طرمبة زيت البليزر.فزعتكم يالربع

[خنشلية]

اسعد الله صباحكم على هالجو الجميل والله يجيب الامطار والخير. عندي بليزر 2005 وامبير الزيت له فترة ينزل فجأة بعدين تطلع اشارة اطفئ المحرك وشوي يرجع طبيعي واكمل. المهم مالكم بالطويلة من امس اذا شغلت تجلس لمبة الزيت فترة كذا بعدين تطفى على غير العاده طبعا. والمكينة صراحة متغير صوتها غير انها سخنت وفوّر الماء على ان الجو بارد؟؟ وش تتوقعون المشكله طرمبة زيت؟ طيب تتصلح ولا لازم تغيير وكم تكلف؟ ووش المشكله لو ماصلحتها؟ الله يجزاكم الف خير

[كبسولة2]

تفضل هنا أخي الكريم

http://www.mekshat.com/vb/showthread.php?t=460612

[خنشلية]

رحم الله والديك امين

[خنشلية]

تفضل هنا أخي الكريم

http://www.mekshat.com/vb/showthread.php?t=460612

اخوي كبسولة جربت كل اللي قلت. غيرت زيت وسيفون قبل اسبوع وامس غيرت حساس طرمبة الزيت. مافيه فائدة المكينه فيها صوت ولمبة الزيت مازالت تتاخر ماتطفى اول مااشغل. وبيني وبينك خايف تخبط المكينة

[قمة افرست]

اخوي دام الي ذكرت غيرته
حساس ومتاكد من الزيت والسيفون
لازم على طول تروح ورشة وتتاكد مرة اخرى اوتغير طرمبة اضمن واامن لاتاخر التصليح
قبل تخرب المكينة وتكلفك 10الاف

[الوقيدي]

السلام عليكم : عند أخي بليزردبل 2004 استخدام امريكي حصل معه ان انبير الزيت مره يرتفع ومره ينزل وتغير صوت الماكينه .والسبب ان السيارات الامريكيه لايغيرون الزيت بل زياده فقط الحاصل ان هذه الترسبات تحةلت الى تراب قام مع الوقت بتسكير شخال طرمبه الزيت فأصبحت الطرمبه لاتسحب زيت . الحل اذا سيارتك غير دبل ففك الماكينه من تحت اسهل واوفر وتصليح الطرمبه من تحت فقط . قيمه طرمبه الزيت ب650 ريال . لكن يجب التأكد بعد الفك من السبب 1- شخال طرمبه الزيت يحتاج فقط الى تنظيف .
2- سيله الطرمبه وجهه مدور فيه تهريب يحتاج تغير .
3- التأكد من عمل الطرمبه هل تشفط زيت ام لا اختبار خارجي لهابعد الفك .
الى اللقاء