من لديه حل لمشكلتي يفيدني الله يجزاه خير

[كمباك]

عندي يوكن سعوي2003 وعندي مشكله وهي
1/أنطفاء السيارة إذا هدىت
للوقوف عند أشارة أو عند الأنعطاف
2/فيه نتعه بسيطه اذا غير من الاول للثاني
3/ اذا مشيت با السياره لمده نصف ساعه او ساعه واطفيت المحرك اذا جيت وشغلت السياره مره ثانيه ما تشتغل الا من ثاني او ثالث سلف
علما انه تم فحص طرمبه البنزين طلع الضغط 60
وتم تغيير بواجي واسلاك بواجي
وتم تنظيف بخاخات وتغيير وجه ثلاجه المكينه
وتم تغيير فلتر وزيت قير
ارجو الافاده والله يجزاكم خير

[Magellan]

هل سبق تنظيف الثروتل (منظم الهواء)...
إذا كان لا فهو احد اسباب انطفاء السيارة إذا كان وسخ جدا...
كذلك البطارية إذا كانت ضعيفة فهي تسبب الانطفاء مع اللفات
أول نظف المنظم ثم قس البطارية اذا كانت ضعيفة فغيرها...
ببالنسبة للنتعه طبيعية ،لأنها تظهر بعض الاحيان وبعض الاحيان لا واكثر ماتجي في البرد عند تشغيل السيارة في الصباح

[كمباك]

انا نظفت بوابه الهواء والبطاريه جديده
منظم الهواء ما نظفته وهل تقصد اللي يجي بجنب فلتر الهواء
والنتعه عند التغيير من الاول للثاني قالولي غير زيت وفلتر القيروغيرته وما راحت
الله يجزاك خير

[يكفيني نظرة]

انا نظفت بوابه الهواء والبطاريه جديده
منظم الهواء ما نظفته وهل تقصد اللي يجي بجنب فلتر الهواء
والنتعه عند التغيير من الاول للثاني قالولي غير زيت وفلتر القيروغيرته وما راحت
الله يجزاك خير
اي نعم هو بجنب فلتر الهواء واذا نظفته ولا صلح غير المنظم..
تنظيفه ببخاخ اسمه ( كونتاكت كلينر)

[كمباك]

هل يوجد رابط لكيفيه تنظيفه
والله يعطيك العافيه

[Magellan]

لا إسمه الثروتل ، يمكن انت نظفت حساس الهواء
هذي صورة للثروتل
http://weaponsgradecode.com/wp-content/uploads/2011/07/throttleBody.jpg

[كمباك]

هذا نظفته بس من برا والسياره طافيه اما حساس الهواء ما نظفته

[Magellan]

حلوو
انتظر شوي فيه موضوع لأخوي كبسولة2 حل لمشكلة الطفية في الجموس راح اضعه الآن

[Magellan]

شوف هذا رابط لأخوي كبسولة اقراه ورد علي
http://mekshat.com/vb/showthread.php?t=208116
وقبل ماتشوفه هل لمبة check engine مولعه ، واذا كانت نعم هل سبق فحصته وإذا نعم هل عندك الأكواد اللي طلعت في برنامج الفحص

[كمباك]

ولا لمبه شغاله

[Magellan]

طيب تشرح المشكلة بالتفصيل
اذا لفيت تطفي على طول في كل ملف تلفه
طيب هل سبق يوم شفتها تبي تطفى ودعست سلكت او ماتستجيب تطفي غصب
ونفس الحال هل عند وقفت الاشارة تطفي في كل الحالات او بعض الحالات ولو دعست بنزين تستجيب او لا ....

طبعا تحليل مبدأي عطني كم مؤشر البطارية قبل ماتطفي
هل شيكت على الدينمو والسير مشدود او مرتخي

[كمباك]

السياره كان فيها تفتفه قويه لدرجه ان السياره بأكملها تهتز خاصه عند التشغيل صباح واذا وصلت الحراره ربع تخف ثم اذا وقفت وقوف تام عند الاشاره تطفا ماهو دائم بعض المرات اذا نزل ضغط المكينه قرب الصفر قبل تطفى السياره ودعست بنزين تمشي بس تنتع نتعه قويه وديته ورشه اخذو عليه شغل يد 700 ريال قال عندك تنسيم في الثلاجه ويبغالك تنظيف بخاخ وتنظيف بوابه الهواء راحت التفتفه بس الانطفاء بعض المرات السياره ما تنطفي اروح واجي عليه اقول راحت المشكله ومره ترجع المشكله عند الوقوف بعض المرات
وايضا اذا حميت ورحت مشوار ونزلت بقاله او بقضي غرض سريع ورجع السياره وجيت اشغلها ما تشتغل الا بعد مرتين او ثلاث مرات دق سلف

