أرجو الإفادة ..ما هو إسم هذه السمكة؟؟؟؟؟؟؟؟

[سلاح]

السلام عليكم ورحمة الله وبركاته



مريت اليوم على جزيرة المرجان مرور سريع

قلت أجرب والحمدلله طلعت بصيد زوين



ولكن مسكت هذه السمك وأتمنى من أحد الأعضاء يفيدني عنها

ما هو إسمها ؟

وهل تؤكل أو لا؟



وهذه صورة السمكة...

http://graaam.com/vb/up/Pictures3/b2a78019dc.jpg



وهذه صورة شعمة عملاقة ....



http://graaam.com/vb/up/Pictures3/524ded2486.jpg



وإنزلوا تحت وقارنوا حجمها بالنسبة لذراعي

.

.

.

.

.

..

.

.

.

.

.

.

.

.

.



بعد شوي





.

.

.

.

..

.

.

.

.

.

.

.

.

.





.

.

.

.

..

.

.

.

.

.

.

.

.

.



http://graaam.com/vb/up/Pictures3/62e05ed32d.jpg

ما قلت لكم عملاقة :D

[سلاح]

للرفع للأهمية

[راعي البصيره]

سبحان الله
فعلا عملاقه
:)


بالنسبه لسؤالك هل تؤكل او لا
جميع ما فى البحر حلال ويوكل حتى الثعابين ....

ما عدا اسماكك اللتى صدتها
فهى للبلع فقط
:)

[سلاح]

هههههههههههههههههههههه

مشكور على مرورك ولكن معروف أن أغلب مافي البحر يؤكل
ولكن سؤال عن الطعم هل هي مستساغة الطعم
يعني مش (زنخة)بالعامية ؟خخخخخخخ


أ/ا الشعم هذا والله ماكن في خاطر أصيده لكن طلع في السالية مع الميد وما أنتبهت له إلا بعدي ما ماتوا وإلا إن كان رجعتهم البحر
ولكن إستخدمت منهم كم وحده لصيد الحاقول وتراه ممتاز هو والبدح الصغار بنفس الحجم تقريبا وحد بوحده مع الحاقول
يعني ما أمدى يلمس الطعم الماي إلى والحاقول شايلة ورايح به

[iesh22]

لسمكة الأولى غير صالحة للأكل ... زمان اتذكر كان فيه امريكي يصيد على السيف وأذته نفس النوع فكان يحطها (جالسة على الشوكتين ) ويحط في فمها سيجارة !!!!! حرااااام !! بس الاسم ماأتذكر ..... تحياتي

[سلاح]

يا هلا وغلا بك أخوي iesh22

بالفعل شوي كلمة أذتني
كل مارميت السنارة للمجوى طلعت في وجهي هالسمكة
وشدها ومقاومتها تقول كنعد ولما تطلعها يصيبك إحباط

وشكرا على مداخلتك العطرة

[بو راشد]

بسم الله الرحمن الرحيم

الاخ سلاح السلام عليكم ورحمة الله وبركاته
السمكه الاولى عندنا في الجبيل نسميها(قرقمانه)وناس يسمونها (كليب الدو) وتكثر في المواقع الطينيه واكثر صيدها بطريقة الغزل او الكوفه وهي لذيذة عند شويها طازجه.
تحياتي
بوراشد

[ABU 7AMDAAN]

[QUOTE=بو راشد]بسم الله الرحمن الرحيم

الاخ سلاح السلام عليكم ورحمة الله وبركاته
السمكه الاولى عندنا في الجبيل نسميها(قرقمانه)وناس يسمونها (كليب الدو) وتكثر في المواقع الطينيه واكثر صيدها بطريقة الغزل او الكوفه وهي لذيذة عند شويها طازجه.



مثل ما قال ( زعيم النواخذه ) ابو راشد اسمها كليب الدو

تحياتي

[سلاح]

الأخوة بو راشد
أبو حمدان

لكم الشكر الجزيل على ما تفضلتم به
وبصراحه أذتني كل شوي مطلع وحده يعني في ربع ساعة طلعت فوق الست سمكات من هذ1ا النوع وأرجع أرميه في الماء لجهلي هل يؤكل أما لا
ولكن ألحين يوم علمتوني عنه
بتشوفون صورها في الطلعه الجايه بإذن الله


محبكم...................
أبو عبدالرحمن

[بو راشـد]

السلام عليكم ورحمة الله وبركاته

حبيت أضيف شي أنه هذه السمكة يا سلاح تره سامه وحاسب من شوكته.

