ياحروف اللغز هيا برّكِن ,,,,,,,,,,,,,,,,,,,,,,الحل عقدة الشماغ ,,,حله ابو ذيبان

[ابو ماجد 2]

بسم الله الرحمن الرحيم


السلام عليكم ورحمة الله وبركاته


ياحروف اللغز هيا برّكِن=من ظهر وضعه نشازٍ نزدريه
اظهرن وضحٍ على اللي يستكن=يبتهج بالغطو لامنّه قريه
وش فتاةٍ له مقرٍ في ركن=نبهت غافل عن اللي يحتريه
هي عمل من هو لغايتها تكن=حاسبٍ لحساب سجه تعتريه


مع تحيات محبكم ابو ماجد


منتديات مكشات 0 خيمة الالغاز

[عساف الضاري]

وعليك السلام ورحمة الله وبركاته
صح لسانك يازعيم وصبحك الله بالخير يابوماجد
لغز جزل من جزل
هذا لغز مغمي تخصص الهرش الشيخ و عصام الله يذكرهم بالخير
احترامي وتقديري لك

[بدوي]

صح السانك يا زعيم
صباحك عسل ومطر
رمعه صباحيه لك عليها
الساعة المنبه" الخراشه "

[ابوالفهد33]

صح لسانك


لوحة التحذير على الطرق

أو

إشارة الفلشر

[ابو ماجد 2]

وعليك السلام ورحمة الله وبركاته
صح لسانك يازعيم وصبحك الله بالخير يابوماجد
لغز جزل من جزل
هذا لغز مغمي تخصص الهرش الشيخ و عصام الله يذكرهم بالخير
احترامي وتقديري لك

هلا بك يالغالي
مرورك تشريف لي وقولتك الشيخ الهرش اثلجت صدري
وعصام الله يسمعنا عنه مايسر
ماقصروا الربع الكل يتصل ولكن لايرد لعل المانع خير
هلا بك يالغلا وتلميح ذكي صح لسانك

[ابو ماجد 2]

صح السانك يا زعيم

صباحك عسل ومطر
رمعه صباحيه لك عليها

الساعة المنبه" الخراشه "


صح بدنك اخوي بدوي
وصبحك الله بالخير
الرمعه ماصادت المرماع
انتظر القادم

[ابو ماجد 2]

صح لسانك



لوحة التحذير على الطرق


أو



إشارة الفلشر


هلا بالمتألق
صح بدنك يالغالي
الرمعه مالك لوى وان لم تكن شايب او مطلع على علوم الشيبان ماظن تعرفه

تحيتي لك وتقديري

[ال-رايق]

وعليكم السلام ورحمة الله وبركاته
وصباح النور والسرور لك وللاخوان
خفيف اعتقد انه من نبع الاحساس اولا ’’ ومن خبرة ابو ماجد في مجالس الرجال ولا يصغرون القراء
:::::::::
وش رايك باللي يقول ليت رقبتي رقبة نعامة يمديني على الكلمة العوجا اردها:D:good2:
وارمع وقول:-
__________الركادة__________
وسلامتك

[ابوذيبان]

صح الله السانك اخي الفارس ’ اباماجد

رمعة ع السريع

عقدة الشماغ تضعها الام على شماغ الابن لكي لاينسى الوصية او الامر الصادر منها

نسع منك زعيمنا

[أبو رافع الظاعن]

صح لسانك زعيمنا...

يمكن العقدة التي بطرف الغترة ؟

[ابو ماجد 2]

وعليكم السلام ورحمة الله وبركاته

وصباح النور والسرور لك وللاخوان
خفيف اعتقد انه من نبع الاحساس اولا ’’ ومن خبرة ابو ماجد في مجالس الرجال ولا يصغرون القراء
:::::::::
وش رايك باللي يقول ليت رقبتي رقبة نعامة يمديني على الكلمة العوجا اردها:D:good2:
وارمع وقول:-
__________الركادة__________

وسلامتك


هلا بك يابو مهند
هلا بالمبدع رماع ولغاز زادك الله من فضله
ودي اتجرأ واسأل سؤال ارمادجي وش معناها وكيف اتتك
الرمعه ماصابت يالغالي

