المساعد الشخصي الرقمي

مشاهدة النسخة كاملة : عمود الكردان طاح وانكسر الفزعه تكفووووون


فرفور بريده
10/01/2012, 05:04 AM
السلام عليكم

كنت بالدايري ماسك طريق الخدمه على سرعه 120 - 130

فجآه اسمع صوت قوي تحت , واشوف العداد بدا يلعب مره 50 مره 200

وقفت واحاول امشي والموتر واقف كآني مفضي القير على N

ويوم جيت بحط القير على p فيه صوت زي الحديد اللي يحك ببعض :(

واشوف تحت وش السالفه والقى زيت .. واثره زيت القير

واولع النور , واحس فيه شي ناقص تحت واثره العامود

ادور العمود وين ذلف .. ولقيته طايح ورا على جنب ومنطعج ومنكسر

وبعدها بلعت العافيه وطفيت السياره ودقيت على سطحه

للمعلوميه قبل شهر تقريبا قايلي احد عمال الورشه ان الصليب الخلفي يبي له تغير

وانا داري ان السبب منه بعد ماسآلت كم واحد وخليته يشوف الموتر

الحين خلصنا منها ذي .. وياليت تصححون اذا خطآ علي وعلى الورشات ؟؟؟ هل هالكلام صحيح ؟؟

الشي الثاني والاهم

القير والدفرنس !!

تتوقعون جاهم شي ؟؟ واحد يقول انفرط القير والثاني يقول ممكن دفرنس و و و الخ

قلت بوقفه بالورشه واجيهم بكرا الصبح اجل

وش رايكم يا اخوان ؟

وبسآلكم بكم سعر العمود تقريبا ؟؟

وانا بالقصيم تخبرون لي تشاليح او عامود كردان مستعمل ؟؟

افيدونا جزاكم الله خير .. سيارتي لها فتره واقفه وخايف يجيها شي

سيارتي سوبربان 2005 بدون دبل حجم 1500
بوعبدالعزيز84
10/01/2012, 07:57 AM
وعليكم السلام ورحمة الله

في البداية خذ عمود من التشليح وقبل لاتركبه غير له صليبات اللي ورا واللي قدام وبعد ماتركب العمود شيك على زيت القير اذا ناقص زوده وبعدها جرب الموتر اذا في مشكله في القير بتعرف بعد التجربة وان شاء الله القير مافيه الا العافية ولا تستهين بموضوع الصليب خصوصا ان قيمته ما تسوا
ابوماجد-1
10/01/2012, 08:22 AM
اولاً الف حمد لله على سلامتك

وموضوعك سهل ان شاء الله انا حصلت معي ونفس طريقتك وسوبربان بعد ونفس حركتك

يوم جيت ارجع القير للبارك طلع صوت تأكل حديد وطفيت السياره ورجعت القير

توضيح لصوت التأكل هو ان القير يدور مع الماكينه وسبب دورانه عدم وجود العمود

الامر سهل اخوي مثل ماقال لك اخونا بوعبدالعزيز عمود من التشليح وركب صليبات جديده

وللمعلومه يمكن قيمة العمود تتراوح بين 150 ريال الى 300 ريال سعر تقريبي
فرفور بريده
10/01/2012, 10:51 AM
ايه الحمد لله رخيص بالتشليح ولقيت واحد حق يوكن ب 600 ريال

بس مايركب على السوبربان للاسف هل هذا صحيح ؟

والحمد لله طمنتي يابو ماجد

الحين ندور عمود ويارب نلقى .. وسعره بالوكاله بـ 3600 وكسور كامل مع الصلبان للافاده .. بالجميح

وحسبي الله عليهم على هالغلا .. راس مالها صاجه حديد
فرفور بريده
10/01/2012, 11:19 PM
يا اخوان ممكن احد يفيدنا بخصوص العامود
ص ب ق
13/01/2012, 03:17 AM
تشاليح الحاير مليانه على 400 و300 و500
اشتر مسامير وهلالات وصليب جديد قبل تركب العامود

وغير صوفت القير الخلفيه
BLA6K
13/01/2012, 02:20 PM
أخوي إذا أنت بالرياض رح للصناعية القديمة واسأل وين محلات العمدان ويعطيك عليه ضمان 15 يوم إلى شهر
واذا تبي تاخذه تشليح قبل تركبه خذه للمخرطه يشوف لك العمود هل هو مرصص أو فيه رجه
فرفور بريده
13/01/2012, 03:14 PM
انا المشكله من القصيم

والموتر واقف عند الورشه ينتظر العامود

طيب وش الفرق بين العرموطه الصغيره والكبيره

لاني لقيت كم واحد وبلشت مدري وش الفرق بينهم واخاف اخذ واحد ولا يركب

وارجع ارجعه وابدل او ادور ,, قروشه ابيها مره وحده

وجزاكم الله خير , وجمعه مباركه علينا وعليكم
فرفور بريده
13/01/2012, 03:16 PM
تشاليح الحاير مليانه على 400 و300 و500
اشتر مسامير وهلالات وصليب جديد قبل تركب العامود

وغير صوفت القير الخلفيه



اخوي مسامير وهلالات ايش ؟

اما الباقي فهذا شي ضروري
فرفور بريده
13/01/2012, 11:41 PM
وييييييييينكم

؟
AxR979
14/01/2012, 12:41 AM
انا باروح الاسبوع الجاي للحايراذا تبي دورت لك واحد
فرفور بريده
14/01/2012, 12:55 AM
طيب بسآلك وش الفرق بين العرموطه الصغيره

والعرموطه الكبيره

لاني لقيت اكثر من 6 .. بس يقولون لي تبي ابو عرموطه صغيره ولا كبيره

وانا مدري وش المناسب لسيارتي
فرفور بريده
14/01/2012, 01:42 AM
وينك AxR979

لاني طالع الصبح ان شاء الله
فرفور بريده
14/01/2012, 06:27 AM
رررررررررررررفع

:(