صيد اليوم 9-1-2012 من الزوير ( بين القاعدة والتحلية ) بالجبيل !!

[White_Shark]

السلام عليكم ورحمة الله وبركاته

إخواني أعضاء ومشرفي خيمة الصيد البحري بمنتدى مكشات ,, تحية عطرة مقدمة مني إليكم .. اهديكم هذا التقرير المتواضع السريع وآمل أن يحوز على رضاكم .

نبدأ :


اتفقنا أنا وزميلي اليوم الأثنين لزيارة شاطيء ( الزوير ) الذي يقع بين قاعدة الملك عبد العزيز - ومحطة تحلية المياه بالجبيل , على أن أذهب هناك بسيارتي فور خروجي من العمل مباشرة , ووصلنا سوية في الساعة الرابعة عصراً وكان زميلي قد اصطحب أبنه معه , وهذه المنطقة يكثر الصيد فيها في فصل الشتاء بشرط وهو أن يكون مستوى البحر العصر في أعلى مد له .. ويكثر عادة الصيد فترة ماقبل المغرب الى بداية الجزر .. ولاتحتاج لتصريح كما في السابق بسبب تواجد حراس القاعدة بالقرب من الشبك ودورية حرس الحدود تراقب الموقع من أعلى التلة .

التفاصيل

طريقة الصيد : حداق سنارات وبكرات.
الطعم : ربيان وخثاق .
مدة الصيد : ساعتين ونصف ( 4 - 6:30) PM
حالة البحر : أعلى مد وبداية الجزر .
حصيلة الصيد : شعوم - 1 مزيزي - 1 قرقفانه - 1 مجوّة .


نترككم مع الصور :




ساعة الوصول قبل الغروب ,
وواضح في الصورة القاعدة
http://www.mekshat.com/pix/upload05/images239/mk141183_2012-01-09%2016.20.11.jpg





تجربة حداق سبيطي لكن ما الله وفق
( طبعاً في العادة ثقالة وحدة متحركة ..
بس لأن التيار قوي والهوا جامد )

http://www.mekshat.com/pix/upload05/images239/mk141183_2012-01-09%2016.15.07.jpg






صورة بكرتي البيضاء الخاصة المبروكة
صاحبة المجازر:D

http://www.mekshat.com/pix/upload05/images239/mk141183_2012-01-09%2016.04.23.jpg







هذا ( ابن زميلي ) البطل الله يحفظة لأهله
.. اليوم مبدع ماشاء الله وأمانة هو أكثر
واحد صاد فينا .. الله يدوم الإبتسامه :)


http://www.mekshat.com/pix/upload05/images239/mk141183_2012-01-09%2016.34.53.jpg







حصيلة الصيد في الثلاجه قبل المغادرة من الموقع (شعوم )

http://www.mekshat.com/pix/upload05/images239/mk141183_2012-01-09%2018.39.09.jpg







الصيد بعد الترتيب

http://www.mekshat.com/pix/upload05/images239/mk141183_img-20120109-wa0001.jpg







مزيزي واحد وأكبر شعم في صيد اليوم

http://www.mekshat.com/pix/upload05/images239/mk141183_img-20120109-wa0002.jpg







حجم الشعم معقول

http://www.mekshat.com/pix/upload05/images239/mk141183_img-20120109-wa0003.jpg



إلى هنا انتهى التقرير الخفيف اللطيف الظريف .. ونلقاكم في تقرير آخر .. ونستودعكم الله الذي لاتضيع ودائعه .. والسلام عليكم من قلب لايمل الحديث اليكم ورحمة الله وبركاته .


