إير جاك (( الجيك اللي على شكمان السيارة )) ماذا تعرف عنه؟؟

[المري]

السلام عليكم

اخواني الاعزاء

اشوف في الأونه الاخيره انتشرت ماتسمى إير جاك وهي مثل الكورة تضعها تحت السيارة في حالة اذا تعلقت السيارة

او بنشرت السيارة وهو ان تضعها تحت السيارة ولها هوز تركبها في الشكمان والسيارة شغاله في لمحة البصر

ترفع السيارة وتتعبى من دخان الشكمان وانا شربتها .. وتجي احجام 2 طن و3 طن و4 طن

ويش رأيكم فيها ؟؟ علما انها يجي نوعين صينى واسترالي..

اليكم الصور:

http://www.patmax.com.tw/Product-20024319611-l.jpg


http://www.4wd.ru/images/dictionary/airjack.jpg


http://www.4wdhire.com.au/industry/images/equipment/preview_air_jack.jpg


http://www.4x4winches.com/images/airbagjack.jpg

http://www.mr-recovery.co.za/images/products/MR-Airjack-Pro2.gif

http://www.mr-recovery.co.za/images/products/MR-Airjack-Pro2.gif

http://www.mr-recovery.co.za/images/gallery/botswana_2005/f1020004.jpg


وسلامتكم

اخوكم / المري

[ابوعزيزm]

صراحة أنه زين بس المشكلة أني أشتريت صيني من السنيدي


أول ما طلعتة من الكرتون خطيتة تحت السيارة أبجربة صار المكان من عند الشكمان ولا دريت

ما تحمل الحرارة وأنشق . . .

= زين بس مشكلة حرارة السيارة تأثر عليه = والسيارة كلها حرارة


هذا اللي عندي

[s3ed]

الصيني زين بس احم شي تاخذ معاك قطعة سجاد قديمه اتحطها بين الموتر والبالون او اتخلي فرش السيارة يكون عازل وكلة ماش الصيني ولا الاسترالي الاسترالي ثقيل وحجمة كبير

[sobeeh2005]

زين بس خل معه متر في متر عازل حرارى زي الى يحطونه في المظلات اهل الحداده حتى لا ينفجر ..لأن من الواضح ان تصميمه للمناطق البارده ..

[قناص الحبارى]

ينفع في الغرازه أذا تعلقت السياره وصارت الكفرات الأربع تدور بوووووووش


بس مثل ما قالوا الأخوان يجب أن تكون معاك قطعه قماش أو قطعة موكيت قديمه علشان تكون عازل الحراره وبعض الحواف الحاده الت يمكن أن تحدث ثقب فيه أو تشقه مع النفخ ..



أخوي المري ..

شكرا لك على الطرح ..


ابو عبد العزيز

قناص الحبارى

[مفتون القميري]

انا جربت نفس الي بالصورة الثانية "ماينفع ابد ومكتوب عليه يرفع 2 طن وعيا يرفع الجيب مع العلم اني جربت ارفعه مع كذا محل ولانفع

تراه عندي الى الحين والي يبي يشتري يراسلني خاص

[آل مهنا]

لتعم الفائده ونتبادل الخبرات العمليه ... صار لي موقف ما احسد عليه قبل فتره (وقعت بعيد عنكم في رباضه وتعلق الجيب من تحت) والله الي معي مكتوب عليها 3 طن لكن رغم ان وزن سيارتي كامله اقل من 2 طن والله ماقدرت ارفع بها كفر واحد ... لكن لاحقاق الحق حتى العفريته عيت ترفع السياره (كانت تغوص بالرمل رغم اني وضعت حجره كبيره تحتها وبالنهايه اضطريت اني احفر عشان احرر العفريته)...
الخلاصه بالنسبه لي انها ماهي عمليه لانها لما تنفخ والثقل فوقها كأنها تتمدد بدل الانتفاخ الي فوق (يمكن ماعرفت احطها صح تحت السياره ... طبعا اعياني التعب بعد اكثر من 6 ساعات حفر ومحاولات بشتى الطرق).

[المري]

شكرا جزيلا للجميع على هذه المعلومات الطيبه

ولكن خلاص وقع الفاس في الراس وشريناها قبل ننزل هذا الموضوع ..

شكرا للجميع

اخوكم / المري

[ابـ معزي ـو]

والله اختراع حلو

يعطيك العافيه

[إلياس المطلق]

للــــــرفـــــــــــــــــــــــــــــــع ,,,

[الساهر2003]

اخوي انا استخدمها من اكثر من 10 سنين والصناعة سعودية والغريب انها ممتازة وافضل من الاسترالية والصينية ومكتوب عليها الاوزان حقيقية لكن حجمها كبير اذا صفطتها لان خامة البالون مثل الراوية ومدبول وهي ممتازة فكة ازمات عجيبة نرفع السيارة ونفر السيارة مع اي جهة مثل بستم المغاسل وندربيها وانقطعة من السوق للاسف وكنا نحط وطايات السيارة او الدعاسات الله يكرمكم لانه اقرب شيي في السيارة وقوى جدا واكثر من مرة نحطها تحت السيارة ونمشي عليها ممتازة
لكن لا تكثر الرفع بها لانها تعدم بلوف السيارة لضرورة فقط