صوت طقطقه مع لفة الدركسون

[عشق البر]

السلام عليكم

ياخوان عندي مشكله قاهرتني اولا موتري فتك 2008 ماشي 90الف فقط والموتر نضيف ماشاء الله
المهم انا عندي صوت طقطقه (واحس بالطقطقه عند الاقدام اكرمكم الله) والصوت من خفيف الى متوسط والراكب يحس بالطقطقه بعد
هذا الصوت مايطلع الا اذا لفيت الدركسون يسار فقطططط اما اليمين مااحس بشي وكذلك الصوت يقوى مع الفرامل؟؟ وايضا ماسمعها الا بسرعة 20 وتحت
ايه الصوت مايطلع الا بعد ماكسر نص الطاره يعني اذا جيت اديور باختصار اما اللفات البسيطه مايطلع ابد واذا لفيت الدركسون وانا واقف ما الاحظ شي ؟؟؟؟

للمعلوميه: انا مركب فرارات وحاطها على وضع 4X2 وحطيتها على 4X4 بس الصوت ماراح والفرار طالع منه زيت خفيف واظاهر انه من الجهه اليسرى

الدركسون ياخوان خفيف وانا احس ان المشكله مهب منه
الاشياء اللي سويتها:
كبس للأذرعه وكانت سليمه من الكسور والخ يوم فكها بس انها مرتخيه
وقالي مكانيكي انها جلب عمود التوازن ولكن غيرتها ولا نفع ابد وولا خف حتى :( (الجلد يوم فكها كانت حالتها جيده :mad:) وخسرت 340 ريال على لا شيء

مريت كم ميزان وكلهم يقولون ماشاء الله صديق هذا سياره وكاله مافيه شي كل جلد جديد

المهم نبي فزعتكم وتجاربكم وخبراتكم الله لا يهينكم انا اخاف يزود الصوت وانا ودي الحق قبل لا يصير خراب اكبر والمكانيكي يوم غيرت الجلد والصوت باقي قالي حاول انك ماتكسر الطاره كثير

وشكرا لكم مقدما واسف على الاطاله

[عشق البر]

ياليت ماتبخلون علينا

[قناص بني عبس]

احتمــآل انــه يكوون صوت المساعــديات او يكــون معــك واحد من العكــوس خربـآن


بس سؤال لما تمشي بالبر بدون تكسر الدركســـون يطلع معـآك هالصوت او لا .؟

واذا مشيت بالبر وكان هناك طرق وعره ومشيت سرعه 20 يطلع معاك هالصوت او لا .؟

انتظر ردك

[عشق البر]

اخوي قناص بني عبس اشكرك على الرد

وشي المساعديات؟؟ قصدك المساعدات!

بالنسبه لصوت الطقطقه لا مايطلع بالطرق الوعره وانا من يوم طلع الصوت منشغل وماطلعت عليه واجد

لو فيه شي اسويه عشان اتأكد من كلامك ياليت تفيدني؟
واذا تظن انه مايضره لو امشي عليه لأني ناوي بعد شهر اسافر عليه لدبي؟

[بشير حسن]

اتوقع الصوت انه من المقصات انصحك تشيك عليها

[عشق البر]

اتوقع الصوت انه من المقصات انصحك تشيك عليها

الجلد الاماميه كلها سليمه
الرمانات مافيها فضاوه

شكرا لك...

[RAIN MAN 13]

هذا الصوت عندي بالكامري
الصوت يطلع مره وحده اذا كسرت الطارة يسار بس

ولا عرفت له حل .. كل واحد يقول لي سبب .. مافيه علم اكيد

[عشق البر]

هذا الصوت عندي بالكامري
الصوت يطلع مره وحده اذا كسرت الطارة يسار بس

ولا عرفت له حل .. كل واحد يقول لي سبب .. مافيه علم اكيد

انا يطلع اكثر من مره واحيانا مايطلع؟؟

[شمال حايل]

كان معي بترول قديم طلع به (طقه قويه جداً)عند لفة الدركسون مع تعشيق الدبل
ظهرة المشكله من جنزير الدبل غيرته وانتهة

[patrol-fa]

السلام عليكم ..