أخوكم
White بن Shark :)

[د.فادي بوعادل]

ماشاء الله ودائما سالما غانما إلى الامام إلى الامام ويسعد الله مساك وصباحك

[أبوحافظ]

يا هلا والله بسفاح السبيطي

صاحب التقارير الناررريه :f

والابداع يتواصل على شواطى الشرقيه :good2::good2::good2:

وقايلك من اول السبيطي ما بتتوفق فيه لان عليك بلاغ من شيخ السبيطيه :director::butt3:

بسبب انتهاكك لحقوق السبيطي وكثره الغارات البحريه وكثره المجازر :eek::j

يعطيك الف عافيه على التقرير:good2:

بالعافيه عليكم الصيد:)

تقبل تحياتي وتقديري

[كنعد]

ماشآلله تبارك الله

بالعافية عليكم
هذي الطلعات الي تبرد القلب

الله يوفقكم تقبل مروري

[@ بحار مجيرمة @]

ماشاء الله تبارك الله

الله يعطيك العافية على التقرير

الرائع والجميل (تقرير طازة ويابلاش):f

صيد وفير بيض الله وجهك

تحياتي لك

[ع العمرو]

تعرمشونهن بالعافية على قلوبكم.

[الرحموني]

اهلاً وسهلاً بمراسلنا من المنطقة الشرقية

اشهد بالله انك تبيض القرطاس ولا يهون باقي الاخوان


دايم متواصل معنا ودايماً تقارير دسمة وقليلة الدسم

ودايم تفاعل ونشاط


لاهنت على هذا التقرير واكيد الاخوان استفادو من وصف المنطقة


وطريقة الصيد والوقت المناسب

وهذا يعتبر اكبر استفادة من التقرير

هذا غير انا استمتعنا بصور الصيد


تحياتي وتقديري وامتناني

[صيادالشرقيه66]

ما شاء الله تبارك الرحمن

صيد يشرح الصدر الله يشرح صدرك بالايمان وطاعة الرحمن

وعليكم بالف عافيه

[SYR]

مشالله تبارك الله صيد موفق يا غالي

[sniper112]

السلام عليكم والرحمة
هلا بك اخي العزيز وتسلم عالموضوع الجميل والمميز وصيد طيب وعليكم بالعافيه وتحياتي لك الغالي وربي يحفظك وتقبل مروري

[ذوالجناح7]

هلالالا بالجزااااار أقصد White_Shark


صيد حلوووو بس أدري مايرضيك غيرسبيطي XL:good2:


هذي المشكله إذا الواحد تعلم على حجم معين خلاص :l


بس يالله علشان الواحد ما يفقد لياقته:D:D


بالعافيه عليكم :s

[نودي البطل]

ماشاء الله عليك والله افضل الانواع الا احبها في السمك
الله يقويكم بالعافية ان شاء الله

[1بوخالد]

عليك بالعافيه اخوي وايت شارك وتمنيت لو انك رديت المزيزي الصغير للبحر علشان يكبر بحفظ والديه وتصيده لا كبر لأن حجمه صغيييير بالمره.

[العمدة 66]

ياتقاريرك ياجمالك ياعمنا

الله يبارك لك ويزيك من فضله دائما

والمنطقة شكلها جميل

والله يحفظ ولد صاحبك يارب

[White_Shark]

ماشاء الله ودائما سالما غانما إلى الامام إلى الامام ويسعد الله مساك وصباحك

الله يسعد ايامك ياشيخ فادي .. وشاكر لك على التعقيب .

تقبل تحياتي .

[White_Shark]

يا هلا والله بسفاح السبيطي



صاحب التقارير الناررريه :f


والابداع يتواصل على شواطى الشرقيه :good2::good2::good2:


وقايلك من اول السبيطي ما بتتوفق فيه لان عليك بلاغ من شيخ السبيطيه :director::butt3:


بسبب انتهاكك لحقوق السبيطي وكثره الغارات البحريه وكثره المجازر :eek::j


يعطيك الف عافيه على التقرير:good2:


بالعافيه عليكم الصيد:)



تقبل تحياتي وتقديري



الله يعافيك أخوي ابو حافظ , والحمد لله على الصيد الطيب , وشيخ السبيطية يتقهوى عندي :) .. ماعاد فيه بلاغات خلاصات .. الحين مافيه غير انزال ليلي :D .
شكراً لك على التعقيب اللطيف .. يجعلك سالم غانم .