ودمتم سالمين..................................

[سلاح]

والله قلبي قالي
من يوم شفت الثلاث شوكات تقول أصابع وأنا شاك وصرت أتعامل معها بحذر
ولكن أنت أكدت الموضوع
ولكن هل سمها مثل الصافي يني بمجرد ما تموت ما عاد يسري مفعول سمها
أو لازم تقطع جزء معين منها إذا بتشويها؟

ومشكور على التحذير

[بو راشـد]

والله ياخوي ماقد كلتها بس يخي شكلها مايشجع لللأكل وللعلم أعرف ناس يكلونها وماعندي فكرة عن طريقت تحضيرها.

[سلاح]

والله ياغالي بالنسبه للشكل تذكرني بالحماره(أقصد سمكة الحماره)
من نحيت الشكل ما يشجع للأكل معك حق
ولكن الطعم على كلام الأخوة بو راشد من الجبيل
وأبو حمدان
يقولون أنها طيبه كثير وخاصة عند الشوي

وبنجربها وبنرد لكم خبر

[بو راشد]

الاخوان النواخذه مساكم الله بالخير

لول ايام الغوص يعني ايام الدومي مايخلىالمحمل من قرقور اصغير (بوفتشين) اي فتحتين وتعودوا الغواويص يسمونه (حليبوه) ولما يعقون لخراب يترسونه فلقه ويربطونه مع لخراب ولين جاوا يشلونه يغنون عليه او يهوسون ويقولون.
قرقورنا حليبوه ايجيب السمك كلبوه
قرقورنا حليبوه جاب السمك كلبوه
وبعض الاوقات يكون البحر دوق والقوع صافي وعندما ايتناصف القرقور بين المايتين يشوفون الغواويص السمك الي بالقرقور ويصادف ان يكون من ضمن الصيد(قرقمانه) او(كليب الدو) يردحون (رقصة فرح) ويغنون
اكليب الدو هلك شدو
ونطرب عند سماعها لكثر تكرارها كذالك نغنيها عند البرخه(سحب المرساه)كذلك عند المساناه(تغير الموقع) انجر مياديف.
الاخ أسمي بوراشد يقول تحمل تراها سامه اقول كل الاسماك بها درجات من السميه ومتفاوته لكن لاتقارن بالعي ولاالفرياله ولاالغمغامه واضنك مانسيت الغمغامه نلاقيها لول في حصى المساكر ولبلوط اما كليب الدو فسميته انه يحدث جرح عميق وعندها يتلوث الجرح ويصبح الجرح متسمم اما وسيلة دفاعه الاولى الهرب طبعا والثانيه هي ثلاث شوك واحده بالظهر واثنتان بالجنبين فلا يسهل ابتلاعه والسموحه.
تحياتي
بوراشد

[ABU 7AMDAAN]

السلام عليكم

اخوي سلاح ...
لا تجرب وتاكل ...........اعتقد لحمها مو زين

سلامي

[سلاح]

الله يعطيكم العافية ياغالين
ومشكورين ما قصرتوا
بصراحه
أنا إحترت والله
أجرب أو لا
لكن ودي واحد يفيدني هل جربها وأكلها؟
وإذا أكلها هل لها طريقة معينه في التحضير ؟

ومشكوين

[gulfhunter]

السلام عليكم ورحمة الله وبركاته


حياك الله أخوي ابوعبدالرحمن

ان شاء الله عرفت السمكه الحين زي ماذكرو الشباب كليب الدو

بالنسبه لي اتعس اسمكه اشوفه بالغزل

وشلك فيها ... الله لايحدك عليها

ماأدري عن طعمها لكنها كريها

تحياتي لك وللجميع

[سلاح]

يا هلا وغلا فيك أخوي gulfhunter

والله ياغالي ما ظنيت بأجربها
وبصراحه مثل ما قلت وخلق الله حسن
بس الشكل ما يأهل للأكل

وبعدين من تطلعها من الماي
تبدأ بإفراز مادة مخاطية بكثرة أعزكم الله


وشاكر لك مرورك العطر

أخوك....................
أبو عبدالرحمن