ويش بنت يابوماجد مع ولدها ,,,,,,,,, الحل طائر الوقواق ,,,,,,,,,,,,,,حله عليق بري

[ال-رايق]

السلام عليكم ورحمة الله وبركاته:
اخواني,,يشرفني اهداء هذا اللغز باسم أخونا الكبير/الأستاذ والمربّي الفاضل/الزعيم/فارس الألغاز/أبوماجد..من غير قصور في المتواجدين الكرام والفرصة متاحة للجميع.
وأنت يا بوماجد تفضل اللغز ليس تحديا لك ..بل لشيْ في الخاطر مصدره الود والاحترام المتبادل بين الأخوان:
من يقدم سبتها يلقى أحـــــــــــــــــــدها=والهروج فعول عند اهل الشكالــــــــه
ومن يغشك مرة غشك بعــــــــــــــدها=يعرف انك قمة في مسك البيالــــــه
والخبل يسرح بعنزه مع اســـــــــــــدها=لوتقول البس كفر نزّل عقالــــــــــــه
ماخبرنا العقربه يقطر شهـــــــــــــــدها=من يقول ان الحجر ينتج نخـــــــالة
لغزي تشبيه الحقيقة في مهدهــــــــــــا=وما يصور صادق المعنى خيــــــــاله
والسيوف ابطت و اذااصدت في غمدها=يرجع لكلمة(خذ الدعوى سهالـــــة)
ويش بنت(ن) يابوماجــــــــد مع ولدها= ماتركوا للحي حي(ن) من عيــــاله
ما تعبها كود تسليمه بيــــــــــــــــــــــدها=ثم مضت ثم ابتدا فعل النذالـــــــــة
هات بنت لاتزل تفتل مســــــــــــــــــدها=يظهر طفل(ن) ماعرف عمّه وخاله
وسلامتكم جميعا ,,,واسمحولنا على التقصير.
أخوكم/أبو مهنّـــد----------خيمة الألغــــاز

[ابو ماجد 2]

صح لسانك ملايين
والف شكر لمشاعر الود لغز يطرب
واكتب لك وانا مازلت في نشوة الطرب
ابداع في المقدمه
واثارة بمعطيات اللغز
لي عوده بعد التمعن

[ال-رايق]

صح لسانك ملايين
والف شكر لمشاعر الود لغز يطرب
واكتب لك وانا مازلت في نشوة الطرب
ابداع في المقدمه
واثارة بمعطيات اللغز
لي عوده بعد التمعن

لاهنت وما عليك زود الله يوفقك
وبانتظار الاصابة والرد بالشعر يابوماجد ولا عليك أمر اتركوه لأنه يؤخر الرمع تو فكرت بهالكلام ..وانتم بكيفكم
وتسلم ومن يقرأأأأأأأأأأ

[هبــ حريملاااء ـبوب]

السلام عليكم

عافاك الله اخوي ابو مهند وصح لسانك
ابيات جزله واخونا ابو ماجد يستاهل وكفو

وهقوتي الحل في :

قوله تعالى : ( أن اقذفيه في التابوت فاقذفيه في اليم فليلقه اليم بالساحل يأخذه عدو لي وعدو له وألقيت عليك محبة مني (http://www.islamweb.net/newlibrary/display_book.php?idfrom=3235&idto=3235&bk_no=50&ID=3256#docu))

سلمت

[ابوذيبان]

يستاهل زعيمنا الفاضل ’ ابوماجد كل خير وكل طيب

وانت صح الله السانك يالمبدع

اتمعن واعود ان الله ابقاني

دمت متوهجا

[ال-رايق]

السلام عليكم

عافاك الله اخوي ابو مهند وصح لسانك
ابيات جزله واخونا ابو ماجد يستاهل وكفو

وهقوتي الحل في :

قوله تعالى : ( أن اقذفيه في التابوت فاقذفيه في اليم فليلقه اليم بالساحل يأخذه عدو لي وعدو له وألقيت عليك محبة مني (http://www.islamweb.net/newlibrary/display_book.php?idfrom=3235&idto=3235&bk_no=50&ID=3256#docu))

سلمت


حياك الله ومشكوووووووووور على الاطراء الجميل جمل الله حالك
والرمعة--ونعم بكلام الله سبحانه وتعالى---
للأسف خيرها بغيرها
عشت ومن يقرأ

[ابو ماجد 2]

لاهنت وما عليك زود الله يوفقك
وبانتظار الاصابة والرد بالشعر يابوماجد ولا عليك أمر اتركوه لأنه يؤخر الرمع تو فكرت بهالكلام ..وانتم بكيفكم
وتسلم ومن يقرأأأأأأأأأأ

والله يالغالي اخيك يتعصر من شان يطلع بيتين حقات لغز 0 وغيره الشعر في شنق وانا في شنق
والمنتدى هنا ماشاء حامي حامي حتى التنسيق نتجنبه من قبل مايرمع اللغز احد الهوامير

[ال-رايق]

يستاهل زعيمنا الفاضل ’ ابوماجد كل خير وكل طيب

وانت صح الله السانك يالمبدع

اتمعن واعود ان الله ابقاني

دمت متوهجا


صح بدنك ولاهنت بيض الله وجهك.
وبانتظار عودتك.

[الأديب]

وعليكم السلام ورحمة الله وبركاته
صح لسانك يابومهند
الف نعم فيك وفي استاذنا ابوماجد
انت كفو وابو ماجد كفو ويستاهل
اشهد انك اطربتنا بهالأبيات الرائعه
لله درك
رمعة اولى // الفتنه وموقظها كما في الحديث الشريف
شرايك اسند للضلع
دمت برعاية الله

[ال-رايق]

وعليكم السلام ورحمة الله وبركاته
صح لسانك يابومهند
الف نعم فيك وفي استاذنا ابوماجد
انت كفو وابو ماجد كفو ويستاهل
اشهد انك اطربتنا بهالأبيات الرائعه
لله درك
رمعة اولى // الفتنه وموقظها كما في الحديث الشريف
شرايك اسند للضلع
دمت برعاية الله


صح بدنك وتسلم ,,وما عليك زود ’’ واجتهاد وانتم خير من يقيّم
وما تستاهل تروح..اقعد لأن الرمعة مالك لواء الا انها متجهة للقصد والتشبيه اللي هو تكملة اساسية للغز ’’اما اللغز بعيدة
تحياتي

[عليق بري]

صح لسانك يا بو مهند ..