تقبل تحياتي .

[White_Shark]

ماشآلله تبارك الله



بالعافية عليكم
هذي الطلعات الي تبرد القلب



الله يوفقكم تقبل مروري


الله يبارك فيك اخوي كنعد ,, وعقبال ماتبرد قلبك بسبيطي .
شاكر لك على التعقيب وبالتوفيق .
تقبل تحياتي .

[White_Shark]

ماشاء الله تبارك الله



الله يعطيك العافية على التقرير


الرائع والجميل (تقرير طازة ويابلاش):f


صيد وفير بيض الله وجهك


تحياتي لك



الله يعافيك ويجمل حالك ويبيض وجهك .. لاهنت على المرور .
تقبل تحياتي .

[White_Shark]

تعرمشونهن بالعافية على قلوبكم.



الله يعافيك ويجزاك الف خير .
وشاكر لك على المرور .
تقبل تحياتي .

[White_Shark]

اهلاً وسهلاً بمراسلنا من المنطقة الشرقية


اشهد بالله انك تبيض القرطاس ولا يهون باقي الاخوان



دايم متواصل معنا ودايماً تقارير دسمة وقليلة الدسم


ودايم تفاعل ونشاط



لاهنت على هذا التقرير واكيد الاخوان استفادو من وصف المنطقة



وطريقة الصيد والوقت المناسب


وهذا يعتبر اكبر استفادة من التقرير


هذا غير انا استمتعنا بصور الصيد




تحياتي وتقديري وامتناني



حياك الله أخوي ابو يوسف في موضوعي , ووجهك ابيض , والحمد لله على كل حال , وإن شاء الله مابنقصر في حق المنتدى ولا في حق الأعضاء ونعطيكم الزبدة والرزق على الله .
شكراً لك على الإطراء الذي لا استحقه ( يعني متواضع ) :D .. وفيك وفي الأعضاء جميعهم الخير والبركة .
تقبل تحياتي .

[White_Shark]

ما شاء الله تبارك الرحمن



صيد يشرح الصدر الله يشرح صدرك بالايمان وطاعة الرحمن



وعليكم بالف عافيه


الله يبارك فيك ولك وعليك .. ويجزى والديك الجنة .. لاهنت على المرور يالغالي .
تقبل تحياتي .

[White_Shark]

مشالله تبارك الله صيد موفق يا غالي

الله يبارك فيك ويوفقك ويرزقك كل خيرات البحر .
لاهنت على المرور يالغالي .

[مدمن الأسماك]

بالعافية عليك صيد طيب

[White_Shark]

السلام عليكم والرحمة



هلا بك اخي العزيز وتسلم عالموضوع الجميل والمميز وصيد طيب وعليكم بالعافيه وتحياتي لك الغالي وربي يحفظك وتقبل مروري


وعليكم السلام ورحمة الله وبركاته

الله يحييك ويبقيك ويجمل حالك ويرحم والديك , وشاكر لك على الاطراء والدعاء .
لاهنت على المرور يالغالي.
تقبل تحياتي .

[White_Shark]

هلالالا بالجزااااار أقصد White_Shark



صيد حلوووو بس أدري مايرضيك غيرسبيطي XL:good2:


هذي المشكله إذا الواحد تعلم على حجم معين خلاص :l


بس يالله علشان الواحد ما يفقد لياقته:D:D



بالعافيه عليكم :s


:)

الله يعافيك أخوي ذو الجناح , والحمد لله على النعمة .. والتوفيق من الله .. اسمها طلعنا وغيرنا جو وصدنا ولله الحمد والمنه مايكفينا وزود .
لاهنت على المرور يالغالي.

