الطير مايرتفع

[majeed 11]

مثل ماهو مبين بالعنوان الطير مايرتفع وش السبب للمعلومه لياقته زفت

[القصير111]

أول شي لايكون الطير تفريخ ؟

أنا شريت وكري فرخ وقال راعيه الأول الطير مايرتفع

ولقيت الطير ضعيف . أول شي رفعت صنعة الطير
وخليته تمام وطمعته في الحمام الضعيف حتى يوم هديته على حمامه قويه شوي ومنع عنها وبرقعته وأمسى بدون عشاء

ثاني يوم صار مايترك الحمامة لو هي في النجوم

أما بالنسبة للطير القرناس بعد مايطلع من الربطة لازم تحوم الطير كل فتره وتعطيه بعدها علف مثل الجناح يتعب وهو يعلف حتى يطلع مع خشمه مثل الماء

وكذا مره يصير الطير مايحتاج

[جبل علي]

حاول تلزق راس االحمامه بلزاق وتفتحه من فوق يعني بشكل دائري وهد الحمامه لانها تشوف بس من فوق وتبي الضوء وترتفع ، وشوف الارتفاع المطلوب وهد عليها

[اسلي نفسي]

افادوك الاخوان ما قصروا

[سطام ابو سعود]

انتبه من الكياس الهوائيه تراء طيرها ما يرتفع

[مرقاب الدمام]

الربع افادوك بس انتبه يمكن عنده إلتهاب في الاكياس الهوائية أو مرض الكوكسيديا أو بعض الفطريات التي تأتي في حلق الطير وتمنعه من الارتفاع

[استاذ]

أخوي
عندك 3 حلول
1- أفحص الطير لا يكون فيه كياس هوائية
2- أشتري طيارة ورتفع شوي شوي
3- حراج 1 حراج 2 وقف أكرشه

[جلاد الحباري]

اكثر من حاجه اذا كان تفريخ بعضها مايرتفع والشئ الاخر الكوكسيديا ماتخلي الطير يرتفع وايضا المدهنه نفس الطريقة ماتخلي الطير يشهر فوق اي بمعنى مايعقرب ولايرجع بسهوله وياخذ لفه كبيرة حتى يرجع لك او احتمال اخر يكون ضعيف شيك على اللي ذكرت اكيد انه واحد منهن يكون صحيح تقبل تحياتي

[الصحافة 15]

طيب يالربع وش الحل أذا كان في الطير ألتهاب في الإكياس الهوائية

[majeed 11]

الطير مافيه شي ابد بس وزنه ١٠٨٠ طوله وعرضه ١٧

[الحرسحاب]

شف وانا أخوك والله طيري نفس مقاس طيرك وزنه ١٠٣٠ صراحه ما فكله حمام الا قليل ويلعب على الملواح لعب زين مره يجيب ٥٠ ومره ٧٠ ومره ٨٠ لكن جناحه رخو ماهي ذيك الشده اللي انت تبي وصراحه ما توقعت ان فيه ملوع وديته للمستشفى قال طيرك لاعبتن فيه الملوع لعب وعطاني عشر حبات للملوع كل يوم حبه قبل العلف والحمد لله تغير ١٨٠ درجه اتمنى أني افدتك

[majeed 11]

انا طيري مافيه لاملوع ولاكسسور

[الحمش1]

اشـوف
1080 صنيع وخاصه بالشبط لازم تنزله ولا بيتنكر عليك نزل وزنه خله 900 واذا مافاد نزله بعد على 880

[majeed 11]

الحين ١٠٠٠ وشرايك انقص

[ربع نت]

اخوي 1000 اشوفها كثير عليه خله 950 وشف بس انتبه ليكون فيه اتهاب بالاكياس الهوائيه او التهاب رئه او ديدان رئه افحصه قبل
وشف اجذبه من بعيد لبين يجيك من مسافة وحاول توزن علفه بحيث لا يزيد ولا ينقص وزنه

[majeed 11]

الطير مافيه شي ابد فاحصه مرتين

[الحمش1]

وش صار مع الطير ؟؟

1000 صنيع نزله خله على ال900

[majeed 11]

اليوم خليته الف وهديته وارتفع طول ماصورة كهرب

[ربع نت]

طيرك يبيله تنزيل عن الالف واغلب له الحمام لا تفك له شيي قوي يفشله اغلبله لين ينطلق جناح الطير وبعدها قو الحمام شوي شوي
او اربط حمامه فالشلو ولا عبه اليوم عطه عشر وبكره زدها ثنتين لين تشوف الطير بيوقع كل يوم زد فالعدد وعطه قبل يوقع لين يطق معك فوق الاربعين واذا تعد الاربعين فك له حمام وبعدها شف طيرك وشلون بيتغير

[fdfd_2002]

بشر لقيت حل لطيرك او لا