السداده

[ابورقه]

مسا الورد من قد جرب كلب السداده وهل يكون اقل الكلاب عطاا انا سمعتهااا كثير وانا احد مجرب كلب السداده وانتم بكرامه ولله الحمد قنصتبها الرمله وميه ميه وشكراا

[ابن برقاء]

ماعليك من كلام الناس السداده زي الجراء الثانيه يجي الطيب والوسط والخايب انا السلقه عندي ابوها ممتاز والسلوقي الي يلقحها ممتاز جاء عندي السده ممتاز والجراء حض فيه كلى جت عندي عاديات واخر الجراء جت ممتازات مره فرق شاسع ومحد في الخليج انتج مثلي في عدد الجراء ماعليك منهم والي يقول راسه كبير ماهو شرط بعضهم نفس اخوانه بالزبط بس ابعد النسل عن بعض

[هاوي بندق]

اخوي السلوقي على الفعل وتدريبك له

انا جربت على قولتهم لسداده والقلب ماتفرق الى ان ذي وهي تطرد تطلع صوت وذي ساكته
ولا تنزل راسه لم الصيده ولا رافعه راسه وهي تطرد لفرق بكذا

[ابورقه]

شكرا على مروركم القيم والقصد من انزال هذا الموضوع لتعم الفايده ويليت اي وحد يعطينا تجربه له وشكراا

[سهم الزود]

السلام عليكم ..
ممكن صور لسداده ذي لني اول مره اسمع عنها او احد منكم يشرح لي شرح مفصل اخواني

[ابورقه]

اخوي سهم يطلق على حسب المعلومات الي عندي ان السداده اهو اول جرو تلده السلقه اعزك الله ويجي فارق عن اخوانه يكون راسه كبير بلغالب والناس ميحبونه على قولتهم شكله مش ولابد وشكرا

[سهم الزود]

اها يسلمو اخوي ابو رقه احنا نسمي الاول( دو) اناجربتهم سلقه وسلق عديها طيب بس فيها عيبين الفات ورى الارنب يطولون في اللفات والشوف لك عليه وشكرن ع المعلومه طال عمرك

[أبونايف--]

طيب وش المرغوب عند أهل السلق

[هاوي بندق]

طيب وش المرغوب عند أهل السلق
القلب والكلو المفضله داىم والضاهر مافي اختلاف

[هااوي سلق]

اخوي انا من وجهة نظري ان اللي له خبره في السلق ما يحتاج انه يعرف السداده والقلب وو .

من نظرته للجراء يعرف الطيب منها ويطلع لك نسل السلقه او الذيخ على حسب الجرو الي تبي نسله ..

وشكرا..

[م.م.مذهب]

يعطيكم العافيه الجميع انا سالة شايب وفتن علي هههههههههه يقول ابواننا وجدانا وحنا مانسميها إلا القايده وش ذالاسماء اللي انتم طالعين لنا فيها وبالفعل الرجال عطانا جرو وقنصت فيه الرمله الله لايظره يعني الرجال راعي سلعه وفتكم بعافيه

[قناص شرمه]

بنسبه لسداده ترا ما يتعب بسرعه ذي الميزه معروفه فيه لاكنه بطيييي في التدريب يغثك

[نداوي الشمال]

اها يسلمو اخوي ابو رقه احنا نسمي الاول( دو) اناجربتهم سلقه وسلق عديها طيب بس فيها عيبين الفات ورى الارنب يطولون في اللفات والشوف لك عليه وشكرن ع المعلومه طال عمرك


ماشاءالله عليك

جبت المعلومه الصحيحة

السدادة يطور = الروغة طويلة

الشوف عند السدلدة سواء سلوقي او سلقة يكون وسط

[ابو ثآمر]

اختصاار الكلآم السلوقي فعل ماهو بشكل