[White_Shark]

ماشاء الله عليك والله افضل الانواع الا احبها في السمك
الله يقويكم بالعافية ان شاء الله

الله يعافيك ويقويك , وفعلاً الشعم طعمه لذيذ وأحلى تسحيب وخصوصاً لما يكون حجمه كبير .
لاهنت على المرور .

[White_Shark]

عليك بالعافيه اخوي وايت شارك وتمنيت لو انك رديت المزيزي الصغير للبحر علشان يكبر بحفظ والديه وتصيده لا كبر لأن حجمه صغيييير بالمره.

الله يعافيك أخوي ابو خالد ونورت الموضوع بتواجدك .
بالنسبة للمزيزي حجمه مهو صغير هذي قدامي علبه مويه ومسطرة ومقارنه مع الصورة بيكون طوله تقريباً 21 سم وهذا طال عمرك مشوي افضل حجم ولحمه مثل الزبد .. الأحجام الصغيرة من المزيزي اللي نردها للبحر اللي يجي طولها قد الكف :) .. وشكراً لك على النصيحة اللي تدل على حرصك .. وشاكر لك المرور يالغالي.
تقبل تحياتي .

[سامي الحسين]

ما شاء الله على هالتقارير اللي توسع الصدر ..
أبدعت بارك الله فيك ..
لا تحرمنا من هالتقارير الحلوة ..
أنت كريم وأحنا نستاهل ..

[White_Shark]

ياتقاريرك ياجمالك ياعمنا



الله يبارك لك ويزيك من فضله دائما


والمنطقة شكلها جميل



والله يحفظ ولد صاحبك يارب


الجمال ده كلو منك يعمدة الخيمة :) .. ربنا يرزقك كل خير .. والمنطقة جميلة ... وصغيره وهادية .. بس عيبها إذا كان في هوى بتزداد الحشائش في البحر .. ولما يكون فيه صيد إن شاء الله لو يكون فيه اشجار بتسبح في البحر محدش هيشيل هم :D .
ربنا يخليك ويديك طولة العمر .
تقبل تحياتي .

[White_Shark]

بالعافية عليك صيد طيب

الله يعافيك ويجزاك الف خير , والطيب في وجهك .
لاهنت على المرور .

[White_Shark]

ما شاء الله على هالتقارير اللي توسع الصدر ..
أبدعت بارك الله فيك ..
لا تحرمنا من هالتقارير الحلوة ..
أنت كريم وأحنا نستاهل ..

الله يبارك فيك ويرحم والديك , ويخليك لنا , وإن شاء الله جميعاً بنعطي المنتدى حقه ومافيه بخيل بيننا .. وتستاهلون كل خير .
لاهنت على المرور وتقبل تحياتي .

[hhh3h]

ما شاء الله
صيد رائع وفيه العافية
السبيطي اذا تحدق له طلع في الجعيمه بس يبي اليه ترمي بعيد
بداية الموسم له

[ابو ماريا]

ما شاء الله عليك
اخي وايت دائم رحلاتك تشرح الخاطر

[O M A A R]

وعليكم السلام ورحمة الله وبركاتة

صور جميلة وترد الروح ، وصيد يطررب العين

الله يحفظ الشبل وفالكم السبيطي العود ، تحياتي لك

[hunter78]

ما شاء الله عليك أخوي وايت بن شارك دائما تتحفنا بكل ما هم ممتع من طلعات البحر والصيد وبأسلوبك الجميل في طرح التقارير
سؤال طال عمرك؟؟؟؟ما هو السبب في اختلاف أوقات الحداق حسب المكان وحسب حالة المد والجزر ؟؟؟يعني تلقى مكان الصيد فيه مع نزلة الموية ومكان مع بداية المد وإن جلست للصيد بهذه الأماكن خارج أوقات الصيد المعروفة عنها تحس كأنك تصيد في برميل ماء وما يطلع معك شي إلا بالصدف؟
بارك الله بك ولا تحرمنا من كل جديد

[xmx202]

بالعافيه...

