[Mr.3zAy]

بيض الله وجهك و رحم الله والدينا و والديك و جميع المسلمين

[طيرشلوى 2]

ركب مساعدات جبريل اماميه ويثبت وجهه فيه واحد من ربعي يطامر وجهه وركب مساعدات جبريل وضبظ

[بن مانع التميمي]

يجيك العلم يابعدي .. ولاتشيل هم امرها ذب بسيط جداً جداً

انا قبل تسذا وركب مساعدات وكراسي اقوى والحمدلله الموتر مطربني لابعد الحدود

يجيك الفاهم ويعلمك ان شاء الله

[جمس_454_97]

بعطيك وجهة نظري
انا موتري مدبل مساعداته والله كني راكب جيب شاص عند عيون البس يطامر شكلي بشيل المساعدات الاضافيه
حلات الموتر اذا جاك لين ماتحس بالمطب