يمكن .. المرأة التي ذكرت في قصة الأخدود ونقتبس منه الشاهد :


فأمر الملك بحفر شقّ في الأرض، وإشعال النار فيها. ثم أمر جنوده، بتخيير الناس، فإما الرجوع عن الإيمان، أو إلقائهم في النار. ففعل الجنود ذلك، حتى جاء دور امرأة ومعها صبي لها، فخافت أن تُرمى في النار. فألهم الله الصبي أن يقول لها: يا أمّاه اصبري فإنك على الحق.

[الأديب]

رمعه ثانيه
قريت قبل ايام ان والدة بشار تحث ولدها على سحق حماة كما فعل ابوه
حسبي الله عليهم ونعم الوكيل

[ال-رايق]

صح لسانك يا بو مهند ..

يمكن .. المرأة التي ذكرت في قصة الأخدود ونقتبس منه الشاهد :






هلا وغلا وصح بدنك --هلا بصاحب الركادة وسبق ان قلت اللي يتركد ما هومثلي فيه عجلة يصيد-ومن قدك حاط حمد فيك لغز وتستاهل
-----------الرمعة خيرها بغيرها---

[ال-رايق]

رمعه ثانيه
قريت قبل ايام ان والدة بشار تحث ولدها على سحق حماة كما فعل ابوه
حسبي الله عليهم ونعم الوكيل


والله نوب اقول الله يكفينا شرك ومرة اقول اللهم سدد رميه
عسى الجعبة مليانه سهام اذا كان صحيح!!!!!!!!!!!!!
فانت جايبه لامحالة ----حاول مرة اخرى
وتسلم ومن يقرأأأ

[ناصر العلي]

سلمت يالغالي
وصح لسانك
ومسند على غالي
ويش قولك بـ
أمريكا...و...إسرائيل
http://www.sommermagazine.com/thumb_photo/US_Vito81017.jpg
وإستخدام حق النقض...الفيتو
أو
روسيا...و...سوريا

[ال-رايق]

سلمت يالغالي
وصح لسانك
ومسند على غالي
ويش قولك بـ
أمريكا...و...إسرائيل
وإستخدام حق النقض...الفيتو


ركوووووووووووووووود ابو علي موجوووووووووووووووود
وصح كلّك ------------- ومالك للأسف لواء .. مع ان لي طلب خاص عندك وهو اذا جبت الحل او غيرك انك تتحفنا بالصور كعادتك الله لايقطعنا منها.
تحياتي

[ابوذيبان]

رمعة اشغلتني

المشنقة

وفقت لكل خير

[عليق بري]

واذا غيرنا في رمعة ابو علي

وحطينا الامم المتحدة بدال امريكا ..

[ال-رايق]

رمعة اشغلتني

المشنقة

وفقت لكل خير


اشغلك في طاعته وعسى ما هي فالك
وخيرها بغيرها --بعيده
تحياتي

[ناصر العلي]

ركوووووووووووووووود ابو علي موجوووووووووووووووود

وصح كلّك ------------- ومالك للأسف لواء .. مع ان لي طلب خاص عندك وهو اذا جبت الحل او غيرك انك تتحفنا بالصور كعادتك الله لايقطعنا منها.

تحياتي


الله يرفع قدرك ياأبومهند
وأبشر بسعدك يالغالي
حنا حول الدعوى؟وإلا...:looney:؟

[ال-رايق]

واذا غيرنا في رمعة ابو علي

وحطينا الامم المتحدة بدال امريكا ..



للأسف مالك لواء
ابحثوا عن الصعير قبل الكبير
تحياتي

[صقر السديرات]

ابو مهند
ارحم عزيز قوم صار الضلع مرتعة
البــــنـــــدق
وانا معجب اشد الاعجاب بهالابيات الرائعة يا جميل

[ال-رايق]

الله يرفع قدرك ياأبومهند
وأبشر بسعدك يالغالي
حنا حول الدعوى؟وإلا...:looney:؟


يابو علي ترى قد سمعت بالسحر عبرالنت (امزح) وانت ما انطح طلبك مدري طلبك يمطخ واعترف من اول كف:D.....خصوصا هاللي احولت عويناته...تفضل:
اللغز----حاجة واقعة بقدرة وتصرف المولى سبحانه وتعالى ..بنيت عليها لغز سياسي (خارجي) لا يلقى اعتراض من المنتدى ولا يخفى على الجميع .. كذلك المعجزة اللي بنيت عليها متأكد انك تعرفها وكذلك كثير من الناس والله اعلم.

[عليق بري]

طيب ايران وحزب البعث السوري ..

[النبهاني]

وعليكم السلام ورحمة الله وبركاته
صح لسانك يابو مهند على هالجزله
وسبعة انعام بك وبالزعيم اللي يستاهل
محاوله وش رايك بالمسيحيه والتنصر

[ال-رايق]

ابو مهند
ارحم عزيز قوم صار الضلع مرتعة
البــــنـــــدق
وانا معجب اشد الاعجاب بهالابيات الرائعة يا جميل

والله يحييك يابوفيصل..واول شطر باللغز --من قدم....---
وانا بعطيك الاحد لانك قبل شوي قلت لي في لغزك مع الضلع.
خذ الشد السفري الله لايهينك.. والرمعة بعيدة انظر ردي على الدكتور.
تحياتي

[الخامسي1]

السلام عليكم نمسي على ابو مهند والجميع ورميعة

ثورة معمر وثورة من بعدها *** ولغزك اسعدني بنظمه وارتجاله


لي عودة بعد قليل !!!

[ال-رايق]

طيب ايران وحزب البعث السوري ..