صيدن طيب

[xmx202]

تمت معاينة الموقع.... يحتاج دبل قير

بس باين عليه كويس للكشته

سؤالي يا بن وايت... اللسان افضل محدق ؟؟؟

[حداق للأبد]

تمت معاينة الموقع.... يحتاج دبل قير

بس باين عليه كويس للكشته

سؤالي يا بن وايت... اللسان افضل محدق ؟؟؟

فعلا أخوي أنا جاي قبل شوي من هناك تحتاج للدبل ، ولقيت برادو يعاين المكان ( لا يكون انت؟؟ )

الحمد لله توفقنا وصدنا مجموعة شعوم متوسطة الحجم ، والشكر موصول لأخونا الوايت شارك على توصيفه لهالمكان الجميل :good2:

[ملك الإحساس]

ماشاء الله
بالعااااااافية
تحياااااتي

[xmx202]

فعلا أخوي أنا جاي قبل شوي من هناك تحتاج للدبل ، ولقيت برادو يعاين المكان ( لا يكون انت؟؟ )

الحمد لله توفقنا وصدنا مجموعة شعوم متوسطة الحجم ، والشكر موصول لأخونا الوايت شارك على توصيفه لهالمكان الجميل :good2:

هههههه

راعي البرادو شفته... عوايل

انا موتري اكسبلورر.. بس ما ينفع لتطعيس... يادوب يمشي فذ الشارع

[diver1120]

الله يعطيك العافية

[White_Shark]

ما شاء الله
صيد رائع وفيه العافية
السبيطي اذا تحدق له طلع في الجعيمه بس يبي اليه ترمي بعيد
بداية الموسم له


الله يعافيك ويجزاك الف خير .. والله يجيب اللي فيه الخير
لاهنت على المرور .

[White_Shark]

ما شاء الله عليك


اخي وايت دائم رحلاتك تشرح الخاطر



شكراً لك على التعقيب أخوي ابو ماريا .. الله يوسع صدرك ويجزاك الف خير .
تقبل تحياتي .

[White_Shark]

وعليكم السلام ورحمة الله وبركاتة



صور جميلة وترد الروح ، وصيد يطررب العين



الله يحفظ الشبل وفالكم السبيطي العود ، تحياتي لك



الله يخليك أخوي OMAAR , ويرزقك ووالديك الجنة ويخليك لهم .
وشاكر لك على التعقيب وتقبل تحياتي .

[White_Shark]

hunter78



ما شاء الله عليك أخوي وايت بن شارك دائما تتحفنا بكل ما هم ممتع من طلعات البحر والصيد وبأسلوبك الجميل في طرح التقارير


شكراً لك على التعقيب , والحمد لله .. الله يجمل حالك .. ويرزقك أحلى من هذي الطلعات .



سؤال طال عمرك؟؟؟؟ما هو السبب في اختلاف أوقات الحداق حسب المكان وحسب حالة المد والجزر ؟؟؟يعني تلقى مكان الصيد فيه مع نزلة الموية ومكان مع بداية المد وإن جلست للصيد بهذه الأماكن خارج أوقات الصيد المعروفة عنها تحس كأنك تصيد في برميل ماء وما يطلع معك شي إلا بالصدف؟
بارك الله بك ولا تحرمنا من كل جديد



لايوجد سبب معين في اختلاف أوقات الحداق .. فبعض الأحيان يتواجد السمك في المحادق ولكن توقيته للرعي غير مناسب .. وهذا يعتمد على عدة أمور ومنها ( طبيعة المكان - الأرض , الموقع , الأجواء , حالة البحر , توفر الغذاء للسمك من عدمه ) .. ولكن الخبرة والتجربة وكثرة الصيد في موقع معين تجعلك تستشعر بأفضل الأوقات للحداق .. وتعرف المكان بشكل أفضل .. وقد تخذلك خبرتك ومعرفتك لتدخل فيها مشيئة الله ويكتب ماهو مقسوم لك :).. وكل ماعلى الإنسان أن يجتهد في نصيبه والله هو الرازق أولاً وأخيراً :

مالايكون فلا يكون بحيلة ابداً
ومـــاهو كائـــــنٌ سيــــــكونُ
:)

تقبل تحياتي .

