استشاره لاعدمتكم بالأرض اللي غرب العويد

[جزاء الشمري]

السلام عليكم ورحمة الله وبركاته
ياأخوان ودي بالأجازة اللي بعد أيام أتمشى بالأرض اللي غرب وغرب شمال العويد اللي تقع غرب مدينة حائل ب200 كلم لكن ماعرف وشيء الأرض وتضاريسها وهل فيه هجر او قرى وهل تكفي توانك البنزين لقطع الطريق وكم المسافة بين العويد وطريق الجوف تبوك. السياره جيب شاص ..... توجيهاتكم لاعدمتكم .


http://im10.gulfup.com/2012-01-10/1326222059921.jpg

[صالح الغفيلي]

حياك الله وماشاء الله اختيارك طيب في ارض طيبه في الشعاب والهضاب حبران والمسمى وعرنان وام الارسان والمحجه وفيها غيران واشكال فريدة وعجيبه والنفود على كيفك والبنزين موفر والقرى عامره بقالات ومستلزمات ومياة عذبة مجانيه واقرب طريق تتجه من طريق جبه حائل طبعا القديم وقبل حائل ب40 قريه اسمها السفن من قبلها بكيلو مفرق يتجه يمين الى الحفير استمر معه وفيه قريه اسمها توارن من عندها ردميه لشعيب توارن وفيها اوديه وهضاب حلوة اذا ودك تتمشى والا استمر مع خطك الين يجيك مفرق على يسارك قبل تطلع النفود يوصلك لموقق ومن موقق تتجه يمين فيه خط مختصر الى قرية الحطي ومنها الى الاسفلت المتجه للعويد من طريق حائل العلا واذاكان قصدك تتطلع مع النفود فشوري عليك لاتغامر وانت سيارة وحده ولاتعرف الطريق حتى لومعك شاصي
والان فيه شركه تقوم بتنفيذالطريق من قرية ساحوت الى تيماء وحدد طلبك وحنا في الخدمه

[جزاء الشمري]

أخوي المرير لاهنت وبيض الله وجهك يالطيب ..... كم المسافة من العويد لخط الجوف تبوك قطوع ؟
وأين ينتهي النفود غرب ؟

[صالح الغفيلي]

حياك الله والمسافة قطوع تقريبا 55كم من حبران الى جبه لكن لاتنس وصيتي وتغامر بعمرك وليكن فيمن سبقك عبره والنفود غربا ينتهي بالخنفه شمال تيماء حفظك الله ورعاك

[محطم عنيد]

والله ياخوي مالي خبرة بذيك الديار


لكن نصيحة اخ لاخوه

خلك مع الخطوط الرسمية ان شاء الله زادات عشرين ساعة اهم شي السلامة

لا تغامر ارجوك

[شاي اخضر]

لا بد لك من رفقه وسياره وحده في ارض ماتعرفها خطاااااا

الروح غاليه وانا اخوك

والله يسهل دربك

[جزاء الشمري]

حياك الله والمسافة قطوع تقريبا 55كم من حبران الى جبه لكن لاتنس وصيتي وتغامر بعمرك وليكن فيمن سبقك عبره والنفود غربا ينتهي بالخنفه شمال تيماء حفظك الله ورعاك


أخي المرير
لاأريد الأتجاه شرق شمال ولاأريد جبه .... أنا قصدي بالأتجاه قطوع صوب جهة الشمال الغربي . كل الشكر الجزيل لحسن تجاوبك ونصائحك الأخوية وبيض الله وجهك .

[جزاء الشمري]

والله ياخوي مالي خبرة بذيك الديار


لكن نصيحة اخ لاخوه

خلك مع الخطوط الرسمية ان شاء الله زادات عشرين ساعة اهم شي السلامة

لا تغامر ارجوك

الأخ محطم عنيد
هلا وغلا فيك أنا قصدي من هالرحلة معرفة الأرض والمعالم .... والحمدلله آخذ بعد رعاية الله سبحانه وتعالى كافة الأحتياطات اللازمة .وجزاك الله كل خير وبيض الله وجهك على نصيحتك الأخوية ولاحرمك الله الأجر .

[ابوعبدالله 2005]

الله يحفظك اخي الكريم و مثل ما يوصى على اخذ الاحتياطات إن شاء الله لكن يذكر بها
الا ما ودك بخوي يا ابو يوسف :good2:

[جزاء الشمري]

لا بد لك من رفقه وسياره وحده في ارض ماتعرفها خطاااااا

الروح غاليه وانا اخوك

والله يسهل دربك

هلا وغلا فيك اخوي ونصيحتك على عيني وراسي وبيض الله وجهك

[جزاء الشمري]

الله يحفظك اخي الكريم و مثل ما يوصى على اخذ الاحتياطات إن شاء الله لكن يذكر بها
الا ما ودك بخوي يا ابو يوسف :good2:

هلا مليار ببو عبدالله ونصايحك على عيني وراسي وخوة مثلك وشرواك تنشرى

[ابوعبدالله 2005]

هلا مليار ببو عبدالله ونصايحك على عيني وراسي وخوة مثلك وشرواك تنشرى



يا جعلك سالم انت و من تحب
و والله ان معرفتك انت و الربع اللي عندك شرف ومكسب جعلي ما اعدمك
وحنا لخوتكم نسوق البشاير