ا
انا سبق وقلت لك ..رااااااااااااااااااااااااااكد وراااااااااااااااااااااااااااااااااااااايق
انت تعتبر حليت جزء من اللغز اللي هو السياسي
باقي....المعجزة ((ليست معجزة مذكورة في القرآن) في خلق الله واذا رجعتوا للابيات وجدتوها واضحة
حاول تكمل اللغز وبوضوح.
تحياتي

[ال-رايق]

وعليكم السلام ورحمة الله وبركاته
صح لسانك يابو مهند على هالجزله
وسبعة انعام بك وبالزعيم اللي يستاهل
محاوله وش رايك بالمسيحيه والتنصر


هلا وغلا بالنبهاني الله لايهينك واشادة اعتز فيها الله يسلمك
للأسف مالك لواء وارجو الرجوع للردود الاخيرة

[ال-رايق]

السلام عليكم نمسي على ابو مهند والجميع ورميعة

ثورة معمر وثورة من بعدها *** ولغزك اسعدني بنظمه وارتجاله


لي عودة بعد قليل !!!


دقيقة والله اني موقف علي حيلي باعتبارها اقل ترحيبة ولا يهونون الاخوان.
واشادة اعتبرها نيشان الله يرفع قدرك ..ومالك لواء والتوضيح حصل للاخوان وكمل الباقي.

[مقرنس الشيهان]

السلام عليكم
صح لسانك يابو مهند
دائما تحب الجزاله وفارسنا ابو ماجد يستاهل وكل الربع المثابرين بالضلع
الله يعطيهم العافيه
وش رايك بايران وروسيا الاتحاد السوفييتي المتفكك
والله اني مافهم بهالامور بس على الحروه

[الأديب]

ماقصر اخوي عليق بري صح لسانه
يمكن المعجزه ظهور المسيح الدجال

[ال-رايق]

السلام عليكم
صح لسانك يابو مهند
دائما تحب الجزاله وفارسنا ابو ماجد يستاهل وكل الربع المثابرين بالضلع
الله يعطيهم العافيه
وش رايك بايران وروسيا الاتحاد السوفييتي المتفكك
والله اني مافهم بهالامور بس على الحروه


اللهم حيّه عد ماسارت مطيّه
وشكرا على الاطراء الجميل ولا عليكم زود.
الحل المبدأي والمتمثل عند اخونا عليق بري بنسبة 25-50% وهو((ايران))
شف الله لايهينك الشيْ اللي شبهت فيه ايران وفعايلها وشي عجيب الحقيقة ومطابق..او انتظر يهربك واحد من اللي يحلون اللغز(امزح):D

[ال-رايق]

ماقصر اخوي عليق بري صح لسانه
يمكن المعجزه ظهور المسيح الدجال



مرة اخرى هلا وغلا اخوي/الاديب
والمعجزة الى حد الان ويمكن في هاللحظة صايرة ((ماهي معجزة في القرآن الكريم)).
تحياتي

[مقرنس الشيهان]

والله يابو مهند معلوماتي
بهالامور تحت الصفر انشدني عن البر والصمان خذ ولد غيره يفتح الله

[ال-رايق]

والله يابو مهند معلوماتي
بهالامور تحت الصفر انشدني عن البر والصمان خذ ولد غيره يفتح الله


طيب ’’ رح الله يسهل دروبك ..لا تغلّى.. لأنك لو تدري كان تديور وتقول..أ

[ناصر العلي]

ماقصرت يالغالي
ويش قولك بـ
الغواصة الإيرانية وولدها الطربيد
http://img94.imageshack.us/img94/6958/18803110614l600.jpg

[الخامسي1]

على السريع الفتنه الطائفيه

شبهة ب

الحيه الرقطاء

[ال-رايق]

ماقصرت يالغالي
ويش قولك بـ
الغواصة الإيرانية وولدها الطربيد


مالك لواء يابوعلي.. والغواصة وطوربيدها صحيح تقدم منقطع النظير لكن وللتوضيح عشان ما ياصل هاللغز سن الهراشة(المعلومات هذي ابو نايف الله يسلمه يعرفها اكثر):-
اذا اطلعت عليها تقول(سبحان الله لله في خلقه شئون ) ولا كل واحد يعرفها .

[ال-رايق]

على السريع الفتنه الطائفيه

شبهة ب

الحيه الرقطاء


حلووووووووووووووووو يا اطخم
انت على الشداد ومتجه على الوجهة لكن ليس بالتحديد.
حاول تصل ------------هل انت من معجبي قناة ناشيونال جغرافيك /ابوظبي--------؟؟

[ناصر العلي]

رمعة موجهة للضلع
الإستنساخ

[الخامسي1]

مالك لواء يابوعلي.. والغواصة وطوربيدها صحيح تقدم منقطع النظير لكن وللتوضيح عشان ما ياصل هاللغز سن الهراشة(المعلومات هذي ابو نايف الله يسلمه يعرفها اكثر):-
اذا اطلعت عليها تقول(سبحان الله لله في خلقه شئون ) ولا كل واحد يعرفها .
ام جنيب حيه سامه

[ال-رايق]

رمعة موجهة للضلع
الإستنساخ


الاستنساخ من فعل البشر الخسيس تكرمون
هذي:
اذا جاز التعبير قدرة الهية ومثل ما يقولون المعلم الله - غير كذا عطني اذنك اوشوش لك كانك حولي
وعندي احساس حتقيبوه.

[ال-رايق]

ام جنيب حيه سامه


ابعد يا بو نايف عن اللي خطرها على الناس
هيك واضح..