اخوي الركبة هل فيها زيت كافي ؟ لا يكون الزيت طالع وتأأأأكد منها

قد انسلخ عليك كفر بنفس المكان ؟

[عشق البر]

السلام عليكم ..

اخوي الركبة هل فيها زيت كافي ؟ لا يكون الزيت طالع وتأأأأكد منها

قد انسلخ عليك كفر بنفس المكان ؟

لا ماقد انسلخ كفر علي
الركبه يصير فيها شحم ولا زيت؟؟ وشلون اعرف لأني خابر ركبة الفتك ماتشحم لازم افكها

[عشق البر]

كان معي بترول قديم طلع به (طقه قويه جداً)عند لفة الدركسون مع تعشيق الدبل
ظهرة المشكله من جنزير الدبل غيرته وانتهة

اخوي تطلع معي حتى بدون دبل + انا مركب فرارات وفاصل الدفرنس الامامي

[قرم العيال]

اسمع يالغالي اعد تركيب الفرار اليسار عند واحد فاهم ..

والله ييسر امورك لانه فيه زي الورده مع الوقت تنحل وتسبب الصوت

[ابوالوليدخالد]

المشكلة عندك زي ما قالوا الاخوان من الفرارت ممكن التركيب غلط اوالايسر مكسور او فيه مشكلة

[عشق البر]

جزاكم الله خير ياخوان شكلي بفكه واشحمه بنفسي واشوف لأن كني اشوف طالع منه زيت شوي
بس انا صار لي مركبه سنتين ومالاحظت شي عليها

[patrol-fa]

الركبه يصير فيها شحم ولا زيت؟؟ وشلون اعرف لأني خابر ركبة الفتك ماتشحم لازم افكها

ايه شحمه لأنه لو فيه شحم لا طق باللفله ..

[Haz_1]

أنا معي جي اكس ار 2006 وعندي مثل الطقطقه اللي تقول .. وماركبت فرارات ولا هم يحزنون ..

انا عندي الطقطقه من عمود الدركسون .. من داخل الدوده .. وسألت عنه بكم ورشه قالوا هو ماراح يضر .. ولو بتصلحه معناه لازم تفك الدوده وتغير بها كم شي

[عبد الله 99]

انا عندي نفس المشكله و يسار بس و الاحظ انا تجي بقوه اذا ضغطة الفرامل فجأه
و تاركها لانها ما جت الا في الشتاء ولا الصيف ما قد سمعتها و اسافر على الموتر اسبوعياً تقريبا لسدير و القصيم على سرعه و الحمد لله ما شفت الا الخير

[najd star]

السلام عليكم أخوي
1- أنت تمشي مع بطناج بسرعه.
2- لف يسار وأمش سرعة 5 كم إذا ما طلع الصوت فأكيد إن الخربان عندك العكس :( لان العكس يطلع صوت إذا لفيت الدركسون وأن تمشي.

أخواني قد أكون أصبت وقد أكون أخطأت فأنا لست ميكانيكياً ولاكن خرب عندي العكس من قبل على سيارتي اكسنت لأني كنت أطلع بها للبر.

