كراسي مكينة سلفرادو 2008

[نزف الابداع]

السلام عليكم ورحمة الله وبركاته


أخواني عندي سلفرادو موديل 2008


أول ما أحرك أحس برجه بسيطه
وماكنت أدري من أيش
واليوم رحت لميزان العضيب عشان أسوي ميزان
وبالصدفه فحصو كراسي المكينه
قالو يبي لها تغيير واليوم أول ما أحرك تقريباً بسرعة 30
أسمع صوت طق طق طق خفيييف مرررره


وقفت السياره وسحبت الجلنط ودعست فرامل
وعشقت السياره على D ودعست بنزين
وبين صوت طقطقه اللي يطلع وأنا أمشي
بسرعة 30


المهم وين الورشه اللي تأكد لي سبب الطقطقه ؟!!


وكم يكلف عادةً شغل اليد
وكم تقريباً سعر كراسي المكينة ؟؟؟

بالرغم من أن سيارتي سلفرادو موديل 2008 دبل



وأكون شاكر لكم وربي يجزاكم الجنة

[Jeep 2005]

وقفت السياره وسحبت الجلنط ودعست فرامل
وعشقت السياره على D ودعست بنزين
وبين صوت طقطقه اللي يطلع وأنا أمشي
بسرعة 30
هذي الطريقة لمعرفة ان الكرسي سليم او لا
وفيه طريقة بأنك تشد على السيارة (تسرع) عليها يعني تمشي 20 وتدوس كل الدعسه واذا عشق النمره تسمع صوت طقة


المهم وين الورشه اللي تأكد لي سبب الطقطقه ؟!!
جرب الطريقة الي قلت لك عليها .. وبتتأكد بإذن الله




وكم يكلف عادةً شغل اليد
وكم تقريباً سعر كراسي المكينة ؟؟؟
على حسب اي كرسي بس مايتعدى 100 ريال .. والشغله سهله


بالرغم من أن سيارتي سلفرادو موديل 2008 دبل





وأكون شاكر لكم وربي يجزاكم الجنة


والله يستر عليك

[نزف الابداع]

ورشة العضيب طلب مني شغل يد 700 ريال يقول لأن الدبل لازم ينزل من مكانه
وقطع الغيار تقريباً 800 معقول كلامه هذا يعني ألف وخمس ؟؟!!

[نزف الابداع]

للرفع فوووق

[WWS]

طريقه فحص آلكرآسي

هزه بآلمؤتر ( نفضه ) لمـآ يكؤن D
ؤ ترؤح لمـآ يكؤن N ؤ R
ؤ طقه مع آلتشغيل
هذه آعرآض كرآسي آلمكينه

هزه ( نفضه ) لمـآ يكؤن R
هذه كرسي آلقير
ؤ شغل آليد آن طق بؤزه 250 ريـآل
ؤ آلكرآسي شؤي غؤيليه
رؤح للمحلآت آلصنآعيه آلقديمه بشآرع آلجمعيه مثل بـآصقر ؤ آلصآفي ؤ آلمغلؤث تلقى
عندهم كرآسي آميريكيه ؤ عندك برضؤه بآبطين بشآرع بلقيس بتحصل آللي تبي
لآن عندهم تحصل كذآ خيـآر من آلقطع
إن شاء الله

ؤلآ تعتمد ع كلآم ؤرشه ؤحده ؤ تقرر تصلح عنده
رؤح مر ؤرش ؤ شؤف ؤيش هؤ كلآمهم

ؤ الله يعطيك خير مؤترك ؤ يكفيك شره

[saad_z71]

ورشة العضيب طلب مني شغل يد 700 ريال يقول لأن الدبل لازم ينزل من مكانه
وقطع الغيار تقريباً 800 معقول كلامه هذا يعني ألف وخمس ؟؟!!

اخوي .. انا حصلت معاي نفس المشكله
تبي تتأكد وقف السياره واسحب الجلنط واضغط فرامل وبنزين سوا اذا مالت المكينه بشكل قوي اعرف انها كراسي ..
شغل اليد يكلف زي ماقلت 700 وحولها لانه لازم ينزل الدبل وينزل الكمر وتطول ..
والله يعطيك خيره ويكافيك شره

[نزف الابداع]

غيرت كراسي المكينة سعرهم 800
غيرت كراسي الدفرنس اللي أمام لأنهم تعبانات قيمتهم 1100
وشغل اليد 500 ريال لأنهم فعلاً شغلاتهم عويصه

ومازالت الطقطقه موجوده إذا وصل الأبنص أقل من الواحد بشوي والقير معشق على الدي

[بدوي جنوبي]

اخى الكريم
أفضل حل ترفع السياره على رافعه في ورشة
ويكون واحد في السيارة وانت والفني تحت السياره
وجربوا السيارة وهى مرفوعه وراح يبين مصدر الصوت بشكل أفضل
لا تخسر كثير .

بالتوفيق

[نزف الابداع]

يا بدوي جنوبي

رفعت السياره وبعضهم يقول يمكن ذراع بستم
والسياره إذا كانت مو معشقه ما فيها أي صووووت

بصراحه شي محيييير

[نزف الابداع]

إذا كان أحد منكم يعرف ميكانيكي محترف
مرررررررره يدلني عليه لا هنتم

الفزعه تكفووون

[بدوي جنوبي]

يا بدوي جنوبي

رفعت السياره وبعضهم يقول يمكن ذراع بستم
والسياره إذا كانت مو معشقه ما فيها أي صووووت

بصراحه شي محيييير


طيب أذا تعديت سرعة 30 يختفى الصوت او يزيد ؟

بعض المحركات ما يبين فيها الصوت أذا فيه خلل داخل أجزاء المحرك
لان المحرك يكون في وضع التشغيل الخامل وقت الوقوف .

لا تستعجل في الحكم ان المشكله من ذراع البستم حاليا

[نزف الابداع]

إذا تعديت الثلاثين يختفي
إذا صرت واقف ومعشق D ودعست بنزين ووصل ضغط المكينه لحد (1)
يكون فيه صوت الطقطقه
وفكينا سير المكينه وما زال الصوت موجود

أكون شاكر لك