[White_Shark]

تمت معاينة الموقع.... يحتاج دبل قير

بس باين عليه كويس للكشته

سؤالي يا بن وايت... اللسان افضل محدق ؟؟؟


ما يحتاج دبل للوصول للموقع .. ولكن ان بغيت توصل اللسان بسيارتك فتحتاج لدبل ( قوي ) لأن الرمل ناعم :).. كل المواقع كويسه فإن توفر السمك فالكل راح يصيد .. وقبل سنتين صدنا سبيطيين خلال اسبوع بعد الشبك بمسافة 50 متر .. اللسان ماشوف ناس واجد تحدق فيه ولو كان افضل كان دايم تلقاه محجوز :D.. وبحسب علمي يمنع التخييم هناك .
تقبل تحياتي .

[White_Shark]

فعلا أخوي أنا جاي قبل شوي من هناك تحتاج للدبل ، ولقيت برادو يعاين المكان ( لا يكون انت؟؟ )

الحمد لله توفقنا وصدنا مجموعة شعوم متوسطة الحجم ، والشكر موصول لأخونا الوايت شارك على توصيفه لهالمكان الجميل :good2:

لاشكر على واجب أخوي حداق الاسياف .. والحمد لله أنكم صدتوا شعوم والفضل لله .. والمكان ليس ملكي لأخفيه والرزق من الله .. وحب لأخيك ماتحبه لنفسك .
لاهنت على المرور يالغالي.

[White_Shark]

ماشاء الله

بالعااااااافية
تحياااااتي


الله يعافيك ويجزاك ووالديك الجنة .
تقبل تحياتي .

[White_Shark]

الله يعطيك العافية
الله يعافيك ويجزاك ووالديك الجنة .
تقبل تحياتي .

[محآآآآآآآآآآر]

الله يعطيك العافية على هالتقرير
وماشاء الله عليك مبدع كالعادة
مبدع في المجازر
مبدع في سرد الأحداث
ما أقول غير الله يحفظك

[ماهر الزيات]

السلام عليكم ورحمة الله وبركاته

ماشاءالله عليك دايم مبدع بالصيد الطيب والسمك الفضي الخطير عليك باالف عافيه والله يزيدك من فضله .

[White_Shark]

الله يعطيك العافية على هالتقرير
وماشاء الله عليك مبدع كالعادة
مبدع في المجازر
مبدع في سرد الأحداث
ما أقول غير الله يحفظك


الله يعافيك أخوي محآآآآآآآآآر .. وماعليك زود .. الله يجزاك الف خير ويرحم والديك .. والله يرزقك من حيث تحتسب ومن حيث لاتحتسب :D . ولاهنت على المرور يالغالي .

[White_Shark]

السلام عليكم ورحمة الله وبركاته

ماشاءالله عليك دايم مبدع بالصيد الطيب والسمك الفضي الخطير عليك باالف عافيه والله يزيدك من فضله .

الله يخليك ويعافيك أخوي ماهر والطيب بوجهك عزيزي , وبالتوفيق لك يالغالي .
تقبل تحياتي .

[ابوتركي1]

ماشاء الله تبارك الله
الله يعطيكم العافية وبالعافيه
تقرير جميل وصيد اجمل
وبالتوفيق لكم ان شاء الله

[VXR.8912]

ماشاء الله .. تبارك الله

[White_Shark]

ماشاء الله تبارك الله

الله يعطيكم العافية وبالعافيه
تقرير جميل وصيد اجمل
وبالتوفيق لكم ان شاء الله




الله يبارك فيك أخوي ابو تركي , والأجمل هو تشريفكم لهذا الموضوع , ونتمنى لك كل خير .. لاهنت على المرور وتقبل تحياتي .