[torrjom]

صح السانك ياابوماجد


ورمعه سفري


ممكن عقدة الشماغ مع الطرف


للتذكير


اسف لم انتبه لرمعة اخونا ابورافع

اعتبرني مؤيد وبقوه


كل الووووووووووووود

[ابو ماجد 2]

صح الله السانك اخي الفارس ’ اباماجد

رمعة ع السريع

عقدة الشماغ تضعها الام على شماغ الابن لكي لاينسى الوصية او الامر الصادر منها

نسع منك زعيمنا

هلا بذيبان ابو ذيبان
صح بدنك وصح لسانك ملايين
ذكيته واحسنت التذكاة
لله درك
نعم
عقدة الشماغ
وكان بالسابق راع السجه اذا كان له موعد يعقد طرف شماغه لينتبه لموعده
ولكن بعضهم حتى بعد عقدة الشماغ يضيع من شان ايش عاقده وهؤلاء من نوعية اخوي الهيل
بيض الله وجهك يالغالي

[ابو ماجد 2]

صح لسانك زعيمنا...





يمكن العقدة التي بطرف الغترة ؟


هلا بك عميدنا
الله يبارك بهاللغز اللي شرفتنا فيه
لك غيبه ومثلك نفتقده
لاتباعد يالغالي ترى هالمنتدى هاليومين يشهد تألق بفضل الله ثم بفضل زملاء غالين انضموا للسابقين واضفوا ابداع على ابداع
صح لسانك انت وابو ذيبان

[ابوذيبان]

يازعيم(ن) في التخصص بالوطن=ان نظم لغزه جموع(ن)تشتريه
البضاعة نادرة والفن فن=فنه اصلي موهبة مايفتريه
الرميعة سقتها لو اختـفن=المعالم في غطو هيا احضريه
بس طلع صورة عجوز(ن)من زمن=تحزم العقدة على غترة بريه

بما ان اللغز عن عمل قديم اوردت اسم ابراهيم بصيغته القديمة ’بريه’

[ابو ماجد 2]

صح السانك ياابوماجد



ورمعه سفري


ممكن عقدة الشماغ مع الطرف


للتذكير



اسف لم انتبه لرمعة اخونا ابورافع


اعتبرني مؤيد وبقوه



كل الووووووووووووود


صح بدنك وصح لسانك يابو عبدالعزيز
وبيض الله وجهك انت وابو ذيبان وابا رافع

[ال-رايق]

هلا بك يابو مهند
هلا بالمبدع رماع ولغاز زادك الله من فضله
ودي اتجرأ واسأل سؤال ارمادجي وش معناها وكيف اتتك
الرمعه ماصابت يالغالي





حياك الله وابقاك
((ارمادجي الله يسلمك انا عضو في رابطة ملاك سيارات الارمادا(نيسان) يعني راع الارمادا والارمادا بالانجليزي معناها الاسطول .. واول اسبوع شريتها صار فيها لخبطة قلت مابه الا الله ثم مكشات يوم طلبوا اسم المعرف قلت عطهمياه موتري موقف ولا هي لحية مراواة وتريّض))وسلامتك.

[ابو ماجد 2]

يازعيم(ن) في التخصص بالوطن=ان نظم لغزه جموع(ن)تشتريه
البضاعة نادرة والفن فن=فنه اصلي موهبة مايفتريه
الرميعة سقتها لو اختـفن=المعالم في غطو هيا احضريه
بس طلع صورة عجوز(ن)من زمن=تحزم العقدة على غترة بريه

بما ان اللغز عن عمل قديم اوردت اسم ابراهيم بصيغته القديمة ’بريه’

ياحبي لك
ابيات فاقت اللغز عندك تمكن مبهر الله يزيدك من فضله
لله درك
دائما مبدع

[ابوذيبان]

ياحبي لك

ابيات فاقت اللغز عندك تمكن مبهر الله يزيدك من فضله
لله درك
دائما مبدع


حبك الله يازعيم

شاكر تلطفك وثنائك ياغالي

وصح الله ابدانك وسلم بنانك

دمت متألقا