[ال-رايق]

بعد الأذن :
فاصل اعلاني-----------------نعود بعد قليل ان شاء الله

[ناصر العلي]

طيب يالغالي
فيه نوع من السمك
يضع البيض ثم يقوم الذكر بتلقيحه

[مقرنس الشيهان]

على شان ماتقول اني اتغلى
وش رايك باللي انت مركب اللغز عليه
ماتقدر تقولي مالك لوا
هاوش قلت

[ابوعرباء]

السلام عليكم ورحمة الله وبركاته:

اخواني,,يشرفني اهداء هذا اللغز باسم أخونا الكبير/الأستاذ والمربّي الفاضل/الزعيم/فارس الألغاز/أبوماجد..من غير قصور في المتواجدين الكرام والفرصة متاحة للجميع.
وأنت يا بوماجد تفضل اللغز ليس تحديا لك ..بل لشيْ في الخاطر مصدره الود والاحترام المتبادل بين الأخوان:

من يقدم سبتها يلقى أحـــــــــــــــــــدها=والهروج فعول عند اهل الشكالــــــــه


ومن يغشك مرة غشك بعــــــــــــــدها=يعرف انك قمة في مسك البيالــــــه
والخبل يسرح بعنزه مع اســـــــــــــدها=لوتقول البس كفر نزّل عقالــــــــــــه
ماخبرنا العقربه يقطر شهـــــــــــــــدها=من يقول ان الحجر ينتج نخـــــــالة
لغزي تشبيه الحقيقة في مهدهــــــــــــا=وما يصور صادق المعنى خيــــــــاله
والسيوف ابطت و اذااصدت في غمدها=يرجع لكلمة(خذ الدعوى سهالـــــة)
ويش بنت(ن) يابوماجــــــــد مع ولدها= ماتركوا للحي حي(ن) من عيــــاله
ما تعبها كود تسليمه بيــــــــــــــــــــــدها=ثم مضت ثم ابتدا فعل النذالـــــــــة
هات بنت لاتزل تفتل مســــــــــــــــــدها=يظهر طفل(ن) ماعرف عمّه وخاله


وسلامتكم جميعا ,,,واسمحولنا على التقصير.

أخوكم/أبو مهنّـــد----------خيمة الألغــــاز

اخوي انا اقول البندق ولدها معروف الي اهو الرصاص

[الخامسي1]

شغل التلفاز وابشر يا سعدها *** الجزيرة لا تدور في الرساله
او هي(( العالم)) مشيعة (ن) هددها*** والمعاني واجده وين العداله

كتابه على السريع وفي السيارة الله يستر؟؟؟؟

[هبــ حريملاااء ـبوب]

عوده

طيب اخوي ابو مهند وش تقول بالتلقيح الصناعي

سلمت

[torrjom]

صح السانك اخوي ابومهند

وابوماجد يستاهل

ابيات قمه في الابداع

تنم عن شخص له تجارب في الحياة

الله يزيدك من فضله

لم اكمل الصفحات

لكن حبيت تسجيل الحضور

كل الووووووووووووووود

[ال-رايق]

طيب يالغالي
فيه نوع من السمك
يضع البيض ثم يقوم الذكر بتلقيحه


أبو علي /ياحبك للسيف بكسر السين وصيده
عوّد جاي للبر ((غير برّنا))
تحياتي

[تميمي.1]

صح لسانك
ابياتك في قمة الروعه
وش رايك في العراق وولدها صدااااام

[ال-رايق]

على شان ماتقول اني اتغلى
وش رايك باللي انت مركب اللغز عليه
ماتقدر تقولي مالك لوا
هاوش قلت


مالك لواء ثم مالك لواء
لأني اطفش ان ما شفت المعرف العزيز/خصوصا مديل2012 تو انتبهت..
ويوم تقول ما افهم الاشياء هذي اوضح لك انك تعرفها......
تحياتي

[ال-رايق]

اخوي انا اقول البندق ولدها معروف الي اهو الرصاص
[/CENTER]


وانا قول الرمعة سابقة من واحد من الاخوان ولا هي البندق
حياك ربي.

[ال-رايق]

شغل التلفاز وابشر يا سعدها *** الجزيرة لا تدور في الرساله
او هي(( العالم)) مشيعة (ن) هددها*** والمعاني واجده وين العداله

كتابه على السريع وفي السيارة الله يستر؟؟؟؟


خيرها بغيرها وتاصل سالم ومثل ما ابتعدت عن محلك ابتعدت عن الرمعة المناسبة
ترفق ولك تحياتي

[ال-رايق]

عوده

طيب اخوي ابو مهند وش تقول بالتلقيح الصناعي

سلمت


غير صحيح اخوي/
شيء من خلق الله سبحانه وتصرف بأمره ومن يطالع الشيء هذا يتعجب وتذكرون كلامي ان شاء الله.

[ناصر العلي]

طيب يالغالي
ماتصير
الأفعي المجلجلة
http://t2.gstatic.com/images?q=tbn:ANd9GcR7LLISEq1oZJpojK8KVTZCLjK8_51ME _f0rehejlKWmr7arbXkaJxIIj6adg

[ال-رايق]

صح السانك اخوي ابومهند

وابوماجد يستاهل

ابيات قمه في الابداع

تنم عن شخص له تجارب في الحياة

الله يزيدك من فضله

لم اكمل الصفحات

لكن حبيت تسجيل الحضور

كل الووووووووووووووود


الله يحييك ويغليك عند ربك ..وماعليك زود
ولعلمك الكريم انا طابقت بين الشيئين باجتهاد وفي الاخير عطوني رايكم.
تحياتي لك ومن يقرا

[ال-رايق]

صح لسانك
ابياتك في قمة الروعه
وش رايك في العراق وولدها صدااااام


صح كلك الله لايهينك ------------وانت اروع وما عليك زود
ويمكن ما شفت الرمعات السابقة ---(ايران) هي المقصد الاخير لكن الشيء الاساسي مطلوب .تابع ردود الاخوان واستشف منه .
تحياتي.

[al_asil]

مسيتم بالخير جميع

وش رايك اخوى بالدباسه

مشكور

[ال-رايق]

طيب يالغالي
ماتصير
الأفعي المجلجلة
http://t2.gstatic.com/images?q=tbn:ANd9GcR7LLISEq1oZJpojK8KVTZCLjK8_51ME _f0rehejlKWmr7arbXkaJxIIj6adg


ابو علي مالك لواء..ركزوا معي:
الحية افعالها شينة وممكن تشابه حركات البشر بالخبث.
لكن المطلوب تصرف عجيب لا تسويه الافعى ولا غيرها الا مقصدنا اللي شبهت ايران عليه
ركز على البيت اللي قبل الاخير
تحياتي

[الخامسي1]

حبيبي أنا واقف علشانك وماشي

فار سد مارب

وجمعه فيران

والعطه قبل الضلع اوصل رجالاً معي لبيته

[ال-رايق]

مسيتم بالخير جميع

وش رايك اخوى بالدباسه

مشكور

حياك الله اخوي/AL-ASIL
اللغز انحل نصفه وهو -ايران-لكن مشبهينها على مخلوق يتصرف تصرف ايران في المنطقه
تحياتي.