[White_Shark]

ماشاء الله .. تبارك الله

الله يبارك فيك ويجعل لك في خطوة حسنة .
لاهنت على المرور .

[G M S]

مشاء الله تبارك الله طلعه خفيفه وموفقه:good2:

تحياتي لك

[xmx202]

ما يحتاج دبل للوصول للموقع .. ولكن ان بغيت توصل اللسان بسيارتك فتحتاج لدبل ( قوي ) لأن الرمل ناعم :).. كل المواقع كويسه فإن توفر السمك فالكل راح يصيد .. وقبل سنتين صدنا سبيطيين خلال اسبوع بعد الشبك بمسافة 50 متر .. اللسان ماشوف ناس واجد تحدق فيه ولو كان افضل كان دايم تلقاه محجوز :D.. وبحسب علمي يمنع التخييم هناك .
تقبل تحياتي .


رحم الله والديك


سؤال يالحبيب... عن راس بو علي

يحتمل نظبط تصريح ونروح هالخميس....

وين تنصحنا في راس بوعلي ...

[وحش البحار]

مشالله صيدكم جميل جدن وبتو فيق انشالله

[xmx202]

ضبط التصريح يابن وايت

باقي نعرف مكانن طيب داخل الجزير والا بطينها

[White_Shark]

ضبط التصريح يابن وايت

باقي نعرف مكانن طيب داخل الجزير والا بطينها



مبروك عليك التصريح :) .. وجاري العمل على تصريحنا مرة أخرى .

بما أن صار لي فترة طويلة ماطبيت جزيرة ابو علي .. فما أقدر أجزم 100% بالمواقع اللي يتوفر فيها الصيد في هذي الفترة .. وتعرف بأن الصيد مواسم وفترات على حسب الجو .. وللأمانه معظم صيدنا يكون السير داخل البحر ببدلات خاصة وهي مناطق خطرة .. ولو راجعت مواضيعي القديمة لعرفت معنى كلامي .



ولكن أنصحك إن كان فيه لك رزق تروح منطقة تسمى دريدير .. هذي اللي دايم نروحها .. فيها موقع ندخل مسافة كيلو ونص داخل البحر .. وفيها شاطيء تقدر تحدق من السيف ( يعني مايحتاج تدخل وتبهذل حالك ) .. وهي المنطقة رقم (1) بحسب تقييمي لمواقع الصيد .

http://www.mekshat.com/pix/upload05/images204/mk141183_ab.jpg

طريقها مايحتاج سيارة دبل .. بعد ماتدخل بوابة ابو علي وتتعدى القواعد العسكرية بمسافة 6 كيلو تقريباً راح يجيك شبك حق الأرصاد المبنى اللي فيه رادار فوق على يسارك .. تعداه بكيلو تقريباً بيجيك شبك لمحطة كهرباء قريبة من الشارع ادخل النافذ الرملي وخلف المحطة هذي بتلقى موقع لأرامكو ( شبك ) وبجنبه طلعه خفيفة .. اطلع عليها لين تلقى بيب حق ارامكو .. خل البيب على يسارك وابتل سيدا لين يجيك البحر قدامك هذي المنطقة اسمها ( دريدير ) .. خذ يمين شوي بتلقى حضرات خلك بينهم .

المنطقة عميقة وتيارها قوي جداً .. وفيها سبيطية عوده :) ... يعني كبر خيوطك ومياديرك وثقل 3 - 2.5 متحرك .. وطعم دسم ( مصران - ميد ).

وبالتوفيق لك أخوي .

[White_Shark]

مشاء الله تبارك الله طلعه خفيفه وموفقه:good2:




تحياتي لك



الله يبارك فيك ويوفقك .. لاهنت على المرور يالغالي .

