سوال دايم يدور في ذهني وكلنا نحتاج لاجابه وافيه .. خاص لهل البر و المكاشيت

[التميمي محمد]

السلام عليكم ورحمة الله و بركاته

صبحكم الله بلخير اخواني المكشاتيه

كيف حالكم انشاء الله بخير و طيبين وعلومكم زينه

الله يجعلها على الطيب و العز و المعزه دايم الدوم يا ربي يا كريم

السوال يا اخواني ومالكم بطويله

كلنا نكشت و اغلبنا يبعد في البر والبعض منا تكون كشتته ايام الاجازه الاسبوعيه الي هي الاربعاء و الخميس و الجمعه واغلبنا تكون رجعته لديره بعد مغرب الجمعه وانا واحد منهم

ودايم و الاغلبيه مننا مواترهم صوالين يا سفاري يا لاندكروزر يا باثفندر يا بليزر المهم ان الاغلبيه مننا مواترهم صوالين

فا اهل الصوالين دايم توانكي الماء الي معهم تتراوح ما بين 150 لتر الى 80 لتر من الماء و هاذا الماء انت مامل انه انشاء الله بيكفيك في الكشته بس انك ما تضمن هل يكفي و ترجع لديره وباقي معك ماء او انه يخلص في البر وتعتمد على ربعك الي معك الي مواترهم برضو فيها توانك ماء

يعني لو فرضنا انك طلعت على موترين وكل موتر فيه90 لتر بيطلع معك الناتج 180 لتر من الماء وفيها طبخ و غسيل و شاهي و قهوه وجميع احتياجاتك من الماء راح تكون مركزه على هاذي ال180 لتر من الماء

في ذا الحاله ((هل نتوضاء وحنا ما نضمن اننا نرجع لديره بزود ماء ولا نتيمم))



وبرضو السوال الثاني اذا كان الجو بارد يعني درجة الحراره من 10 درجات او اقل و انا اخاف اذا توضيت يلفحني براد و اتعب


في ذا الحاله ((هل اتوضاء وانا اخشى من المرض او اتيمم))

((مع العلم ان النار موجوده))



اتمنى من اخواني الي عندهم علم و العلم عند الله او الاخوان الي قد سالو عن هاذا الموضوع يجيبونا


و برضو اتمنى من كل مكشاتي التفاعل و ابداء رايه وما يرتاح له قلبه

يعني (( نبي رايك في الموضوع وما اللذي تفعله انت اخي المكشاتي))

[برايدوي عنيد]

بالنسبه لي اغلب الطلعات يكون موترين
موتري به تانكي 110 لتر تقريبا ويكون الماء صحه للقهوه والشاهي وسياره خويي تقريبا 90 لتر للتغسيل وهالامور

بالنسبه للحكم الشرعي لااعلم

لكن مادام هناك ماء ليش تتيمم .
اما بالنسبه للبرد عادي توضا وتدفاء ولاجايك الا العافيه ان شاء الله

بالنسبه اذا كنا اكثر من موترين فانخلي موتر واحد تانكيه مايلمس الا آخر شي علشان تحسب مامعك من ماء مضبوط.

هذا مالدي وتقبل مروري....

[فا رس]

^^^^^^^^^^^^^^

"[SIZE="6"]]بالنسبه للحكم الشرعي لااعلم[/SIZ[/COLOR]E]

بريداوى عنيد
كم اعجبتنى هذه الكلمه منك لالالا اعلم
وانا مثلك لالالااعلم لكن مع الاسف نجد
بعض الناس عندما تطرح امور شرعيه
يتكلم بها بلا علم

الشكر موصول لصاحب الموضوع

[ابولولو]

اخوي محمد الله يمسيك بالخير ودوام الصحه والعافيه
الماء لو معك 50 لتر يبي يكفيك بس اهم شي طريقه الاستعمال والتوفير
فيه توفير ممتاز ونافع بأذن الله وخاصه اذا صارت عند رمل انك تغسل الصحون والقدور باالرمل وهي مجربه ممتازه وبعد الرمل ماء خفيف وشف النتيجه
وبعض الناس يجيب صابون سائل ويكثر وتعرف الصابون يبي ماء واجد التايد يوفر ماء اكثر من السائل
والتانكي لازم يحط له محبس من جوه للتقصير لان بعض الشباب مسرف جدآ ولا يقدر نعمه الماء
اذا حضر الماء بطل التيمم
انت تقول النار:f والغاز موجود سخن الماء والحمدلله
والدين الحمدلله دين وسط
لايكلف الله نفسآ الا وسعها
ولاتلقوا بأنفسكم إلى التهلكه

[بربنجي]