[ال-رايق]

حبيبي أنا واقف علشانك وماشي

فار سد مارب

وجمعه فيران

والعطه قبل الضلع اوصل رجالاً معي لبيته


عقبال وقفتك في عرفه والبيت الحرام.
الله لايهينك --مالك لواء----وهذا تغشيش ثاني لك ولا تعلّم ((ابعد عن الزواحف واي مخلوق يعيش عندنا))
يامراحب

[ناصر العلي]

ويش قولك بـ
الأرملة السوداء
http://t0.gstatic.com/images?q=tbn:ANd9GcT8y4RhHdU-MIKykKnIrWw7fbmuCFAz7L60LnekL2KxK8dxXRvqLg

[ال-رايق]

ويش قولك بـ
الأرملة السوداء
http://t0.gstatic.com/images?q=tbn:ANd9GcT8y4RhHdU-MIKykKnIrWw7fbmuCFAz7L60LnekL2KxK8dxXRvqLg

مالك لواء---خيرها بغيرها يابو علي..ثاني رمعة تصير بعيده ارجع لردي على ابونايف
تحياتي

[الد ر ع]

صح لساانك وشرايك بلعقرب

[الخامسي1]

نقول
الغوريلاء

[ال-رايق]

صح لساانك وشرايك بلعقرب


اولا /هلا وغلا وحياك ربي
غير زاحف وغير موجود بالجزيرة كلها .
تسلم ومن يقرا

[ناصر العلي]

طيب
الكنغر
أو
الفيل

[ال-رايق]

نقول
الغوريلاء


والله يابو نايف ما اذكر اني روعّتك وش الحلوم اللي في حراها
---------جميع ضرس وناب--------
شيلووووووووووووووووووووووووه من روسكم.. مدري محبة عجزت اقاوم عدم التعاون معكم.
يالله قولوا به

[ال-رايق]

طيب
الكنغر
أو
الفيل


يالله يابوعلي مثلك مثل ابو نايف ولا يهونون الاخوان ---ليس بحيوان---
مابعنا بالكوم الا هالليله.

[هبــ حريملاااء ـبوب]

ههههههه طيب هو بحري نهري تعمست عيوني ورانا اختبارات

[ال-رايق]

ههههههه طيب هو بحري نهري تعمست عيوني ورانا اختبارات


غاباتاوي---كان اني ضبطتهااااااااااااا
عشان الاقزامنيشن الله يوفقكم,,,,ومن لدينا ولديكم والقراء الكرام

[الخامسي1]

وش رأيك في الاخطبوط ولا ادري عن اسم زوجه :D:D

[ال-رايق]

وش رأيك في الاخطبوط ولا ادري عن اسم زوجه :D:D


يابحر لاتعاند والقمر فيك غااب............الموضوع في:
غابات واشجار ..ترانا ما خلينا ابوعلي اللي حول البحر يطب.. نطب فيه ترى الابل سفن صحراء عود جاي لاتقلقني عليك.

[الخامسي1]

نقدر نقول اللامه ؟

[ال-رايق]

نقدر نقول اللامه ؟

ابونايف/مالك لواء
واذا ما شفت المشهد اللي يخص المخلوق هذا ماراح يطري على بالك انا شايفه قبل كم سنة تصرف بطريقة غريبة تمسك راسك وتقول سبحان المعلّم لأن طريقة التصرف فيها ذكاء مع خبث ..
وحاول مرة اخرى --عندي جعلك تسلم مشاااوير بدري ما ابي بكرة اقوم متغلّق:D

[إلقناصه]

صح لسانك ارمادجي
ممكن تكون الحرباء

[صاحب الذئب]

صح لسانك ياالغالي
نقول
هو النبات اللي يفرز ماده ساامه على ماجاوره من النباتات ليقتله حتى ياخذ الماء لنفسه

[عليق بري]

النبات آكل الحشرات ..

يسمى الدونيا او خناق الذباب ..


نبات الفخ أو الديونيا ( Dionaea )

فقد تحور نصل الورقة إلى صمامين متمفصلين عند العرق الوسطي، وفي حوافهما أشواك متبادلة الوضع في الصمامين، وعلى السطح العلوي
للورقة زوائد استشعار باللمس، فعندما تلمس الفريسة، سواء أكانت حشرة أو ضفدعة، أو عصفور صغير, أو زاحف أصغر ينطبق المفصلان
في سرعة خاطفة على الفريسة و تقتنص الورقة الفريسة وتحبسها في الفخ وتمنعها من الهرب والحركة، ثم تغرقها بالإنزيمات والسوائل
الحارقة فتقتلها وتحللها, ثم تمتص عصارتها المهضومة والمتحللة

Slpbef7mnRs

[ال-رايق]

صح لسانك ارمادجي
ممكن تكون الحرباء


حياك الله اختي/القناصة,,,,
مالك للأسف لواء
بمكن ماتابعتم الردود السابقة وللتوضيح(حي ماترك للحي حي من عياله)ويتم الشيء هذا بصفة غريبة وياسبحان الله..وليس في بيئتنا وليس من الزواحف او الحيوانات.
وبناء عليه وضعت وصف لحال ايران بالمنطقة بعد اجابة اخونا /عليق وهو اللي فتح المجال والباقي جيبوه.

[ال-رايق]

صح لسانك ياالغالي
نقول
هو النبات اللي يفرز ماده ساامه على ماجاوره من النباتات ليقتله حتى ياخذ الماء لنفسه


حياك الله وعشت وعاشوا احبابك:-
اقدر اقول تشابه العظمة الالهية في خلقه سبحانه شبيهه باللي اقصد لكن المجال مختلف.
حاول وتجيبه.