[Magellan]

طيب كم مؤشر الفولت للبطارية عندك في الطبلون فوق النص او تحت نازل

[Magellan]

الشيء الآخر اذا عندك مفتاح اسبير
عادة اليوكن فيه اثنين مفتاحين مع ريموتاتهن،
ابغاك تكنسل اللي معك وتجرب الثاني ورد لنا خبر بكره بإذن الله
لاتستعمل اللي معك خذ السبير اللي جاي من الوكالة ،،
ولاتنسى ترد عن مؤشر البطارية

[كمباك]

فوق النص 75
والمفتاح ما عندي الى واحد مفتاح عادي والريموت لحاله

[Magellan]

وشو 75
مؤشر البطارية يبدأ بـ9 وينتهي بـ19 والوسط 14
يعني مؤشر بطاريتك فوق 14 او لا

[Magellan]

عموما طالع الحين بإذن الله ربع ساعه وارجع افصل المشكلة بس علمني كم المؤشر خصوصا قبل ماتطفي بثواني سواء بالملفات او عند الاشارة لأنه ممكن الدينمو عندك منتهي

[كمباك]

كلامك صحيح انا غلطان الامبير فوق 14

[Magellan]

وايضا اذا حميت ورحت مشوار ونزلت بقاله او بقضي غرض سريع ورجع السياره وجيت اشغلها ما تشتغل الا بعد مرتين او ثلاث مرات دق سلف

طيب سؤال أخير قبل ما افصل المشكلة؟
الحالة اللي فوق تنقسم لثنتين
1- اذا جيت تدق سلف يطلع صوت عنه كنها تبي تشتغل بس كأن البنزين مايوصل
2- او مافي استجابة تدق السلف بس ساكت.

وهل لمبة السيكورتي حقت المفتاح تولع او لا؟

[كمباك]

لمبه السكرتي تولع
اذا دقيت سلف يطلع صوت عنه كنها تبي تشتغل بس كأن البنزين مايوصل

[Magellan]

ايه الحين بدأ التشخيص يضبط!!!
المشكلة تراني ماني مختص بس احاول اساعدك
اعتقد مشكلتك في دقمة السلف انه مايشتغل من اول نقره ،،،
وجاري البحث عن حلول الطفية في الاشارات مع اني ارجح الدينمو بس اصبر لاتغيره حتى اتاكد
لكن سؤالي قبل مايطفى بالاشارة او الملف يضعف نوره وهل لاحظت امبير البطارية ينزل قبل الطفية

[كمباك]

والله ما لاحضت اي شي الا امبير ضغط المكينه
واشكرك والله ع طوله بالك جعلها في ميزان حسناتك

[Magellan]

عفوا لاتغير الدقمة الحين
طبعا كل بحثي وتشخيصي اني اترجم المشكلة بالإنقليزي وابحث في المنتديات الاجنبية
حاليا يوجد استدعاء من جي ام لهذه المشكلة وهي عدم الاشتغال من اول مره
يقولون ان سببها بعض الاسلاك تحت مرتبة السائق تتمزع بسبب تحريك المرتبة تقديم وتأخير
إذا ممكن بكره تتأكد تحت مرتيبتك اذا لاحظت شيء منتزع من مكانه حاول توصله
الشيء الاخر اللي شاك فيه وهو يسبب الطفية او عدم الاشتغال هنو fuel pressure regulator وهو منظم لضغط البنزين سبق وان تكلم عنه اخونا سوبر vtc
http://www.mekshat.com/pix/upload02/images76/mk53291_ntbbn3.jpg
في موضوعه قد يستدعي تغييره بالنسبة لك//
عشان نشخص المشكلة هناك 4 احتمالات
1- دقمة السويتش
2- الاسلاك تحت مقعد السائق
3- منظم ضغط الوقود
4- حساس الكرنك
وبكرة نلتقي بإذن الله

[أبورنا]

شف يابعدي من خلال الخبرة : أنا كان معي موتر أمريكي وعندي نفس هذي المشكلة وصارت من حساس الفلتر حق البنزين
وكانت إذا أبطت وهي واقفة تبدأ تهز تقل تبي تطفا وغيرت حساس الفلتر حق الهواء وغيرت البواجي والحمدلله سلكت

أتمنــــــى إنــــــــــــي أفدتــــــــــــــــــــــك