اريد افتح محل للادوات وعدد الرحلات

[كشات خاص]

بسم الله الرحمن الرحيم

ماهي الشروط
فتح السجل او رخصة البلدية
ماهي اشهر المحلات التي تبيع بالجمله حتى يكون في تعامل معها على طول

مشورتكم يااخوان حتى نستفيد منها

[شمالات نجد]

بالنسبة للجمله والله ما اعرف لكن عندي نصيحتين

عليك بالموقع الطيب

واقنع بالربح القليل تبيع كثير ودام السيوله تحرك صدقني انت ربحان بعد توفيق الله

وفقك الله والجميع

[ولد وايل]

اهم شي الخياط

وتبي جمله ابشر باللي يدلك

كلمني ومالك هم

اذا موقعك الرياض

[تناهيت]

قبل البحث عن الموردين وفتح السجل وشروطه لأنها أسهل خطوة
عليك بدراسة احتياجات السوق والمنتجات المطلوبة من قبل المكشاتي والتخصص بها فكما تعلم أن عالم الرحلات بحر
وحاول تستفيد من تجارب المحلات المستجده في السوق لتختصر عليك الوقت وتتفادى الأخطاء والعقبات اللي واجهتهم ولاتنظر للمحلات الكبرى اللي لها اسم في السوق حتى لاتحبط في بداياتك حاول تكسبهم في البدايه حتى يشتد عودك وتجاريهم ...

اسأل الله ان يوفقكم لما فيه الخير

تحياتي

[الد ر ع]

الله يوفقك وللرفع

[Mekshaati@]

اهم شي أحرص على العدد والأدوات الأصلية والربح المعقول

والله يوفقنا وإياك وكل مسلم .

[أبو هشام راشد]

التنوع والجودة احرص عليهما يبحث عنك الزبون
واتمنى لك التوفيق وأن يكون محلك حولنا مهوب بعيد :)

[ولد روووق]

ان شاء الله نشتري من عندك برخيص

[NOYEB]

موفق ياكشات

[فتى ظبيان]

الله يبارك خطاك ويوفقك
انا حاولت فتح محل ولكن هناك اشكالية
الموقع وكثرة الناس والمواسم
لاحظ معاي 1500 ريال راتب العامل و 1500 ريال آجار المحل وغير النثريات الباقية خلينا نقول 40000 ريال مصروفات سنوية من غير الادوات
سؤالي ماهي الادوات اللتي سوف تبيعها وتعطيك مكاسب تفوق المصروفات
بمعنى آخر هل مبيعاتك ستتعدى ال 40000 ريال ؟؟؟؟؟؟؟؟
راح تتخطى هذه الامور اذا توكلت على الله واذا اشرفت على المحل بنفسك من غير عامل وحرصت على التنويع اللي يفيد الناس في كل الاحوال
مثلا لا تقتصر مبيعاتك على العدد والرحلات اهتم بامور السلامة واحتياطاتها للسيارات امور الشتا وامور الصيف
حلول الماء والكهرباء ادوات الصيد واهتم بالعروووض الحقيقية واهتم بالدعاية والمشاركة في المناسبات
المساحة الكافية للمحل شي ضروري لزيادة المنتوجات ومو شرط تستاجر وسط البلد روووح للبعيد والهواوية بيجوك
الاسم التجاري الممتاز اللي له طنة ورنة وعطنا عناوينك
انتظر جديدك وبالتوفيق

[خالد المناور]

الله يوفقك لابد انك تاخذ خطوه للامام لكي ينكسر عندك حاجز الخوف
بالتوفيق

[بربنجي]

ابحث عن تجارب الاخرين بمكشات وغيره من المواقع
واستفيد منها من خبراتها
وعليك ما فيه شك بالموقع الزين القريب من الاحياء عموما او في موقع وعلى طريق تكثر الكشاته عليه
وعليك وحاجه مهمه انك تجيب البضاعة الاصلية اذا كنت تبي اسم طيب بالسوق باذن الله
والاسعار المعقولة رايح تخليك تبيع اكثر
الله يوفقك ويرعاك

[ابوعبدالرحمن.]

بالتوفيق ان شاء الله .

[«نجم الخير»]

شف الاصلي غالي ومرغوب من 5% والصيني من كل الدرجات مثل بضاعة السنيدي مرغوبه 95%
في كل المحلات تحصل بضاعة السنيدي مكدسه عندهم ويقولون حنا اهل الاصلي خلك مثلهم جب من الاصلي السنيدي
وترزق الله وبين البايع والشاري يفتح الله

[js.t]

الله يوفقك ويرزقك

ارسل لي رقمك على الخاص

[ابورايف]

فكره رائعه وموفقه
لكن عليك بأختيار المكان المناسب
وكذلك أنصحك بجوده الأدوات لأن أغلب الكشاته يقتني الشي الأصلي والجيد
أتمنى لكم التوفيق

[js.t]

ارسل لي رقمك على الخاص

الله يوفقك ويسمح امرك

[عبدالله العامر3141]

مشكوررررررررررررررررر

[تميم2222]

الله يوفقك

[خالد5566]

التنوع والجودة احرص عليهما يبحث عنك الزبون
ودايم احرص على الأبتكرات لوماتعرف عنها اقتبس من الأخرين
واتمنى لك التوفيق تحياتي لك اخي العزيز
وشكراااا

[محلات الكشاتة]

ياهلابك والله
ومحلات الكشاتة تحت الخدمه
يمكنك المرور والاطلاع على منتجاتنا
والله يوفقك ويحييك

[طلااالي]

الله يوفقك في تجارتك

انصحك تفتح بقالة ومن بعدها نوع بالانشطة

[abdullah-337]

الصدق ادوات الرحلات اشوفها موشي ماتوقع فيها مكسب
ودي تضيف على فكرة مشروعك ورشه لتجهيز السيارات وخياط وكهربائي ولحام وحاول تبدع بابتكار ادوات جديدة علشان تنجح ولا تعتمد على الادوات الموجوده وبس

وانشاء الله ربي يرزقك

[الشقردي 205]

إخوي إذا توكلت على الله ونويت تفتح جب بضاعتك كلها من السنيدي ..


السنيدي شركة معروفه ولها سمعتها وبضاعتها معروفه عند كل الكشاته والهواوية لها اسمها ..


وانت افتح محل كبير وجب بضايع من السنيدي ونوعها ووفر كل حاجات المقانيص والهواوية والمكاشيت ..




والسنيدي اسعاره مناسبه ..




واسأل الله لي ولك الرزق والتوفيق اللهم امين ..

[حب لاينتهي]

الله يوفقك

[وحيد الليل404]

الله يوفقك ويرزقك

[دانة السنام]

الله يوفقك اهم شئ تتميز بشئ معين وحاول تسوي فكره خاصه في محلك تجذب الزبائن لمحلك واللي جاي للمحل عشان هالميزه راح يأخذ احتياجه للأغراض الاخرى اللي موجوده في كل محل بس المحل جذبه بسبب الميزه اللي قلت لك