[ال-رايق]

النبات آكل الحشرات ..

يسمى الدونيا او خناق الذباب ..

Slpbef7mnRs





حياك ربي وتسلم’’’’’’’’’’’’’’’’’
اتجاه صحيح لكن النوعية تختلف ..نيشن زين وخذ نفس عميق وتجيبه.
تحياتي

[ناصر العلي]

هناك ثلاثة انواع غريبة من النباتات التي تاكل الحشرات :


_نبات الدرويرا له زوائد اذا حطت ذبابة عليها التصقت بها .
_اذا حطت ذبابة علي اوراق الديونيا اطبقت عليها واقتنصتها بداخلها .
_يقتنص نبات النيبتش الحشرات داخل قدور موجودة في الاطراف الاوراق .


وتجذب الحشرات مادة حلوة تتكون علي حافة القدر، ثم تنزلق الحشرة عادة داخل القدر بسبب وجود طبقة شمعية فتقع داخل القدر و تغرق في سائل عبارة عن مزيج من ماء المطر و العصارات الهاضمة الموجودة داخل القدر .

http://img64.imageshack.us/img64/6483/12271949156.jpg (http://img64.imageshack.us/img64/6483/12271949156.jpg)

http://img202.imageshack.us/img202/4904/122719495220.jpg (http://img202.imageshack.us/img202/4904/122719495220.jpg)

http://img180.imageshack.us/img180/5476/insectedionee.jpg (http://img180.imageshack.us/img180/5476/insectedionee.jpg)

http://img404.imageshack.us/img404/9030/nepenthes.jpg (http://img404.imageshack.us/img404/9030/nepenthes.jpg)

http://img171.imageshack.us/img171/6797/122719486714.jpg (http://img171.imageshack.us/img171/6797/122719486714.jpg)

http://img13.imageshack.us/img13/4545/122719487817.jpg (http://img13.imageshack.us/img13/4545/122719487817.jpg)

http://img638.imageshack.us/img638/1150/57442206.jpg (http://img638.imageshack.us/img638/1150/57442206.jpg)

http://img697.imageshack.us/img697/1193/122719488211.jpg (http://img697.imageshack.us/img697/1193/122719488211.jpg)

http://img688.imageshack.us/img688/4268/12271948757.jpg (http://img688.imageshack.us/img688/4268/12271948757.jpg)

http://img211.imageshack.us/img211/5084/12271948769.jpg (http://img211.imageshack.us/img211/5084/12271948769.jpg)

http://img521.imageshack.us/img521/3756/5b76c9df34ab1fc6dfdbcc7.jpg (http://img521.imageshack.us/img521/3756/5b76c9df34ab1fc6dfdbcc7.jpg)

[ال-رايق]

هناك ثلاثة انواع غريبة من النباتات التي تاكل الحشرات :


_نبات الدرويرا له زوائد اذا حطت ذبابة عليها التصقت بها .
_اذا حطت ذبابة علي اوراق الديونيا اطبقت عليها واقتنصتها بداخلها .
_يقتنص نبات النيبتش الحشرات داخل قدور موجودة في الاطراف الاوراق .


وتجذب الحشرات مادة حلوة تتكون علي حافة القدر، ثم تنزلق الحشرة عادة داخل القدر بسبب وجود طبقة شمعية فتقع داخل القدر و تغرق في سائل عبارة عن مزيج من ماء المطر و العصارات الهاضمة الموجودة داخل القدر .

http://img64.imageshack.us/img64/6483/12271949156.jpg (http://img64.imageshack.us/img64/6483/12271949156.jpg)

http://img202.imageshack.us/img202/4904/122719495220.jpg (http://img202.imageshack.us/img202/4904/122719495220.jpg)

http://img180.imageshack.us/img180/5476/insectedionee.jpg (http://img180.imageshack.us/img180/5476/insectedionee.jpg)

http://img404.imageshack.us/img404/9030/nepenthes.jpg (http://img404.imageshack.us/img404/9030/nepenthes.jpg)

http://img171.imageshack.us/img171/6797/122719486714.jpg (http://img171.imageshack.us/img171/6797/122719486714.jpg)

http://img13.imageshack.us/img13/4545/122719487817.jpg (http://img13.imageshack.us/img13/4545/122719487817.jpg)

http://img638.imageshack.us/img638/1150/57442206.jpg (http://img638.imageshack.us/img638/1150/57442206.jpg)

http://img697.imageshack.us/img697/1193/122719488211.jpg (http://img697.imageshack.us/img697/1193/122719488211.jpg)

http://img688.imageshack.us/img688/4268/12271948757.jpg (http://img688.imageshack.us/img688/4268/12271948757.jpg)

http://img211.imageshack.us/img211/5084/12271948769.jpg (http://img211.imageshack.us/img211/5084/12271948769.jpg)

http://img521.imageshack.us/img521/3756/5b76c9df34ab1fc6dfdbcc7.jpg (http://img521.imageshack.us/img521/3756/5b76c9df34ab1fc6dfdbcc7.jpg)

صح لسانك يابوعلى ولاهنت على المجهود
والرمعه غير صحيح
طيب تقول لي وين دور الأم؟؟
اذا المود مالك مركز تمام ..اريدك عيني تطخه بكم عيار.

[ناصر العلي]

ولك هواي عيني كل هالرمعة وماترست عينك:good2:

[ال-رايق]

ولك هواي عيني كل هالرمعة وماترست عينك:good2:


خَوي ريدك عجّزر ولطيور..عافية خّوي

[فهد الهلالي]

صح السانك ارمادجي
وياصباح الخير
انثى الضب تاكل عيالها بعد التفقيس
تحياتي

[ال-رايق]

صح بدنك ياشيخنا ..جعل كل صباح لك مسرات ومن يقرأ:
للآسف ..واخر توضيح لبو علي ويعتبر الاول((طائر))
من شان ما يطول ..وانتم تحبون الحليب الطبيعي وميزته يخرب بسرعه.
مرورك فقط يشرفني فمابالك ورمعة أخرى.