وتقبلوا مروري

[فهد4800]

مساكم الله بالخير جميعا
اخوي اتمنى يكون موترك رجع زي قبل وعرفت من وين السبب

انا كان يطلع معي الصوت وبنفس الوضع الي تكلمت عنه والصوت يشبه تروس تطحن الزبده ان الصوت ينرفز
طبعا الصوت من الفرار ويطلع اذا كنت مركب فرار بعدين فكيته ورجعت ركبته والي ركبه
ركبه تركيب مشي حالك
نصيحتي لك فك الفرار وبتشوف ان شاء الله الصوت راح
واذا راح شطب على موضوع الفرارت وهذا رأيي الشخصي بحكم تجربه

[عشق البر]

مساكم الله بالخير جميعا
اخوي اتمنى يكون موترك رجع زي قبل وعرفت من وين السبب

انا كان يطلع معي الصوت وبنفس الوضع الي تكلمت عنه والصوت يشبه تروس تطحن الزبده ان الصوت ينرفز
طبعا الصوت من الفرار ويطلع اذا كنت مركب فرار بعدين فكيته ورجعت ركبته والي ركبه
ركبه تركيب مشي حالك
نصيحتي لك فك الفرار وبتشوف ان شاء الله الصوت راح
واذا راح شطب على موضوع الفرارت وهذا رأيي الشخصي بحكم تجربه

هلا بك اخوي فهد
والله الموتر مره يرجع طبيعي ومره يطلع الصوت بس من يوم غيرت جلد عمود التوازن خف الصوت
ولكن فيه ناس تقولي انه عادي بالشتاء تطلع اصوات ولذلك قررت اني مااوسوس واخسر فلوسي
بالنسبه للفرار فكيته انا بنفسي وشحمته وشيكت عليه وطبيعي مافيه كسور ولا شي
وانا مركبه لي سنتين وماشكيت منه

شكرا على مرورك

[هويدي]

نفس الطقطقه تطلع عندي بسبب فرار السليماني التالي الفاشل

فكه وركب شد البلد وبيختفي الصوت

مع العلم كان عندي باترول 2001 ومركب فيه فرارات السليماني القديمه ( فضي مطفي )
ماتطقطق مثل الجديد اللي صواميله تفك بمفك حرف L ودايم ترتخي

[عشق البر]

نفس الطقطقه تطلع عندي بسبب فرار السليماني التالي الفاشل

فكه وركب شد البلد وبيختفي الصوت

مع العلم كان عندي باترول 2001 ومركب فيه فرارات السليماني القديمه ( فضي مطفي )
ماتطقطق مثل الجديد اللي صواميله تفك بمفك حرف L ودايم ترتخي

طيب هالطقطقه تضر؟؟
وانا الصدق ماقدر استغني عن الفرارات فرق الموتر بالخطوط والصرفيه وش فيه نوع غيره زين اركبه
للعلم انا مركبه لي سنتين وماطلع الصوت الا من قريب

تحياتي لك

[المنطلدز]

انا معي فتك 2006
اذا لفيت يمين يظهر صوت تحت رجلي السواق تقل طقطقه خفيفه اذا لفيت مهدي
ويرووح
ولا اهتميت للصوت

[فتك حائل]

انا نفس المشكلة

وبعض الاحيان احس ان الكفر يرجع ورا مع اللفه وغيرت كل شي وركبت تحضيره ولا فاد

هل كراسي المكينة لها دور بالطقه

[ابو محمد64]

انا سواء اليوتيرن او وهي واقفه الف يمين او يسار للأخير تطق وقلي المهندس من الركبه غيرها حجمها قد كف اليد او مسمار الركبه المهم شكله كانه جلده بيضاويه الشكل وفيها مسمار

[نواف685]

انا معي هالصوت وخاصتن اذا لفيت يمين ودعست بانزين يطلع صوت احتكاك ثم طقطقه احسه تحت رجولي
غيرت كراسي مكينه ولا راح الصوت وغيرت جلد كراسي البدي برضوا الصوت موجود
طبعا الصوت مع الدبل وبدونه والعكوس سليمات على كلام المكانيكي
وش الحل يالربع
موتري باترول فتك

[قناص502]

الطقطقه هذه ماجت الا من لما تشغل الدبل تكسر الدركسون بقوة وهذا اللي سببها يالغالي
تأكد من الدفرنس الامامي افحصه