افيدونا بوزن الطير الصحيح لتفاريخ -----> توقعاتكم بخبرتكم

[البحري ولبري]

بسم الله الرحمن الرحيم


الله لايهينكم ياخواني العزاء افيدوني من لديه خبره في التفريخ حر بحر وفي جير بحر عندي طيرين الاول تفريخ حر بحر مقاسه 16ونص في 16ونص يزيد عليها شرطتين صحته ممتازه وشنذرت الطير مرتين المشكله بوزن الطير ماتوقعات التي يكون فيها الطير هدد هل 950 او 1000 او 1050 وطير الثاني جيرحر بي حر نفس المقاس يليت تفيدوني لنا اول مره انقل مثل هذي الطيور ولا بلعاده مانقل الااصايل قلت الموسم هذا نجرب التفاريخ وقالو اغلب هذي التفاريخ ماتهد الابعده وللحين ماقدرت اصيد الوزن المضبوط ,,,,,, وشكرررا .

[عـــــزام]

هلا فيك

بخصوص الجير الجير ارفع عدته ويعطيك طير طيب

وزن الجير يختلف عن الحرار

ارفع عدتة ولا شف طيرها مسكة امسك على العده هذي

وانشاء اني افتدك

[اقدم صقار]

السلام عليكم
اخوي اذا طيرك جير اصل عامله مثل الاصيل وارفع عدته شوي لانه ما يتحمل الجوع ولا تطمره بدون عشى
الشي الثاني اذا طيرك تفريخ حر من حر اصيل بدون خلط جير هذا طال عمرك لا يكون عديد ولا هزل (عدة هدد) واقرص عليه شوي وخاصة اذا هو قرناس اما الفرخ لا لان طبعه بيخرب اذا جاع
اما ان اكان طيرك تفريخ من المخلطه فهذا لازم تعرف انت وزنه ونزل بشويش لين تشوف طياره اذا اعجبك ولحق اوزنه اليوم الثاني بعد ما يروبج وثبت وزنه
اما اذا تفريخك اللي عندك مع شاهين لا تجوعه مره ولا يكون ضعيف خله عديد ولا يهمك كلام الناس حتى لو ما يطرد الحمام لانه يمكن يبي صيد اكبر من الحمام
اتمنى اني افدتك والشباب فيهم بركه
ان اصبت فمن الله وان اخطأت فمن الشيطان
تقبل مروري
اخوك ابو منصور

[هوجن]

السلام عليكم ورحمة الله وبركاته توقعاتي في جير حر مقاسه ١٦ في ١٦ يضبط وزنه طال عمرك من ١٠٥٠ إلى ١١٠٠ والجير ارفع وزنه وشوف الطيار ×

[قرناس شماالي]

ماقصرو الاخوان واهل الخبره بلجير

وصراحه استفدنا منهم

[أبو أمين]

اذا طيورك الاثنين ١٦ ونص طول بعرض والقياس تك يعني مضبوط مره

خلها ١٠٧٠ الى ١١٠٠ وادعي لي

[قنيص غبر]

اعتقدر اخوي ان طيرك جير حر ( قرموشه ) او مثلوث .. لان الجير حر قليل مايجيك بقياس 16 ونص او انه يكون فيه خلطة شاهين . من الاخر اخوي . في عالم الجيرات . الطير لابد انك تدهله وتمسك راسه وخيخه جتى يتوالف معاك . بعدين شف نفس الطير من قياس 1000 وانته طالع سولك جدول وشوف كل يوم لين مايتحسن طياره ..

[ابوعزيز2007]

يفيدونك الشباب

[البحري ولبري]

بسم الله الرحمن الرحيم



بيض الله وجيهكم وماقصرتم نورتوني على اشياء كثيره وان شاء الله بطيح على العده الي بذن الله طيب الخاطر في الهدد ولف الف شكر لكم ولكل من افادنا او سير على الموضوع وكرر شكر لكم ياخواني الاعزاء واذا في اي اضافات اوتعليق اخر ياهلا وسهلا نستفيد منكم

[ابو مبارك 77]

سبجان الله

[ابو مبارك 77]

سبحان الله