[فهد الهلالي]

طيب يالغالي
طائر البلبل او النغري تنهش الانثى بجسم عيالها
للحصول على الريش لتضعهم تحتهم
باين عليها قل صح

[ال-رايق]

طيب يالغالي
طائر البلبل او النغري تنهش الانثى بجسم عيالها
للحصول على الريش لتضعهم تحتهم
باين عليها قل صح

للآسف ما هي ضد عيالها هذي ضد عيال غيرها.. ياقربك قل به .

[حمد؟؟]

نقول البطريق

[ال-رايق]

نقول البطريق

مالك لواء
طائر يحلق فوق وصغير

[حمد؟؟]

الظاهر الطائر اسم مؤنث
مثل ام سالم ولا دخله
حبارى -حمره -قوبعه

[ال-رايق]

الظاهر الطائر اسم مؤنث
مثل ام سالم ولا دخله
حبارى -حمره -قوبعه

الطائر سبق وضحته ما يعيش في بيئتنا
تحياتي

[ال-رايق]

لنا عودة بعد الصلاة ان شاء الله
اعذروني----------------تحياتي

[فهد الهلالي]

فيه طائر يقتل فراخ الطيور الصغيره ويجلس مكانهم بالرغم كبر حجمه
اكبر من الام
والام هالصتيمه تطعمه تحسب ولدها كبر
ياهو كسول بشكل ماتتصوره

[ال-رايق]

فيه طائر يقتل فراخ الطيور الصغيره ويجلس مكانهم بالرغم كبر حجمه
اكبر من الام
والام هالصتيمه تطعمه تحسب ولدها كبر
ياهو كسول بشكل ماتتصوره


نعم’’’’’’’’’’’’’’’’’أنعم الله عليك
وكففففففففففففففففففففففففففففففو ثم كفووووووووووووووووووووووووووووووووووووو
وصح لساااااااااااااااااااااااااانك مليااااااااااااااااااااااااااااااااااااااااااااااا ااااااااااااااااااااااااااااااار
مشرفنا العزيز على قلوبنا50%--------وأخونا عليق بري50% سلمكم الله ومن يقرأأ
وذبح حلال ان شاء الله وتقاسموه أنت وأخوي عليق بري والتوضيح كلآتي::::-

يوجد طائر اسمه-الوقواق-(كوكو)تقوم انثاه بوضع بيضة في كل عش من اعشاش الطيور الأخرى ومن غير فصيلتها-وتمضي وتذهب وتنهي مسئوليتها لاترضع ولا تطعم بنت...’ ..بعدها يفقس الفرخ الخبيث وتبدأ مهمته اولا وبطرقة غريبة بحمل الفروخ اللي في العش ( اهل المحل )على ظهره ورميهم خارج العش وطبعا البيض ينفقش والفرخ على خشمه من ارتفاع ومصيره معروف..ويتدلع هالخدش الدفش لأنه يصير اكبر من الجوز(الحي) اللي بالعش 3مرات والمصيبة انهم هم بأنفسهم اللي يطعمونه .
والمد الشيعي يتمثل بوضع فروخه في كذا بلد ودول معروفه وفي هذه البلدان ياكلون من خير البلد ومهمتهم تبدأ مثل هالفرخ بالخبث--أخص البعض وثبت ذلك الشيء ليس اتهام مني-- ولا يخفى على العالم اجمع كل حركة تتم على الساحة . والابيات مع اللغز امل تقبلها وابداء اي نقد فالصدر رحب بما ابديتموه والله الهادي الى سواء السبيل.
انظروا الرابط :-http://www.youtube.com/watch?v=RDettPoRuNU&feature=related

[حمد؟؟]

كفو يابو محمد
وماقصرت ارمادجي

[فهد الهلالي]

الله يعطيك العافيه يااخي ارمادجي
وصح السانك علي هذا اللغز الجزل
وانا رمعتي لم تكون بهذه الصوره حسب ردك
انا اقول فيه طير ياتي الى العش بنفسه ويزاحم الفراخ حتى يسقطها ويجلس مكانها
وليس كما انت تحدثت به من وضع الانثى بيضها بهذا الشكل وتنتهي مسؤليتها
ويمكن تكون رمعتي هي الاقرب
اشكرك على وضع معرفي بالحل والحل اعتبره لعليق بري كاملا
تقبل تحياتي والله يحفظك

[ال-رايق]

كفو يابو محمد
وماقصرت ارمادجي

حياك ربي
شكرا لمرورك

[ال-رايق]

الله يعطيك العافيه يااخي ارمادجي
وصح السانك علي هذا اللغز الجزل
وانا رمعتي لم تكون بهذه الصوره حسب ردك
انا اقول فيه طير ياتي الى العش بنفسه ويزاحم الفراخ حتى يسقطها ويجلس مكانها
وليس كما انت تحدثت به من وضع الانثى بيضها بهذا الشكل وتنتهي مسؤليتها
ويمكن تكون رمعتي هي الاقرب
اشكرك على وضع معرفي بالحل والحل اعتبره لعليق بري كاملا
تقبل تحياتي والله يحفظك

اللي تشوفه لكن كلامك هو اللي اقصده الفرخ تجيبه امه بيضة ويفقس وتبدا الاحداث وانسخ الرابط وطالع الفلم --اقصر صوت المزيكا
ولاعليك امر------

[فهد الهلالي]

اللي تشوفه لكن كلامك هو اللي اقصده الفرخ تجيبه امه بيضة ويفقس وتبدا الاحداث وانسخ الرابط وطالع الفلم --اقصر صوت المزيكا
ولاعليك امر------

يامل العافيه يا ارمادجي
بالصراحه افتخر في في حل لغز من الغازك او المشاركه ولو بنسبة بسيطه بالحل
لاتعلم مدى فرحتي بالتوصل الى الحل
واخي عليق بري هو من وضع اللبنه الاولى فهو يستاهل ان يكون الحل باسمه
كم احب ان اشيد بهذا اللغز واتطلع الى الغازك القيمه فلا تقطع بنا
نريد بمثله عجل علينا
تحياتي لك

[عليق بري]

مشكور يا بو مهند على اللغز الوافي واللي تضمن معلومة

مفيدة الحقيقة كنت اغفل عنها وكان ايرادها في ثنايا اللغز

بهذه الطريقة تعبر عن الحال والواقع واعتقد انك وفقت كثيراً

في التشبية .. ولا انسى كرم ابو محمد اللي نسب إبداعة في

الوصول لحل المطلوب اليّ الله يجزاه خير وودي انه حط الجواب

بأسمه وهذا والله من رفعته وسمو اخلاقه ..