العلم عند العلماء ادخل على موقع هيئة الافتاء ويفيدوك
وغير كذا اخوي الحمد الخير واجد وهذا فرض واجب
خذ معك كم جالون ماء للوضوء بكم ريال والحمد لله متوفره بكل مكان
يعني تاخذ معك كل الاغراض ما تخذ معك ماء للوضوء
عارف بتقول نبي نوفر او نقتصد او ما فيه مكان
لا اذا حاولتوا بتلقون مكان بالسيارة يعني اتوقع اذا اقتصدوا بالماء انت يكفيك الجركن الابيض ابو خمس ريال يكفيك يومين بالراحه ولاتنسى ان المسلم يقدر باذن الله يقعد يصلي اكثر من فرض بوضوء واحد
واذا الجو بارد حمي المويه على النار
وصراحه الرحلة الي بتخليني ما اتوضى للصلاه اذا خلصت الموية يا اشتري ماء جديد او ارجع للديره
خلنا واقعيين صحيح ان التيمم مباح لكن له ضروفه الي يعرفونها اهل العلم
لكن الحمد لله الماء متوفر وبكثر من فضل ربي ليش ما نتوضاء
لو حنا بغينا اي حاجه من البقاله قطعنا عشرات الكيلوات وجبنها ما نجيب لنا ماء عشان عبادتنا
اسف طولت عليكم هذا والله تعالى اعلم

[سعد القاسم]

فعلا انا كنت حاط تانكي تسعين لتر ولازم ادخل لاقرب ديره في ثالث يوم لاني استخدمه غسيل وشرب وكل شي

وبعدها بعته وفصلت واحد ثاني مفروش 180 لتر يالله لك الحمد .. وصرت انسى المويه ولا اعبي الا اذا صرت ابطول اسبوع واكثر

والحمدلله على نعمته

[مخاوي دابذريع]

يابن الحلال نطبخ ونتوضى ونغسل ولله الحمد مبروووك الماء وعندك ذرى والنار مشعوومه راح البرد والحمد لله والله انا بنعمه ............

[شمالي و الهوا غربي]

يقال بلامثال خير الاكلام ماقل وادل
وانا اشوف اخوي ابو اللؤلو افاد بالمتبع في طلعات البر ’بدون قصور بالبقيه


اخوي محمد الله يمسيك بالخير ودوام الصحه والعافيه
الماء لو معك 50 لتر يبي يكفيك بس اهم شي طريقه الاستعمال والتوفير
فيه توفير ممتاز ونافع بأذن الله وخاصه اذا صارت عند رمل انك تغسل الصحون والقدور باالرمل وهي مجربه ممتازه وبعد الرمل ماء خفيف وشف النتيجه
وبعض الناس يجيب صابون سائل ويكثر وتعرف الصابون يبي ماء واجد التايد يوفر ماء اكثر من السائل
والتانكي لازم يحط له محبس من جوه للتقصير لان بعض الشباب مسرف جدآ ولا يقدر نعمه الماء
اذا حضر الماء بطل التيمم
انت تقول النار:f والغاز موجود سخن الماء والحمدلله
والدين الحمدلله دين وسط
لايكلف الله نفسآ الا وسعها
ولاتلقوا بأنفسكم إلى التهلكه

[غابات الخليج]

التوفير مايجي الا ببديل ومثلك عارف :D
عندك مثلا
استعمل صحون القصدير وملاعق البلاستك
بدال لاتضيع الموية على المواعين قبل لا تخلص الكشتة :D
أو استعمل ورق القصدير للصحون
قبل لاتحطون الاكل عليها وبتبقى المواعين تلق لق :D
الوضوء حدد له بطل صغير أووسط علشان تبقى الكمية معروفة وثابتة :good2:
المواعين تنظيفه بالموية الدافية أوفر لانها تاخذ الدهون والسكر بثواني
المناديل المبلله تنفع على السفرة قبل وبعد الاكل
القفازات الطبية تاخذلك كرتون لاستعمالات الحمام وانت بكرامه استعمال مرة وخلاص
والأحسن تخلي موية المواعين و الطبخ بروح مثل بطولة الصحة
وموية الحمام والوضوء بروح
هذا أحسن وأريح للقلب وسلامتك

[تميم2222]

شف ياولد العم .... هذي لنا الحين 3 سنوات نعاني منها ...نصهم يغسل ونصهم ..يدق العفور ...وبصراحه انا اعد الماء في البر مثل الذهب ..ويعلم الله لو الناس عرفت قيمه هالماء كان غسلت الصحون برمل ... المفيد في الحكي لا صرت بالديره اغسل ..اما البر فدق العفور وربك غفور الا اذا صار الما راهي مرررره ( وايت ) فالله يعينك توضا وهو اجر وثواب لك ^_^ ..((ان الله يحب ان توتئ رخصه )) ..وسلااامتك