أبي خبرتكم في أفضل سكين لذبح والسلاخة :)

[أبوشهد الخثعمي]

السلام عليكم ورحمة الله وبركاته

الحقيقة رحت لسنيدي في الرياض ومحلات كشاته كثير بس مالقيت سكين تجمل


وانا سمعت ان السكين الالمانية ابو غزالين افضل شي بس ابي اعرف وين احصلها تكفون دلوني عليها

شاريها شاريها لو تكلف الوف

وشكرا

[النوبل]

ان شاء الله تحصل مطلوبك

مر على الرابط بالتوقيع

[الوافي 22]

مالي علم بئلمور

[قناص خلاوي]

اي سكين المانية يابانية سويسرية تعتبر زينة
بشرط يكون عندك مسن صاحي وتعرف تسن السكين صح
اذا ضبطت طريقة السن لو سكينك ام 10ريال تبي تسوي الهوايل
موفق خير

[جاذبية]

مستر خثعمي
السكين الطيبة للذبح والصلخ كثيرة أفضلها السويسرية (ام طير) .
تجدها عند محلات الاواني المنزلية في كل مكان .
تأكد من السكينة الاصلية !

[الشمال للخيام]

صدقني خذها من مجرب

هناك سكاكين بريالين ونصف صينية مثل الموس أستخدمها في الذبح والصلخ وكل حاجة وأستعملتها سنتين كل يوم عيد للذبح


ولون ممسكها برتقالي ..

هذا لواحد يبي يمشي حاله لين يحصل مبتغاه

والسلام عليكم

[الطريبي]

المحل الممتاز لعدة الذبح والسلخ هو محلات شكري اللي في شارع الوشم قبل مطعم عمو حمزه

وإن شاء الله تشوف اللي يرضيك واقدر اقول على مسؤوليتي

بالتوفيق وعطنا خبر بعد التجربة

[عاشق السيل]

وينك يا عصا الترحال ؟؟

هذي لعبتك هههههههههه

[أبوشهد الخثعمي]

جزاكم الله خير على التفاعل يالطيبين وابا اروح لشارع الوشم واجرب لاهنتوا ويعطيكم العافية

[ابو سمر]

السكين السويسرية أم طير (الفيكترونيكس) رائعة وممتازة، سعر مقاس 16 ب 95 ريال تقريباً..

وموغف خير إن شاء المولى.

[Hamdi_an]

شفت عند بنده سكين وارد الزهراني أعتبرها مثالية للسلخ وأفضل سكين مناسبة للسلخ من حيث الشكل.

[أبورنا]

أنا أذكر أن فيه محل بطريق إنكاس بالرياض يجيك على اليسار وأنت وجهك شمال وهو متخصص بالسكاكين أشكال وأنواع

[أبوشهد الخثعمي]

السكين السويسرية أم طير (الفيكترونيكس) رائعة وممتازة، سعر مقاس 16 ب 95 ريال تقريباً..

وموغف خير إن شاء المولى.



مشكور يالغالي وابا اشوف ام طير ذي حمستني

[أبوشهد الخثعمي]

شفت عند بنده سكين وارد الزهراني أعتبرها مثالية للسلخ وأفضل سكين مناسبة للسلخ من حيث الشكل.


لاهنت يالذيب ابا روح لزهراني عاد هو قريب مني واشوف مشكور

[أبوشهد الخثعمي]

أنا أذكر أن فيه محل بطريق إنكاس بالرياض يجيك على اليسار وأنت وجهك شمال وهو متخصص بالسكاكين أشكال وأنواع


ابو رنا وينه فيه شارع انكاس بضبط

[ابوفارس التاج]

اشترسكين ام طيرسويسريه تلقاهافي عتيقه وفي كل محل موجوده بس تاكدانهااصليه فيه منهاعده مقاسات وفيه نوع برازيلي يده بيضاسعره معقول وحادمررررره وبالتوفيق لك

[أبوشهد الخثعمي]

مشكور يابو فارس لاهنت حبيبي

[Al_zenad]

مساء الخيرات أخوي


عندك 3 أنواع مجربهن كلهم الفلوس فيهم حلال
ام طير السويسرية
الفريح الالمانية
اوبنل الفرنسية
سكاكين لك و للزمن ... و الله يكتب لك اللي فيه الخير

[شقران نجد]

ام طير ممتازه ومن واقع تجربه لك وللزمن ,,,,,,

وفقك الله

[Abo gssar]

الالمانية ام شوكة وارد كاشغري
والسويدية وارد خوجة

[الكامن]

السكين السويسرية أم طير (الفيكترونيكس) رائعة وممتازة، سعر مقاس 16 ب 95 ريال تقريباً..

وموغف خير إن شاء المولى.


دفعني الفضول في المسلخ في مره من المرات بخصوص سكاكين العمل ماشاء الله تبارك الله
مايمديه يومي على اللحمة الا هي نصفين وتقص العظم وتهلع الضلوع ...رحت خذيتها من
يده بشوف وش هي لقيتها مثل ماقال ابوسمر وهذا الكلام قبل عشر سنين او اكثر
اعتقد أنها الافضل فعلا

[الصمان 2]

http://www.mekshat.com/pix/upload05/images233/mk47223_s%20(7).jpg



شاهد هذا الرابط :


أفضل ( سكين ) تعجبك في الذبح و الصلخ ... تقرير مصور (http://www.mekshat.com/vb/showthread.php?t=455014)




.

[أبوشهد الخثعمي]

لاهنتوا وبيض الله وجيهكم جميع كفيتوا و وفيتوا

[خالدالمالكي]

انا انصحك بالسكين ام شوكه تحصلها بمكه ممتازه بس لازم تكون الاصليه

فيه سكين اسمها راجس بس مع الاسف لم تعد موجوده بالاسواق وممكن بمكه تجدها

[eso-2020]

اخي الكريم افضل سكاكين هي ام شوكه بس الاصليه سعرها تقريبا 150 ريال
وتستخدم عندنا في مكه غالبا في ذبح وسلخ الجمال لشدة حدتها

[أنوربو]

السلام عليكم
مع أحترامي للجميع
أفضل سكين سكين الشيالات حقت السيارات
أهم شي تشوف واحد حداد صح
يطرق ويصغر السمك حق الشيال وبعدين يقص الحجم إلي تبقيه
السكين والصاطور الي معي من شيالات السيارات
وشكرا