بيض الله وجيهكم وحرمها عن النار انتما وكل من يقرأ ...

[ال-رايق]

يامل العافيه يا ارمادجي
بالصراحه افتخر في في حل لغز من الغازك او المشاركه ولو بنسبة بسيطه بالحل
لاتعلم مدى فرحتي بالتوصل الى الحل
واخي عليق بري هو من وضع اللبنه الاولى فهو يستاهل ان يكون الحل باسمه
كم احب ان اشيد بهذا اللغز واتطلع الى الغازك القيمه فلا تقطع بنا
نريد بمثله عجل علينا
تحياتي لك


الله يوفقك دنيا وآخره ومن يقرأ’’’’’’’’’’’’’’’’’’
اللي ذكرت كل هالكلام في شخصي ورفعت مني الله يرفع قدرك عند ربك ثم عند خلقه.
وماطلبتوه نبذل المجهود لتحقيقه .. لو على أرض الواقع .
سلمك الله .

[ال-رايق]

مشكور يا بو مهند على اللغز الوافي واللي تضمن معلومة

مفيدة الحقيقة كنت اغفل عنها وكان ايرادها في ثنايا اللغز

بهذه الطريقة تعبر عن الحال والواقع واعتقد انك وفقت كثيراً

في التشبية .. ولا انسى كرم ابو محمد اللي نسب إبداعة في

الوصول لحل المطلوب اليّ الله يجزاه خير وودي انه حط الجواب

بأسمه وهذا والله من رفعته وسمو اخلاقه ..

بيض الله وجيهكم وحرمها عن النار انتما وكل من يقرأ ...



الله يحييك ..وعساك حي وغني..واعتبرهالاطراء الجميل شرف لي جمل الله حالك.
وتستاهل وابومحمد قال ونقول تم.. وكفو وصح لسانك.

[أخت البنات]

ماشاء الله لاقوة الابالله
تسجيل إعجاب بابيات اللغز.. التي تنزف إبداع وإحساس بالواقع
و ارتقى العنوان .. بفارس الألغاز
صح لسانك وبدنك وبنانك اخوي .. ارمادجي
وكفوووووووووو عليق بري.. ومشرفنا القدير فهد.. ابو محمد..
ننتظر ابداعك المتجدد.. لاتعبت

[ابو ماجد 2]

لغز قيم ينم عن حنكه بالغطو
اجدت 0 اجدت 0 بكل ماتعنيه الكلمه
لغز قمه واللي رمعه قمه
مثل هاللغز وجوده مفخرة للخيمه
بارك الله فيك
ومن الآن نحتسي لالغاز ونعشق الدبل ولعلنا نقدر نمشي فيهن
فألغازك تستاهل شحذ الهمم واشغال التفكير

[ال-رايق]

ماشاء الله لاقوة الابالله
تسجيل إعجاب بابيات اللغز.. التي تنزف إبداع وإحساس بالواقع
و ارتقى العنوان .. بفارس الألغاز
صح لسانك وبدنك وبنانك اخوي .. ارمادجي
وكفوووووووووو عليق بري.. ومشرفنا القدير فهد.. ابو محمد..
ننتظر ابداعك المتجدد.. لاتعبت


لا هنتي والله أختنا/أخت البنات,, وكلامك لا أعتبره اطراء واشادة فقط..بل اعتبره تهاني عسى ربي يخلي ايامكم افراح وتهاني ومن يقرأ .. واللي ذكرتيهم اساتذة لي ويستاهلون كل خير..عسى الله يرفع قدركم ويعلي همّة كل خيّر يريد فعل الخير في كل مكان.

[ال-رايق]

لغز قيم ينم عن حنكه بالغطو
اجدت 0 اجدت 0 بكل ماتعنيه الكلمه
لغز قمه واللي رمعه قمه
مثل هاللغز وجوده مفخرة للخيمه
بارك الله فيك
ومن الآن نحتسي لالغاز ونعشق الدبل ولعلنا نقدر نمشي فيهن
فألغازك تستاهل شحذ الهمم واشغال التفكير


الله يطول عمرك .. على العز والمعزّة.. وش نجي عندك يابوماجد ((وكل معلم لا بد وتلقى بصمة من بصماته عند تلاميذه))..ويقول:
أكيد الصنع الأول مشتراه غالي**ما هو دقاق الحديد اللي تعرفونه
وتسلم وصح لسانك ,,الله لايهينك.

[torrjom]

الله يحييك ويغليك عند ربك ..وماعليك زود

ولعلمك الكريم انا طابقت بين الشيئين باجتهاد وفي الاخير عطوني رايكم.
تحياتي لك ومن يقرا



صح السانك

والسان ابو محمد

واخونا عليق

والراي يوم انك طلبت الراي

اقول الله لايضرك

لغز جميل والوصف راكب

اهنيك على خيالك الواسع

كل الووووووووووووووود

[ال-رايق]

صح السانك

والسان ابو محمد

واخونا عليق

والراي يوم انك طلبت الراي

اقول الله لايضرك

لغز جميل والوصف راكب

اهنيك على خيالك الواسع

كل الووووووووووووووود


الله يخلّي هالوجه عساه فوق مايطمن الا لباريه ولايعرض على النار وكل مسلم,,,,,,,,,,,,,
كل حرف اشادة منك يابوعبدالعزيز فخر واعتزاز.
وماعليك زود’’’’’’’’’’’’’’’’’’تسلم ولاهنت

[الد ر ع]

صح لسانك علا الغز