[White_Shark]

مشالله صيدكم جميل جدن وبتو فيق انشالله


الله يجزاك خير ويرزقك من فضله .. وشاكر لك على مرورك الأجمل .. وتقبل تحياتي .

[xmx202]

جعل والديك للجنه

امس كنا موجودين عند ارامكو مقابلين الخور

الصيد لاباس

و بكره هناك انشالله

بس بنحاول نروح الدريدير

انشالله نشوفك

[القلم المميز]

بارك الله فيك
يعطيك العافيه
بانتظار جديدك

[د.فادي بوعادل]

ماشاء الله موفق دائما أخي الكريم وطبعا أنت أستاذ في الصيد ويكفي أخلاقك العاليه وتعاونك مع إخوانك تقبل تحياتي

[سهيل ألأول]

هلا بك اخونا الغالي
القرش الابيض

ماشاء الله تبارك الله
صيد حلو وكمية لابأس بها
ياجعلها مداخيل العافية

تحياتي واحترامي لك ياغالي
اخوك ابوعبدالهادي

[بوخضب]

تقرير طيب وقفك الله

[psp2004]

ماشالله بالعافيه على قلوبكم

[ابن النماص]

يعطيك العافيه على التغطيه المميزه

تحياتي

[White_Shark]

جعل والديك للجنه

امس كنا موجودين عند ارامكو مقابلين الخور

الصيد لاباس

و بكره هناك انشالله

بس بنحاول نروح الدريدير

انشالله نشوفك


الله يجزاك كل خير ويجعل والديك للجنة .. ونتمنى لك التوفيق في المرات الجاية .
تقبل تحياتي .

[White_Shark]

بارك الله فيك

يعطيك العافيه

بانتظار جديدك



الله يبارك فيك , ويجعل لك في كل خطوة حسنة , وموفقين يالغالي .
شكراً على مرورك .

[White_Shark]

ماشاء الله موفق دائما أخي الكريم وطبعا أنت أستاذ في الصيد ويكفي أخلاقك العاليه وتعاونك مع إخوانك تقبل تحياتي

الله يسلمك ويرحم والديك , والخير والبركة فيك ولايهونون جميع الأعضاء , ولازلنا نتعلم من أسرار البحر الغامض , والحمد لله على كل حال .
تقبل تحياتي .

[White_Shark]

هلا بك اخونا الغالي

القرش الابيض


ماشاء الله تبارك الله
صيد حلو وكمية لابأس بها
ياجعلها مداخيل العافية


تحياتي واحترامي لك ياغالي

اخوك ابوعبدالهادي


الله يعافيك و شاكر على الكلام الجميل اخوي ابو عبد الهادي .. وشرفتنا بمروركم الكريم , ولكم منا جزيل العرفان والتقدير .. وتقبل تحياتي .

[White_Shark]

تقرير طيب وقفك الله

طيب الله انفاسك .. ومشكور على المرور وتشرفنا بك .. ونتمنى لك التوفيق يالغالي .

[White_Shark]

ماشالله بالعافيه على قلوبكم

الله يعافيك ويجزاك الف خير .. ونتمنى لك التوفيق .
لاهنت على المرور .

[White_Shark]

يعطيك العافيه على التغطيه المميزه

تحياتي

الله يعافيك ويرحم والديك ويجعلهم للجنة بإذنه .. شاكر على مرورك يالغالي .

[بو احمدد]

يا شباب الله يعطيكم العافيه
وموضوع ممتاز
بس بعد اذنك ابي الاحداثيات اذا ممكن حمستنا يالغالي☺

[الصمعا]

ماشاء الله
صيد طيب والمنطقه حلوه وهاديه
عافيه

[محمد المصباحي]

مشاء الله صيد طيب بالعافيه عليك

[صياد الشعيبه]

مشاالله تبارك الله

[abdomostafa]

ماشآءالله تبارك الله

[ابو يحي جده]

ابداع وخبر من رب العالمين